بتزوج من وافد

[دبي1212]

اختيه عن نفسي ما ارضى بالزواج من وافد

بسسسسسسس

يقول رسول الله صلى الله عليه وسلم: (إذا جاءكم من ترضون خُلقه ودينه فزوجوه. قيل: يا رسول الله وإن كان دنيئاً في نسبه؟ قال: إذا جاءكم من ترضون خلقه ودينه فزوجوه. إلا تفعلوه تكن فتنة في الأرض وفساد كبير).

و الارزاق بيد الله مب نحن الي نحدد كيف بيعيشون ^_^

ماشي رياييل اذا رياييلنا يركضوون ورا الشلقه و البلقه الحرمه شو تسوي !!!

يعني الي ترغب بالزواج من وافد كيفها

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mu3anah]

يزاج الله خير انا معاج فاللي قلتيه وربي يستر علينا ويرزقنا الحلال الطيب ياربي

[بـنـوتـه]

مشكووره ياختي ويزاج الله خير..
ان شاء الله يفكرون بكلامج ..

[znoOoOb]

في بنات طافهم القطار ويبون الستر ويضايجون لما يشوفون اليهال وهم الله ما رزقهم حرام لا تقولون هالكلام اللي يريخكم ويضايج غيركم

كلامج صح بس ربج لو كتب شي رح يصير لو ربج كاتب لفلانة تزوج من فلان خلاص رح تاخذه مهما صار

[أم رفيعة]

جزاج الله خير

[BaBe]

بصراحه معك حق

كيف تاخذ وافد ... مو من متسواكم المادي

بس عندي اقتراح ممكن يحل مشكله العنوسه في الامارات

معروفه انه اعداد البنات ضعف عدد الشباب ... و كل بيت فيه 4 - 5 بنات و شاب او شابين

- الاغلبيه مش الكل -

الحل انك تخطبي لزوجك واحد من البنات اللي عدت ال 30

و لو كل وحده خطبت لزوجها انحلت المشكله

و ما تم لا في عوانس و لا هم يحزنون

سبحانك يا ربي في شرعك ... للاسف ... مطبقين العادات و ناسيين الدين

[sonson]

اتوقع في النهاية كل وحده ونصيبها ورب العالمين قال ( و جعلناكم شعوبا وقبائل لتعارفوا ) نقدر نقول ان زواج البنت من الوافد شي مب محبب لأنه (عرف) بس مب حرام و اتوقع اذا وافد عربي يقدر يوفر حياه كريمة حقها ولعيالها وعلى دين وخلق احسن ما تاخذ مواطن عديم المسؤوليه و عنده جوازطبعا (ما اقول شبابنا كلهم بس أبا أبين كيف لازم نقيم الإنسان) أعرف بنت كانت مخيرة بين هالاثنين وخذت المواطن والحين مطلقة بسبع عيال
(إن أكرمكم عند الله اتقاكم) .....مجرد راي

[صمت الموادع]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كلـــــــــــــــــــــــن و له ظروفــــــــــــــــــــــــــــــه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الله ايســــــــــــــــر أمور الجميع

[غلا ملحود]

السلام عليكم و رحمة الله و بركاته ..

ماقصرن خواتي فـ ابداء الرأي ..

و الريال بمعدنه و أخلاقه و اصله و فصله .. مبـ من جوازه و الأوراق الرسميه ..
و الحرمه شو مايصير تتبع زوجها .. لو صار عليه شو مايصير
تفنيش أو اصدار قانون على المقيمين ...
و أرض الله واسعه و الأرزاق بيد الله .. مبـ بس فـ الدوله ..
الحرمه تدور الستر ...و ريال يكون لها سند و عون ...
و اللي تقول ان شباب البلاد شكثرهم ..
كلنا نعرفـ ان نسبة الاناث أضعافـ اضعافـ الشباب ..
و وايد من الشباب ياخذون جنسياتـ أخرى .. يعني لو كل بنيه تتريا ولد البلاد

نسبة العنوسه بتصير بالأضعافـ ...

انا ما سمعت وحده اصل وفصل وبنت عرب متزوجه وافد ..........اصلن لو تزوجت بيقومون عمامها وخواله بيقصون رقبتهاااا

ها اللي يتزوجون من وافد مضظرين يمكن فيهم عرج والا شي ......الله يستر عليهن

وها اللي يقولون اذا الوحده وصلت الثلاثين وما عرست مادري شو بيستويبها يعني بتتوفى والا شو

الغاليه .. الأصل و العروبه فـ دولة الامارات و بس ..
كلنا نعرفـ ان معضم المواطنين بالتجنيس ..

