اخويه وربيعه

[مريوم المهيري]

اخويه(طبعا ماعندنا اخو غير هذا) يعني نحن 5بنات وولد
بالصدفه اخويه اتعرف على واحد اصغر عنه ب5سنين يعني اخوي عمره 25وهذاكي عمره 20

نزين مع الوقت اكتشف ان ربيعه بدى يقلده في كل شي يعني الولد التزم مثل اخوي يعني اي شي يسويه اخوي يسويه هذاكي واذا اخوي لبس شي يلقاه لابس نفس الشي واذا اخوي اشترى شي يقلده فالبدل والفنايل وتطقيم الكنادير والغتر ويتصل 24 ساعه في اخوي مع انه اخوي متزوج واذا انشغل اخوي عنه يلقى ربيعه زعلان ومبوز وحارق التلفون بالمسجات وعقبها تعلق فيه بطريقه غريبه حتى اخوي يوم مرض تم في المستشفى ايام ويوم طلع اكتشف ان ربيعه جالب الدنيا عليه ومب مخلى حد من ربع اخوي و ماسأله عن اخوي

والحين صار يستشيره في كل شي يعني عن دراسته وعن شغله ماشاور اهله شاور اخوي واخوي قاله رايه وسار هذاكي طبق اللي اخويه يقوله

حته في العرس يالس يشاور اخوي واخوي قاله ماروم اشور عليك في هالشي هذامصيرك بس في العينيه مستعد اعينك اخوي خايف يتدخل لان اذا لاسمح الله ماصار نصيب مايبا يكون سبب في الموضوع وتفاجأ انه هذاكي أجل الخطبه

و هنيه اخوي عصب وواجهه بطريقه مب مباشره ورد الريال على اخوي : انه هو يبا اهتمام لان اخوانه مب مهتمين فيه با يحس انه عنده اخو (هالكلام بعد ماعرف انه اخوي وحيد امه وابوه)و حلف انه مب معجب ولا شي بس فاقد الاحساس بالاخوه ويبا يحس بالاهتمام يعني بيتهم كله مشاكل مع اخوانه ومرات تحصل المشاكل جدام اخوي يعني يكون اخوي عنده ويسمعه يوم يتضارب مع اخوانه

بس حرمة اخوي تقول له لاتظلمه بس لاتهمل الموضوع وبعدك اتأكد .. تتوقعون شو الحل كيف نقدر نعرف اذا هذا اعجاب او صدق الريال محتاج اخو وصديج؟!لان الموضوع خبصه

اخوي قال انه بيكرر عليه كلمة نحن اخوان نحن اخوان واذا شافه يتضايج بيودره وتم يكرر عليه هالكلام وصار هذاكي بعد يقول لاخوي : نحن اخوان ومابينا مجاملات وهنيه اخوي صار خايف يظلمه وخايف انه يكون فعلا محتاي له كأخو وصديج .. خاصة انه اخوي خلاه يبعد عن المشاكل قبل كان كل يوم في ضرابه وخلاه يهتدي وخايف اذا ودره يرجع لنفس الطريج الاولي لنه ماكان فيه حد ينصحه ويوضح له الصح من الغلط ؟! بس بعد يقول انا احبك واعزك ؟! وبعد مشاورات قلنا بحط الموضوع وبناخذ الردود الزينه (مع العلم انه اخوي من النوع اللي يحب يخدم الناس ويساعدهم واذا شاف حد عادي يرمس الناس وياخذ ويعطي معاهم كأنه يعرفهم من زمان وهذا عيب اخوي اللي يخلي كل الناس يبون يتعرفون عليه)
ويزاكن الله خير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[GuMus]

أنا شاايفه .. إنه ما فيها شي لو كانوا قرااب من بعض لهاي الدرجة

خاصة إنه اخوج ملتزم و الثاني محتااي النصيحه ..

