ملف الحلويات مع M!ss 3naad <<<< متجدد

**M!ss 3naad** · 2009-01-13, 20:15

السلام عليكم ورحمه الله وبركاته

هني بنزل لكم حلويات سهله وسريعه

والوصفات من منتدى ثاني من عضوة اسمها
ع ـيناويه ماشاء الله عليها كل الحلويات اللي تسويها
حلوة تقريبا من 2006 معاي هالوصفات بس بعدل عليها
تعديييل بسيط ^_^ وكلها طبعا مجربه

و الحين

Let's Start

المزيد من آخر المواضيع من نفس القسم:

**M!ss 3naad** · 2009-01-13, 20:29

كيكة الدريم ويب

بسم الله

في الخلاط :نأخذ كأس سكر + 4 بيضات + ملعقه فانيلا + وملعقه صغيره هيل مطحون

نخفق المقادير كلها مع بعض بالخفاقه ..

لين تصير جي

ومن ثم نأخذ مقدار : كأس ونص طحين + ملعقة بيكنج بودر

ونضيفه على الخليط السابق ..

ونضيف مقدار من : 1/2 كأس زيت ،، وثم نبدأ في العجن الكهربائي ..

لين تصبح تصير جي

وقت العجن نحضر : 2 مغلف من الدريم ويب + 2 فنجان حليب ،،،، ونخلطهم مع بعض

ونسكب المقدار فوق الخليط ،، ونبدأ بالعجن مرة ثانية

وبهالطريقة نكون خلصنا من العجن .. ولاحظوا بأنها مب خفيفة ولا غليظة يعني متوسطة ..

نحضر صينية الكيك بأي شكل تبونه ،، وندهنها بالزيت .. وثم نسكب المقدار فيها ... وندخلها الفرن

بعد ما طلعناها من الفرن ،، نخليها تبرد شوي .. ونجلبها في صينية أكبر ... عسب نزينها

نسوي التوفي وهو عبارة عن : 2 فنجان سكر + علبة قشطة
(( نبدأ بتذوب السكر على النار وبعد ما يذوب نهائياً نرفعه
من على النار ونحط فوقه القشطة ونبدأ بالتحريك السريع
عشان ما يتعقد السكر ويذوب بالكامل )) ،،، وندهن الكيكه بالتوفي ..

نزينها بأي شي تحبونه ،، سواء جوز الهند المبشور أو المكسرات المطحونه ،،، على حسب الرغبة
وندخلها الثلاجة شوي تبرد ..

بالأخير نقطعها ونقدمها ..

طعمها واااااايد حلوووو
وبالعافية عليكم ..

**Al_Dloo3aa** · 2009-01-13, 20:35

واو رووووووووووووووووعه
بانتظار المزيد
موفقه

**M!ss 3naad** · 2009-01-13, 23:05

المشاركة الأصلية كتبت بواسطة Al_Dloo3aa

واو رووووووووووووووووعه
بانتظار المزيد
موفقه

عيونج الاحلى فديتج
وياج ^^

**lamitaaa** · 2009-01-13, 23:08

تسلم يدج اتشهي

**الغزال ش** · 2009-01-13, 23:09

ربي يعطج العافيه

**توتاي** · 2009-01-13, 23:17

شكله الملف بيكون فنان
كملي فديتج تسملين ع الطريقه

**لازم اسم** · 2009-01-13, 23:23

يم يمي
شكلها حلوووووووووووووه

**الحب أنت** · 2009-01-13, 23:28

تسلمين ..

..

**M!ss 3naad** · 2009-01-13, 23:31

كورن فليكس المارس

المقادير:
كرتون كورن فليكس حبات ( يكون لون علبته أصفر وداخله الحبات بني - أو لون علبته أزرق وداخله الحبات أشقر )

او هذا

زبدة 200 غرام غير مملحة
10 حبات مارس حجم كبير

الطريقة :
نسيح الزبدة على النار ،،
ونضيف لها المارس بعد أن نكون قطعناه قطع صغيره ،، ونحرك إلى أن يسيح المارس كله ،،
نضيف بالتدريب حبا الكورن فليكس ونخلط إلى أن يمتزج ويغطي المارس الكورن فليكس بأكمله ...
نرفعه من النار ،، وقبل أن يبرد نبدأ بأخذ كمية بسيطة ونكورها على اليد ونضعها في أوراق التقديم ونرش عليها قليل من المكسرات أو جوز الهند المبشور ...

