ساعدوني

[Mo0ly19]

السلام عليكم
اشحالكم جميعا

بنات انا مالجة من فترة اكتشفت فيها انه ريلي وااايد بخييل
لدرجة انه عادي ما ايدقلي اسبوع خوفا ع الرصيد
يترياني اقوله عشان يقولي انتي دقي
و كل ما اقوله جي و جي بنسوي للعرس يقولي لا انتي كله حق مخاسير

مااا احب جي ابدا ساعدوني كيف اتصرف معاه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[almal3ka1]

استشيري مستشار اسري افضل

[ام لامية]

استشيري مستشار اسري افضل

نفس ما قالت الاخت مشكورة
اصعب شيء البخل

[ام مصطفى..]

انا كان بخيل وكله يقول خساير وليش ومادري شوه ..
بس قمت ماتصل فيه واقول له تبغيني اتصل انا ماعندي رصيد ماداوم انته الي اداوم
وكل ماقول له شي قال خساير اقول له عيل ليش معرس ؟ لين ماطاحت ف باله
والحين يسويلي كل شي اباه ويتصل لي كله من رصيده لو عندي رصيد يقول لي سكري خلي رصيدج
وتغير وايد اي شي اباه يسويلي واذا يبا ياخذ لي كل شي من الغالي عودته من البدايه انا كيف ..

[ام مصطفى..]

لا تقولين استحي ومابقول له اتصل فيني ترا والله بتتعبين بعد العرس وصعب تغيرينه دامج فالبداية شدي الحبل وخلج جديه وياه

[أم محمد1988]

مادري شقولج الصراحه

الله يعينج ياختي .. وحاولي تكلمينه ..

قوليله ليش كل ما أقولك شي أو فكره للعرس تقولي مخاسير ؟!؟! ليش هالبخل اذا الحين ما استانسنا بالبيزات متى عيل بنستانس !.!؟!؟

يمكن هو ما حاس بعمره .. كلميه بهدوء واختاري الوقت المناسب

[هجير الشمس]

عاد البخل صعب الواحد يتعايش معاها
وهذا طبع والطبع الحل الوحيد انج تغيريينه ف انا ما اعرف شخصيتج كيف
لن حل المشكله في شخصيتج انتي اتجاهه
لن شي وايد رياييل بخلا لكن من طاحوا بحب الحرمه صاروا يعطون بالهبل
الشي الحلو فيه انه صريح مب مثل باجي الرياييل يدعون كل شي جميل وقت المجله وعقب يطلع ويهم الحقيقي
حاولي تتقربين منه اكثر وفهميه وين السعاده تكون وكيف الواحد يشتري راحة باله يوم العمر له يوم ويفنى
والله يهديه لج ويصلح باله
تحياتي

[ام احلى بنات]

أختي صلي الأستخارة دام انكم ع البر
انا تميت اصلي سنتين متواصلات والحمد لله الحين اشوف النتايج

ترا البخيل صعب يتغير و الحياة وياه صعبة ،،،

الله يوفقج الغالية،،،

[جنة البيت]

حبيبتي البخيل يكون بخيل في كل شي حتى في مشاعره صلي صلاة استخاره

[ماحد شراتي]

حبيبتي البخيل يكون بخيل في كل شي حتى في مشاعره صلي صلاة استخاره

معاها فالراي وتحملي تقولين بس اكون وياه في بيت واحد بيتغير هذا طبع حطي النقاط عالحروف من البدايه وخلي شخصيتج قويه ..
كلشي ولا البخل

[حرم الحميري]

