(مسؤولي) حسبي الله و نعم الوكيل فيه

**بنوتة ذهبية** · 2010-08-05, 21:40

السلام عليكم و رحمة الله و بركاته

شحالكن بنات؟؟ شخباركن؟؟؟

أنا اهنه أبا أفضفض.. ابا أطلع الي في خاطري.. و أباكم تساعدوني

بصراحه أنا جدا جدا تعبانه.. البارحه صار موقف صدق طلعلي عيوني و ماياني النوم و أنا أفكر..

مسؤولي فضيع لأقصى درجة.. ما تتخيلون كيف.. فيني حره أبا أطلعها فيه مب عارفه كيف.. راسي صدع من التفكير..

وايد متعبني.. يستكثر عليي حتى البريك .. وايد يعطي نفسه فرص و يمنع غيره.. أكرهه من قلبي.. و جنه محد جدامه إلا أنا يطلع حرته فيني.. و يوم عن يوم أكتشف نذالته.. مشكلتي ساكته ما أعرف أتطاول على حدو ما أحب المشاكل ( من قبل عندي مشاكل في البيت و متشبعه)..

البارحه صار موقف قهرني.. والله حتى أبسط شي يمنعني منه(ما يباني أكون علاقاتي الاجتماعيه) بس خلي حد يرمسني إلا طب في النص (رزه).. أكرهه والله ما أدانيه .. دايما يتجسس عليي .. اذا وحده من الموظفات تباني في كلمه على جنب إلا يبا يعرف عن الشو نرمس .. يا سلام!!! عيل انته تسحبهم الي ايونك برع و ترمس وياهم و محد يقولك شي !!!

المهم الموقف الي صار البارحه .. أي مسؤول يوقف هالوقفه في ويه موظفته بهالطريقه ؟؟ هاي اسمها " قلة أدب" الصراحه..

طبعا البارحه كارفه و خلاص واصله عندي ( شوفو ترا مستغلني أسوأ استغلال) و ما خذت بريك و لا شي.. يالله بس بريك الصلاه..

كنت وحده من البنات في الحجره الي حذالنا.. يعني كل شي ينسمع .. المهم هو بيموت إلا يبا يعرف شو بينا ( وانته شلك؟) .. ما كملت خمس دقايق إلا طب مره " بنات شوفو التناقض( جان يقول انتي ليش هون؟) أونه عاد محترمني و فجأه انجلب جان يوقف و يطالعني ( مثل حركات الأفلام) يوم أونه عاد واحد يطالع وحده رخيصه، يشبرني بنظراته من فوق لين تحت و يحرك فجه و يهز راسه و جتوفه تتحرك و ايده على خصره و الريول مايله و يقول هه هه

صدق قمة القهر و جان انقهر منه و أروح.. و ما بنساها له هالحركه ( بمسكها عليه و بمثلها جدام الاداره) خلي يعرفون شغلهم وياه

بنات أنا تعقدت خلاص... أحس بتخبل و بيلس في البيت..ما أبا الراتب ما أبا شي.. بس ما أبا حد يذلني

المزيد من آخر المواضيع من نفس القسم:

**الغاويـــة** · 2010-08-05, 21:48

حبووووبة لاترمسين عنه جدام الموظفين ،لاتسوين مشاكل انتي في غنى عنها

واذا سوالج شي انتي لاتعطينه ويه

خلج جادة ويااااه .. لأن الشغل شغل وكله رسميات

خلج رسمية وياه دووووم

والله يعينج على هالفئة من الناس انا اول مرة ادري انهم جييه والله ...

**رعبوبة العين** · 2010-08-05, 22:03

آحس من البدايه انتي سويتي له راس ,,
خلج جاده ولا تفتحين له مجال

**بنوتة ذهبية** · 2010-08-05, 22:03

المشاركة الأصلية كتبت بواسطة الغاويـــة

حبووووبة لاترمسين عنه جدام الموظفين ،لاتسوين مشاكل انتي في غنى عنها

واذا سوالج شي انتي لاتعطينه ويه

خلج جادة ويااااه .. لأن الشغل شغل وكله رسميات

خلج رسمية وياه دووووم

والله يعينج على هالفئة من الناس انا اول مرة ادري انهم جييه والله ...