حتى لو اخوج يشوف إنه مب سيده .. اخوج يقدر ينصحه و يقوّم سلوكه .. بحكم الموده اللي يكنها ربيع اخوج لـ اخوج

مهما يكون >> خلّي اخوج راخي ويااه إذا هذااج شد .. و خلّي اخوج يشد عليه إذاا شاافه واايد رخاا


و إن شااء الله لـ اخوج الأجر في هالعلاقة << لأنه ينصح مسلم

[we7da co0ol]

ممم انا بعد اشوف انه شي عادي

[عيون_الورد]

عادي بس لو اخوج مضايج من هالشي هني رمسه ثانيه

ممكن يقلل من زيارته له بحجج وفي نفس الوقت مايقطعه !!

[بسوم البريكي]

الولد شكله فاقد حنان اخوانه أنا عندي ربيعتيه جذا تقلدني في كل شي حتا في طريقة الرمسه وحاولت ابعد واتهرب بس تعبت عشان مشاكل بيتهم مالها حل كل يوم مشكله وعقب عرفت انها صدق محتاجه أخت أكبر عنها تفهمها والله انها صارت قطعه مني أخت وصديقه وكل شي وأنصحها وتنصحني وبينت لها من شو أتضايج وماصارت تقلدني بس بعدني معاها وعمري ما أفكر أتركها عشانها صدق وحيده مع إنهم 10بنات وولدين بس الوحده وحدت القلب مب وحدت الناس

أنا أقول عادي وخلي أخوج يفهمه شو الأشيا ألي ينزعج منها ولاتخليه يفكر بالموضوع من ناحيه وحده بالعكس خليه يوقف معاه خاصه انه يسمع مشاكلهم بنفسه

هذا رايي

[مريوم المهيري]

عادي بس لو اخوج مضايج من هالشي هني رمسه ثانيه

ممكن يقلل من زيارته له بحجج وفي نفس الوقت مايقطعه !!

لا لا الغاليه اخوي مب متضايج منه اخوي مايحب سوالف الاعجاب وما اعجاب يكره هالاشياء وماعنده مانع يرمسه لانه ريال شراته بس خايف يكون معجب فيه لانه يوم اخوي ينشغل يزعل منه
بالعكس اخوي يحب يرمسه ويبا يكسبه كأخو بس مايباه يكون معجب بشكله او هالخرابيط
وحتى اختبر مصلحة الولد هذا طلع الولد مب من النوع المصلحجي وعقبها وثق في هالناحيه ويت فكرة العينيه مع انه اخوي جاد و يوم قاله بعينك في زواجك الولد قاله لا ماباك تدفع ولا فلس مع انه اذا الولد زين اخوي مستعد وقادر يعينه ويبا يدفع واللي شجعه عهالشي انهالريال مب مصلحجي

[مريوم المهيري]

الولد شكله فاقد حنان اخوانه أنا عندي ربيعتيه جذا تقلدني في كل شي حتا في طريقة الرمسه وحاولت ابعد واتهرب بس تعبت عشان مشاكل بيتهم مالها حل كل يوم مشكله وعقب عرفت انها صدق محتاجه أخت أكبر عنها تفهمها والله انها صارت قطعه مني أخت وصديقه وكل شي وأنصحها وتنصحني وبينت لها من شو أتضايج وماصارت تقلدني بس بعدني معاها وعمري ما أفكر أتركها عشانها صدق وحيده مع إنهم 10بنات وولدين بس الوحده وحدت القلب مب وحدت الناس

أنا أقول عادي وخلي أخوج يفهمه شو الأشيا ألي ينزعج منها ولاتخليه يفكر بالموضوع من ناحيه وحده بالعكس خليه يوقف معاه خاصه انه يسمع مشاكلهم بنفسه

هذا رايي

الحمدلله اني حصلت نفس المشكله وانشالله بقول له وعيني عليكن بارده انتي وربيعتج يزاج الله خير طمنتيني

[مريوم المهيري]

اشكر كل وحده اخطفت ع الموضوع اللي ردن واللي ماردن

[لن اتكرر]

أختي ..
الولد محتاج اهتمام ومب محصلنه وبطريقة لاشعورية انجذب لاخوج لانه حصل فيه القدوه .. خلي اخوج ايعرفه على اصدقائه دام انه اخوج زين اكيد ربعه مثله عشان ينشغل اشويه عنه .. وما أدري ولد اختيه عنده اربيع من زمان معاه لو غاب فتره عنه اسمعه ايعاتبه .. واكدي على اخوج انه يدعيله كل ما خطر على باله انه هو معجب فيه احسن بدل الظنون .. وأنتو بعد ادعو له ..

