رجعـت لكـم بعـد صبــــــــر 9 شهـــووووور !!

**ظما الوجدا** · 2009-10-10, 22:59

.. السلام عليكم خواتي ..

أنا طرحت مشكلتي قبل 9 شهور تقريبا ..
[ مشكلتي بتلقونها فـ هـ الرابط ]:
http://forum.uaewomen.net/showthread.php?t=443616

وايــــــد خوات ردوا عليه إني مكبره السالفه ..
و منهم قالوا لي صبري ع السالفه شويه و توو الناس ..

و أنا وكلت أمري لله و صبــــــــرت 9 شهــــــــــــــــور..
و ييتكــم ألحين بعد هالمده أبغــي رايكــم ..
و(( بالذااااااااات .. اللي قالولي انتي مكبره السالفه و معوره راسج )) !

ما استوت تطورات كبيــــــره [ ايجابيه ] في السالفه ..
كلــــــــــــها كانت سلبيه .. و اقروا و انتوا احكموا ..

أمي : كلمتها مره في السالفه بعد فتـــــــــره و تميت أصيييييييييح من الغصه اللي فيي ..
و ما تحرك بداخلها أييييييييي شي / اتريتني أخلص كلامي و ردت علي انها ما اتروم اترمس خالتي
لنها تستحي منها [ ع قولتها ] ..
بـــس بتكلمها (إذا) يا حد يخطبني [ من باب لا تجوز الخطبه ع خطبة حد ثاااني ] ..!
اللي يسمعها يقوله هاك حرك طوله و يا مرتز صوب بابنا و ياب الفريج كله وياه و خطبني ..!
و بتخير خالتي انها اتكمل الخطبه ولا كل حد ايسير في حاله ..
و لبست عباتها و طلعت من البيت ع طوووووول ..
و هالشي صار من أكثر من 6 شهوور تقريبا .. و عقب ولاااااااا يابت طاري للسالفه ..

أمه : نفس الحاله .. ما طرت السالفه موول ..
اللهم يوم كنا رادين من عرس جان اتقول لي و هي نازله من السياره : الله يرزقج بالنصيب الطيب !
[ في حرمه اتقول لخطيبه ولدها ها الكلام / الله يرزقج بنصيب و هي أونه في نظرها انها ضاااامنه موافقتي ع خطبة ولدها خلااااااص/ و اني بنظرها خطيبه ولدها ] !!
و ع فكره
اللي اتقول انه يمكن ما يدري انه امه خطبتني له
تراها مره قبـــــل قايله حق أمي انه شوووره برااااسه
و هي ما شاء الله عندها غيره ولاااا جد هي خطبت لواحد منهم وحده هو ما يباها ولا مب مقتنع فيها
اصلا هي شخصيتها مستحيييييل تخليها تقدم ع هالتصرف و تخطب له وحده من دووون علمه
ولااا بعد اكون انا بنت خالته و يعرفني / مستحييييييييل !

الولد نفسه : مرتاااااااح ع الآخر
سافر بعد السالفه ع طوووول
و يوم رد طلع له سياره يديده آآآخر موديل !
[ ع فكره / هالكلام ما أقوله غيض ولا شي ، بس حبيت أذكره للخوات اللي قالوا لي انه يمكن مب مقتدر ماديا انه ايي يخطب و يرتبط حالياً ] !

و أحلى شي اختـــــه : هي كانت تدري بتنغيزات أمها بالماضي و هي بروحها كانت تنغزني اني بكون مرت واحد من اخوانها..
و ألحين عقب ما واحد من الاخوان خطبني / [ و ع تصرفاتها انها ماااااا تدري بهالشي ]
اتقول لي مره : عااادي ترى اخوااني هم شرا اخواانج فديتج!
و مره قالت لي بالحرف الواحد : أصلاً أخويه [ اللي خطبني ] ما تنفع له اي وحده
أنا خاااطري اخطب له وحده وياي بالدوام [ و تخيلوا انها ما كانت امكمله شهرين من تعينت بالدوام ]
يعني هاي اللي اتعرفها اقل من شهرين احسسسسسسن مني أنا !
وكملت : أنا خبرته بهالشي !
يا نااااااس و الله ما رمت ايود عمري من الغصه اللي يتني
صحـــــــــــت وأنا اكملها !
و بالموووت كملت السالفه و قلت لها : و هو شو قال لج : جان اتقول : سكت !
و تخيلوا طلع الوقت اللي خبرته بالهالشي [[[عقب]]] ما أمه رمست امي !

