كيف اغير. زوجي!

[Yazi.90]

صراحه انا خاطري تكون لي حياه مستقله بروحي
انا ريلي مايخليني اطلع مع ربيعاتي
وممنوع اركب مع سواقه وغيره ،،
يا اطلع معاه او مع اهلي ولو ابا اشوف ربيعاتي لازم ف مكان خاص
يعني حتى بيت ربيعاتي مايخليني اروح ،، يقول خلهم اييونج
صراحه انا ماقدر اطلع عن شوره لان ابوه واهله جي بعضهم متحفظين بزياده
مع ان ابوي ما شاءالله معطينا الحريه بس طبعا بحدود ،،

انزين الحين بفهم دام هالشي كله ممنوع عنها
كيف الحرمه بتقدر تكون حياه خاصه لها بروحها
خص انها ماتقدر لا تروح ولا تيي !

والله مرات احس بالندم لاني تزوجت بدري
ولا عشت حياتي مثل الناس ،،
بس اقول الحمدلله. ربي عطاني ولد وبنت ينسوني هموم الدنيا
بس بعد انا ماريد اكمل حياتي جي بهالقيود كلها !!!

خواتي عطوني حل شسوي؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بسمة أمـل]

السلام عليكم ورحمة الله وبركاته

حبيبتي طبيعي البنت من تصير في بيت زوجها تصير عليها مسؤوليات وإلتزامات تختلف عن ما كانت عليه قبل لا تتزوج
بخصوص انه حريص على انج ما تروحين بيت ربيعاتج فمعاه حق خصوصاً انه لهم خوان شباب ما يصير تروحين مناك
طلعي وياه مب مشكلة ووي خواتج بعد وبخصوص ربيعاتج ممكن تجتمعين وياهم في البيت أو في حدايق تكون للنساء في حال حبيتي تجتمعين واياهم في وجهة نظري لو تجمعينهم في بيتج وقت ما يكون ريلج برا يكون أحسن الحين الحرمة المتزوجة ما عاد لها حياتها الخاصة لأنه لها زوج وعيال مسؤولة عنهم يعني لازم تكون حرمة مسؤولة وتعرف انه في اختلاف بين حياتها ألحين وحياتها وهي غير متزوجة نصيحة مني سوي لج جدول اطلعي مع ريلج وعيالج احيانا وزوري أهلج أحيانا واعزمي ربيعاتج في البيت من وقت للثاني بهذه الطريقة تقدرين تعشين بشكل طبيعي فكري بعقلانية شوي فديتج وبتلاقين كلامي صحيح

[حور الشارجة]

أم فهد الله يحفظكم مادام خلق زوجج ماتعدى الحدود فرضاه واجب عليج والحمدلله انه فيه غيره عليج وها دليل حبه لج تدرين تعيشين أفضل حياة بالرضا والقناعة وابدعى في بيتج كثر ما تحبين ويسعد زوجج وأهل بيتج... أختي بيت المرأة جنة وليس قيد أو حبس وانظري لحياتج بنظرة اسلامية وبتعرفين كيف تكون جنة المرأة وراحتها

[تناهيد جرح]

عزيزتي نحن صرنا في زمن قليل تلاقين الريال يغار ع الحرمه مب انه قليل قليل بس كل ما مشينا
سنه جدام كل ما قلت هالغيريه غير جي ما احس انه ريلج حارمنج من شي بالعكس يخليج
تطلعين معهن في مكان خاص ويخليج تعزميهن في البيت غير جي انتي من تعرسين تتغير حياتج
وما شاء الله قلتي عندج ولد وبنت يعني مب معرسه قريب وبنقول تغيرت عليج الحياه لا
يعني لازم تكونين متعوده بالعكس عيشي هاللحظات بحلاوه وايجابيه ولا تقارنين نفسج باللي احسن عنج دايما قارني باللي اقل عنج وبتحمدين الله ع اللي انتي فيه
وربيعاتج اكيد معرسات ولكل وحده حياه واذا مب معرسات بيعرسن وبيستقلن وبينشغلن
ما بيصيرن مثل حياه العزابيه

