ما ادري هل قراري صحيح أو لا

**حياتي انجاز** · 2013-01-29, 16:05

خواتي الله يسلمكن انا بنتي في صف اول و هي الحمدلله قدراتها مناسبة لعمرها 6سنوات المهم وياها في الصفً بنات من أهلها و طبعهم يعيبون وايد و بنتي لانها وحيدتي و هي بجري هادية نوعا ما و ما تعرف تغايظ و هالامور المهم من كثر ما يتمصخرون علي بنتي استوت ما تشارك في الصف خوفا من أنهم يضحكون عليها و أمور كثيرة حصلت حتي أن البنت كل كم يوم تيني و هي. تصيح من قلبها و هالشي مآثر علي دراستها مع أني فهمتها أنها شاطرة و ما عليها من حد و أن لازم تكون قوية و مب أي حد يقولها شئ تصيح و تسكت لكن ماشاالله بنات عمومتها شخصيتهم أقوي و وايد متأثرة البنت رحت المدرسة و شفنا أن من المناسب أن انقل بنتي صف غير و سالت بنتي إذا بتسير صف ثاني بالعكس رحبت و عادي عندها خاصة أن المدرسات هم نفسهن يمكن مدرسة وحدة بس غير أو ثنتين أن شالله باجر بتاكد ما ادري شو تشوفون انا بعدني بصلي استخارة شوركم و هداية الله

المزيد من آخر المواضيع من نفس القسم:

**حياتي انجاز** · 2013-01-29, 19:49

و لا حد رد علي

**am.Boshra** · 2013-01-29, 20:05

اتوكلي على الله وانقليها عزيزتي احسن عن تتعقد عقب بسبهم ...

**cute uae** · 2013-01-29, 20:45

المشاركة الأصلية كتبت بواسطة am.Boshra

اتوكلي على الله وانقليها عزيزتي احسن عن تتعقد عقب بسبهم ...

نفس الراي انقليها أحسن و ان شاء الله ترتاح في الصف اليديد

**ام راشـد** · 2013-01-30, 09:20

انقليها عشان ترتاح وترد حالتها طبيعية ويرد يرتفع مستواها ان شاء الله

**Manar N** · 2013-01-30, 09:32

طبعا انقليها..بعدها صغيرة ما تقدر تواجههم...اقليها سواء من الصف أو من المدرسة

**reemane.m** · 2013-01-30, 09:37

انقليها لكن خبريها ان سبب النقل مب لانها ضعيفة وشخصيتها مب قوية

قولي لها الف سبب ،، لان عمر بنتج حساس وهالعمر تنبني الشخصية فلو حست بداخلها انها شردت عن الموقف الي يضاقها بتم جيه تتصرف

وانصحج قوي شخصيتها وخليها تعبر بادب وبدون خوف
هالمواقف بتتكرر وايد في المدارس سواء من الاقارب او غير

اتمنى كل التوفيق لج ولبنتج

**الكل خذلني** · 2013-01-30, 09:37

انقليها ولا تتعب نفسيتها لانه مب بس راح تتاثر بدراستها حتي نفسيتها وتعاملها معاكم راح يتغير

والله يحفظها يارب

**أم كنه** · 2013-01-30, 11:12

اختي لاتنقلينها بخبرج موقف مماثل لبنتي عمرها 5 فكيجي تو

طبيعة بنتي شخصيتها قوية واجتماعية بس الحمدلله مربتنها على الصدق والحوار وترد وتتكلم باحترام وادب

فكيجي ون ماعانيت كثر ماعنيت ف كيجي تو ..يتني فيوم تقول ماما ضحكوا علي البنات ..انا كنت حاطة لها فلانج بوكس كلينكس مال برنسيسات وشكله دبت الماي ماكانت مسكره عدل فيوم فتحت الشنطة طلعت الكلينكس خرسان ماي وضحكن على هالموقف فهي تحسست.. وقالت ضحكوا علي البنات ..

وكل مرة بطرش وياها شي او بلبسها تقول اخاف يضحكون علي خذت موقف من اللي صار ..فتميت شهر وانا اعاني لين ماكلمت اخصائية تربوية كيف اتعامل ويا هالبنت ..فقالت فهميها انه هم ضحكوا على الكلينكس لانه خرسان ماي ماضحكوا عليها هي شخصيا ..طبعا ياهل شو بنفهم وبنشرح ..

المهم قالت سوي نفس الموقف فالبيت وخلي ابوها وهي يضحكون على الكلينكس يوم انتي بتمسكينه ولازم تضحكين وياهم علشان تفهم انه هالموقف مضحك كلنا نشارك فيه مانتحسس.المهم سالفه عدت على خير بالامثله المشابهه

عانيت من بنت فصفها قوية معنها شاطرة الا انها مشاغبه وللاسف كانت وياها فكيجي ون بس ماكانت البنت تروم تسوي شي لانه المس تاخذ لليهال حقهم وتعاقبها ..اما الحين المس مالتهم هاديه وماعندها اسلوب عقاب فالبنت هاي مستقويه وماخذه راحتها على البنات ..

