!|[ ذكريات ميونخ Munich صيف 2009.. صور صور صور ]|!

[الغر الحشيم]

مرحباا


كيفكوون صبايا وحريم ؟


اليوم حبيت اراويكن صور ذكرياتنا الحلوة في ميونخ صيف 2009


طبعاً الموضوع مب تقرير سياحي بس فرفرشه و مقتطفات صور من هنيه وهناك ^_*


كنت مصوره واايد صور بس للأسف اخترب لابتوبي الثاني و سويتله فورمات و رااحت الصور .. المهم حصلت بعض الصور في هاللاب و قلت يالله ماعليه شيء احسن من لا شيء


رحلتنا كانت لمدة شهرين من شهر 6 إلى شهر 8 و كانت من احلى السفرات في حياتي لني اتعرفت على بنات عسسل فديتهن من المنتدى وظهرنا مع بعض و سهرنا و استانسنا و قضينا أيام حلوة .. الله يذكرهن بالخير اتولهت عليهن =)


في البداية هالصور من الطيارة قبل الهبوط في مطار ميونخ :


















و الحين بنشوف الاجواء الممطرة من دريشة شقتنا .. كان الجو بااررد بس برودة حلوة و المطر يرد الرووح












و هذي القطارات الخارجية في محطة الهوفبانهوف و اللي كنا نطلع فيها في رحلاتنا خارج ميونخ









و بنشوف بعض المناظر الطبيعية الخلابة في الأرياف و القرى في اقليم بافاريا بالقرب من ميونخ

المزيد من آخر المواضيع من نفس القسم:

• بسافر لكن ،.........
• رحلة ^الدماني^ إلى عالم والت ديزني -...
• سكن فى كولون ارجوكن
• كافيه الكورن فليكس Cereal Killer Cafe في لندن
• رحلة الي إيطاليا
• رحـــلتنــا عــبــر الخــطــوط البـــريــة...
• رحلة ^الدماني^ الساحرة إلى مراكش الحمراء
• رحلتي الى ارض الجمال اوربا من 7 الى 28 /8...
• رحلتي إلـــى ماليزيــــا ( الرقم١ ) شعارها
• رحلة راهيه دوم الى نيويورك أرض الحرية :)

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الغر الحشيم]

تابع المناظر الطبيعية في أرياف و قرى بافاريا ..





















صور الزحلاقية الصيفية في باد تولز Bad Tolz اللي تبعد 52 كيلو عن ميونخ ..


اذا بتسيرونها بالقطار لازم توصلون لين باد تولز و هناك تاخذون الباص من محطة الباصات خلف محطة القطارات و يوصلكم لين الزحلاقية لأنها برع باد تولز بس ما اذكر كم رقم الباص .. عموماً اسئلوا عنها من توصلون باد تولز و بيخبرونكم


قولولهم تبغون تسيرون Blom Berg Bahn











الصراحة المكان رووووعة و الزحلاقية وناااسة ما بتشبعون منها لوول

















هالكرسي صارلي موقف ظريف و محرج وياه هع

اختكم غرغوره شاده حيلها و ياايه ترركض من بعيد بتيلس على الكرسي

و اول ما يلست هووووب ما سمعت الا صوت الطيحة لأن الكرسي كان مكسور و عاد ما اخبركم انواع الاحراج و الفشله والناس كلهم يطالعوني ويضحكون هههههههههههه





حبيتها هالنبته على شكل قلب ^.^

[الغر الحشيم]

تــــابع صور الزحلاقية الصيفية في باد تولز ..





المكان فيه مطعم و كافيه صغير مثل ما تشوفون في الصورة ^.^





و بعد منطقة ألعاب للأطفال + ألعاب الكترونية بسيطة





و في بعد مكان لإطعام السناجب في القفص ..

