القرية العالمية 2011-2012 بعدسة ^الدماني^ - الجزء الثاني

[^الدماني^]

مشكوره يا ^الدماني^ على الاجواء اللي دومج اتعيشينا إياها في تقاريرج

ماشاءالله عليج ما تنسينا في رحلاتج..

الله يسعدج مثل ماتسعدينا فيها في هالدقايق اللي نعيشها في مواضيعج ^__^

كم مرة رحت القرية لكن بعيون وتصوير وتقرير ^الدماني^ تكون غير لأنك غير

^آلدمآني^ وينج نبآ جزء 2

*******

يسلمو ^الدماني^ ع هالتقرير الغاوي ونتريا كل يديد
PS : احساسي التقرير الياي عن القرية الهنديه

S. DOLCE .......... احساسج خاطئ


********





يا بنيات !

اللي يانا وياكم !

خير(ن) لفانا ولفاكم ... وشر(ن) تعدّانا وتعدّاكم

زور ابن الزرزور اللي عمره ما حلف ولا جذب زور!

ذبح بقـّـه وترس سبعة اجدور ...

خلّى الشحوم واللحوم على الصواني تدور ....


رحلتنا اليوم يا عيالي ويا حبّابه ^الدماني^ بتكون الى .....

^
^
^
^
^
^
^
^
^
^
^
^
^
^
^
^
^
^
^
^

*** القــــــريـــــــة التـــركــــــيـــــــــــة ***





الحلو فيها ان معظم الصناعات يدوية ...




مثل الخطّاط أحمد خسرو





المشهور بكتابة المصاحف بخط اليد





فرصة لهواة المقتنيات الإسلامية





وعندهم بعد كتيبات اسلامية لغير المسلمين





والمصابيح الزجاجية التركية الشهيرة





وفن الخط على الصحون (يكتبون لج اللي تبينه)





وهذا المحل المتخصص في صابون الحمام التركي

المزيد من آخر المواضيع من نفس القسم:

• شتاء دبي غير مع كنوزها التاريخية والتراثية...
• دبي تستعد لليلة رأس السنة بعروضٍ مبهرة
• اجمل الأماكن السياحية في جميرا دبي
• حوض الحجرات المفقودة في دبي
• اهم المعالم السياحية الجذابة في دبي
• جولة في فندق والدورف أستوريا دبي بالم جميرا
• منتجع وسبا دبل تري من هيلتون جزيرة المرجان
• جزيرة ياس افضل الوجهات الترفيهية للعائلات
• اجمل اماكن السياحة الشتوية في الامارات
• اقوى عروض فنادق ريكسوس لعيد الأضحى

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[^الدماني^]

من جمالهم ... كأنهم لوحات من الفن الحديث





ما تعرفون إذا كان هذا صابون .....!





.... والا ايسكريم !!!





حبيت هذا أكثر شي





والبياعة جدامكم تحط ختم المحل على الصابونة بمطرقة !!
(فقيرة أظني جتفها طاح من كثر التدقديق )

أسلّم عليها وأذكّرها بالمثل الاسطنبولي اللي يقول :

"كثرت الدق .......تفج اللحام"




لتكون النتيجة النهائية "الفنية" على هذا النحو



من الأشياء اللي حبيتها السنة فناييل التركش كوفي اللي مع غطي





بأكثر من ديزاين





وطبعا السماور موجود بكل الاشكال والأحجام لألذ شاي تركي امْخدّر
تماشيا مع القصيدة القائلة :

"خدري الشاي خدري ....عيوني لمن أخـَـدْره"
(من التراث العراقي)

[^الدماني^]

ومثل كل سنة .... خيارات الاستكانات التركية عديدة





ولقيت هالقماطات الحلوين حق النيو ماميز




وعيبوني صياني الكيك اللي مع غطي ....وايد خفاف وعمليات




والمفارش المطرزة يدويا




والمخرّمة ...