تمت بنتي ماتحب اسحيها وماتحب اسويلها تسريحات فشعرها تحدد لي يا قرنين يا عقصين يا عقص معنه ماينفع لشعرها لانه قصير وتخبرني انه يوم احط لها توك فشعرها تخشهن فجيبها فعرفت انه البنات يضحكون على اللي تحط..وتمت الصبح تقولي ماابغي هالجوتي تلبسيني اياه ..وانا ليش يا ماما تقول فلانه تقولي ها صغير الجوتي وها تمساح فيه

قلتلها قوليلها ريلي صغيره فالبس جوتي صغير يناسب ريلي

وتقولي ماما فالنشيد الوطني ترفع صوتها وتقول كلمات غلط واليهال يقولون وراها يتحرون صح وتقول اخبر المس تقولي هي تقول صح معنها مس انجليزي وين لها بالنشيد الوطني ..فقالت بنتي ماما انا اعرف اني صح وهالبنت غلط بس المس ماتصدقني ..هني كلامها اثر فيني ..ان بنت فهالعمر تقول هالكلام !!!

فصارت من نصبح لين نمسي ماما فلانه قالت وفلانه سوت تقصد هالبنت القوية عليها ..

انا طفرت ومارمت اتحمل وطلبت نقل بس كان اخر اسبوع من شهر 12 مافي مجال يعني ..كلمت المسات ..مالت الانجليزي قالت لي سلامة صاحت لاني سالتها تجاوب فانا استغربت بنتي عمرها ماصاحت فالصف علشان تجاوب قلتلها يمكن لانها ماعرفت فحد ضحك عليها فصاحت قالت هي شاطرة بس شافت كذا حد جاوب وهي مارامت تجاوب فصاحت مرتين

قلتلها عن موقف هالبنت قالت غريبه معني اشوفهن وايد ويا بعض قلتلها يا حبيبتي انتي ماتعرفين بالعربي شو يتكلمن هي تكلم بنتي وبنتي تغيرت شخصيتها صارت متاثرة فهالبنت وتشوفها صح معنها غلط كلامها وتصرفاتها

فاالاخصائية التربوية قالت لاتنقلينها و لازم المس تمدح بنتج جدام الصف علشان شخصيتها ترد اقوى عن قبل ويوم تكلمها البنت ترد عليها بس باحترام..وخل تختار صديقاتها اللي تحبهم وترتاح لهم ..والبنات اللي يسون جي يكونن غيرانات منها .

فكلمت مس العربي قالت انا بكلمها وبشجعها وان شاء الله تتغير ..

انا كنت اطرش وياها انشطة دايما للانجليزي والعربي مالت العربي تقول نصفق للي ايب دايما وهي دوم نصفق لها لدرجة قالت البنت الثانيه عمرها مايابت شي وتقول لاحظت بنتج بدت ترد عليها ..مثل تقولها تعالي يلسي عدالي تقولها مابغي

خخخخ

الحين شليت فكرة النقل لانه قلت ممكن تمر عليها مواقف وبنات اقوى عن جي لازم تعرف كيف ادافع عن نفسها وترد عليهم برد دبلوماسي

**أم وعود** · 2013-01-30, 11:55

غمضتني انقليها وحاولي اتقوين شخصيتها بادب وبدون خوف

**um alyaman** · 2013-02-09, 01:35

سبحان الله الاطفال يعني المعلمة كمان لازم تستوعب انو كل شخصية لها تعامل و مراعاه لانو الله خلقها بهالشكل لهدف معين في الحياه يعني الهادي شخصيته تاهله لعمل شي ما بيشبه الكثير حركة او نقول عنه مشاغب او لسانه طويل شوي او يعرف يجاكر و يستفز (( كل ميسر لما خلق له)) انا بس بشجعك اختى بالكلام ما اعرف اذا عبرت صح بس لانى اصلا معلمة ك ج و بالنسبة الى لازم كل ولد شخصيته تظهر ملامحها امام زملاءه انو هو مميز كما خلقه الله و انو هاى المواقف بين الاطفال لما تحصل المعلمة لازم تكون مفتحه كل حواسها و تستغلها تربويا حتى الاطفال يتعلمو منها لانها صورة مصغرة عن الحياة .. الطفل الى ما حد بيساعده تظهر شخصيته و هو بهالموقف لما يكبر ببساطة يصير عنده تلعثم او خوف اجتماعي بعيد عن اطفالنا يارب و عالاقل كويس انو انت ام مهتمة و متابعه لحتى اكتشفت شو بيحصل مع بنتك لكن كمان لازم من الطرفين البيت و المدرسة

**امبرطورة بوظبي** · 2013-02-10, 01:13

نفس الراي انقليها أحسن و ان شاء الله ترتاح

الموضوع: ما ادري هل قراري صحيح أو لا

أدوات الموضوع

عرض

ما ادري هل قراري صحيح أو لا

المزيد من آخر المواضيع من نفس القسم:

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

رد: ما ادري هل قراري صحيح أو لا

المواضيع المتشابهه

احم احم...... يلا عدنا مره اخرى هههههه ما ادري اتسمونها ابداعات و خرابيط حدرن حبيباتي

ساعدونى فى قرارى

السؤال : ما موقفنا ممن يضعف أحاديث في صحيح البخاري أو صحيح المسلم ؟

كيف تعرفين الحديث صحيح او غير صحيح قبل وضعه؟؟