"تقرير" رحلتي السريعه لبيروت في إجازه نص السنة

**شفـاافـة** · 2010-02-11, 01:05

السلام عليكم

اليوووووووووووووم حاطه لكم تقريري عن لبنان ،،
رحتها بس 7 ايام ،، من يوم 1 ألى 7 من شهر فبراير ،، وطبعا أول يوم وأخر يوم ماينحسبون فيعني قضينا بس 5 ،،بس الحمدلله الخمس الايام هذي رحنا فيها أماكن وايده ،،
والاماكن الي مشهوره فيها لبنان مثل جعيتا ، وقصر موسى وهذي الاشياء رايحتنها قبل ، فقلنا مو لازم نروح لها مره ثانيه نشوف أماكن ثانية ،،
واهم شي لازم انروحه والي رايحين عشانه الثلج

طرنا على طيران الإمارات ،،
نحن 6 أشخاص "ماماتي واخواني،، والسكن في شقة الوالد ،، يعني الي كلفنا بس التذاكر

وهيا بنااا الى التقرير ^^

تجهيز الجوازااات والتذااكر ،،

معلومات عن رحلة الطيران ،، بس والله احس اول مره يصير جي بالطياره ، يتنا مطبات بالقو
بغيت اصيح ع قولة اختي من زيغه قرت القرآن بالكامل هههههه ،، والله صارت الطيارات
تخوف والله ،،

وهذي بعض الصور من الشقة

هذا أول يوم وراح ،، الحين تبدأ المغامرات اليوم الثاني ،،

اتفقنا أن انروح فريا ،، بس قبل لا رحنا ، مرينا على متحف السليكون وجفت انسان حبيبي
وتصورت عداااااااااااااله وحبيته حتى ،، وجوفوه منو بالصوره الثانيه ،،

بعد ماطلعنا قالو لنا ان السفاره مقدمه لهم البشت من بشوته ،، افف ماقالو لي عشان اشمه
الله يرحمه ياربي ...

وبعد ماطلعنا من المتحف توجهنا الى فريا ،، وبفريا استأجرنا زلاجات وبعدها سيارات المفتوحه
وقحصنا فيها بالثلج :

وبعدها رجعنا هلاكنين ، ورحنا الشقه نرتاح شوي ،، وطلعنا بعدها نتمشى ،، رحنا ناحية
قبر الحريري وهذي صورة القبر ،، هناك اللبنانيه الي تودينا وتيبنا تقول تشوفون انتو كيف تحبون
شيخكم ،، نحن مثلكم نحب الحريري ... "عاد بخاطري اقول مهما شو سويتو بابا زايد غير"

وبعدها طلعنا نتمشى بالسوليدر الي هو الابتاون ،، فيه مطاعم وكافيها ،، ومحلات ..

هذي الساعه موجوده بوسط السوليدر

بعدها طلعنا رحنا صوب الروشه نتمشى بالكورنيش

والحمدلله خلص اليوم الثاني بيوم مملوووء بالمغامرات

المزيد من آخر المواضيع من نفس القسم:

**شفـاافـة** · 2010-02-11, 01:06

ألحين اليوم الثالث ،،،
أول شي رحنا حديقة الحيوان ،، وكان يوم ممطر وعجيب ،،
ودخلنا حديقة الحيوان هي صغيرونه ،، فيها أسد ودب وشوية فلامينقو ،، وسناجب لكن سبلان مالت عليها وحده سباله ماتستحي انا رايحه صوب القفص مادريبها انها شريه الهرمه يرت شيلتي زين ماضربيتها هههههه وقالو لي ان اسمها لولو وماتحب الحريم ماااااالت عليها

هذي صورة السنجاب

وبعد ماطلعنا من الحديقه رحنا خذنا لنا كنافه وقهوه ورحنا صوب الكورنيش اتمشينا وكان البحر
عجييييييب والموج يوصل لين فوق ، جوفو الصورة

وعقبها رحنا لبين النهرين ،، هو نهرين ويتصلون بواحد ،، وهو على طريق صيدا ،،
والمكان هناك واايد حلو مثل الغاابه

قلنا بنروح ملاهي موجوده في صيدا ،، بس يوم وصلنا طلعت مسكره ،، وردينا مره ثانيه لبيروت
تعشينا ورجعنا ابيت ،،،

اليوم الرابع ،، ربيعتنا عندها دوام ومابتطلع الا الساعه 4 فماشي طلعه الا عقب 4

وعقب طلعنا ،، رحنا مرينا اول شي بيروت مول ،، ولعبو الصغاريه ورجعنا طلعنا رحنا تمشينا شوي
وعقب قلنا بنروح نتعشى لكن وحنا رايحين سوينا حااااااااااادث وحده غبيه وحنا
بالسياره فتحت الباب والسياره تمشي ومادري شو صار ، ولين مايا الخبير مالهم وخرابيطهم
تعشينا ومن عقب ها الاكشن تمشينا شوي بالسياره المدعومه هههه وخذنا لنا نسكافيه نحرر عمرنا من البررد ورجعنا الشقة ،،