مافي داعي للرمسه اللي تعقينها ..

العروبه و الأصاله فـ أهل الشبه الجزيره العربيه ..

و العربـ و الأصاله من بلاد اليمن إلى الشام


ثانيا .. انتي تقولين شو بيصير فـ البنيه يعني لو تزوجت
اللي ايده بالماي مبـ مثل اللي ايده بالنار ..

عيل شحقه ربي حلل الزواج و قال النبي عليه الصلاة السلام انه نص الدين ..

هذي نعمه إلهيه و فيها حكمه ..


و فـ الاخير .. يا بناتـ .. الستر زين

[khaleejiya]

كلامج 100%

[SAMRAA]

السلام عليكم

اختي كلامج كله صحيح وما عليه اي غبار

وانا من المعارضين لهذا الشيء

ولكني يا اختي لكل انسان له ظروفه
يعني عيال البلاد يروحون يتزوجون من وافدات ومخلين بنات البلاد عوانس ليش ما في قانون يردعهم ليش يعطون حرمته الجواز والجنسيه ويسحبون كافه الحقوق من الحرمه يوم تبغبي تتزوج وافد
كل بنت تتمنى انها تعرس وتكون عندها ذريه ليش نحرمها من هذا الاحساس
وموب المفروض ان يسحبون عنها الجواز هي بنت البلاد وعاشت في هذه البلاد واخدمت هذه البلاد واعتقد ان اللي يقول ان لازم يسحبون عنها الجواز ظالم

انظروا للموضوع من زاويه ثانيه يا خواتي اذا انتي عرستي وعندج بيت وعيال غيرج يتمني هذا الشيء

طيب ان منعوا بنات البلاد من الزواج من وافد ليش ما يرضن الحريم بالتعدد عشان تنحل مشكله العنوسه ؟؟؟؟؟

كل وحده الحين بترفض وبتقول مستحيل اخلي ريلي يعرس على خلاص عيل خلو الناس تعيش مثل ما هي تبغي وفي النهايه كل واحد يتحمل نتيجه قراراته

[dena22]

حلاة الثوب رقعته منه وفيه

[عيو دبي ون]

صح كلامج ..

وإذااااا بنتكلم عن هااا الموضوع مول ما بنخلص ..

بس حلاة الثوب رقعته منه و فييييييييييييه ..

[رويــانــة]

مريووووم .. صح لسااااااااااااانج يعلني فداااااج

وما يقهرني الا اللي اتييي وتقول ماتعرفون أحساس اللي عدت الثلاثين !! شو يعني !! عدينا الثلاثين الحمدلله لكــن محترمات عمارنا وأهلنا وعادات بلادنااااااااااا .. عمرنا ما قلنا ريال والسلاااام ولا كنا معرسات من زماااان

بنات بطلن هبل .. ترى الريال مب كل شي .. اذا ما كان كفووووو ف بيت ابويه اشرف لي

يفكرن بس في لحظة العرس والكوشة والفستان الأبيض وليلة الدخلة والدح الله يدحهن هههههههه لكــــن ما ينظرن لبعيييييييييييد للعيال اللي باجر بيتعايرون حتى من أهل البنت نفسها

اللهم لا تفتني في ديني يارب واسترني فوق الأرض وتحت العرض ويوم العرض عليك

[أم سيفوه]

بصرررررررررررررراحه الموضوع طرررررررررررررررررر وعجبتيني ,,,, الصبر ولا الاستعجال في الامور عقبها يوم يتزوجون يقولون ياليت لوصبرنااااااااااااااااااا .....تسلمين وانا كنت اتريا وحده اتنزل شرات هالمواضيع .....لان فعلا اغلب البنات المنتدي كل يوم والثاني ينزلون موضوع ابي اتزوج ابي ااتزوج وهن ماتجاوزوو 20 سنه ...يمكن يشوفون صديقاتهم تزوجوا وحده وراه وحده بس هذا موب معاناته ان الزواج كل شىء ,,,حطوا ابالكم اهم شىء الشهاده والوظيفه لان فعلا الريال يوم تتزوجينه ماتضمنينه ,,,فكروووا عدل عدل قبل لاتتخذون اي قرارموب تأخذوون اي واحد يتقدم لكم ,,,يعني (الواحد يستخير مره مرتين ثلاث واكثر واذا حسيتي انج ارتحتي تزوجي واذاا ماارتحتي تراجعي عن قرارج صدوقنى كلكن ان شاءاالله بتتزوجون بس حطوا ابالكم عدم الاستعجال)





اشكرج صاحبه الموضوع انا معاج في كل كلمه قلتيهااااااااااااااااااااااااااااا