كوشة عرسج !

[روحي فداكم]

السلام عليكم حبيباتي

حبيت تشاركوني في موضوع كوشة العرس ,, عرسي بإذن الله الشهر الياي

لاحظت ان أسعار الكوش مش طبيعية ، حتى لو الحياة غالية المفروض ما توصل أسعارها جي !

وعندي سؤال ليش في نظركم أسعار الكوش استوت غالية لهاي الدرجة ؟!!!

وأنا معاكم ان في أماكن رخيصة لكن الصراحة البعض منهم وليس الكل يكون شغله ناقص

واللي عرست أو اللي حجزت تقولي كم كلفتها ؟ و اسم المحل والمنطقة

خلونا نستفيد من بعض

المزيد من آخر المواضيع من نفس القسم:

• ليالي الحناء و المكسار و الجلوة و اجواءها
• قاعه فيها درج للعروس
• الحنة تعلق
• بغيت رفم خبره التجميل عزة مطر
• للعروس إليكِ هذه الطرق لتطويل شعرك بسرعة قبل...
• صيحة خواتم الخطوبة الدارجة لعام 2018-العروس...
• كيفية اختيار اكسسوارات الزفاف
• خمس أمور لا بد من التفكير بها قبل الزواج
• مطلوب
• احلى واروع سيديات الاغاني والزفات بدون...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[asammy]

لان سعر الورد عالميا استوى غالي واكيد طبعا الخشب يكلف وعمال يركبونه و عمال يزينون الورد و شاحنات تشل الاغراض وتركبهن عسب جيه يكون مكلف غناتيه

[أم زمرده]

اللهم فرج عنّا همومًا نراها بضعفنا كبيرة ولكن هي برحمتك وقدرتك ولطفك صغيرة

[munamoor]

خالي الله يهنيه توه عرّس ... الكوشة الي اختارته العروس كان كله ورد طبيعي و كشافات
و ديكور من الخلف بس الصراحة الكوشة كانت شرات الف ليلة
و ليله ،،، ثمنها شي و اربعين
حجم الكوشة لو انتي سرتي قاعة الانتر في ابوظبي تقريبا ربع المكان بس صدق فخامه


حسيت ان كوشة بشي و اربعين و خاصة ان الورود من الخارج نوعا ما معقول
مب خقة او شي ... بس هي ليلة العمر ... يمكن لو كانت الورود من داخل البلاد بيكون
ارخص بس ما بيكون بنفس الفخامة لان الالوان حلوة كانت و متناسقة

[روزالينا للخياطة و التطريز]

الله يوووفقج

[amna.als]

صح كلامج عزيزتي مع الأسف كل شي صاير غالي بشكل غير طبيعي
ولي يكون أسعارهم منخفظه شغلهم فالصورة شي و الواقع شي ثاني مع الأسف

انا شخصيا في ال ملجه و الحنا التعاملت مع شركه في الشارقه و ياريت ما تعاملت طبعا الحرمه خذه البيزات قبلها بكم يوم و يوما الملجه انا اتصل فيها ان وين الناس يركبون الكوشه ! و الكوشه لي تركبت غير لي نحن مختارينه و الله اكثر من النص ورد بلاستيك
وأحلا شي س٧ المغرب اتصل فيها ان وين المسكه وهي اتقولي نسيت خلاص ماتبين؟؟!؟!؟!؟!

بس العرس انا تعاملت مع واحد اجنبي mp designsهو شغله قمه فآلروعه و يشتغل ع لي ميزانيه تبينها و مكانه في دبي

الله يسعدج و يتمم لج ع خير حبيتي اهم شي سعادتكم فالآخر

[قلب مايد]

لان سعر الورد عالميا استوى غالي واكيد طبعا الخشب يكلف وعمال يركبونه و عمال يزينون الورد و شاحنات تشل الاغراض وتركبهن عسب جيه يكون مكلف غناتيه

اوافق الاخت رايها لو تختارين كوشه الورد فيها يكون اقل تعتمد على الديزاين البسيط والاضاءات بيكون سعرها انسب و نفس الشي بخصوص السنتر بيس قللي الورد تنخفض الميزانية والف مبروك غاليتي

[شوق_العيون]

عذر ان الدنيا صارت غاليه صحيح لكن ما يوصل لدرجه الغلاااااء الفاحش...
الكوشه اللي تتركب بالعرس..ترى هي نفسها تتركب بعرس ثاني و ثالث و عاشر...
الخشب هو نفسه ما تغير..الشيفونات هي نفسها..الستاند نفس الشي...الشي اللي يتغير كل مره هو الورد المطلوب و ديزاين الكوشه...
اما المواد الخام نفسها ما تغيرت... ف ليش الغلااااء؟؟

انا بعرسي على اخر لحظه توفقت مع محل يتكلف بعرسي كاااااااامل (تزيين طاولات+مقهوجيات+اضاءه القاعه+اضاءه الكوشة+دانس فلور+ تصوير فوتو+فيديو+كرين لكل عروس..(كنا ثنتين عرايس) مع البوم العروس و البوم للعريس..و البوم للاهل لكل عروس+ و احللللللللللللللللى شي الكوشة...الكوشة كانت غريبة و جديده..كلها شاشات عرض متحركه)..بالاضافه الى شاشة عرض للضيوف لدخله العرايس للقاعه...+ الدي جي

اما السعر... تقريبا 40 الف..

و يوم العرس تكون وحده من هالمحل تشرف على الترتيبات لين اخر الحفله..

حبيت شغلهم ...و سعرهم..

على فكرة هالسعر كان بكج لكل الخدمات...لو بتاخذون كوشة بس..بيتغير السعر كاااامل

فالافضل بكج

و موفقات ان شاء الله

ما اعرف اذا يستوي اكتب اسم المحل او لا...اللي تبى تراسلني

[لمياء2007]

كوش الاجانب تكون بسيطة لا ستيج ولا ممر متروس ورد وفازات وشموع ودمى بعد شفت وتطلع احلى وورعة في التصوير، في وايد صور في النت تقدرين تشوفين ومحل عادي يرتبها لك.

[عزة فوتو]

الكوشة حسب حجمها والورد والسنتر بيس هي الي مكلفة والاضاءة انتي تفقي معهم على كل شي وخدي صورة عن كل شي اتفقتي عليه وبيركبونه وارفقيه بالعقد افضل

[عنود الحب]

ماشاءالله

ماعندي فكره بصراحه

[سامية22]

مبرووووووووووك

[نبض الشارقة]

الله يوووفقج

[أم زمرده]

اللهم إن كان في قلبي حُب لشيء لا ترضاه فاخرجه، وإن كان به ما يرضيك عنه فزده، ولا تكلني إلى اختياري ولا حولي ولا قوتي يا ربي

[ملكة جمال]

كوشتي كانت ب40 من بون بون وايد راقية وفخمة الحمدالله