واايد استانسوا عليهم اليهال واظني عطوهم أكل لين سنة جدام لوول







هذي ايدين اخويه مب انا ^^





عصير سلاش باااررد مثلج يمي يمي لذييذ





و آخر صورة و نحن طالعين من الزحلاقية عند الشارع





انا سرت هالزحلاقية أكثر عن مره و كل مره ويا حد ..

المهم مره كنا سايرين ويا عيال عمتي و ركبنا التلفريك كلنا و اتزحلقنا و استانسنا و خلصنا

بس نحن البنات ما نشبع من اللعب و قلنا بنلعب مره ثانية ويا اخويه الصغير و الجو كان مغيم و قالولنا لا تسيرون لأن الزحلاقية ما يشغلونها في المطر بس ما سمعنا الكلام و قلنا ان شاء الله ما بتمطر لين ما نوصل ..

و من تحركنا بالتلفريك زادت الغيوم و الدنيا استوت سودا و التلفريك يدخل بين الغابات و بدا يصب المطر بشكل يخوف و التلفريك مكشوف و نحن مب شالين ويانا مظلات من ذكائنا لول

اتخرسنا بكبرنا و الجو بااررد و يوم وصلنا عند الزحلاقية اتوهقنا لأنهم ما بيشغلونها و تمينا تقريباَ نص ساعة وموبايلاتنا كلها تحت و آخر شي اضطرينا نرجع بالتلفريك بس لازم نكمل لين فوق آخر القمة و نرجع بالتلفريك الثاني في المطر و البررد وكنا خايفين الصراحة لأن الدنيا ظلام و صوت الرعد يخوف .. و من وصلنا تحت يضحكون علينا و قطعونا اونه قلنالكم لا تسيرون هع

بس تبقى ذكريات حلوة ^.^


و الحين بنتمشى على النهر في مدينة باد تولز Bad Tolz الجميلة











في هاليوم كنا سايرين نتمشى في باد تولز ويا عيال عمي و دخلنا غاوصنا في النهر ويا اليهال لانه على مستوى الأرض و الماي كان باااااررد ثلج و استاانسنا وايد ^.^








انا كنت يالسه هنيه عند هالبنتين و اغاوص ريولي في الماي لول

[الغر الحشيم]

تابع صور من شوارع باد تولز ..








عيبتني طريقة مبانيهم و ألوانها =)






صور الغروب من دريشة شقتنا ..

انا من عشاق الغروب و احلى متعة عندي اني ايلس كل يوم عند الدريشة وقت الغروب و اتأمل ألوان السما خصوصاً ويا منظر الغيوم وااااو روعة سبحان الله















و بعد الغروب بنشوف اجواء المطر في المارين








و الــمفآجأة الحلوة الللي استانسنا عليها




بَرد (بفتح الباء) أو بردي في بعض اللهجات ^_*









صور من مهرجان الحديقة الأولومبية (اولمبيا بارك) و كان الجو مطر و بررد و ما قدرنا نلعب للأسف

[الغر الحشيم]

آخر صورة صورتها في شوارع ميونخ ونحن طالعين من الاولومبيا بارك .. كان آخر يوم لنا في ميونخ






صورة الحديقة القريبة من فندقنا ..

هالحديقة لها ذكريات خاصة في قلبي لأن كنا نسيرها كل يوم العصر انا وخواتي ورباعتي فديتهن ونيلس نسولف و اليهال يلعبون في الألعاب ^.^






و الحين بخبركم عن رحلتنا نحن البنات إلى حديقة سكاي لاين و أحلى ذكريااات لوول




* الصورة من النت للأمانة لني انشغلت في اللعب وما صورت وايد في الحديقة .



في يوم من الأيام الميونخيه ههههه كنا يالسين انا و خواتي و رباعتي و نسولف في شقتهم

و فجأه اقترحت عليهن نسير حديقة ملاهي سكاي لاين بالباجر و نحن كنا سايرينها قبل كم سنة ويا أهلنا بالسيارة ..

