هل اعتبر ان زوجي غشني؟!

[هيا88]

انا اللي فهمته انها ذهب مب الماس

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رعود المزن]

أنا مصدومه من هالموضوع من أمرين. الأمر الأول : أنت تقولين أنا مب ماديه و تعيدين و تزيدين على الريال سالفه صار لها 8 سنين. شو يعني ألماس ؟ شو يعني زركون؟ حلي الموضوع بذكاء و قوليله :أنا أدري أنها زوكون, بس أنا ما يهمني الزركون و الألماس. المهم أنت حبيبي و أبو عيالي عندي أهم من كنوز الدنيا. و ساعتها بتكبرين في عينه وبيسوي المستحيل عشان يرضيج. حطي جدامج ميزان و حطي فيه عقود الألماس في كفه و حطي زوجج و سعادتج وياه في الكفه الثانيه و اوزني و شوفي في نظرج أي كفه أرجح عندج؟ اسمحيلي أنت كبرتي الموضوع أكبر من حجمه و خصوصا أن عندج عقود ألماس من قبل مثل ما تقولين.
و الأمر الثاني: البنات الله يهديهن بدال ما ينصحونج بالهدوء ويالسات يزيدن النار حطب. يعني بيفرحن إذا خربن حياتج.و شردن أسره سعيده.
تعوذي من أبليس و حاولي تطردين التفكير السلبي من حياتك. و اتمنى لك حياه سعيده. و اتحملي تخبرين أهلك بالموضوع

[ليندااااا]

اكيد ما في شك هو غلطان
بس انتي ما تضيعين حقج بكثرت الانتقادات
ما بقلج انسي الموضوع لاني بحط نفسي مكانج اكيد الموضوع يقهر بس حاولي تاخذي حقج وما تطوفين الموضوع

[أم زمرده]

اختي الفاضله ما تظلمين زوجج، يمكن يوم اشترى قالو له انه الماس ،، وما تستهينين ولا تستهزأين لانه اشترى لج ذهب أبيض وعليها زركون مب الماس ؟؟ راجعي نفسج أختي الفاضله ما تخربين بيتج علشان زركون،، وصدقيني يا أختاه اسعدي زوجك وتذكري معاملة الحسنة لج ،، اتمنى من الله ثم منج تراضين زوجج وتسامحينه لان يمكن مثل ما قلت لج يا أختي الفاضله ما كان يعرف ، وما حب يحرج نفسه بانه ما يعرف بالألماس ،،،
والله يسعدكم مع بعض ،،

[قمر16]

عزيزتي الذهب الأبيض في الشراء أغلى من الذهب الأحمر وهو في النهايه ذهب وليس فضه
ثانيا هو لم يغشك من الأساس
ثالثا
الأسلوب المتبع جميعه خاطئ ولو في خاطره ان يعوضك خير
لا اعتقد انه سيعوضك لانه راغب فقط لتحشيم الكلام وتقليله
اللي منغص عليك الان المقارنه والغيره والوسواس
لا تخربي بيتك
تقدري تاخذي منه افضل بكثير من جميع هدايا الاخرين وشبكاتهم لكنك دخلتي بدور المهاجم
قد ينتهي حبه لك بهذه ألطريقه انتبهي
الله يوفقك
اتعجب من الجميع الذين علقوا انها غشت ,,,!!!

[Fa.R]

لا تزنين عليه وتنرفزينه مب موت وحياة ياخذلج في يوم وليلة ترا كله من كده وتعبه
ماعلي فالبداية خذيلج شيء خفيف وإن الله رزقكم كملي الباقي مثلا: خذي ذهب ولا خذي اساور فان كليف
وعقب خذي طقم لو قدرتي طبعاً يوم بتخف الضغوطات اللي عليه
وأنتي ترومين تشتغلين وأدلعين عمرج بعد ، حرام والله مايسوى عليكم تضاربون على هالسبب

[jumana]

هل يوم عطوج الشبكة قالوا لج ألماس ؟ إذا في هالحالة قالوا ألماس يحق لج تزعلين ويعتبر غش والوحدة بتتضايق


بس ياختي إنتي تتكلمين والسالفة من 8 سنين المفروض تنحل من زمان ومعقولة لين إلحين ريلج ماقدر إييب غيره و مثل ماقالوا الخوات تبيعينه ويزيد على طقم يديد ...

