حدود علاقة الزوجين فترة الملكة

[% الكاذي %]

أنا من رايي تكونين حذره معاه
يا ما شفنا أعراس تكنسلت قبل الموعد بيوم وصار الطلاق وقت الملجه
انتي لا تتساهلين معاه في وقت الملجه
سمعت عن وحده دخل عليها وقت الملجه وعقب اختلفو ع بطايق العرس بين العايلتين وصار الطلاق
ولما سألها القاضي اذا دخل عليها قالت نعم
بس الريال انكر عنادا" في أهلها وعشان ما يدفع النفقه حق الطلاق وصارت مشكله كبيره بين العالتين

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بطه_15]

عندنا في الامارات بعض العوايل تسمح ان بنتها تطلع مع ريلها وقت الملجه والبعض لا اييها البيت بس وبعد العرس يسوي اللي يبا
واعرف بنات شخصيا في فترة الملجة صارو حريم وليلة العرس رقدو هههههههههههههههههه ولا كانهم توه متزوجين
على حسب اهلج يرضون تطلعين معاه طلعي واذا انتي حابه كل شي ف ليلة العرس خبريه وفهميه
هذا من راايي الشخصي والله يتمم لج على خير يارب

ههههههههههه مو منصجهم

صج والله حتى لو زوجها كل شي بحدود

[ساحره العين]

انا مع الكلذي اصلا لو ما ترمسينه احسسن او تجدمون العرس وايد تصير مشاكل وطلاق بسبب المحادثات فوقت الملجه

[كرز ارتكواز]

شكراً على المشاركات تسلمون

[لحن الخلـود]

ما بتكلم من الناحية الدينية
بس أختي الدنيا محد يضمنها مب شرط فلانة سوت و بعدين عرست و أمورها طيبة يعني انتي نفس الشي
إذا ما يمسك عمره يجدم العرس و إلا يخفف زيارته و الله يتمم لج على خير

[لحن الخلـود]

أنا من رايي تكونين حذره معاه
يا ما شفنا أعراس تكنسلت قبل الموعد بيوم وصار الطلاق وقت الملجه
انتي لا تتساهلين معاه في وقت الملجه
سمعت عن وحده دخل عليها وقت الملجه وعقب اختلفو ع بطايق العرس بين العايلتين وصار الطلاق
ولما سألها القاضي اذا دخل عليها قالت نعم
بس الريال انكر عنادا" في أهلها وعشان ما يدفع النفقه حق الطلاق وصارت مشكله كبيره بين العالتين

أقل ما يقال فيه حقير
عموماً في الملجة الحذر وااااااجب
و بعد العرس خذوا راحتكم =)

[فنون الحب]

انا من رايي خليج على موقفج وخلج رسمية معاه
نحن عندنا عيب نطلع مع الزوج فترة الملجة الا اذا حد معانا

والخجل صفة حلوة ف البنت خلج خجولة بتكبرين فعينه وبيحبج اكثر

قوليله دايما كل شي ف وقته حلو

ترا الايام يايه ولاحقين على بعض وبتملون من بعض ههههه

[كرز ارتكواز]

شاكره مرورك

[سامية22]

للرفع

[Fa.R]

شاكره تفاعلكم

انا أحترت بصراحه بعضكم يقول عادي زوجك و البعض الثاني يقولون انتبهي لا تخلينه يقرب

ما عاد أعرف الصح من الغلط


وعشان أوضح لكم عندنا عادي الطلعه فترة الملكه بس مرتين او ثلاث مرات وهو يلح علي

لكن لما شفت انه جريء قلت له أطلع معك ومعي أخوي

لكنه رفض لما شفت انه رافض يبغانا نطلع بروحنا خفت منه ورفضت أطلع معه

حبيبتي أنتي مش صغيرة عشان تحتارين !! تراج بالغة وعاقلة
أنا أفضل أنج يوم تكلمينه وتطلعين وياه بحدود تفادياً لـ أي ظروف ومشاكل ممكن تصير بعدين
فكلام الخوات الي ردن عليج بـ لا أنتظروا بعد العرس هو القرار الصحيح . . وأنتي محد يروم يحرمج
سولفي وأطلعي شوفي فيلم معاه وتعشو وروحوا البحر يعني طلعات خفيفة