غير جي بالعكس احس حلو تطلعين وياه السوق يعني
لان وايد حريم ريايياهم مب سائلين عنهم ولا يطلعون وياهن السوق ولا ولا ولا
فيعني ما شاء الله انتي يطلع وياج ويوديج وسامح لج ويا اهلج
خذي الامور بإيجابيه اختي الغاليه

فان لم تستطع فاستمتع يعني لا تمين تاخذينها سلبيه ومنكده ع عمرج

والله يسخركم لبعض ويوفقكم ويسعدكم

[شروقه]

اول كم سنه من الزواج جذيه عقب بيتعب من المتابعه
حاولي تقنعينه تسوقين
انا في البدايه كان موب راضي عقب رضى وعقب هد لي راسي عقب ما كان يقول لا ولا ولا
حسيت انه طابوقه وانشلت من على صدره ههههه

بيتغير بروحه الظروف والأيام بتغيره بس صبري شوي وافرحي بالاهتمام تراه ما يحصل هالايام
الله يهنيكم

[غلآ نفسي]

انا معاه انه ما يخليج تروحين ف بيت ربيعاتج

احييه الصراحه

ومب حارمنج من الطلعات تراج تطلعين مع اهلج ومعاه وتطلعين ف اماكن خاصه ويا ربيعاتج

خلي استقلاليتج مع ريلج مب لازم تروحين بيوت ربيعاتج عشان تحسين باستقلاليه

وانا مع سواقه الحرمه خذي ليسن حاولي تقنعينه

الله يوفقج

[مراسيل الوفاآ]

اختي ريلج ما يباله تغيير ولا انه يسوي جي عشان تغيرينه
ريلج يشوف انه من واجبه يسوي هالاشيا لانه مسؤول عنج
وانتي مطالبة بأنج اتطيعينه ، ف لو غيرتيه وطلعتي وسويتي
اللي تبينه ، ريلج شو دوره ف حياتج؟

ما فيه شي اسمه حياه مستقله هالمفهوم عند الاجانب اللي يتخلون
فيه عن كل مسؤولياتهم ، انتي هني وافقتي انج تكونين ع ذمه
ريال تحفظين بيته ف غيابه وتشاركينه ف تربية عيالكم هاي هي
حياتج الخاصه ، شي طبيعي انه الوحده تقل طلعاتها ويا ربيعاتها
عقب الزواج لانه عندج التزامات واولويات ف حياتج وطلعاتج ويا
ربيعاتج ما بتعوضج عن ريلج وعيالج


لا تقارنين حياتج الحينه بحياتج قبل الزواج ، قبل ما عندج مسؤوليات
والحينه عندج بيت وعيال وريلج ماله ذنب اذا انتي ما سويتي اللي تبينه
قبل الزواج ، هاي حياتج اليديده وعيشي لحظاتها بدون ندم

[غرووب 22]

لا حول ولا قوة الا بالله

[mrs.abk]

أختي إنتي تسألين كيف أغير من زوجي ؟ أنا أنصحج فكري وتساءلي كيف أغير من نفسي .؟؟

كيف تكون عندج خصلة الرضا بالحال .. والقناعة بالخير اللي عندج ..

يا أختي عمر السعادة ما كانت مرتبطة بطلعة مع الصديقات في كوفي أو سينما .. هذي اسمها بهجة ومؤقتة بعد .. بعد شهر أو 2 ما بيكون لها قيمة ..

لكن مشكلتج التفسية اللي بتكبر وبتعيشج في ازمة واحساس بالقهر والحرمان .. مع ان الواقع ان حياتج زينة وان الشيء الوحيد اللي يضايق فيها انج ما تطلعين مع ربيعاتج

غناتي .. موب انتي الوحيدة في الكون .. أغلب الاماراتيات يعيشون نفس وضعج .. وهذا شيء عادي في زمن الفتن الكثيرة اللي نشوفها في كل مكان الريال يكون حريض أكثر على عياله

المهم ان يكون هالحرمان من حرص موب من جبروت وغطرسة

توكلي على الله وتأكدي هالربيعات لو رحدة منهم بموقفج ما بتفضلج ابدا على شور ريلها ورضاه وطاعته

