خطبنـي و طنشنـــي / و رد يحجزنـي من أول و يديييــــد !

[ظما الوجدا]

.. السلام عليكم خواااااتي ..



بـ حكم إنا عايشين بـ نفس المجمتع /..
و نمر بـ ذات المواقف و التجارب /..
و نعايش ذات الافكار و المعتقدات/..

حبيت أخبركم بـ موضوعي /..
لـ إني [ أحتـــــــــــــاج ] تفسير / تحليل / راي / مشوره / و [ أكثر شي ] دعوه صادقه ..!



قصتــي .. / قصـه بنـات وايــــــــدات من هل الإمارات ..!


من و أنا ( ياهل ) / انخطبت / انحجــــزت لولد خالتي..
هو أكبر مني بـ شوي / و طفولتنا كانت مشتركه بـ لعب و سوالف و ذكريات صغاريه بريئه ما تنتهي..!


كبرنـــــــــا / و ما عاد من بيننا أي احتكاك ..
واااايد كنا نلتقي نحن الحريم في بيتهم / لكن بحكم عاداتنا و تقاليدنا ما كنا أنا و هو نتجاوف إلا ناااااادر ..
و عمـــري ما حسيت بشي تجاهه / ولا هو حسسني بشي ابداً..
اللهم كان يسلم و ما كنت أرد/ لني اصلا ما أسلم ع الرياييل إلا الكبااار منهم و احتراماً لهم فقط!



المهم..
دخلت الثانويه و انخطبت كذا مره..
و هني أقول (الحمــــد لك يــــــا رب ) لإنه أمي ما كانت تخبر الناس بإني محجوزه بوقتها..
لنه ما كان شي كلام رسمي / اللهم تنغيزات بالماضي من وراي و جدااامي و بالهبل/ لكن خالتي عمـــــرهااا ما سوت شي رسمي / حتى أتوقع إنها ما كلمت أبوي أصلا بالموضوع!
لكن أمي كانت تخبر أبوي باللي يتقدمون لي / و أبوي و أمي بروحهم يرفضون اللي ياييبني بحكم إني كنت صغيره بوقتها و بعدني أدرس / و بناءً على معرفتهم بـ رفضي للزواج بـ عمر صغير!
و (بدووون شك) خالتي كان يوصلها خبر بالخطاب/ لكنها ما سوت شي / ولا ولدها !


و مرت السنيـــــن أكثر..
إلين ما وصلت الجامعه / خطبني بوقتها واحد من أهلنا / لكن من بعيد ..
كــــل شي كان تمام / و أمي و أبوي وافقوا / و (((خالتي))) كانت بالصوره خطوه بخطوووه..
و أمي كانت ترمسها و تستشيرها بكللللل شي / لأنه أنا البكر وأمي مالها تجارب في هالسوالف..
و (أنــــا) بعد وافقت ..!

بتقولون و [ ولد خالتـج ]...!
ما بقولكم للأسف / لأني الحمدلله موازته علاقتي و كلام أمه بـ عقلي /
لكن ما يا (أي شــــــــــي) من صوبه ولا من صوب أمه!
وأنا من قبل هالشي (أيام الثانويه ) كنت أفكر وأقول أصلاً لو هو يباني (صــج) جان خطبني ولا خلى أمه ترمس أهلي بـ شكل رسمي/ يعني مو يخليني [معلقــــــه] بس بكلااااام و تنغيزااااات من الصغر وأنا ألحين بيستوي عمري جريب العشريييييين سنه!

على العموم /..بعد موافقتي ع الاول / اسوى شي بسيط و تكنسلت الخطبه..
و (الأخ) بعدها ما يا يخطبني ولاااا شي..


و مروا سنتيـــــــــن/..
و هني المفاجــــــــــأه/...!

[ ولد خالتــي خطبنـــي ] /........... !!!


لييييييش / و بعد شووووووو ؟!!
و تووووو الناس ..
ما تم حد إلاااا و خطبني / تووووووه يتفيج !!
بعد ما خلااااااااااااص شليييييييييته من باااااااالي..
و [ تناسيـــــت] أفكاري وأنا صغيره بـ إنه بيكون زوجي و هالأفكار اللي [ أمــه ] زرعتها غصــــب براسي !!