[كرز ارتكواز]

شاكره مروركم

[شعاع امل]

لاحول ولاقوة الا بالله.........هو زوجك شرعاً ولكن هو مااخذك البيته..يعني انتي ساكنه في بيت هلكم ..الزواج فيه اشهار وهذا من شروطه واكيد انتوا لما خطبتكم او ملكتهم سويتوا حفله وغيره

لو شي بسيط وفي شهود والاهل يعرفون واهله يعرفون.......ولكن نحن في عندنا عادات وتقاليد بيقولون دخلت معه قبل العرس الكبير........الحين العرس الكبير شو فايدته والحفله؟؟؟؟؟؟

يعني هي ليله وحده معروفه .........فثقلي عليه........عشان تكون ليله زينه.........عشان كل شي حسب العادات والتقاليد يكون رسمي .....ومايكون في مني مناك او اي غلطه

وهو يتحمل مسؤوليته عشان مشيتوا بالصح......انتي زوجته ولكن.....بعد في اشياء كثيره تحكم......احسن تفكرين فيها....وعشان بعدين حتى هو يحترمك اكثر واكثر وماتمشين وراء رايه في كل شي!مبروك

[كرز ارتكواز]

الله يبارك فيك و شكراً على المشاركه

[Ms anime]

بغض النظر من طلب زوجك راح اسالج سوال
انتي صاحيه ؟تتكلمين جد ولا تممزحين ؟ شو يعني لو ملج عليج؟خلاص ما عاد عقلج يشتغل ؟
اختي انتي عايشه معانا بالدنيا وقلتي بنفسج انج سمعتي قصص عن البنات جربي قولي له انت عندك خوات ترضى تسوي او تعاشر زوجها قبل العرس ؟
حبيبتي لاتزعلين مني بس اعرف وحده كانت مالجه ونامت مع مع زوجها قبل العرس وعقب حملت قال لها مافي داعي للعرس يبي عباتج وتعالي خلاص تخيلي طلعت من بيت ابوها بالعبايه والريال دق على ابوها وقال بنتكم عندي وماشي عرس وما ادري شو واهلها ما يكلمونها وخصوصا ابوها لانها نزلت راس جدام العرب كلهم
وحده زوها جرئ وقت الملجه طلعوا مع بعض حاول معها يوم رفضت تصب وتهاوشوا وما اتذكر ضربها او لا المهم البنت علمت ابوها اهل البنت علموا اهل الولد اهل الولد قالو انتوا ما ربيتوا بنتكم لو متربيه ما كانت رضت تطلع مع واحد بالملجه حتى لو كان زوجها وتطلقوا واهل طليقها لين هاليوم يتكلمون بعرضها
وحده كان زوجها يموت فيها وهي تموت فيه وطلعت ونامت معاه وعقب ما خذ منها اللي يبغي فجاه طلقها وهي ما علمت حد انها فقدت عذريتها لان اخوانها بيذبحونها
لو انج اختي كنت عطيتج كف عسب تصحين حبيبتي لا تزعلين مني واعتبريني اختج بس خوفي عليج خلاني اقول هالكلام كلمي امج وقولي له امي مانعتني من الطلعه روح كلمها وتحذري مع احترامي ريلج احس عنده علاقات مع البنات ويطلع معاهم ولا ما تجرا يطلب لان في رياييل حيويين صدق لازم تخلين ابوج او اخوج يكلمه

[أم مغاوي]

اف اف هذا في بيتكم وبوجود الجميع في البيت

طلب منج تشلين البلوزه عيل لو كنتي معاه لوحدكم بمكان بعيد عن الاهل شو بيطلب هههههههههههههه

صارحيه حبوبه قوليله بترضى على اخواتك ليش مستعجل كل شي بوقته

عيشي فترة الملكه حلوه ولها جماليته عطي زوجج من الكلام الحلو والاهتمام صبحي عليه كل صبح بالاتصال او عن طريق مسج

لو يزورج اهتمي فيه امسكي ايده احضنيه عامليه بحنيه عيشو حياة الاصدقاء والاحباب البريئه

بعيدا عن الامور الجنسيه

بالتوفيق