**شفـاافـة** · 2010-02-11, 01:07

اليوم الخاااااامس ،،
طلعنا رحنا مول ABC ومول ثاني موجود تحت هولدي ان ،، بس بصراحه ماعيبني شي ، وكل المولات متشاابهه ،، ورحنا كذا سوق وخرابيط ،، بس مول ماشتريت شي احس مالي خلق حق سوق
حتى امي وخواتي مول ماشرينا شي ابدن ،، وعقبها امي قالت تبا فوول واخواني يبون ذره ،، وهايلا موجودين بالكورنيش
جووفوهم ،، عجيبين ،، ولذيذين ،،

وكان الجو بااااااااارد سم على اخر ايام ،،

واليوم الساادس
قلنا بنروح فريا مره ثانيه لانه الثلج زااااااااد مره ثانيه ،، وصار البرد فوق تحت الصفر ب 6
والله برد مب طبيعيييييي يذبح ،، هذي صورة

وبعدها رجعنا متأخرين وتعشينا ورجعنا البيت عشان نجهز لرجعه ،،

واليوم السابع ،، الطياره كانت 11 الصبح ،، وتوكلنا على الله ورجعنا لبلادي الحلوه ،،

وبالاخير ان شاء الله استمتعتووووووووووووو بتقريري البسيط ،،

صح نسيت ماقولكم ،، هناك رحت صالوون حسن كركبااااا ،، سويت كراتين حق شعري قلت دامي
في لبنان ارخص وصددددددق والله رخيص ،، صالوناتهم رخيصه بالقوو حتى الليزر رخيص ،،
كنت اطلع الصبح اسويه ورجع ^^ وشحلاته شعري الحين طالع غااوي

**^الدماني^** · 2010-02-11, 01:34

مشكورة على التقرير الغاوي والمرتب

لكن ما أدري ليش أنا ما أبغي أسير هالبلاد !!!
كم مرة قالي ريلي يبا يوديني وفي كل مرة أدعي إني ما أسير وفعلا ما نسير

أحس انها مملة وما فيها شي يستاهل العنوة

لكن الحمدالله انج استانستي فيها والله يسعدج دوم

**الدبه** · 2010-02-11, 01:49

اهم شي الدوبلماسي ^^

حلوه الرحله وتسلمين عالتقرير الغاوي

**missuae3003** · 2010-02-11, 01:55

احلى شي الرحلات العائليه

مشكووره عالتقرير ياحلوة ^^

**شفـاافـة** · 2010-02-11, 02:01

المشاركة الأصلية كتبت بواسطة ^الدماني^

مشكورة على التقرير الغاوي والمرتب

لكن ما أدري ليش أنا ما أبغي أسير هالبلاد !!!
كم مرة قالي ريلي يبا يوديني وفي كل مرة أدعي إني ما أسير وفعلا ما نسير

أحس انها مملة وما فيها شي يستاهل العنوة

لكن الحمدالله انج استانستي فيها والله يسعدج دوم

بالعكسسسسسس حلوه ،، وهي بيني وبينج بتكون حلوه لو وياج حد من هناكي يندل اماكن
يوديج ويبيج

**شفـاافـة** · 2010-02-11, 02:05

المشاركة الأصلية كتبت بواسطة الدبه

اهم شي الدوبلماسي ^^

حلوه الرحله وتسلمين عالتقرير الغاوي

تسلمين حبي ،، اعجبج

المشاركة الأصلية كتبت بواسطة missuae3003

احلى شي الرحلات العائليه

مشكووره عالتقرير ياحلوة ^^

هي والله ،، ترتاحين اكثر وتسلمين حبي

**بطه22** · 2010-02-11, 02:20

تسسلميييييين على التقرير روووعه والتصوييير الكشششخه
صرااااااحه اكتشفت انه لبنان احلى بوااايد من لى اشوووفه فالتلفزووون
هع....واكثر شى جذبنى الدبلووووماسى
حلوووو شكله هههههههه

**مرحباني** · 2010-02-11, 02:26

ماشااء الله

رحله سعييده حبوبه

واهم شي استانستي ربي يحفظج يالغلااااا

**شفـاافـة** · 2010-02-11, 03:11

اصلن لبنان وايد تغيرت ، انا رحتها سنة 2000 والحين لمن رجعت لها متغيررررره وااااااااايد ،،

وتسلمون حق الي مرو

**UAQ_LADY** · 2010-02-12, 22:12

ماشالله رووعه

اناخاطري اسيرها بس ريلي كله يقول اي بلااد فالعالم الا البلدان العربيه مايطيقها ماعرف ليش هههـ

**راعية الجود** · 2010-02-12, 22:21

مشكورة حبيبتي على التقرير الحلو و المرتب . . .
و الحمدلله على سلامتكم

**بدر0البدور** · 2010-02-13, 16:21

رووووووووووعة أن شاء الله أستانستوا

**ثريا النجوم** · 2010-02-13, 20:44

مشكوره على التقرير والصور الحلوه

الموضوع: "تقرير" رحلتي السريعه لبيروت في إجازه نص السنة

أدوات الموضوع

عرض

"تقرير" رحلتي السريعه لبيروت في إجازه نص السنة

المزيد من آخر المواضيع من نفس القسم:

المواضيع المتشابهه

2011 " تقرير رحلتي لــ سويسرا وبالتحديد " Rheine Falls ♥ ~

تقرير عن رحلتي في اب تاون >> تعاالوا وشااركووني الضحكة بطولة "نانوه" خخخخ