<<< سويتي حجامة ؟؟؟ عيل دخلي وفيدينا >>>

[مبدعة العين]

بنات من منكم سوت حجامه؟؟؟ لاني سمعت انها عالجت واااايد ناس من امراض مختلفة.

بنات شاركونا على شان الكل يستفيد وتحصلو اجر

سبب الحجامة؟
المكان اللي سوستي فية الحجامة؟
شو الفايده اللي حصلتيها من الحجامة؟
كم سعرها؟

وشكراااا

المزيد من آخر المواضيع من نفس القسم:

• اهم اسباب حساسية الطعام وطرق علاجها
• اهم اعراض قصور عضلة القلب وطرق علاجه
• اهم أسباب واعراض التهاب المفاصل وطرق علاجها
• اهم الأعراض وطرق الوقاية من الجلطات
• شو علاج عرق النسا نهائيا بدون عمليات في حد...
• اهم الفوائد الصحية للشوكولاتة الداكنة
• اهم لقاحات كورونا المنتظرة خلال الفترة...
• تطبيق جديد على الهاتف سيكشف إصابتك بفيروس...
• اهم أعراض الانزلاق الغضروفي والأسباب...
• طرق علاج غازات البطن وطرق الوقاية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أتعبني غروري]

في مركز السلامة للأعشاب فيه حرمة مواطنة تحجم

وتحجم على 100 درهم .. وماتعور

بس هذا كلام اللي بالمركز .. أنا خفت صراحة

اتصلت فيه بخصوص خلطة لزيادة الوزن .. وكنت اسأله إذا مضمونه تمتن ولا؟

ف قال ان شاء الله مع الأكل اللي تاكلينه .." يعني أضغط على عمري بالأكل وأنا صراحة ما أقدر "

ف قال ليش ماتسوين حجامه ؟ حجامه تنفع للأكثر من شي ..

والحجامة علاج في زمن الرسول"عليه السلاة والسلام"

ومن بعدها مارجعت اتصل ولا آخذ خلطة ولا حجامة ^ــ^

خبرونا ياريت اللي جرب

[حبي 123]

الصراحه أنا جربت الحجامه في 3بظهري و5بريلي طبعا مب كلهم مره وحده في اليوم واحد.
أول مره جربت وحده بظهري بس لإنه واايد يعورني بعد ماجبت 3 عيال لإني كنت خايف قلت أجرب .
الصراحه حسيت إن الألم خف بواايد عن ما كان عليه وقمت أتحيم كل أسبوع تاخذعني 50درهم في محل العطاره في معيريض.

[umsa3ed]

وان اتحجمت اكثر من مره في الكتف للضغط والحمد لله وايد زينه الحجامه اتحس ان الجسم ايكون اخف.... اتحجمت عند مركز الحكمه في العين وكذلك مركز الاعشاب 50 درهم عن كل كاس ... ومعلومه مهمه اذا الشخص اراد الحجامه الافضل انها اتكون من تارخ 18 وطالع من الشهر العربي

[hanoooon]

أنا تحجمت تقريبا 3 مرات

وطبعا تفصل مابينهم مدة 3 شهور تقريبا

والحمد لله أنا مافيني شي ......... بس وقـــــــــاية ... وراحة

وهي أبــــــدا ماتعور


وحجامتي ببلاش ........... لأن شي حديث عن الرسول بس مب حافظتنه ،، وبما معناه إن المحجم ما يصير ياخذ فلوس من اللي يحجمه لأنه حرام ،، أما إذا خذاها وعطاها كلها للخير عادي.



وأنا حضرت من زمان محاضرة خاصة فقط بالحجامة .................... قمة في الروعة

وأهم شي إن الرسول وصى فيها


والناس اللي أعرفهم دعاة ومتخصصين في هالشي من زمان ................ ويسووون لكل الناس ببلاش

بس هم موجودين في الشارجة لهم مركز اسلامي بس ماعرف اسمه . . . واللي يبغي يتواصل وياهم يخبرني وإن شاء الله بفيدكم على قد ماقدر.

واللي سوت لي الحجامة (عمتي) . . وما شاء الله عليها من تبدا لين ماتخلص وهي تقرا عليه وتذكر الله..