[khaleejiya]

حالج وايد احسن من غيرج

[elshog 87]

عزيزتي

ابدا ما اشوف انه ريلج غلطان بالعكس قاعد يسوي اللي المفروض ريايل هالزمن يسوونه !
و قصدي انه هالزمن معظم الناس ما تبي الخير لاحد وايد قصص و وايد مواقف مريت بها شخصيا او مرت في حياتي من ناس قريبين مني و تعلمت منهم الكثير ! صدقيني عزيزتي انا ما اقولج هالشي الا لاني حبيتج فالله !
انتي يمكن كنتي متعوده على حياة ثانيه في بيت ابوج " الحرية " ولو مثل ما قلتي انها بحدود بس اتظل حرية مستحيل يقبلها زوج غيور على بيته و على زوجته !
بس هاي الحياة ( الحياة الزوجيه غير )

عليج اشيا كثييييييييرة لازم تتقيدين بها و لازم تتنازلين عن وايد اشيا في حياتج عشان تعيشين
عمرها ما كانت الطلعات و الوناسه مع الربيعات الوناسه عقب الزواج مع ريلج و كيف ترضينه و كيف تهتمين في بيتج و عيالج و نفسج !

ما اقص عليج انا ودرت ربيعاتي كلهم عقب ما تزوجت لاني اكتشفت انهن ما يبون لي الخير
و لا تنسين " طاعة الزوج وااااااجب " حاولي تاقليمن نفسج مع الوضع اليديد ترى وايد حريم يبون هالحياة اللي انتي الحين عايشتنها

ربي يزيل همج و يسخر لج ريلج و عيالج فيما يحب

دمتي بود حبيبتي

[bnooota]

امورج طيبة و الحمد لله
باجر يرضى و بتدخلين و بتطلعين و بتعزمين
أهم شي إنتي ارضي بحالج و استانسي بحياتج

[Yazi.90]

تسلمون بنات على ردودكم ما شاءالله تبرد عالقلب ،،
وترا انا والله راضيه ومقتنعه الحمدلله
بس انا اشوف ان الواحد مايصك على زوجته لهدرجه
لانه يأثر على النفسيه اوكي صح انا اطلع مع ريلي
بس ترا طلعاتنا محدوده لاني مرات ارمسه يقول.مشغول
ولا ماله داعي اليوم خليها مره ثانيه ،،
ومع ذلك شوي تلقينه هو طالع مع ربعه!!!
يعني بالله هذا مب شي يقهر ويحز فالخاطر اوكي انا اخبره
انت يعني مانعني من كذا شي عالاقل انت عوضني بالطلعات معاك
والله يا بنات لو اطللع مع ريلي وارفه عن نفسي بقول يالله عالاقل مب مقصر

وعلى سالفة الطلعه مع ابوي ،،
في اماكن ماقدر اروحها مع ابوي انتو متخيلين هالشي
يعني مثلا البحر الفلاني اذا قلت بروحله مع ابوي يقول لا
انا هني اعصب اقوله شو قصدك يعني ترا يوم اطلع مع ابوي
شرات يوم ما اطلع معاك ،،

والله بنات انا مادري هي غيره وبس
ولا غيره داخلها شك ومب ثقه وترا كلامي اللي فوق فيض من غيض
وهذا اللي ذكرته ولا شي يعني انا ما انلام ،،
لان صراحه احيانا يصك علي صكه احس عمري بنفجر
والله يعني لولا هلي وطلعاتهم جان كنت شبه محبوسه فالبيت

الله المستعان ،،

[Amaaaal]

انا ريلي قبل جي كان وياي لكن من داومت الحمدلله خف شوي ودايما يقول لي انا عسكري في الشرطة وواشووف اشياا تصير في الشارع لا تلوميني كنت اتضايق بس ادري انه خايف علي

[sa7el]

على شو تشتكين أختي
ماشوف ريلج قالج شي غلط لا سمح الله
كل اللي قاله في حدود الطاعة الزوجية،،،