فيليه ستيك من مطبخ نهّووود ...

[نهّووود]

مرحباااااااااااا يا أمورااااااااااات ...

مستعدين اليوم حق الطبخة اللذيذه ... يلّا شدّو الهمه .. نبا تشجيع وحمااااااس

طبق اليوم يعتبر من الأطباق الخفيفه والبسيطه في التنفيذ ... بس أهم شي اختيار نوع اللحم المناسب ...

وقبل لا ابتدي في الشرح ... حياكم الله في مطبخي ...





رجاءً أمووووورات عدم الرد على الموضوع لين ما أخلص من عرضه بالكامل عشان يكون متسلسل وواضح


والحين نبدأ بسم الله ...


أول شي بحط لكم طريقة الصلصه ويفضل عمل الصلصه قبل ما تسوون الاستيك لأن الصلصه تقدرون تخلونها وتسخنونها قبل التقديم .. أما الاستيك يفضل انه يؤكل مباشرة بعد الانتهاء من الطبخ ..



مقادير صلصة المشروم ...


مشروم طازج أو معلب حسب الذوق مقطع شرائح سميكه
بصله مفرومه
فص ثوم مفروم
ملعقة زبده نباتيه
علبة قشطة
مكعب ماجي
صلصة الصويا
فلفل أسود مجروش



الطريقة ...


نحط شوية زيت نباتي والمشروم في الجدر على نار متوسطه





نقلب المشروم كل شوي لين ما نشوف ان لونه بدأ يتغيّر وقام يطلع ماي ... نطفي النار ونخليه على صوب





نحط الزبدة والبصل والثوم في الجدر على نار هاديه ...





بعد ما يتغير لون البصل للذهبي نضيف القشطة ومكعب ماجي





نخلط المقادير ونضيف صلصة الصويا والفلفل الأسود المجروش ... بس حاسبو لا تحطون صلصه زياده عن تطلع الخلطه مالحه .. لأن قبل حطينا مكعب ماجي .. ونخلط المقادير مع بعض





بعد ما تتجانس المقادير السابقه نضيف نص مقدار المشروم اللي سويناه في البدايه مع الماي اللي تم فيه





نخلط المشروم مع الصلصه واذا حسيتي انها غليظه ضيفي شوية ماي .. وخليه على النار تقريباً سبع دقايق ... وبعدين طفي النار وهني بنكون خلصنا من صلصة المشروم وبيكون شكل الصلصه جذي

المزيد من آخر المواضيع من نفس القسم:

• طريقة عمل الدجاج المشوي اللذيذ
• طريقة عمل اللحم بالبطاطا الحلوة الشهي
• طريقة عمل كباب باللحم المفروم الشهي
• طريقة عمل لحم مشوي في المنزل
• طريقة عمل عدس باللحم والخضار السهل
• طريقة عمل سمك مشوي بالفرن اللذيذ
• طريقة عمل فاصوليا باللحم السهله
• طريقة عمل الكفته بالفرن اللذيذه حصري
• طريقة عمل طاجن الدجاج الشهي حصري
• طريقة عمل برياني اللحم السهل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نهّووود]

وبالنسبة للكسووووولات اللي مب متفيجات لهالسوالف ... شي خلطات جاهزة مثل هذي اللي في الصوره





مجرد انج تضيفين حليب أو ماي للي ما يحبون الحليب





وتخلينه على النار لين ما تشوفين ان الصلصه استوت غليظه





وهني خلصنا من الصلصات ... والحين دور الفيليه ...

بالنسبه للفيليه يفضل انه يكون استرالي أو نيوزلندي اللي ينباع في سبينس أو في كارفور ... وهذا شكله





الطريقه ...


نسخن التاوه على نار متوسطه تسخين خفيف ونحط الفيليه في التاوه بدون ما نضيف له أي شي .. لا ملح ولا شي ... يعني يكون ساده






بعد شوي نقلب الفيليه وبنلاحظ انه لونه تغير






وانتم نقلب في الفيليه كل شوي عشان ما يحترق من برع .. وينضى من الداخل ... وما ييبس ... لين ما نلاحظ ان لونه استوى مثل ما هو واضح في الصوره






الحين نشيّك الفيليه من الداخل بالسكين ونشوف إذا كان مستوي ولا يحتاج زياده .. وهني على حسب الذوق لأن في ناس تحبه من الداخل وردي وفي ناس تحبه مستوي زياده ... واذا شفتي ان لونه من الداخل مناسب تمسحينه بالزبده من الصوبين عشان يعطيه لون وريحه ونكهه حلوه






وأخيراً وليس آخراً نطفي النار






الحين نضيف النكهات اللي نفضلها من الملح والفلفل الأسود وخل العنب على الفيليه ... ونجهز طبق التقديم ... وبالنسبه للمشروم اللي خليناه وما استخدمناه في الصلصه نحطه على الفيليه لأن في ناس تفضل المشروم ساده .. وهذا طبق التقديم





وبالعااااااافيه عليكم يا أموراااااااات ...

[أمورة كل حد]

يمييييييييييييي
مشالله تبارك الرحمن مطبخج يخبل
واكلج احلى عن جلييييييييييييييز واااااااو يعطيييج العافيه وتسلم ايييدج

[نهّووود]

يمييييييييييييي
مشالله تبارك الرحمن مطبخج يخبل
واكلج احلى عن جلييييييييييييييز واااااااو يعطيييج العافيه وتسلم ايييدج

الله يسلمج حبووووبه
ومشكووووره ع الكلاااام الحلو اللي يشجع

[الزرعونية]

هلا نهووووووووود
ياااااه يوعتيني
كله ولا صوص المشروم شكله لذيييييذ

تسلم ايديج والله

[نهّووود]

هلا نهووووووووود
ياااااه يوعتيني
كله ولا صوص المشروم شكله لذيييييذ

تسلم ايديج والله

الله يسلمج يالأموووووره ... وشكراً على مرووووورج اللذيييييييذ

[حرمه يديده]

ما احب اللحم بس شكله شهي و الله .. مثل مال مطاعم

ربي يعطيج العافيه يا طباختنا ^_^

[نهّووود]

ما احب اللحم بس شكله شهي و الله .. مثل مال مطاعم

ربي يعطيج العافيه يا طباختنا ^_^

أسعدني مرورج الغاليه والله يعافيج

[محد شرااتي]

ماشاءالله روووووووووووووعه ...
يعطيج العافيه ^______^

[نهّووود]

ماشاءالله روووووووووووووعه ...
يعطيج العافيه ^______^

تسلمين حبيبتي مرووووورج الأروع

[محد شرااتي]

بغيت اسألج شو ألذ صلصه السوق الي بالكرتون ولا مالت البيت ؟؟؟

[نهّووود]

بغيت اسألج شو ألذ صلصه السوق الي بالكرتون ولا مالت البيت ؟؟؟

هلا حبوبة ... تبين الصدق ... كل واحد منهم وله مزّه ... الاثنين لذيذين ...

[عاشقه زوجي]

ماشالله روووووووووووووعه

[نهّووود]

ماشالله عليج .
تبارك الرحمن.
يعطيج العافيه ع الاكل اللذيذ.

الله يعافيج حبيبتي ... ومشكوووره ع الطله الحلوه

[نهّووود]

ماشالله روووووووووووووعه

مرووووورج الأروع يالغاليه