[نبضة أمل]

ربيعتي كانت اتقول لي أحبج وأعزج...ويوم أرمس عن فلانه كانت اتقول لي أغااار
بس هي جداً طبيعيه...وسبب هالشي مشاكل بيتهم اللي ما تخلص

وكانت هي قبل آخر العنقود....بس جداً طبيعيه
يمكن أنا تضايجت بس بعدين عادي...لأني كنت أقول لها نحن خوات...هي ترد وأكثر

وتصغرني على فكره أنا أكبرها...وكنا ندرس في نفس الكليه..
بس مشاكل بيتهم خلاها تفضفض عندي بزياده

أعتقد ربيع ريلج محتاج حد يكتم أسراره ويوجهه لطريج الصح
والله يهدي الجميع

[مريوم المهيري]

ربيعتي كانت اتقول لي أحبج وأعزج...ويوم أرمس عن فلانه كانت اتقول لي أغااار
بس هي جداً طبيعيه...وسبب هالشي مشاكل بيتهم اللي ما تخلص

وكانت هي قبل آخر العنقود....بس جداً طبيعيه
يمكن أنا تضايجت بس بعدين عادي...لأني كنت أقول لها نحن خوات...هي ترد وأكثر

وتصغرني على فكره أنا أكبرها...وكنا ندرس في نفس الكليه..
بس مشاكل بيتهم خلاها تفضفض عندي بزياده

أعتقد ربيع ريلج محتاج حد يكتم أسراره ويوجهه لطريج الصح
والله يهدي الجميع

الغاليه هاي مشكلة اخويه اللي اكبر مني مب ريلي يزاج الله خير

[رويــانــة]

السلام عليج

وربي يحفظ لكم اخوج يارب .. لو انه مب محترم ان جان ما تعلق فيه الولد ولقى فيه صورة الأخ الكبير

خله يتم وياه واعتقد اخوج بيعرف من نفسه لو هالولد نيته هب زينة يعني ان جانه اعجاب وخرابيط ولا تقدير واحترام من أخ لشخص شاف فيه اخ كبير له .. يزاه الله خير خل يتحمله وياخذ بايده وربي بيآجره فيه ان شاء الله

واذا ع الزواج خل يقوله شوف راي أهلك وشوف شو رغبتك انت واتوكل على الله

وبنفس الوقت وبطريقته خل اخوج يعوده انه فيه حدوود لاتصالاته ومسجاته واذا كان ما يبا يفقد اخوة اخوج خل يتحمل شوي ويتصرف صح

انا مرييييت بنفس حالته بالضبط يوم كنت فالجامعه ومع اني معروف عني وحده صعبه وماحب حد يتعلق بي الا اني غمضتني البنت لانها فعلا كانت تحتاج أخت والحمدلله الحين ما شاء الله عليها موظفة ومتحمله من عمرها ونتواصل بس من فترة لفترة

والله يعين اليميع يارب

[samr]

بالعكس اخوي لااازم يوقف معاه لانه يمكن يتعرف على حد ثاااني ويخربه

مفرووض اخوي يستغل هذا الشي علشان مصلحة الولد

والله يصلح يااارب

[شما المحيربي]

[youaremine]

كل مافي الموضوع أنه يحتاج أخو ... وبعدين أحبك وأعزك صارت..................شي مشكوك فيه !!!
أنا أحب صديقتي وأعزها.... شو فيها هذا شي طبيعي ... تصدقون رحمت الولد هو وين وانتو وين