حاولي يوم تفتحين الموظوع وياه بكل هدوء وقولي حقه إنه هالموظوع في خاطرج بس لاتيلسين تنغزينه ريلج بحط في باله إنج تترين أي شي عشان تسوين مشكلة

[sama DXB]

الموضوع جد مايسوا

[شعاع امل]

لازم يغيرها ..... بس خذي الأمور بهدوء ... عشان يوافق ومايضيع الحق ... ويوم يغيرها لبسيها في الاعراس وقدام هله ....


بس خذي الأمور بهدوء ... لان بشكل عام تعامله زين ... لا تخربين اكثر

هذا غش عليه ... حرام بعد يقول لناس انا شاري الماس وهو غير

يقولوا انا ماعندي لو تقبلون باي طقم ذهب عادي .... لان الاهل شارينه من الأساس .....

فلازم يغيرها ... بس بهدوء عشان حقك ......

هههههههههههه على هذا الأساس كل عروس لازم تتاكد من الشبكه .... وتتعلم الفروقات بين الأحجار الكريمه

[Crystal_Rose]

احس الموضوع ما يستاهل كل هالتعليقات و فكري بايجابيه فكري انه يمكن من حبه لج ما حب يبين لج انه ما يقدر اييب لج و قالج انها ألماس و فالنهايه راعي ظروفه و التمسيه له 70 عذر و انتي تقولين ريلج زين و ماعليه كلام خلاص هالشي المهم و الاهم و قولي الحمدالله.

[mrs.abk]

أختي ..

8 سنوات كافية علشان تعرفين لو إن فيه شيء ثاني غشوج به .. ما تدرين يا أختي هم شو كان وضعهم وريلج شو كانت قدراته ..

هي يستاهل الموضوع إنج توسمين قلبج به كل فترة ؟؟؟

ما عليه أدري الموضوع يحر ويضايج بس إنتي شوفي بعد شو الاشياء الحلوة اللي ياتج من هالزيجة .. الاشياء المعنوية أهم من الاشياء المادية .. لأن المادية ممكن تتعوض

[BENT LEMRAR]

انصحج بيعيها وزيدي عليها وخذي شي يرضيج

لانها كل ماتشوفينها جدامج بتتضايجين وبتعقين كلام وبيزيد التوتر

اعرف وحده ماعيبتها الساعه لي يابوها وغيرتها ووحده غيرت طقمين بشي على ذوقها وكملن الحياه دام الرياييل زينين

واعرف العكس بعد اللي خربت حياتها علشان طقم مب عايبنها الله يهديها

انتي وازني الامر وشوفي مصلحتج وين

[لولو12]

اختي نصيحه لاتحنين واتزنين على الريال ترى مايحب الحرمة اللي تزن على نفس السالفه بس انتي بردتي قلبج وقلتي اللي ف خاطرج انه زركون مب الماس وهو فهم انه مب عايبنج وصح فيه اولويات وان شاء الله ايي يوم ويسوي لج مفاجاة لا تستعيلين كل شي ف وقته حلو اهم شي اصبري وبتحصلي وبعدين لاتستهينين ابدا بهدية الريال وشو ما تكون جيمتها لانه كثر انتقادج لهديته فهي طعنات ف صدره صدقيني حتى ولو اسواره من سير وخيط يابلج استانسي ولا تحطي من قدره يوم بيكون عنده ما بيقصر

[munamoor]

الشي الثاني احنة ما شترطنا على زوجي اي شي.. لا مهر
ولا غيره واهلي قالولهم احنا بنتا مب
عيزانين عنها والي تجيبونه فيه الخير..

أنتوا ما اشترطوا عليه شي لا مهر ولا ذهب ،،،
و أهلج قالوا له احنا مب عيزانين عن بنتنا ،،،،

بمعنى اخر أهلج مب طالبين منه
شي لا حق ولا باطل ،،،
جان أول ما اكتشفتي
الموضوع خبرتي اهلج ،،، و بما انج
شايفة الخير يا غناتي ،،، ماله داعي تتضاربين
على الشبكة ،،، و إنتي ما اشترطي عليه
ذهب أو الماس أو غيره ،،، ولا أهلج اشترطوا عليه
نوعية الشبكة ،،،

[احلى بعفويتي]

عادي حبيبتي .. العشره الطيبه تنسي الواحد هالاشيا

ركزي ع حياتج وبيتج الحمدالله مشكلتج وايد بسيطه