بابا والدنيـــا ؟

**Nononoon** · 2012-05-01, 17:44

مرحبــبا ؟ شخبارررركم حبيت افضفض اشوي الواحد يرتاح يوم يرمس ويطلع اللي بداااخله
مممممممممممممممم بنات ماعرف شو اقول بالظبط بس احس بضيج ابااا حياتي تكون نفس اي بنت واكمل حياتيي واكون أسرره اول شي انا دبببببببه درااام طولي 169 ووزني 109 بس فينيي جمال الحمدلله بس للاسف جسمي مخرب ومماماا اخ منج ياماماا بس والله احبببج دووووووووووووووووووومها تنصحني اضعف بس مادري ماعندي راده مليت والله عمري 20 كل ماسير عرس الكل ايود ماما ويقول لها خلها تضعف لان جمالها بيضيع وماماا اتيي وترمسني انزين شو اسوي ياخي ماعننندي ارااده وانا اكبر وحده في البيت وتبا تفررح فيني بس كل ماترمسني عينيي تدمع و2 شي كل مايخطبني حد بابا يرده لاننا شيعه واللي يتقدمون لي سنه >< والله اناااا باعتقادي كلناا واحد ومافي فرق بس المعتقدات تختلف شوي بس مب ذنبي .. دوم ادعي كل ماا اتعرف على وحده تنخطببب وكل بنت اتعرف عليها تنخطب وتملج والله يقولوون لي انتي فال خيررر عليناا ^^ بس انااا يااخي مليت هالسنه عندي 5 اعرااااس ولد عمي وعرس عمي وعرس ربيعتيي وعرس اختها وعرس بنت عمهم بس شو اسوي ابا اضعف واكون كيوووت وانخططب واكون اسره وانسترر والله وايييد زاااايغه انييي اطييح في الحرام الحمدلله 20 سنه يوووودت عمممري على قد ماقدرر معن واييد رابعت بنات الله يستر عليهم بس الحمدلله تربيتيي كانت اقوى بس والله واااايد ضايجه بس مادري احس كل يعود لجسمي اللي مب راييييد ينزززل ابا اضعف بس مووول ماعندي اراده شو اسوي ؟ مادري حبيبت افضفض شوي بينكم وادعولي

المزيد من آخر المواضيع من نفس القسم:

**قارورة العسل** · 2012-05-01, 17:50

ربي يسر امورك اختي ويوفقك ان شاء الله
حاولي تنقصي النشويات والحلويات والعشاء المتاخر وراح تصيري روعه
ولو حابه تضعفي وعندك مناسبه اعملي نظام الشوربات واعصائر تنزلي في الاسبوه من 2 كيلو ل 4 ان شاء الله
بس لازم تحافضي على جسمك بعد الرجيم وربي يرزقك الزوج الصالح ان شاء الله

**Mss Queen ..♥** · 2012-05-01, 18:09

اشتركي ف جيم
وابتعدي عن النشويات
واعرفي شو فصيلة دمج
وسوي سيرج في قوقل وجوفي شو الاكلات اللي ماتناسب فصيله دمج وتمتنج
وابتعدي عن الوجبات السريعة
وان شاء الله يارب بتضعفين وبتحلوين
وبتنخطبين بس لازم يكون عندج ارادة قوية ولازم اتحمسين عمرج ^^
وبالتوفيق حبوبه

**الأحلام الملونة** · 2012-05-01, 22:16

كون ما عندك أرادة أستخيري وعملي عملية ربط المعدة بعدك صغيرة ولزم تنتبهي لصحتك ووزنك بهذا العمر خطر وأن شاء الله يتحقق حلمك وتضعفي

ويرزقك بعريس ----

بس ليش مركزة حياتك بس على الزواج أهتمي بنفسك أولا وآخير الله يوفقك بخطواتك

**تعب هالدنيا** · 2012-05-01, 22:44

اذا انتي من العين سيري عند الدكتور خالد فمركز ابحاث الاعشاب
كل الحريم والريايل بعد عنده والكل مستفيد

**(خيماويه)** · 2012-05-02, 03:21

الله المستعان

**L O L O** · 2012-05-02, 05:25

الله يهديج يا ختيه مب جذيه تكلمينها تراها البنت تقول (بس مب ذنبي)