وهذي مناشف مطرزة تنفع هدايا






وعندهم المايوه الاسلامي بديزاينات مختلفة





أما محلات الاكسسوارات ...





....... فتارسة البقعه





يوم ربيعتي سافرت تركيا اشترت مثل هذا العقد بالضبط بس بسعر غالي ...
نسيت أسأله هنيه بكم يبيعونه !!!




وهالكفوف اللي موضه بين البنات

[^الدماني^]

أما يوم شفت هالسلاسل ....





ضحكت بلا شعور .....

لأنهم كانوا موضه أيام مراهقتي ..
اللي هي كانت على أيام الفراعنة تقريبا


هاذيلا أحجامهم كبار شوية





بس الصراحة واحد من البياعين يعرف من أين تؤكل الكتف

مسوي شي مبتكر لجذب الزبونات !!

ألا وهو .....

إنه معلّق في المحل صور ....

^
^
^
^
^
^
^
^
^
^
^
^
^
^
^
^
^
^
^
^
^
^
^
مسلسل "حريم السلطان"





أونه عاد اكسسواراته نفس اللي لابسينهن الشخصيات





أكثر محل اكسسوارات عيبني هو هذا !




لأنه الحرفي (اللي اعتبره فنان) يالس يصنعهم في المحل





عنده أبواك الحروف والأسماء

" لا تتصل لي ولا ترسل لي حروفك ...مابا سوى تمسح ارقامي من اللسته "
(كلمات : فزّاع)





وقلادات بالحروف العربية ....


مثل :


حرف الألف :


" في المدرسه عني ايدرّس ....... يقرا كتاب الالف والبي "
(كلمات : الشاعر الراحل راشد بن طناف)

[^الدماني^]

وعنده أشيا مبتكره مب موجوده في باقي القرى

... مثل الأسامي على الصدف




على شكل قلادة





وخاتم الساعة




وطبعا القرية التركية ما تكون تركية ....... بدون ...


الرهش





والمكسرات





ومربى الكستناء





وراحة الحلقوم





والبرميت (رفيق الطفولة)




*******

شي محل يبيع زهورات




متنوعة




خل العنب وخل التفاح




ودبس الرمان

[^الدماني^]

واذا قلت لكم .... من أدخل القرية التركية لين أظهر ... إني :

"لا باكل ولا بأشرب ....بس بأتطـّـلع بعيوني "
(مع الاعتذار لسميرة توفيق )

........ بأكون أقص عليكم


والسنة ما قصّروا ...
مسوين لكم قسم هائل للأفواه الجائعة





الـ BAKED POTATOES (مسوية زحمة في مدخل القرية)





بقلاوة شريف أوغلو ...




غنية عن التعريف




اممممممممممم !!!




كستناء مشوية




وشوفتهم وهم يشتغلون روحها فرجة




حبيت شعارهم




الـ CHIPSTIX




الشاورما

[^الدماني^]

ما قلت لكم :

".... وخلـّـى اللحوم والشحوم على الصياني تدور" ؟





فطاير اللحم بدبس الرمان





الشاي (3 دراهم)





التركش كوفي ( 5 دراهم)





يا سلام يوم تشربون قهوتكم مجابلين الماي





لبن عيران





آآآآآه يا قلبي !




وللحلو ..


البوظة ...





والفواكه والمارشميلو حسب رغبتكم .. اذا تبونها ..

في نافورة الشوكولاته العادية





أو نافورة الشوكولاتة البيضا




بقية التقرير في الصفحة التالية

[^الدماني^]

وأهم شي لازم ما تفوتونه السنة .......

^
^
^
^
^
^
^
^
^
^
^
^
^
^

الكنافة !!!!




انسوا أي كنافة ذقتوها من قبل !

صغيرة الحجم ..... لذيذة الطعم !
(بأقترح عليهم يحطون هالشعار ! )





سعرها 25 درهم ( لكن تستاهل! )




يا سلاااام يوم تلتهمونها على ايقاع فرقة التخت الشعبية في الكشك المجاور ...




