بتزوج من وافد

**smartymoon** · 2008-10-18, 22:53

يزاج الله خير
انا بعد معاج فاللي قلتيه
وربي يستر علينا ويرزقنا الحلال الطيب ياربي

**lona81** · 2008-10-18, 23:04

ماعرف شقووول انا معاج مليون في الميه بس لما قريت رد بعض الاخوات بعد حسيت انه معاهم حق ....

ومع هذا ياخوااااااااتي اللي ماوصل نصيبهن للحين ولله انكن مأجورات مأجورات بأذن الله ...

ومن وجهة نظري ولله صعب تاخذ وافد ... ابسط ابســــــــــــط شي العيال بيكونون بدون وطن .... لاهم منتمين لبلاد امهم ولا بلاد ابوهم .. وحرام انشتتهم ؟؟؟؟

يمكن في عايلات الموضوع عندهم سهل ويكن انا اشوف الموضوع من منظور عاداتنا وقبلية عوايلنا

احنا اذا يا ريال مواطن يخطب و طلع يد يده مش اصل ... ياربيه قوموا القيامه ... وين عاد وافد ومن بيتقبله
ومايروم الواحد يعيش منعزل عن هله ...

ولله ولله حلاة الثوب منه وفيه

والله يستر علي بناتنا جميعا

**زهر الرمان** · 2008-10-18, 23:08

مريم شكراً على طرح هالموضوع ,, واتمنى يستمر هالموضوع وما ينقفل
لجل نعرف رأي أكبر عدد من العضوات سواء مواطنات أو غير مواطنات
ولو كل وحده ترد تذكر جنسيتها وحالتها الإجتماعيه يكون أفضل ,, تحياتي.

**توته صغيرونه** · 2008-10-18, 23:10

تــــــسـلمــــــــيـــــــن

**الدلع كلـه** · 2008-10-18, 23:14

يزاج الله خير انا معاج فاللي قلتيه وربي يستر علينا ويرزقنا الحلال الطيب ياربي

**روح_القلب** · 2008-10-18, 23:16

مشكوووووووووووووووره انا وياج في رايي 100%

**عروس جديده** · 2008-10-18, 23:18

أنا وياج فكل كلمه قلتيها .... هذا عين الصواب

**زهر الرمان** · 2008-10-18, 23:29

بالنسبه لي الزواج توافق بين الطرفين وإرتياح نفسي
وتقبل الطرفين لظروف وعادات وعوائل بعضهم البعض
أيضاً الزواج حسابات مستقبليه تشمل الأمور الدينيه
والأمور الماليه والأبناء ومايتعلق بتفاصيل مستقبلهم,,
وتفاصيل أخرى حسب ظروف ورغبة الطرفين ,,

بصراحه أنا بقيس مصلحة أولادي و مصلحتي في هالموضوع
يعني بنظر بإهتمام للفرصه الأفضل في الزواج لأولادي ولي
سواء كانت هالفرصه مع مواطن أو غير مواطن ,, وأكيد
ولد بلادي أفضل من نواحي معينه ,, لكن المصلحه الشخصيه أهم .

**الحزن 99** · 2008-10-18, 23:31

اللي تتكلم تبي وااافد ترا صدقيني بتحنين لولد البلاااااااااااااااااااااااااااااااااااااااد لانه من دمج واصلج وصدقيني بتحنين يااللي تبي واااافد... هذا راي واسموحه منكم

**ميره المهيري** · 2008-10-18, 23:38

موضوع عقلاني و انطرح في وقته ونبا مثل هالمواضيع في المنتدى

حلو النقاش

وحلوه لمّة البنات بين مؤيده و معارضه .. الله يعطيكن العافيه

المهم ماعندي شي أقوله غير :

اللهم اني أسألك بدعاء ذي النون يوم دعاك

في ظلمات ثلاث ظلمة البحر وظلمة الليل وظلمة بطن الحوت فأستجبت له وانجيته

انك تزوج جميع بنات المنتدى(المواطنه والوافده) اللي ماتزوجن وترزقهن الأزواج

الصالحين المناسبين الذين يخافونك ولا يعذبوهن برحمتك يا ارحم الراحمين

**dboooo** · 2008-10-18, 23:46

ام علاوي صاجة و الموضوع مب موضوع عرس ياما بنات مالهم حد ابدا لا ابو و لا اخو و لا اخت يعني هاي شو تسوي

**سكون العين** · 2008-10-18, 23:52

الغاليه أنا ما أأيد الزواج من الوافدين ابدن

**كفاني جرحك** · 2008-10-18, 23:54

والله كلامج صح الصح ...

**عليااا** · 2008-10-18, 23:55

المشاركة الأصلية كتبت بواسطة om3laawi

الغاليه ..

بقولج ردي واتمنى ما تزعلين ..

انت ما عديتي 30؟! ولا يلستي في البيت تبجين حظج؟!! يومها بس بتقولين عادي اي شي المهم ريال .. الوحده يوم يكون عمرها 15 بتقول ابي مواطن ودارس وحليو .. عمرها 20 بتتقلص شوي الشروط مواطن وحليو .. عمرها 25 بتتقلص اكثر واكثر .. لين ما توصل 30 عقب بتقول والله المهم ريال ظل راجل ولا ظله حيطه وهي مب انانيه هي تبي تستر على عمرها اعرف وايدات كانن يتشرطن والحين يوم طاف العمر والله الوحده تبي اي شي المهم تسمع كلمه ماما .. اختي انتي ما تعرفين ظروف كل بنت ولا تعرفين كيف عايشه انا والله مع الستر اذا جفتيه طيب ولد ناس ويحشمج استري على عمرج اذا الرسول ( عليه الصلاه والسلام ) قال بما معناه : اذا جاءكم من ترضون دينه وخلقه فزوجوه اذا لم تفعلوا تكن فتنه في الارض وفساد كبير. وهذا الكلام قبل 10 قرون يمكن واكثر عيل الحين شو من البلاوي اللي كل يوم نجوفها ومغريات الدنيا الوحده تستر على عمرها احسن واذا عيال البلاد اذا مب اكثرهم اغلبهم خذوا من الخارج عيل نحن نتريا منو؟؟؟!!!!! .. ربيعتي تقول في مدرسه في العين هي تدرس فيها تقول والله البنات اذا مب كلهن اغلبهن امهاتهن اسيويات والاباء مواطنين100% ومن قبايل معروفه .. اختي الوضع صعب واتمنى ما تيي كل وحده تعق رمسه الستر زين في هالزمن الصعب والارزاق بيد الله سبحانه .

للعلم : انا مب في الثلاثينات وانا امبوني مخطوبه بس انا اقيس الامور بعقلانيه اكثر واتمنى محد يزعل مني .

**sa7el** · 2008-10-18, 23:57

هاي نظرتج انتي و رايج،، ليش ما سمعتي من القرآن قول الله تعالى (و خلقناكم شعوبا و قبائل لتعارفوا)
و حديث الرسول عليه الصلاة و السلام يقول، من ترضون دينه و خلقه فزوجوه
ما قال ما ترضون أصله و فصله و جوازه

و فوق كلام الله و رسوله ماشي كلام لو شو ما الواحد قال

الموضوع: بتزوج من وافد

أدوات الموضوع

عرض

المواضيع المتشابهه

وافد يمني يختلي بفتاة والهيئة تقبض عليها بملابس رجالية >>>وافد بلااقامه!!

بتزوج