و هني يت المفاجـــأه الثانيه /..
أهلي كانوا متحمسيــــــــن بطريقه عجيبـــــــه......!!
حتى اللي يجوفهم يقول لي (احلمــــي) يا انسانه إنج بس مجرد (تفكرين) ترفضين..
ولااااا حتى تقولين لهم اللي بخاطرج و إنج مضايقه من تطنشيهم لج بالماضي..أبـداً!
(مع العلم إنهم ماااا بيجبروني عليه)/ لكن هو في الواقع ما يبنعاب و أنا عيييييزت وأنا أحاول أطلع فيه شي عشان بس أبين لهم إني ممكن أرفضه / لكن مااااااشي عيب كبييييير الواحد يروم يعترض عليه!
و وافقت و ريولي فوق راسي / ع قولتهم الولد ما يتطوف و ما به شي ينعاب!
و قلت سبحان الله / يمكن الله راد هالشي عشان تزيد الصله من بيننا و يمكن ارجع أفكر فيه كـ زوج من يديد بعد الخطبه و جي !




المشكلــــــــه:
بعد هاااا الفيلم الهنــدي كلـــــــــــه..
تخيلــــــــــــوا...!

كملنــا اليوم شهــــــــر كامل و أمه ما ردت تسأل أمي عن رايي في السالفه!
مع العلم إنها تدري إني انخطبت قبل كذااا مره / و في كل مره كان رايي بـ الخطبه أساااااسي و أهلي الحمدلله ما جد غصبوني على حد من قبل!

يعني تخيلووووو بعد هذا كلللللله / و أنا سكت ع الماضي و [تناااقض] كلامها بافعالها و مووول ما خبرت أهلي باللي بخاطري و لا هم أصلاً حاسين بشي
لكــــــن / بعد هـ الغصه اللي خلوها بقلبــي عليهم قبل / ياييــن يجتلوووني الحين!

بذمتكــــــم يا بنات / مب نحن نعــرف إنه الواحد يوم يخطب وحده فـ هو يكون يحااااااتي الوقت أكثر من أي حد / و يتم ع أعصاااااابه..
و معظــــــــم شبابنا يعطون أهل البنت فرصه [ أسبــــــــوع ] كـ وقت كااااااافي للسؤال (المبدئي)عنه .. و هذا يا ناس [ ولد خالتي] يعني مب غرييييب / يعني من الاساس اهلي يعرفووون عنه كلللل شي..
و بالعقل ما يحتااااي ياخذون أكثر عن كمن يوووم بس ..


لكــن هو مطنــش الســالفه من [شهــر]/......!
تخيلـــــــــــوا شهــــــر كـــــــــــامل و أمه ما بطلت الســالفه ويا أهلي !
مع العلم إنا تجاوفنا كذا مره / أهلي و أهله / بعد سالفة خطبتي له / لنه قلت لكم نحن وااايد ويا بعض
و مووووول ما تبطلت السالفه
و حتى أنا [والله العظيم ] نفسيتي استوت زفـــــــــــت من كثر التفكير!
لدرجه إني [خليت ويهي لوح] و سرت سألت أمي و قلتها: أمي أنا كنت أحلم ولا فلان صج خطبني؟
جان تقولي ليش جي تقولين/ قلتلها:ماشي ، إنت كنت متحمسه وااايد يوم خبرتيني و أحين مررره صخيت ولا طريت السالفه
جان تقولي:أصلا خالتج ما طرت السالفه موول / و يمكن قصدها بس تحجزج لولدها!



يا نــــاس بعد أرد انحجــــــــز له / ..........!
مــــــــــــــــا سده طووووووووول عمري محجوووووووزه له [جني بهيمه ولا جماد] !!
يعنــي يوم الله ريحني بس سنتيــــــــن منه / رد و حجزنــــي من يديـــــــد !


أنا و الله مب كارهتنــه على كل اللي سواه بي / ولا كاره أمه / هم أهلي مهما كان..
و من بيننا عشره و ذكرياااات ما تنتهي / لكن يا ناس أحس إني مظلووووووومه..
يعني لها الدرجه أنا رخيصـــــــــه عندهم ..!
يحجزوني و يخلفون بكلامهم / و آقول ما علي يمكن هو ما يباني ..
لكن بعدها يرد يحجزنــي / يعني هو مو مجبور ياخذني..
و بعدها يطنشنــــــــــي ..
ع الاقل الواحد يوم يضمن انه البنت [ موافقه ] عليه ممكن يطنشها لنه ضااااااامن..
لكن أمه مااااااا تدري إني موافقه / ولا هو يدري /
و أنا ماااااااااا أدري شو أسوي ولا وين أسير بعمري
مقهووووره منه و من أمه و ملييييييييييت من الصياح !!

