ريلي والماضي

[نور ندى]

بنات انا عن جد اعترف بغلطتي لاني انبش ماضي ريلي ما اعرف ليش فيني فضول ابا اعرف كل شيء شو كان يسوي علاقاته ويا منو كانت وتجي وبقولكم السالفه اللي اتضاربت ويا ريلي ضرابه كبيرة
دشيت هوتميل ريلي ولقيت فيه اسم بنت واخدت الايميل واضفته عندي ومرة دشت البنت وكلمتها وتميت اسالها انتي منو وكدا
وهي قالت لي انتي منو قلت انا حرمة فلان بليييييز شو كانت علاقتج فيه بصراحه قالت والله عاديه متل الاخوة فلان وايد طيب وياي وساعدني في وايد اشياء وكنت ايي لبيتهم واساعده ونطلع ويا بعض ونتعشى نسير سينما بس ما في اكثر وانا تميت ارص عليها قلت لا مستحيل علاقه بتكون وياه بريئه وسالتها عمره باسج قالت لي هيه وسوري هني انا انصدمت واااااااايد ما اتوقع يعنيوتميت بعد اسالها وبعد شو سويتو وقالت سوينا بالغلط يعني .... ومرة وحده بس
المهم اتصلت لي وتمت تقولي ديري بالج على ريلج لاني كنت معاه 24 ساعه ومع
دلك كان يكلمج في ها الفترة وانا ما حسيت باي شيء وهني حسيت انها منقهرة ليش ما اتزوجها هي وتمت تقول انه كان يحب وحده وعايش وياها ووووو وايد اشياء وتمت تقول اني ما ابي اعرف شيء عنه خلاص لانه تزوج وما قالي ووو
وسرت انا المينوه عند ريلي واتضاربت وياه وقلت له ليش ما قلت لي انك كنت تعرف فلانه وكانت تيي عندك البيت ونمت وياها ووووو
المهم الصبح شل تليفوني ووداه الشرطه وفتح محضر شكوة على البنت بانها تخرب بيوت وخربت سمعته وبقدف في حقه وما راح يتنازل الا لما يحضر ولي امرها ويوقع تعهد جدامها والمشكله يا بنات البنت هاي توها متزوجه والحينه حامل فشيله بيي ريلها للمركز وهي للحين ما تعرف انه ريلي بلغ عليها وخدو رقمها وراح يطلعون المكالمه اللي كلمتني وشو قالت بالضبط واسبوع تقريبا راح يتصلون في زوجي عشان يي المركز وهي بعد بتتي ويا زوجها
قالي ابي اهزئها وابا اشوف ريلها جدامي عشان تتادب وما تخرب بيتي شو اسوي
وريل زعل مني قالي كيف تعطيها المجال تخرب بيتنا وحده متل هاي انا قلت له اللي قهرني انك كنت على علاقه وياها وما قلت لي
قالي هدا ماضي وانتهى واللي فات مات انا افكر في المستقبل وفيج وفي بنتي وبيتي وبس وقالي من يوم ما اتزوجج ما خنتج ولا فكرت في وحده والدليل اني سرت للمركز وخدو رقمي وبيفتشونه ووادا حصلو رقم بنت مكلمنها بتعرفين
شو اسوي اعتدر وانسى ماضيه مع اني دايما اتدكرها شو اسوي لا تنطنشون رسالتي مع انها طويله بس شو اسوي من القهر اللي فيني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شرجااوية]

امممممممممم حبوووبة الصرااحة بقوولج ايااهاا وبكل صرااااااااااحة انتي













غلطااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااانة


انا بسالج الحييين شوو اللي استفدتي يووم نبشتي مااضي ريلج ؟؟ بالعكس انتي اللي انضرييتي شووفي سوييتي انتي بهالطرييقة بينتي لرييلج انتي اتشكييين فييه وادخلتي بخصوووصياااته بانج فتحتي اييمييله ،، انتي الحيين ترضيين ريلج يفتش في مووباايلج او في اييمييلج ؟؟ طبعا لا ,, ادري اني قااسية وردي قااسي بس والله لو انتي مب غاالية ماا كنت بنصحج ,, شووفي الحييين خربتي بييتج وبييت هييج البنت حرااام والله

بليييييييييييييييييييييز حاااولي انج تتفااهميين وياا رييلج عسب يسحب الشكوى خلاص والمااضي انتهى





شرجااوية

[مهره العام]

صدقهاااا ختيه شرجاويه اشعليج من الماضي عيل انا بخبرج ريلي عنده ماضي اسود بس ماليه خص في ماضيه انا اباه لنه هو مستقبليه الياي وانتي فتحتي لعمرج باب كله مشاكل والا شو تبين ماضيه الي فات فات يعني انتي بتحاسبينه ع انه رمس وحده وانتي هب في حياته كييييييييييييف ورحتي ورمستيهااا والحين بخترب بيتهاااا
ختيه الي صار غلط..... واسمحيليه

[سوزانا]

كلام شرجاوية صح
أنتي غلطت بكل شي سويتيه ............ويقولون يلي فات مات

[بنت الشيبه]

حرام البنت انظلم .. ويمكن يخترب بيتها وجي ..

الله يعينج الغاليه فهمي ريلج انه السالفه جي وجي ونتي فتحتيها الانه حراام وخليه يتناازل

اكيد ما ترضين يخترب بيتج ف لا ترضينها ع الغير

البنت افتح قلبها لج وصارحتج ..