وهم يدندنون :

"لما بدا يتثنى ...أمان أمان يا لالالي"




واذا ما سدكم كللللللللللللللللللللللللللللللللللللل هذاااااااااااااااااااااا
فلا تحاتون !

مسوين لكم مقابل القرية التركية مطعم عملاق اسمه

"الركن التركي"





عودة لداخل القرية


هذا المحل وايد حلو




من ماركة Vinaldi التركية




متخصص في أطقم السرير المطرزة يدويا والاكسسوارات المنزلية




أطقم الشواروفسكي (5 قطع) تبدأ الأسعار من 1000 درهم وطالع حسب الشغل

[^الدماني^]

وأطقم الدانتيل الروعة تبدأ اسعارها من 1200 درهم وطالع حسب الشغل





لكن مهلا !

بالإضافة الى الشباري ....

ممكن تستخدمون هالأطقم البرّاقة استخدامات غير اعتيادية ..!!!


امممم ممكن مثلا .....


تاخذون الكفر اللي عليه شواروفسكي أو اللي عليه فولك مثل هذا




و"تغطون" به السيارة اذا كنتم بتشاركون في المسيرة

وبعد ما يخلص اليوم الوطني ......

"تزيلونه" من على السيارة بدون أضرار تــُـذكر .....،


وتخشونه في الكبت لين مسيرة السنة اليايه

بدون ما تتكبدون خسائر مادية أومعنوية !

[^الدماني^]

والحين حان وقت مسابقة هذة الحلقة :


أجيبي على السؤال التالي :


من هي الشخصية الشهيرة اللي تتوقعين تشوفينها على كفر الشبرية في الصورة التالية ؟



هل هو :


1 نمر العدوان ؟

^
^
^
^
^
^
^
^
^
^
^
^
^
^
^
^
^
^
^
^
^
^


2 أم
أميتاب باتشان ؟

^
^
^
^
^
^
^
^
^
^
^
^
^
^
^
^
^
^
^
^
^
^
^
^

أم ...............

^
^
^
^
^
^
^
^
^
^
^
^
^
^
^
^
^
^
^
^
^
^
^
^


3 مهنــّـــد ؟







والاجابة ...........صحييييييييييحة !!!!!!!

تصفيق حاد .....



فزتوا ويانا بمشاهدة مجانية لـ ......

^
^
^
^
^
^
^
^
^
^
^
^
^
^
^
^
^
^
^
^
^
^


عروض سباق الدراجات النارية داخل الكرة الحديدية





ويييييييييييييييه لحظة شوية !
سامحووووووووونا !!!



وصلتوا متأخرين
الفرقة خلّصت وروّحت





صدق المثل التركي اللي يقول :

"راحت عليك يا صاحبي! "




والى لقاء آخر في قرية أخرى !



للي فاتهم الجزء الأول من القرية العالمية بيلقونه على هذا الرابط
http://www.forum.uaewomen.net/showthread.php?t=1005703

[salamh]

الله يعطيج العافيه على التقرير الوافي الكافي وفيتي وكفيتي

[الأحلام الملونة]

ما شاء الله عليك تقرير رائع ( خمسة وخميسة ) للي يشوف تقريرك وما يصلي على النبي

الله يحفظك ويسعدك كما تسعدينا بتقريرك وتعليقك الخطيرررررررررر

[m00ns00n]

تسلم ايدج شوقتيني للقريا متى يخلصون امتحانات وانروح هههههه بس شهيتيني بالكنافه بس مسويا دايت للأسف شكلي بخرب الدايت يوم بروح بكل وبفر بالمشي نستنا باقي القريات حبوبه احس وايد أخذ فكره عن القريا لو رحتلها مابجوف كل هاه شكرا عنقل الطيب *

[لورا]

ماشاء الله تقرير رائع ومميز كالعاده

تعيشينا الاجواء يالغلا

مشكوره وماقصرتي على هالمجهود الرائع

[أم سهيـل]

سلامي عليج يالدماني