مدرسة rakess بليز ضروري ..

[misslord]

السلام عليكم
اشحالكم
والله بخبركم معاناتي ويا هالمدرسة انا ولدي في KG1 في المنهج البريطاني والولد بسم الله عليه يعرف يتكلم ويفهم تخيلوا ولدي كل يوم يصيح من يستوي الليل ما يبا يسير المدرسة وانا كل يوم افكر فيه وما اعرف شو اسوي وياه كل يوم اخذ له شي ما اخلي اغراءات ما اغرية بس ما شي فايدة .. خذت موعد مع المس عسب اسويله حفلة يمكن يتأقلم ويا الوضع .. تخيلوا شو شفت ؟؟... المس تدري اني بيي ع الساعه 11 ونص تخيلوا دخلت ع ولدي الصف شو شفت ؟؟!!!
تخيلوا؟؟ شفت الاطفال والمس والمساعدات كلهم في الكلاس ولدي برع الكلاس وميت من الصياح وقافله الباب ويدق عليهم الباب تخيلوا والله اغتبنت ما عرفت شو اسوي وااااااااايد انقهرت ما عرفت كيف اتصرف والله والمس الغبية عندها خبر اني بيي المفروض ما تعامل ولدي جي والله ماخذتها هدية وحتى المساعدات بس عشان يرتاح لهم بس المس كريهه ما تخلي الطفل يحبها ولما سألتها عن السبب ليش ولدي برع قالتلي اونه يصيح وعشان اعاقبه وديته برح تخيلوا قلتلها ضرب حد سوا مشكله شي جي قالتلي لا بس هو يصيح ...

يعني اي طفل في الكي جي لازم بيصيح والمس وشطارتها كيف تكسب الطفل هيه ابدا ما عندها اسلوب ابدا..
شوروا علي شو اسوي ولدي مب راضي يروح مووول ما طايع

...
عقدت الولد الله لايوفقها ..
عطوني رايكم دخيلكم ..

المزيد من آخر المواضيع من نفس القسم:

• أسباب خوف الأطفال من المدرسة
• اسباب خوف الطفل من المدرسة
• سلبيات التحذيرات الزائدة في المدرسة على طفلك
• علامات جديدة على إصابة الأطفال بكورونا
• التعلم عن بعد تحديات وحلول
• خطوات لتعليم طفلك تحمل المسؤولية
• نصائح لتجنب الأساليب الخاطئة في تربية الاطفال
• خطوات لتحضير حقيبة المدرسة للأطفال
• علاج خوف الأطفال من المدرسة
• اسباب قلة تركيز الاطفال في الامتحانات

[ليمونة دمشقية]

شوهالمس الغبية يعني هي سسببتلو عقدة بجوز تضل معو لحد مايكبر
الله يعينك إختي بس ليش ما شكيتي للمديرة؟ أو صرختي بالمس؟

[misslord]

ما عرفت كيف اتصرف وقتها من الصدمة صدق والله .. الله لا يوفقها

[misslord]

ما عرفت كيف اتصرف وقتها من الصدمة صدق والله .. الله لا يوفقها مشكورة اختي ليمونه دمشقيه

[مهره_راك]

سيري اشتكي عليها ... انتي ادرسين ولدج ابيزاتج مش ببلاش عشان يسوله جي والله حتى المدارس الحكوميه ما يسون جيه .. حسبي الله عليهم

[حور @ العين]

للأسف الشديد معظم المدرسات ماعندهم خبره ولا أسلوب في التعامل مع الأطفال في هذا السن وما يحبون وظيفتهم ويبون بس الدوام يخلص عشان يفتكون من الأطفال أنا أشوف أن مدرسات الروضه لازم المدرسة تأهلهم في التعامل مع مثل هذه الحالات وأنصحك تشتكين عند المديرة وتحولين مدرسة يديده أولا وبعدين تسألين ولديك إذا يحب يقعد في البيت حتى نفسيته ترتاح واسأليه تحب تقعد في البيت ولا أغير المدرسة والله يعينك المسألة موب سهله

[المزيونة97]

أعتقد إني عرفت المس اللي تتكلمين عنها وأنا مثلج ما مرتاحة إلها وايد!!!!!!!!!!!

[om_hana_77]

مرحبا
الغاليه ممكن اتطرشين لي اسم المس علي الخاص لاني بدخل بنتي وما اباها اتكون عندها والمفروض اتسيرين تشتكين عليها وما تسكتين .

[جمر بارد]

اصلا اسم المدرسه بروحه شبه

ددخليه حكومي احسن

[misslord]

للعلم المدرسة هيه مدرسة رأس الخيمة لمتحدثي الانجليزية

[روزي حمرا]

ممكن اعرف اسم المعلمة ولدج في اي فصل مس شو؟؟؟
وليش انتي ساااكتة اصلا ليش ما اشتكيتي؟؟؟

[misslord]

ا اختي روزي حمرا والله حزت السالفه ما عرفت اتصرف وانا من النوع اللي ما اعرف اتصرف فهالمواقف .. انتظر زوجي يرجع من السفر وان شالله بحاول انقلة عنها ..

[wed]

حبيبتي شو تترين إنقليه من المدرسه لأن الولد صارتله عقده وبعدين بيكره المدرسه والدراسه نصيحه والله إلحقي عليه

[شفـاافـة]

هلاو ،، انزين تدرين احس اصلن منهج البريطاني وايد غلس وكله كتب وكتابه وحفظ مو مثل الاسترالي غير ، وايد حلو وكله عملي وتطبيقي مو مثل البريطاني ، انا اخويه هناكي صار له 5 سنوات والحمدلله وايد أوكيه والمدرسين الي يدرسونهم وايد أوكي الي يمرون عليه ، في منهم غلسات بس الوالده عرفت كيف تيب راسهم ، يبالهم حد يقردنهم بس :d والله يعينج لا تسكتين روحي خبري الاداره عندهم ،،

[أسماء2]

الله يآخذ بليسها أختي على طوووول غيري صف ولدج وودية أي صف ثاني المهم هيه هالمدرسة ما أدرسه عنبو عقدت الياهل فديته