بنتي والقمل

**غزالة AD** · 2015-06-10, 10:07

السلام عليكم.

بنتي عمرها 4 سنوات وبدش المدرسة ان شا الله شهر 9. من فترة ياها قمل مادري من منو وعالجتها. ومن شهر ياها وعالجتها والحين بعد اتفاجا انه فيها ومسكينه وايد تحج راسها غامضتني. مب عارفة من وين اييها..ماعدنا حيوانات او طيور..وهي اصلا مب فالمدرسة..اكيد حد من البيت او يمكن بنت عمها لانه الخدامات قالولي انه بنت عمها صغيرة وليبونها عدنا كل يوم الصبح وفيها قمل الخدامات قالولي..شو اسوي..انا اداوم وبناتي فالبيت لاني اسكن عند اهل ريلي.. وبنت عمهم فيها قمل وتعدي بنتي عيزت وانا اعالج القمل..حرام كم مرة بحطلها دوا.. وريلي قالي لا ترمسين فالموضوع انه بنت اخوه فيها قمل لو رمست عمتي بيعصب. كيف اتصرف. غامضتني بنتي. اليون بعد الدوام بمر الصيدلية باخذلها دوا وبعالجها وامري لله. يارب لطفك.

المزيد من آخر المواضيع من نفس القسم:

**شيماء الهاجر** · 2015-06-10, 12:07

يا قلبي عليج..انا عيالي طلع فيهم ممكن من سبع شهور .والحمد لله..الحين ماش...بس كان الموضوع وايد صعب عليا...بنتي كانت في الروضة ..اضن من جي طللع لهاوالله اعلم...خذي مشط مال الحديد..قولي حق الصيدلي..ابا مشط مال القمل. ودوا القمل اسمه نايدا...وشامبو. القمل...اغسليها شعرها زين حكيه حك..ومشطيه.زين وهي تحت الماي..انا كنت اخلي دوا نايدا. لين الصبح..امسكيها لرافي الحوش..وطلعيشعرها فوق. ومسكي بالخصلات. حاول تطلعيها بيض القمل...مشطيه بعد بمشط الحديد مال القمل. ..خذي فرشاة مال معجون الاسنان الوقت اللي تستعملي المشط. نظقيه بفرشاة الاسنان..احسن شي تكوني موجودة برا في الحوش. اذا حسيتي وايد. غسلي. فراشها او عقيه..انا عقيت وايد فراشهم...عقب ثلاث ايام. نظيفي كل الاغراض اللي خذيتها بالماي الحار والصابون...وردي سويلها. مرة ثانية. الطريقة من تمشيط خصلات..عقي الصيبان بيدج اذا قدرتي وانت لابسا قفاز...اهم شي. بعد تغسليه زين..نشفيه بالسيشوار...صدقيني كان الموضوع وايد صعب. عليا لكن الحين الحمد لله....طرشيلي رقمج ع الخاص بطرشلج الصور...انا ما عرفت اطرش لج ع الخاص...الله يسر امورج يارب

**غزالة AD** · 2015-06-10, 12:48

مشكورة اختي شيما.. هيه اعرفه دوا نايدا وبعد في شامبو وايد زين.. انا مادري يمكن ما نظفته عدل اخر مرة او يمكن ردلها من حد ثاني.. بس هي قعدت فترة الحمدلله ما تحك شعرها.. وسويت مثل ما قلتي قعدت امشط شعرها وهو مبلول ونزل بالمشط وشفته وشليت كل الفراش وغسلناه بماي حار. الله المستعان. مشكورة على الرد حبيبتي.

**uae girl22** · 2015-06-10, 12:59

دوا نايدا لازم تستخدمينه مرتين اول مره وعقب اسبوع ثاني مره عشان تفتكين

وانا بعد وايد تبهدلت من سالفة القمل وي بنتي من أخت زوجي الصغيره امها وايد هاملتنها فاستويت اسبح عيالي كل اسبوع او اسبوعين مره بشامبو القمل

**غزالة AD** · 2015-06-10, 13:11

انا شكلي جي بسوي بتم استعمله مرة فالاسبوع احتياط حتى لو مافيها عسب الوقاية.. والله نفسيتي تعبانة من هالموضوع.. ناس هاملين عيالهم ويأذون عيال الغير..وما يبوني اتكلم عشان ما يزعلون! عيل لا تيبون عيالكم عدنا وتبلشونا.

**غزالة AD** · 2015-06-10, 13:12

مشكورة uae girl22 على الرد.

**عطر رومانس** · 2015-06-10, 14:21

علشان تقضين ع المشكلة غسلي شعر بنت عمها بنفس الشامبو لما تجيكم ...

**غزالة AD** · 2015-06-10, 14:34

شكرا عطر رومانس

**kaki92** · 2015-06-11, 17:42

اقري على راسها يمكن حسد ما يندرى

**المعآني** · 2015-06-12, 00:27

استخدمي لها استشوار السيراميك مب العادي كل يومين على حرارة منخفضة يقضي عليهم عن تجربة
وتأكدي ان الشامبو للقمل والبيض
ودوا نايدا ماحبه يسوي تساقط فظييع

**كراميلا1** · 2015-06-12, 15:28

هيه عسلي شعر بنت عمها ولا أعطي خدماتهم علبة شامبو تغسل شعر البنت

**ملكة جمال** · 2015-06-12, 18:51

هيه غسلي شعر بنتعمها احسن بدون محد يحس اونج تسبحينهم مع بعض وتلعبينهم

**ملكة جمال** · 2015-06-12, 19:50

من قريت الموضوع وانا احك واحك واحك اتخيل عمري عروس وتمشي والقمل على طرحتها يارباه

**أم زمرده** · 2015-06-12, 23:10

اللهم بلغنا رمضان و بارك لنا فيه وارزقنا صيامه وقيامه على الوجه الذي يرضيك عنا يا رؤوف يا الله ،،،،،

**um fay** · 2015-06-14, 10:18

اغسلي شعرها زييين..
اعملليها سشوار او سيراميك..
حاولي تتخلصي من الصيبان ولو بإيدج..
غسلي شعرها ب خل ابيض.. و لبسيها كيس على شعرها..
شوفي كيف بيطيح القمل و بمووووت

و ترا ممكن يكون حسد..

بنت اختي كبيرة شوي .. يعني 14 سنه و صادها قمل بشكل مش طبيعي ..
غمضتني .. صارت قمة راسها بيضا..
وحاولنا فيها ما رااح .. وهي تصيييح وحالتها لله
لنه كل ما ننظف شعرها ,, نجي اليوم الثاني كنه ما نظفناه ..
تمينا اسبوووع على هذي الحاااال..

اخر شي خبرتها تقرا سورة البقرة .. يوميااا..
توقعت انه عين..
عاد خبرتني انها كانت رايحه صالون ، و الصالونية قالت لها شعرج صحي و مدري ايش..
و الحمدلله 3 ايام بسورة االبقرة ، ومع التنظيف و كل اللي براسها راااااح..

الموضوع: بنتي والقمل

أدوات الموضوع

عرض