فككري لو رسول كان قال هالكلام ؟؟ اقتدوا بالرسول في كلامكم واسلوبكم وحياتكم

سموحه لراعيه موضوع واللي راده عليها

كلنا مسلمين بنهايه وربنا الله

**بنت سلطون** · 2012-05-02, 08:05

اختي بقولج شي ...
فمره قررت اني اسوي رجيم يعني للحين مستمره ولله الحمد ومتحمسه ع الاخر
تعرفين كيف
تقولين فنفسج انا بضعف انا اقدر اضعف وابي البس كل شي ايعيبني
اهم شي الريوق اتريقي بس غدى لا تاكلين عيوش حتى ان كلتي لا تكثرين
وفالليل كلي شي خفيف مثلا سلطه او كورنفلكس مال الدايت وحليب قليل الدسم
اهم شي اهم شي الرياضه ..
روحي الحديقه او البحر امشي ساعه كامله او نص ساعه يومياااا
كل ما اتجوفين عمرج متعايزه تذكري انج لازم تضعفين
مب عشان الناس
عشان عمرج انتي عشان صحتج
واكيد ان ضعفتي بتصيرين احلى واحلى ..
ربيعتي هي دبه بس ما شاءالله شاده حيلها من الخاطر فالشهر نزلت 9 كيلوو ويوميا تروح تمشي وانا ما جفتها بعدني اكيد تغيرت

حاولي حبيبتي قد ما تقدرين
تذكري انج تبين تعرسين و تكونين اسره بتتحمسين ههههه
يالله شدي الهمه ..

**Nononoon** · 2012-05-02, 12:09

فديتتتكم واللله شكررررن ودعواتكم

**غلا ميثه** · 2012-05-02, 12:21

لازم أتكون عندج ايراده قووويه بإنج تضعفين موقفه يارب

**حبايب عيوني** · 2012-05-02, 12:24

احلى كلام طبي سمعته فيْ حياتي وما شي ابسط منه
‏‏اللي عندهم صداع او آلام بالبطن واللي يبغون ينحفون واللي عندهم أطفال ماينامون ولي عنده الالم في الكتف بعد لايفوتكم هالمقطع

http://s80.vuclip.com/1f/fc/1ffce37b...10537&s=BNi6w5

**قهوة العصر** · 2012-05-02, 12:29

بقولج حل حاولت اسويه بس كنت خايفه والصراحه
أمي حسمت الموضوع وحلفت ما سويه والصراحه
كنت أبا حد يشجعني مب يحبطني ..الله يسلمج
سمعت عن بالون ينفخونه في المعده وعقب ما ينزل
وزنج يخوزونه وها كله بالمنظار ويدخلونه عن طريق
الفم وانت نص امبنجه وهو الحلو انه مب جراحه ولا
يتم في جسمج مثل ربط المعده وها الحل للي ما عندهم
إراده وأوزانهم كبير ..أنا أحاول اللحينه برياضه وتخفيف
الاكل بس...انتي شوفي ها الحل وإذا ناسبج دوري دكتور
معروف وشاطر ومارسي الياضه بعد ها شي ضروري
....وعسى الله يعينج ويهديج للأحسن
موفقه إن شاء الله

**ام زايد21** · 2012-05-02, 14:24

يا ختى بعدج صغيره 20 سنه مافى داعى تتعقدين وتقولين خايفه تطيحين بالحرام وميوده عمرج 20 سنه يعنى البنات اللى عمرهم طاف 30 و40 وما عرسوا شو يسوون يكون عندهم مبرر للانحراف لازم يكون عندج التزام قبل الاراده التزمى مع نفسج وامام ربج وادعيه قبل لا تفكرين بالريجيم وحده قادر ييسر اى شى معسر بيسرلج الاراده والريجيم والزواج وحياتج كلها بتتيسر الزمى الاستغفار والقران بنية ان الله يرزقج ما تتمنين وربى يوفقج اختى

**Nononoon** · 2012-05-02, 16:37

>< ماعرف شو اقووول او شو ارد

**ليندااااا** · 2012-05-02, 17:20

رررررررررررفع

الموضوع: بابا والدنيـــا ؟

أدوات الموضوع

عرض

بابا والدنيـــا ؟

المزيد من آخر المواضيع من نفس القسم:

المواضيع المتشابهه

بابا خليفه

بابا فين بالعماني‏

أعد يا بابا يداي