بس هالمرة غيير لأنها رحلة ويا قروب بنات و الحديقة برع ميونخ في قرية Bad Worishofen اللي تبعد 85 كيلو عن ميونخ و نحن قروب كبير تقريباً 10 بنات يعني لازم نسيرها بالقطار

قالولي انزين انتي اتدلين الحديقة ؟ يعني ما بنضيع ؟!

قلتلهم افاا عليكم الغر الحشيم مشرفة السياحة وياكم وتضيعون؟ ما يستوي --> دقيت الصدر

المهم خبرنا أهالينا وحصلنا على الموافقة الرسمية و جهزنا أغراضنا وثيابنا من فليل و كنا متحمسين لأن الحديقة فيها ألعاب شرات القرية العالمية ..

قمنا الصبح اتلبسنا و اتجهزنا و شلينا أغراضنا وطلعنا على محطة القطارات الرئيسية (هوفبانهوف)

قصينا التذاكر اول ما وصلنا و كان باقي وايد عن رحلة القطار عشان جيه سرنا سوينا شوبينغ ع السريع في محلات المحطة و بعدين اتفيزرنا في ستار بوكس اللي طلبت مافين واللي تشرب كابتشينو و انا طلبت فربتشينو و ضحك و سوالف يعني مكيفين ع الآخر ما شاء الله هههه

و فجأه شفت الساعة و انتبهت ان القطار بيتحرك الحين و قلتلهن يالله دهديييه ما بنلحق ! و كنا نركض في المحطة وأشكالنا تضحك لين ما وصلنا القطار على آخر لحظة لوول

اول ما ركبنا القطار كانت الصدمة الأولى ان القطار جدييم و كحيان ! و بس قلنا ماعليه المهم نوصل الحديقة و تمينا نضحك و نعلق و قلتلهن ماعليه نحن سايرين الاسكندرية الحين

بس الصدمة الثانية ان القطار ما ينزل دايركت عند الحديقة وانا ما كنت أعرف هالشي لني سايرتنها قبل بالسيارة *_*

المهم بدلنا القطار أكثر عن مره وكل ما يوقف القطار نسئل عن الحديقة وننزل من هالقطار ونركب القطار الثاني و نرركض عشان نلحق على القطار اللي بعده والعيايز اللي ويايه يتحرطمون لوول

لين ما وصلنا آخر محطة عند الحديقة و قلنا الحمدلله بنرتاح الحيين

بس الصدمة الثالثة والقوية ان المحطة مب عند الحديقة دايركت يعني لازم نمشي مسافة طوييلة في الحقول و المزارع لين ما نوصل الحديقة ههههههههههههههههه

و هالصور توضح الدرب اللي مشينا فيه و كانت ويانا عربانات اليهال يعني معاناه لول








اتذكرت نشيدة رسوم (لحن الحياة) مال الآنسة صفاء .. كنت واايد احبها :





في الدروب هيا نغني .. في المسارح والساحات .. في الحقول هيا نغني

ينطلق لحن الحياة .. هيا للأفق البعيد .. ننشد اللحن الجديد

فوق أسراب الغيوم .. نهدي أقمارا ونجوم

<-- متفيجه لاه ؟








اقتربنا شوي من بوابة الحديقة و الباركنات يعني هاانت








و أخيييراً وصلنا الحديقة بالسلامة و قصينا التذاكر و دخلنا بس كنت مرتبشه و متحمسه حق اللعب وما صورت بوابة الحديقة ولا صورت وايد في الحديقة لني كنت مصورتنها قبل كم سنة يوم سرناها ويا أهلنا ..


هالصورة من النت طالعه فيها الحديقة بشكل عام





و هذا برووك ولد ربيعتي فدييته عقلة الاصبع صغيروون ههههه

متفصخ و يلعب في الماي مستاانس




حياااتي امووووت فيه هالولد والله اتولهت عليه

[الغر الحشيم]

بعد ما وصلنا حديقة سكاي لاين تمينا نلعب في الألعاب وما خليت لعبة فخاطريه مع اني خوّافه لوول

بس ما صورت للأسف لني انشغلت في اللعب ويا البنات وما اتفيجت للتصوير

نظام الحديقة انكم تقطعون التذاكر عند الباب وتلعبون يوم كامل في الألعاب و كثر ما تبغون ^.^

اذا حصلت الصور الجديمة ان شاء الله بسويلكم تقرير خاص عن سكاي لاين ..