وبالعافيه

ملاحظتي : انا استخدمت الرايس كورن فليكس وكان روووعه .. بدال المارس ممكن نحطي نوتيلا

**M!ss 3naad** · 2009-01-13, 23:35

lamitaaa
ربي يسلمج من كل شر

الغزال ش
ربي يعافيج الغاليه

توتاي
ربي يسلمج اختي

لازم اسم
عيونج الاحلى

الحب أنت
ربي يسلمج

وشكرا لكل من زار موضوووعي ^_^

**M!ss 3naad** · 2009-01-13, 23:42

كيكة قدرة قادر

نذوب على النار كأس سكر ، إلى أن يصبح كراميل .. ونصبه في صينية الكيك

الطبقة الثانية:
بيضتان
ثلاث أرباع كأس سكر
ملعقة فانيليا
كأس ونص حليب بودرة
2 كأس ماء

نخلط جميع المقادير في الخلاط الكأس .. ونصبه فوق الكراميل

مقادير الكيك :
بيضتان
كأس وربع طحين
نص كأس زيت
ملعقة فانيليا
ملعقة ونص بيكنج بودر
نص كأس حليب سائل
ملعقتين كاكاو بودرة
ثلاث أرباع كأس سكر

نخلط جميع المقادير جيداً ..

ونصب الخليط فوق الخلطه السابقة بالتساوي في كل مكان نوزعه ..

نحط الصينية في صينية أكبر ونصب فيها ماء
وندخلها في الفرن على درجة حرارة متوسطة ونتركها تنضج ..

بعد الاستواء نطلعها من الفرن ونتركها نص ساعه تبرد خارج
وندخلها الثلاجة تبرد ما يقل عن 6 ساعات .. وكل ما زاد الوقت يكون أحسن

نطلعها من الثلاجة ونقلبها في صحن التقديم ..
نقطعها على حسب الذوق ونقدمها ..

بالعافيه ..

**M!ss 3naad** · 2009-01-13, 23:51

حلى التايجر

نصف طبقة بسكوت في صينية .. ممكن اي نوووع بسكوووت

كأس حليب بودرة محمر + فنجان سكر + ملعقة زيت + علبة قشطة ( انتبهو لا تحمرون الحليب وايد
لانه بيستوي مر .. خلوة لين يستوي بني خفيف
ويخلط المقادير جميعا مع بعض ..

ويفرد على طبقة البسكوت ..

ونصف طبقه ثانية من البسكوت ..

ثلاث أرباع كأس حليب + 2 كراميل

نغلي كأس الحليب ، وثم نضع عليه الكراميل .. ثم نرفعه عن النار
ونضيف علبه قشطة عليه .. ونحرك جيد حتى يتجانس

http://img157.imageshack.us/img157/3...ottyjr7vi4.jpg
ونصبه فوق طبقة البسكوت .. ونساويه

ونزينه بحلاوه السائلة الهيرشي .. تسوون خط طويل بالهيرشي عقب تيبون عود الاسنان وتسون الشكل اللي
تبونه

ونقطع الحلاوة مربعات .. ونقدمها بالعافية

**M!ss 3naad** · 2009-01-13, 23:56

حلاوة اولكر

نصف طبقة من البسكوت مبلل بالحليب .. (( انا ما ابلله بحليب احس يطلع احلى ))

المقادير :
2 كأس حليب بودرة محمر
زبدة سائحة 200 غرام
كأس سكر
قشطة

نخلط جميع المقادير مع بعض ..
ونصبه فوق البسكوت بالتساوي ..

هذه حلاوة أولكر ..

نصف حلاوة أولكر فوق الطبقة بهذا الشكل ..
ونحضر : علبة صغيرة حليب مركز + 3 حبات جبن كيري
ونخلطهم جيدا بالخلاط .. ونصبه فوق الحلاوة بهذا الشكل ..

ونرش فستق مطحون فوقه .. وندخله الثلاجة يبرد
ونقطعه مربعات وقت التقديم ..

وبالعافية ..

**M!ss 3naad** · 2009-01-14, 00:01

حلى قالب الفواكه

المقادير:
كأس ونص بسكوت مطحون
كأس ونص حليب بودره محمر
كأس سكر
نص أصبع زبده سائحه
علبه قشطة

الطريقة :
نعجن جميع المقادير مع بعض ،، ثم نرصه في القالب ( شكل الفواكه ) وهو قالب كقوالب الثلج ..
ونحطه في الثلاجة ليبرد ..
ثم نقدمه

الموضوع: ملف الحلويات مع M!ss 3naad <<<< متجدد

أدوات الموضوع

عرض

ملف الحلويات مع M!ss 3naad <<<< متجدد

المزيد من آخر المواضيع من نفس القسم:

المواضيع المتشابهه

الحلويات

جميع الحلويات اللتى قدمت من مطبخ هيومه ( هيام2 ) موضوع متجدد

الحلويات