اللي أعرفه إنه الوحده يوم تنخطب تكون مستــــــانسه
و بعد الملجه تبتدا المشاكل تطلع / بس أنا ماااا شاء الله من أولهاااا مشاااااكل و تطنييييش بالقوووو!


شو رايكــم بنــات /
و [ والله] تقولون لي رايكــم بصراحه /.......

أنا موو من النوع اللي يزعــل و يتحسس
أنا حطيــت مشكلتي لأني أبغي راي محــايد و صريـــــــح
أنا على حــق بـ اللي أحس فيه / و لا أنا مكبــره السالفـه و مسويـه فلم هنـدي من ولاشي ؟!!

جد مر عليكــم موقف قريــب من سالفتــي؟
شوروا علي فديتكـــم / شو بتسوون لو كنتــوا مكــاني ؟
أحس عمــري أمووووووت ببطــئ من القهـــر و التنطيــــش اللي أجوفــه منهــم !!

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[dxbaii]

هلا حبيبتي...انا من رايي خلي امج تكلم امه بجد او حتى لو ابوج يكلم الولد...خذو راي نهائي وقولولهم ان البنت متعلقه شو تبونها وله نزوجها لغيركم؟

[نسايم_بوظبي]

ربي يوفقج الغالية..انا حاسة فيج كنت محيرة لولد خالتيه من انا اصغيرة ..
بس انا ما كنت ادانيه .. وكانوا كل ما يطرولي ايااه ابين اللهم اني ما ابااه ... ليين رواحهم صرفوا النظر عن الموضوع .. وساروا خطبوله وحده غريبه ...

انتي اتريياشويه يمكن بيردون يفتحون السالفه .. واذا تموا جيه خلي امج اتلمح الخالتج انه شي ناس يتكلمون يبون ايخطبونج لازم ولدها يتحرك ويملج عسب الكل ايعرف ان فلانه لفلان ..

موفقه الغالية ....

[أحلام علي]

حلفتينا نقول راينا بصراحة صح

نعم انت وااااايد مكبرة الموضوع

واحس فيج قهر عالماضي

هو لا حجزج ولا هم يحزنون اللهم رمسة أهل وهالشي موجود فكل العايلة

وبعدين انت ماتقولين انه مقارب لج بالسن

عيل بيفكر يكون نفسه صح قبل لا يتزوج

واذا على الشهر السكوتي

خل امج تسأل أمه عادي مافيها شي يوم انكم وايد ويا بعض

بالتوفيق حبوبة ولاتنسين تبشريني

‏^‏^

[هواجس الزيودي]

الله يعينج الغالية

ذكرتيني بمعاناتي بس الحمدالله ارتحت من كل شي


الله ايسر امورج الغالية

[open_rose79]

الله يعينج

[لـيديUAE]

حرام جي يحيرونج بدون اهتمام
مادرى ليش اهلج ساكتين وراضيين !!

[D.S.F]

بما انج تبين راينا بـصـــراحه ..

احس وايد حساسه و مكبره الموضوع و هوه ما يستاهل ..

و فخاطرج افكار و ميوول من سنين .. و تتحسبين اللي حولينج يدرون بها ..

و انا من رايي .. انه ما حجزج طول السنين اللي طافت .. بما انهم ما تقدمو رسمي ..

ياما و ياما تستوي رمسه وقت الطفوله فلانه لفلان .. بس مب شرط يتنفذ هالشي

و ها مب معناته ارفض اللي يتقدموون لاني اتريا فلان < بحكم الرمسه اللي كانت وقت طفولتنا

ودام خالتج كانت ويا امج خطوه بخطوه فخطوبتج الأولى , معناته وقتها ولدها كان للحين مب حاطنج فباله ..

بس يا هاليــوم و تقدم ..

وبالنسبه للشــهر اللي زعلانه عليــه ..!!!

ماشوفها فتره طويــله .. ميبي يبون يعطوونج فتره كافيه للتفكيــر ..

و بعدين يمكن الولد ثقل ومب متسرع .. كل شي على مهله << احلى شي ..

امممممم من رايي الموضوع وايد عادي ..

ولا تحرقين دمج و اعصابج .. ريلاااااااكس ..