و الحين بروايكم بعض الصور من النت عشان تاخذون فكرة عنها وتعيشون الجو ويانا ^_*



























و هذي احلى لعبة لعبتها و صورتها للذكرى








عرفتووها ؟!

الكورة المعلقة في حبل بين برجين و شي شراتها في القرية العالمية بس اللي في سكاي لاين أطول بواايد ..

عمري ما اتخيلت اني بركبها بس يوم شفت البنات كلهن بيلعبونها قلت الموت مع الجماعة رحمة

كنت متردده و شجعوني رباعتي قالولي كلنا بنلعبها و نحن مجربينها ونااسة و بتندمين .. الخ

لين ما اتخذت القرار النهائي و وقفت وياهن في الطابور لول

طبعاً كل ثنتين مع بعض و يوم وصل دورنا انا وربيعتي كنت بشررد بس ما خلتني هههههه

يلسنا في الكورة و ربطونا و طبعاً شي كاميرا تصورنا بالفيديو و ينعرض في التلفزيون جدام اللي واقفين تحت عشان اذا حبينا نشتري الشريط بعدين

اول ما يلست قريت الادعية اللي حافظتنها كلها و ختمت القرآن من الخوف و كل شوي اسئل ربيعتي ما تخوف ؟ تقولي عادي ما تخوف بالعكس وناسة ..

غمضت عيوني وسميت بالرحمن وانطلقنا مره وحده شرات البرق وفتحت عيوني الا انا معلقه في السما والدنيا صغيرة من تحت

روووووعة الصراحة وناسة بس شعوري في هاللحظة حسيت اني ما احس و اتجمدت هههههههه

و نحن معلقين في السما تسئلني ربيعتي انتي بخير ؟ اقولها هيه بخير وانتي ؟ تقولي بخير و نضحك ونصارخ نفس الوقت لوول












بعد ما لعبنا و خلصنا سرنا نتغدا في مطاعم الحديقة

و كان اختيارنا بيتزا مارغريتا + بيتزا خضار لأن هالنوعين اللي مافيهم لحوم ويناسبونا نحن المسلمين =)

طلبنا الغدا و يلسنا نتغدا و نسولف و كان الجو روعة و اليهال يلعبون في الألعاب ..

بس ما صورت الأكل لني وقت الأكل انسى التصوير وكل شي --> لا تخافون تراني ضعيفونه لول

و بعدين وصلت الساعة 5 و قررنا نرجع البيت مع ذكرياتنا الحلوة و انتهى احلى يوم من أيام رحلتنا ^.^

بس الحمدلله يوم رجعنا كان القطار دايركت من الحديقة إلى ميونخ وما بدلنا ولا مره يعني ما تعبنا وايد

[الغر الحشيم]

و آخر بارت من موضوعي عن رحلتنا إلى بحيرة شترانبيرغ Starnberg See

هالبحيرة تبعد 30 كيلو عن ميونخ وممكن تسيرونها بقطارات الضواحي الـ S bahn

لازم تاخذون S6 بإتجاه محطة Tutzing و تنزلون في محطة Starnberg و بتكون البحيرة مجابله المحطة اول ما تطلعون ^_^

نحن سرناها ويا عمي كان ياي عندنا زيارة 3 أيام و بيرجع ..










الجو كان مغيم و باارد و رومانسي مثل ما تشوفون في الصور ^_*







بعض المطاعم والكافيهات المنتشرة على ضفاف البحيرة ..

حلوة اليلسه في هالمطاعم بس ما قدرنا نيلس بسبب المطر الغزيير










ألعاب للأطفال على البحيرة ..