دامج مالجه من اللحين تلاحقي عمرج قبل العرس شي من الرياييل يتغيرون وشي من الرياييل يتمون بخله بتبهدلين بيونج عيال ومصاريف غير مصاريفج خلي هلج يقعدون وياه ويحطون شروطهم من اللحين خلج بعيده عن الموضوع عشان ما تعلقين فيه زود ويغدي لوتي وياخذج بالرمسة خليهم يشرطون شروط العرس يبا حياه الله ما يبا بنات الناس مب لعبه اصلن الله كيف بيبارك له فرزقه اذا هو صاك ايده شو يباج باجر اطرين عادي باجر تاخذينه وما يصرف وتيلسين اطرين من هلج

[sa7el]

صح كلام البنات،، اعرف وحدة ريلها واااايد بخيل،، بس هو يسمي عمره اقتصادي ،، بخيل لدرجة تلوع الجبد ويفشل بعد
يسير المطاعم وياكل ووقت الدفع يختفي
اذا مناسبة ولا شي عمره ما ياب هدايا ولا يساعد بالفلوس
يرقد عياله كلهم معاه في نفس غرفته مع حرمته عشام يوفر المكيفات
ما ييب خدامة لحرمته وهي اللي يالله يالله تلحق شغل البيت

يعني بخيل ويلوع الجبد الصراحة

انتي دامج عالبر،، سولفي معاه، حاولي تطلبين منه اشيا غير التليفون،،،
مثلا،، قولي له امي فديتها سوت لي شي وابا اخذ لها ذهب،، تقدر تشتري؟
اسمعي رده

او قوله له اختي ربت مثلا وابا اخذ لها باتشي وتوزيعات وذهب،،، شوفي شو بيقول

يعني لازم تختبرينه،،

عقب على هالاساس تقدرين تتفاهمين معاه،، قولي له ناس تموت وما تهنت بفلوسها مكودات في البنك وبالاخر العيال ورثوا ولعبوا لعب في الورث وطيروا الفلوس
الواحد يتهنا براتبه بحلاله بمشاعره باللي في قلبه
يعني،، كلمي انتي تعرفين له اكثر،، اذا حسيتي ما منه فايدة استخيري وابتعدي احسن من الحين

باجر اليهال يبالهم مصاريف الدنيا ملابس وقماطات بامبرز حليب مراضع ملابسهم بسرعة تصغر لازم كل فترة ملابس يديدة و و و
غير عن بيتج وراشن البيت وخدامتج ومصاريفج والفواتير بعد لو ماخذ السيارة او عليه ديون العرس ومدارس اليهال وسفراتكم وجي شو بيسوي بج،، هههههههه بيضربج

فكري وتفاهمي بهدوء والقرار لج،،،

[مراسيل الوفاآ]

هالاشيا صعب انها تتغير بين يوم وليله وبتتعبين وايد عشان تغيرين فيه هالطبع
انه يكون كريم بس ما عنده غير عن انه يكون عنده ويبخل عليج ، وهالاشيا تنعرف
ف الدوام بين الرياييل لو سألتوا عنه اكثر جان عرفتوا هالطبع فيه، بس كلميه الحينه
وقوليله لو تميت ع هالطبع ما بنتم ويا بعض كوني صريحه من البدايه عشان يعرف انه هالشي
غلط ، صلي استخاره وشوفي ردة فعله عقب ما تصارحينه اذا قرر يتغير ف تمي وياه واذا ما
يبا يغير طبعه ف شاوري اهلج وخذي قرارج قبل لا تندمين

[love rak]

اختي حاولي تفهمين منه يمكن مديون

[قمر الزمن]

شوفي حبيبتي اصعب شي البخل ولكن الحين انت ملجتي خلاص الصبر وغيري من طبعه نفس ما قالت الاخت احسن خله هو عوديه يصرف ابا وابا بس قدر المستطاع يعني لا تكلفين عليه اهم شي يتعود الصرف وما يكون بخيل وشوي وشوي بيتغير وعطيه فرصة اما اذا ماتغير الافضل تراجعين اخصائية اجتماعية او مستشار اسري صعب تعيشين مع بخيل وايد صعب خصوصا اللي عاشت معززة مكرمة في بيت اهلها ......