أنا : نفسيتي وايــــــــــــــــــــــد تعبت
و كنت اصيـــــــــــــــــح كل يوم تقريبا لنه هالغصه اللي احسها يايتني من طعنة اهلي مب اغراب
و كنت اتألـــــــــــــــم أكثر يوم اجوف امي ساااكته ما اتسوي شي ولا تاخذ بخاطري ع الاقـــــل
و الله يا بنات وااااااااااااايد واااااااااايد تعبت

لكـــــــن / حاليا انا تخرجت و ياااالسه في البيت لا شغل ولا مشغله
و هم لا يوا ولا شياته
و للأسف محد يا في الفتره اللي طافت و خطبني [ عشان بس افتك من سالفه الحجز ] !

أحس اني كرهــــــــــت الولد و مستحيييييييييل افكر فيه كريل المستقبل
و احس انه لو خطب حد غيري بيلس ارقص في خطبته و لا ملجته من الفرحه اني افتكيت من حجزه لي هالفتره كلللللللللها !!

انتوا شووو رايكم بنات باللي صار ؟!
تعتقدون هالكلام كلــــــــه ايدش بالراس و انه الوضع عاااادي !
وإذا في [ حركه ] ممكن حد يسويها تنهي هالوضع / شو ممكن أسوي أنا ؟!

فديتكـــــــم جد أحتاااااج ردودكم..
أنا وااااااااااااااااايد صبرت و نفسيتي ما عادت مثل أول ..
أحس عمري مطلقــــــه و تتريا بس ورقتهــا عشان ترتاااااااااااااااااح !!!

ملاحظه :
حياتي ما توقفت على هالسالفه ولله الحمد
حياتي مستمـــــره بشكل طيب وطبيعي الحمدلله =)
اللهــــــم / هالسالفه المب طبيعيه هي اللي موجوده فيها و اللي مب طايعه تنحل !

ما أنكـــــــر / قلبي يعـــــــورني لنه هـ الحركه يت من الأهـــــــل / افهموني يا نااااااس!
يعني لو حد ما اعرفه بقول [ نفـــااااد ] فيهم و في ولدهم!
لكن ولد خالتي اللي من لحمي و دمي / و أمه اللي كنت اعتبرها بمثابة أم لي و ظهر و عون
جــذي يسوون فينــي!
والقهـــــــر الأكبــــر انه محد من بيتنـــــا حاااااس فيني
لااا أم اتشـــل اللي بخـــــاطري / و لا أبو ينهي السالفه [ لنها بس بين الحريم للحين ]
ومااا عندي اخوان ولا خوااات ممكن يسوولي واسطه عند الاهل !

فــ بليز
اللي اترد بـ رودو قووويه و ترفع الضغط
اتحط هـ النقطه [ فـ قلبها ] و اتحس فيني شوي / و بعدها اترد =)

خواااتي نسيت شي مهــــــم
امه قالت حق أمي خبري الوالد بعد [ يعني أبويه ] ..
يعني الرمسه ما عادت بين حريم و بس!

المزيد من آخر المواضيع من نفس القسم:

**الأمل الساطع** · 2009-10-10, 23:04

الله يرزقج النصيب الطيب حبيبتي..
والله فيه خيرة لج صدقيني بكون من نصيبج ولاتحاتين..
خلي كل شي على الله..

**قهر السنين** · 2009-10-10, 23:07

الله يرزقج فديتج

**ظما الوجدا** · 2009-10-10, 23:15

يزاكـم الله خير خواتي ع ردودكن ..

و أنا [ طبعــــــاً ] بحاجــــــــه لدعواتكن الطيبه ..
لكــــــــــن / في نفس الوقت / ما أبغي ردود ابها بسسسسسس دعوات للتوفيق و الصبر ع المشكله ..
أبغي قلوووووب توقف وياي و عقووووول اتفكر وياي ابحل للمشكله ..!
أو ع الاقل تعطيني وجهة نظرها بالموضوع / يمكن اتكون وجهة هالنظر غاايبه عني و اقتنع فيها ..

و السموحه ..!

**قطوه متوحشه** · 2009-10-10, 23:18

شكرا عالطرح

**لؤلؤة ah** · 2009-10-10, 23:20

الغاليه وااااايد بنات شراتج محجوزات حق عيال اهلهن ما اعرف لين متى وهم ولا ع بالهم الله يرزقج بالزوج الصالح ويوفقج ف حياتج ..