ليش حبيبتي ؟؟ أنا مب جاده وياه؟؟ يختي ينني طلعلي عيوني..

لأنه مب محصل الي يباه . شوفي شو يسوي فيني.. ( أنا مب عاطيتنه ويه أصلا)

يتحراني عبدته أو خدامه عنده.. يمكن الخدامه يعاملها بطريقه أرقى مني..

تكفي القنابل الي يفرها عليي

**بنوتة ذهبية** · 2010-08-05, 22:04

المشاركة الأصلية كتبت بواسطة رعبوبة العين

آحس من البدايه انتي سويتي له راس ,,
خلج جاده ولا تفتحين له مجال

لا سويتله راس ولا ريول.. يخسي والله

من البدايه أنا أصلا ما أسويله سالفه.. بروحه مكبر راسه مب أنا الي مكبرتله اياه

هو اصلا شايف نفسه ما أدري على الشو

**dxbaii** · 2010-08-05, 22:07

نفس قصة مسؤولي اللبناني اخر شي قدمت استقالتي كان يحاسبني على كل شي مع اني اكرف كراف حتى البريك حرام اخذه لو سرت الحمام يقول لي وين سرتي...يعني لازم اقوله حماااام وله ما بيودرني قلت ما تسوى علي وقدمت استقالتي

**بنوتة ذهبية** · 2010-08-05, 22:11

المشاركة الأصلية كتبت بواسطة dxbaii

نفس قصة مسؤولي اللبناني اخر شي قدمت استقالتي كان يحاسبني على كل شي مع اني اكرف كراف حتى البريك حرام اخذه لو سرت الحمام يقول لي وين سرتي...يعني لازم اقوله حماااام وله ما بيودرني قلت ما تسوى علي وقدمت استقالتي

أنا جي بعد.. يختي أستحي أقوله بسير الحمام..

و لا المشكله يوم أبا أترخص يسويلي تحقيق.. انزين أنا عندي اثبات و متفاهمه ويا الاداره "مالك شغل انته" عليك بس اني استأذن منك

**eng.heart** · 2010-08-05, 22:29

والله لو انا مكانج مابسكت عنه واي كلمه يقولها لي برد عليه

انا قبل كنت شراتج واسمع رمسة مديري واللي يباه اسوي اذا عصب اسكت عنه حتى اجازات ما اخذ

عقب خلااااااااص ماتحملته والله مره ياي معصب اونه وياي يبا يطلعني غلطانه فالشغل

ويعلي صوته وجان اعلي صوتي وطلعته هو اللي غلطان جان يقولي any way ننسى الماضي وكملي شغل

الحين ننسى الماضي !!

والله الحين استوى يحسبلي احساب لاني حمدلله منضبطه ف شغلي عشان ربي يراقبني ويحاسبني مب عشانك!!

والله فديتج لاتسكتين عنه لانج ان تميتي ع هالحاله بتكرهين الشغل والوحده اذا تعودت ع الحياه العمليه صعب ترد

حق حياة البيت,,

ردي عليه وقوليله حقي اخذ بريك وشغلي اخلصه في وقته وقوليله لاتدخل في خصوصياتي

اسولف ويا اي حد اسوي علاقات مالك خص !!

غيري اسلوبج وياه لان تعاملج وياه بنفس الطريقه ماينفعه,,

والله يوفقج حبيبتي,,

**عواشهـ** · 2010-08-05, 22:41

قوليله وووولااااااا شو بدك انته مني..
هلأ بدي شرشحلك المكان..صايرلي ختيار زامينااك .. شو هاد؟؟؟ خخخخخخخخخخخخخخخخخخخخخخخخخخخخخخخخخخ

لا اتمصخر... سويله طااف يا اختي.. هاذا ناقص من داخله .. البسييه ما عليج منه..