الله فووق يا الغاليه

[غلا الدنيا]

ممممممممممممممم.....
انتي غلطانه 100%
ما في داعي اتنبشين في ماضيه الحين شو استفدتي خربتي بيتج وبيت البنت ويمكن هاذيج ريلها يطلقها بسبت هالشي و وريلج ما بيرجع يثق فيج هو همه انتي والبنت ما همته هالسوالف ولا كان يفكر حتى يخونج وانتي بينتيله انج انتي اشكين فيه سمحيلي انتي غلطانه غلطانه شو استفدتي الحين كنتي تقدرين تعرفين ماضي ريلج بطرقه غير مب جي
اللـــــــــــــــهـ يهديج

[رافينا]

انتي غلطي كل ريال له ماضي واكيد تاب وماخانج من تزوجتوا المفروض ماتعورين راسج

والبنت المسكينه بتخربين بيتها لازم ريلج يتنازل عن القضيه وتقولين له انا واثقه فيك بدون ادله

[ثامبلينا]

المعلومات اللي عطتج اياها البنت تدل على انها حاقده عليج وتبغي تخرب بيتج ،، معناه ان زوجج في عمره ماحبها يمكن هي اللي كانت تلاحقه وخاطرها فيه ويوم ماسوالها سالفه وتزوجج انقهرت وجت الفرصه منج انتي وعرفت تنتقم منكم وتثير البلبلة في حياتكم ... أفا عليج خلج قويه ولاتخلين سوالفها تخرب حياتج وتنتصر عليج... المهم خلج في صف زوجج واطردي وساوس الشيطان من راسج .. واتركي عنج مهنة المحقق كونان ...

[نور ندى]

مشكورين واااااااااايد

[نور ندى]

ادري انه انا غلطانه

[رحله شقى]

حرام عليكم اللي سويتوا انتي وريلج بتخربون بيت البنت عشان شي كان في الماضي

ايا اختي ذكري ريلج نه عنده خوات والدنيا دوااااره

وكما تدين تدان

[دلوعة_أحمد]

انا نفس الشي احب انبش .. مرة شفت صور ايام الجامعة و طريتهم طر و فريتهم عليه و ضحك. مرة حصلت رسايل و البنات نصحوني و افاتحه في الموضوع بس ما قدرت و فاتحته و بعد ضحك و فاللي انتي مينونة .. و الحين استوت سالفة جريب انه البنت اللي قايل حق اهله يخطبونها له طلعت في الجريدة و انا شفت الاسم و الشكل و اتضاربت وياه و ضحك.
بعدين شفت انه ما شي فايدة .. الحين هو يقوللي يلا .. ابا اشوف شو بتطلعين هالمرة يوم انا مسافر لأنه كل ما يسافر انبش. ماعرف ليش هالعاده ..
انا مثلج و نصيحتي لج انج اتقولين حق ريلج يتنازل عن القضية لأنه حرام .. خلاص هو بينلج انه مافي شي بينهم .. فليش اتعورين رأسج ؟ انتي حرمته و انتي ام بنته.. و هاييج البنت حامل حرام يعني تنير لمخفر الشرطة.

[ام شيخه86]

انتي غلطانه خلاص هذا ماضي وانتهى انتي يايه تنبشين بالماضي الحين شنو استفدتي يوم سويتي جذي
اصلا انتي الطريقه اللي مواجهه فيها ريلج غلط مب بهالطريقه اللحين انتي بتخربين بيت البنت وما بتخلينها بيزه ماتسوى جدام ريلها واهلها وخصوصا انها حامل مسكينه وانتي حمدي ربج انها يات ع جذي لو واحد غير ريلج ماتفاهم وياج جان عطاج ورقتج وراح يلعب شفتيه مسكين شنو قالج انه اهوة ترك الماضي واهوة مهتم فيج وبنتج وبيته لاحول ولاقوة الا بالله الله يهديج وييسر لج امورج


الحين اللي عليج تردين المياة لمجاريها وتتاسفين له واتسوينها جنها غلطه وانتهت ولا تخلينها فبالج ترى الشك بيزيد وبيذبحج ولا تنبشين فايميله ولو اهوة خايف منج جان ما عطاج باس ورد الايميل او انتي من وين يبتيه وترى حطي باج وداري شمعتج عشان ماتخربين بيتج وربي ييسر لج امورج يالغاليه مسامحه ع الرد لانه سالفت انقهرت منها وايد لانج ماعرفتي ولا شغلتي مخج حتى او انج تنبي اتعرفين ماضيه ولا تنبشين بايميله ولا تيلفونه ولا سيارته اخرتج بتفتشين فكل شي يتعلق فيه لان الشك بيترس عقلج وبتخلين الشيطان يلعب براسج


لا حــــــــــــــــــــــــــــول ولا قــــــــــــــــــــــــــــــــــــــــوة الا بـــــــــــــــــــــــــــــــــــــــــــــــــ ـــــــــــــــــــــــــالله

[دلوعه وايد]

كل الي انقال صح
انت
غلطااااااااااااااااااااااانه
ماضى وانتهى


بس لازم تخلين ريلج يتنازل عن القضيه
لانه هايج البنت بينخرب بيتها والله حراااام
لا حول ولا قوة الا بالله
والله يعينج

[...(مريّة)...]

الله يعينكم ويهديكم