**شيخه بمعانيها** · 2009-10-10, 23:21

ماقوؤول غير الله يعينج .. ><

عنبوهمـ مآيحسوؤون !!

**ظما الوجدا** · 2009-10-10, 23:24

المشاركة الأصلية كتبت بواسطة قهر السنين

الله يرزقج فديتج

يزاج الله خير اختي ..
و يا ريت لو اتساعديني بعد بـ رايج ولا وجهة نظرج =)

**مـــودي** · 2009-10-10, 23:37

يالغاليه لا تربطين نفسج فيه....،،،

شوفي حياتج خلااااص....وكل شي مبين وواااضح انهم ما يبونج...

لا يرحمون ولا يخلون رحمة الله تنــــــــــــزل...

أعوذ بالله منهم...

الا الحجز والله نص عمرج يروح هدر وغيرج ولا حاس

وانا جربت تجربتج بس 9 سنين ....مش 9 شهور

وآخرتها لا خذت ياللي محجوزة له ولا شياااته

ضاع عمري هدر...

اسعفي حالج

ترى محد بيفيدج حبوووبه ^__^

**ميميه88** · 2009-10-10, 23:39

ختيه قولي لامج انج ماتبينه يني بتستحين منهم وهم ماستحو منج؟
ونصييبج متا ماالله كتبه لج بيييج

**&راقى بذوقى&** · 2009-10-10, 23:46

قولى حق امج ان اخو ربيعتج يبا يخطبج وخلى السالفه توصل لخالتج وجوفى لو يبااااج حزتها بيتحرك اشوى بداااال ها البرووود الى فيه

**LADY LOVE** · 2009-10-10, 23:53

مب حلوه يحيرونج لولدهم بعدين يعقون عليج هالرمسه معناتها خلاص يبون يوضحون لج من غير مايجرحونج انهم غيروا رايهم !!
احين لازم امج تقتنع انهم مايبونج
عشان ماتوقف في طريجج لانه محد بيخطبج اذا الناس يتحرونج مخطوبه !!!!

**دلوعه فزاع** · 2009-10-10, 23:54

الله يرزقج الريال الصالح حبيتي

**Pheno-m-enon** · 2009-10-11, 00:02

أحسج موقفه حياتج على هالموضوع..!
و الله لو أنا مكانج.. بقول يدامهم.. فضل عنكم ولدكم
و انا أصلا اللي ماباه
و تكونين صريحة إنج ما تبغين تكونون معلقة أكثر عن ها مع واحد يمكن أصلا ما يبغيج..!

و الناس يوم يعرفون البنت مخطوبة و لا محيرة
محد بييها
فخلج واضحة بهالخصوص
و لا تخلين حياتج واقفه ع شخص ما يستاهلج من البداية..!

لأنه هذا اللي انتي يالسه تسوينه
و إذا أمه عقت عليج نغزة إنه الله يرزقج النصيب أو غيره
قوليلها ان شاء الله بييني شيخ الرياييل اللي أتمناه و يتمناني
و صدقيني بتنقرص من الرمسة و بستحي ع ويهها

و لا تفكرين فهالشي أكثر مما يستاهل
لأنه لو نصيبج بتاخذييييييييينه
بس هو مب نصيبج و الظاهر الريال ما يبغي يرتبط حاليا
فخلج عااادي و استانسي و عيشي حياتج ^____^

**~روح دبي~** · 2009-10-11, 00:03

الله يعينج ياختي

ويسهل عليج دنيا واخره

الله يصبرج

ربج كريم حبيبتي

الموضوع: رجعـت لكـم بعـد صبــــــــر 9 شهـــووووور !!

أدوات الموضوع

عرض

رجعـت لكـم بعـد صبــــــــر 9 شهـــووووور !!

المزيد من آخر المواضيع من نفس القسم:

المواضيع المتشابهه

رجعـت للغالــيــن بعد طول غيااب

رجعـت لكم بنوتاآت..^^مع موضوع يديد وحلو..

:.: جــلابيـــات ولا أحـــلى من البحــرين و الهنــد للعيـــد حصـري لكـم

صديقاتـي هديـتي لكـم في هذا العدد "19"

عرايـس عندي لكـم سـؤال شـو المميز .. .. !i