**بنوتة ذهبية** · 2010-08-05, 22:49

المشاركة الأصلية كتبت بواسطة عواشهـ

قوليله وووولااااااا شو بدك انته مني..
هلأ بدي شرشحلك المكان..صايرلي ختيار زامينااك .. شو هاد؟؟؟ خخخخخخخخخخخخخخخخخخخخخخخخخخخخخخخخخخ

لا اتمصخر... سويله طااف يا اختي.. هاذا ناقص من داخله .. البسييه ما عليج منه..

أخاف اتهور و اسويها ههههههههههههههه

بس صدقج والله ,, أناحسيت انه فيه عقده نفسيه

**بنوتة ذهبية** · 2010-08-05, 22:50

المشاركة الأصلية كتبت بواسطة eng.heart

والله لو انا مكانج مابسكت عنه واي كلمه يقولها لي برد عليه

انا قبل كنت شراتج واسمع رمسة مديري واللي يباه اسوي اذا عصب اسكت عنه حتى اجازات ما اخذ

عقب خلااااااااص ماتحملته والله مره ياي معصب اونه وياي يبا يطلعني غلطانه فالشغل

ويعلي صوته وجان اعلي صوتي وطلعته هو اللي غلطان جان يقولي any way ننسى الماضي وكملي شغل

الحين ننسى الماضي !!

والله الحين استوى يحسبلي احساب لاني حمدلله منضبطه ف شغلي عشان ربي يراقبني ويحاسبني مب عشانك!!

والله فديتج لاتسكتين عنه لانج ان تميتي ع هالحاله بتكرهين الشغل والوحده اذا تعودت ع الحياه العمليه صعب ترد

حق حياة البيت,,

ردي عليه وقوليله حقي اخذ بريك وشغلي اخلصه في وقته وقوليله لاتدخل في خصوصياتي

اسولف ويا اي حد اسوي علاقات مالك خص !!

غيري اسلوبج وياه لان تعاملج وياه بنفس الطريقه ماينفعه,,

والله يوفقج حبيبتي,,

أنا ما بطلع لين ما اظمن لي شغل برع

**غلا الفجيره** · 2010-08-05, 23:01

كف ع ويهه بينشعم>>>يايبتنه فيزه وبترده فيزه لكنج انتي بنت لبلاد

**بنوتة ذهبية** · 2010-08-05, 23:08

المشاركة الأصلية كتبت بواسطة غلا الفجيره

كف ع ويهه بينشعم>>>يايبتنه فيزه وبترده فيزه لكنج انتي بنت لبلاد

**بنوته كفالي** · 2010-08-05, 23:17

المشاركة الأصلية كتبت بواسطة الغاويـــة

حبووووبة لاترمسين عنه جدام الموظفين ،لاتسوين مشاكل انتي في غنى عنها

واذا سوالج شي انتي لاتعطينه ويه

خلج جادة ويااااه .. لأن الشغل شغل وكله رسميات

خلج رسمية وياه دووووم

والله يعينج على هالفئة من الناس انا اول مرة ادري انهم جييه والله ...

اوافقج الراي

**Davinci Code** · 2010-08-05, 23:33

شافج مواطنه قال قال خل ألعوزها ليما تطفش خخخ

بوي حركاتهم هاي معروفة .. ياا هو اصلا نذل ولا يبى يطفشج من الشغل

ياما ناس استوتلهم شرات هالسالفة.. ولاااا عقب يرمسون يقولون المواطنين مب مال شغل اونه ماينجزون أستغفر الله

ان شاءالله مايكون مسؤولج من هالنوع.. يمكن هو روحه جي يحب يطفش اللي حواليه.. الله يعييينج والله

بس نصيحتي لااااااااااااااا تستقيلين وتعطينهم مجال اييبون ربعهم مكان المواطنين.. ترا سووها قبل حسبي الله ونعم الوكيل

الله يفرج كربتج ان شاءالله

الموضوع: (مسؤولي) حسبي الله و نعم الوكيل فيه

أدوات الموضوع

عرض

(مسؤولي) حسبي الله و نعم الوكيل فيه

المزيد من آخر المواضيع من نفس القسم:

المواضيع المتشابهه

مااقدر اقول غير حسبي الله ونعم الوكيل فيهم..حسبي الله ونعم الوكيل فيهم..

حسبي الله و نعم الوكيل!!!