ومابيستوي اللا اللي الله كاتبنه ..

والله يووووووفقج و ينوولج مرادج

[فانتاستك]

حبيبتي انتي ليش شاله الموضوع فوق راسج ............ليش مفكره بسالفه العرس وانتي بعدج من الاساس صغيره ....الغاليه اغلبيتنا انخطبنااا ونحن صغار الي قالولها انتي لولد خالتج والي قالوها انتي لولد عمتج ولا عمج بس الاغلبيه مارتبطوا بسالفه العرس في منا التهى بالدراسه والي التهى بحياته يعني اساسا يوم الوحده يقولون الها انتي شورايج نخطبج لولد عمج وبهالسن الصغيره نطنش ونعيش حياتنا ولا جنه صار شئ ....االي الله كاتبنه بيصير شو ماصار ....انتي مش مرتبطه باي شخص عاطفيا من الاساس عشان تتريين من حد شئ ...خطوبه ولد خالتج ولا غيره ترا ماصار شئ من قبل حد لوافترضنا حد من بعيد خطبج وبيكون شخص زين ويستاهل انه يكون لج امج تشوف حزتها اختها واتقولها ترا في ناس يايين يخطبون البنت واذا خالتج شافت انه انتي لازم اتكونين لولدها فحطي في بالج انه الموضوع صدق رسمي ..........انتي بعدج اصغيره وهو شكله بعده اصغيرررررر ليش الاستعجال في هالامور...لاتتضايجين الغاليه ....بالعكس عيشي حياتج فالدراسه والصداقه والعرس لاحقه عليه ياختي......اصرفي الموضوع من بالج ولا تستعيلين يعني ابدا شلي سالفه العرس من بالللللللللللج نهائي انخطبتي الله يوفقج مانخطبتي عيشي حياتج في انج تكملين مشوار حياتج فالدراسه والتخطيط للمستقبل بلا ويع راس

[mao]

حبيبتي رايي مثل رااي خواتي العزيزات

يعني انتي لازم ترمسين ويكون لج رااي قولي لأمج فعلا ترمس خالتج ولا ابوج يرمس حد بالعايله

المهم انج تعرفين ردهم وفعلا هذا مب موقف سخيف انتي لج الحق تظايجين

اي بنيه ما كانت بترضى تنحجز سنه ولا سنتين !!

خاصة انج بينه والبنات يحلمون بالزواج مثل غيرهم !!

الله يوفقج عزيزتي وان شااء الله الخوات يفيدونج اكثر

[shwooog]

حبيتي ليش امج ما تسال اختها الا هي خالتج ما فيها شي اذا يبونج ولا لا والله يفرجها عليج ان شاء الله

[موني بوظبي]

رأيي من رأي البنات اللي قالوا ان امج لازم تسير تكلم اختها وتقولها شو عن سالفة الخطوبه .. وتقولهم البنت الخطاطيب ايوونها .. وما نبا نضيع نصيبها .. ومن هالرمسه وتشوفهم ..
لازم تنحط النقط على الحروف ..
البنات يقولون مكبره السالفه .. انتي مب مكبرتها ولا شي وعندج حق ..
صدق السالفة تقهر ..


الله يوفقج يارب

[رويــانــة]

هيييييييييييييييييييهاااااااااااااااااا نقضتي الجروح هههههه

عيل شقى لو حيـّـروووج وضيعوا عليج أفضل العرب الين خلصتي الجامعة واشتغلتي عقب وفجأة بليا أي مقدمات زوجوا ولدهم وحدة غيرج !!

فديـتــــــــــــــــــــج انتي مب غلطااااانه ونصيحة مجرب لاتسكتين وحنّي على أمج انها ترمس مع اختها عسب السالفة تستوي رسميـّـــة أكثر

ودامج تدرسين خلاص شيلي السالفة من بالج مؤقتا وانسيها بالمرة الين اييي وقت الارتباط ^.^

والنصيب يالغالية يصيــــــــــــب .. فلا يتعب عمره الواحد ويفكر وايد ويكدر مزاجه

موووفقـة يااااااااااارب

[دلوعه فزاع]

الصراحه انا من رايي لا تاخذين من الاهل حتى وزاره الصحه يشجعون على الزواج برع الاهل عسب الامراض الوراثيه وغيرها والله يعينج حبوبه

[فديتني حبوبه]

الله يعينج

وانشالله البنات يساعدونج