واليوم سوت لأمي ووووايد حريم . . عليييييهم اقبال وااااااااايد الحمد لله


وعالجوا أمراض وايد بالحجامة عجز الطب إن يعالجها . . . . ولو تسمعون عن الأمراض اللي عالجوها وقصص الناس ( بتستغربون) . . . . بس الواحد ما يقول إلا سبحـــــــــــــــــــــــــــان الله


وكله في ميزان حسناتهم إن شاء الله

[سماء الحب]

السلام عليكم انا سويت حجامة في ظهري ما يعور عادي سويتها في الشارقة عند حرمة ما تطلب اي شيء اللي بتعطينها اي مبلغ قصري اتسويها على السنه

[أم فلاح2]

انا عندي الرومتيدو في المفاصل وسويت الحجامه الصراحه اول ماسويتها في ظهري 4والركبه و2في الرقبه حسيت في نفس الوقت اني خفيفه ووجع المفاصل فتره طويله ماياني وايد ارتحت الصراحه الي ماجربه يجربه وما بتندم لان اشياء وايد في جسمج يتغير جنج اولتي من يديد

[shams alfreej]

وين احسن مكان اسويها في دبي او الشارقة؟؟؟

[مبدعة العين]

الله يعطيكن العافية

بنات العين وين احسن مكان للحجامة؟؟

[زنوبية]

خواتي حياكم الله انا اسوي حجامة كل ثلاثة اشهروالحمد لله شفيت زيغ الدم والام الراس وهبط عندي الكلسترول وفي حجامة اخصائيةحاصلة على شهادة تجي عندكم لحد البيت وتعمل الحجامة وعلى كل كاس 50 درهم --- عشان الذي يعمل حجامة ويبغى يستفاد منها لازم تكون على الريق ولازم يكون مرتاح حتى يخرج الدم الفاسد من الجسم لكن عندما يتنشط الدم بحركة الجسم الكثيرة تسير الاخلاط مع الدم فتفشل الحجامة في مراكز الحجامة لايهمهم على الريق او كان المريض مارس رياضة اوتناول الطعام المهم اعمل الحجامة وادفع اسال الله ان يشفي جميع مرضى المسلمين الحجامة تذهب العين والشارقة ودبي وبيتها في ابو ظبي والي تبغاها تتصل على الخاص

0

[orjwan]

اهلين اختي
حبيت اشاركك مع اني ماجربت الحجامه
بس بصراحه الدكتور وصاني وقاللي افضل تعمليها
ونصحني بحاجات قلت اقولك هيا عشان تنتبهي اكتر

تروحي لاحد يكون موثوق
ونفس الكاس يكون جديد وافضل تجيبيها بنفسك عشان تطمني اكتر
الله يرفع عنك ويحمينا والمسلمين من جميع الامراض ياااارب

[شووشة]

الصراحه امي كل شهرين تسوي كنت انا اوديه عن حرمه في الشارقه ما تاخذ شي وكل مره يقولولي شوي ما يعور وانا كنت اتردد اخاااف واخر مره سويت والله عادي ما يعور وان شاءالله اسوي مره ثانيه

[TWIN MOON]

انا احتجمت ابغصب ...
لان اللي عنده فقر دم ما يحجمونه
وانا عندي فقر دم وغصب سوت لي مكان واحد فعظمه الكتف من الظهر ومكان واحد بس
وما يعور عادي بس اتحسين ابطرافج تبرد والمكان بارد لانه جرح
وعلى 100 درهم

[(مراسيم)]

أنا جربت الحجامة في راسي وفي ظهري 14 كاس مرة وحدة .. في البداية كنت متخوفة وااااايد .. بس عقب تشجعت لأني دايما أعاني من صداع فضيع ..وعقب ما جربتها ارتحت وااايد .. والحمد لله .. وبعدين ترا الحجامة ما تعور.. وتوكلي على الله ..

[moodah]

بصراحة انا ما تحجمت بس وديت امي للحجامة ..
بمركز العلاء بالفجيرة .. وحلليلها امي ما خلت مكان فجسمها والا وسوت .
.. من راسها لريولها ..والدكتورة سوت لها 66 كاس .. ب 1700 درهم.. وكل كاس ب 25 درهم وتفتحين ملف ب 50 درهم
لانها كانت تعاني من : ( الصداع النصفي و والضغط والقرحة والقولون والدسك و الامساك ومفاصل ريلها ...
وبصراحه امي اكنت ما ترقد الليل من آلام فجسمها بس بعد الحجامة اتحسنت بشكل ملفت .. وعطةها حبوب مكمل غذائي لعظامها وللامساك .. وااايد نفع وياها .. وعطوها مراجعة بعد شهرين ..وانشالله بوديها
... انتي بس قوليلهم من شو تعانين .. وبيحددون لج مناطق الطاقة اللي في الجسم ..لان المناطق اللي تعانين منها فيها طاقة سلبية .. ويبسوون لج الحجامة ..

... ...