كورنيش البحيرة







لقطة بانورامية للبحيرة ^_*








سنجاب ميت مسكين و بعد له ذكرى حلوة ويانا ..

اخويه اول واحد شافه و زقرنا نشوفه و خواتي الصغار ما يعرفون السنجاب اصلاً <-- مب من كثرر السناجب في بلادنا لول

يسمعون اخويه يقول سنجاب ميت و يتحسبون اسمه "سنجابن"

و يركضون عندنا يصارخون سنجااابن ميت سنجااابن ميت ههههههههههه






:


:




في النهاية اتمنى موضوعي البسيط ينال على اعجابكم ^.^


و ان شاء الله استمتعوا بذكرياتنا في ميونخ


دمتم بود

[Um_BirGa3_NIKE]

yasalaaam 3ala mune5
9adeeeqte kaif matlagaina hnak ana wenty!! may9eeer hal kalaaam

[thariya]

وايد حلووووة
نتريا بقيه الصـــــــور,,,

[الغر الحشيم]

yasalaaam 3ala mune5
9adeeeqte kaif matlagaina hnak ana wenty!! may9eeer hal kalaaam

هلا هلا صديقتي

شحالج أم لملوم ؟ و شخبار لملوم فدييتها ؟

والله ما كنت اعرف انج في ميونخ ولا جان اتلاقينا واستانسنا ^.^

يالله ماعليه خيرها في غيرها .. الصيف الياي ان شاء الله ^_*

منوره الموضوع فديتج

وايد حلووووة
نتريا بقيه الصـــــــور,,,

عيوونج الأحلى ^_*

ان شاء الله بنزلهن بس مركز التحميل يستهبل وايد يعلق !

يشرفني تواجدج غناتي

[بدر0البدور]

روووووووووووووعة الغالية نتريا التكملة

[AL-Doomah]

مرحبا صديقتي

الصور رووووووووعه

اطالع الصور وعايشه الجو وياكم ههه

ان شاء الله اتلاقا وياج هالصيف

قوووووولي آمين يا رب

^^

[غراشيب]

رووووووووووووووووووووووووووووعة


من اشوف اسم الغر الحشيم

ادري وراه شي مميز ورائع وممتع

والله شوقتينا لزيارة ميونخ

[شمسه المرر]

نزين شلي ايدج عن يعضج السنجاب خخخخخ
يالله نتريا التكمله شكله التقرير غااوي

[الغر الحشيم]

مرحبا صديقتي

الصور رووووووووعه

اطالع الصور وعايشه الجو وياكم ههه

ان شاء الله اتلاقا وياج هالصيف

قوووووولي آمين يا رب

^^

هلا صدييقتي الصدووقه

انتي الروعة فديتج و منوره مواضيعي ..

هيه والله يااارب نتلاقى الصيف الياي و نستانس مع بعض

ماعليج بنخطط من الحين ان شاء الله

رووووووووووووووووووووووووووووعة


من اشوف اسم الغر الحشيم

ادري وراه شي مميز ورائع وممتع

والله شوقتينا لزيارة ميونخ

هلا حبيبتي غراشيب

فديتج والله كلج ذوق و ماعليج زود

احرجتيتي الصراحة لول ^.^

تراني ما نسيت رسالتج و برد عليج ان شاء الله بس انشغلت شويه في هالموضوع ..

ميونخ حلوة و جوها أحلى وناسها طيبين وكلها عرب في الصيف ما شاء الله

لازم تزورينها وتسويلنا تقرير حلو عنها ^_*

نزين شلي ايدج عن يعضج السنجاب خخخخخ
يالله نتريا التكمله شكله التقرير غااوي

هلا هلا شمووسة

و انا اقول من ويين طالعه الشمس لول

مب ايديني فديتج هذي ايدين اخويه ما تشوفينه حنطاوي محلط من الشمس هع ولا انا بيضا فديتني

حيااج الله غناتي و منوره الموضوع