التجمع الـ 11 لكروشات 4-5-6-2014 ❤️

[راقية بطبعها]

كل ما ادخل بكتب لكم قصة ولادتي اتذكر اللي شفته واحس باكتآب و اطلع عشان انسى
كلكم تدرون اني دخلت المستشفى يوم الثلاثا وكان مفتوح الرحم 1 سانتي و رقدوني ليلة و شردت عنهم الاربعا بصياح وضرابه
وكان فيني ألم الطلق خفيف يروح ويرجع لين الجمعة الفجر اللي هو المفروض موعد ولادتي 20/6
رحتلهم ويا ريلي زاد الويع بس قالولي بعده 1 سانتي وطلعوني كانت دكتورة حبوبه متفاهمه
و رحنا بيت أهليه اتغدينا عندهم وكنت امشي وآكل تمر وشربت ماي زمزم وماي ورد ويا زعفران و ع الساعة 9 المسا زاد الويع أكثر قلت حق أمي خلاص بنسير المستشفى وكانت أطول ليلة في حياتي شفت فيها المعاناه!
من وصلت عندهم كان الطلق يزيد والتقلصات قويه في التخطيط بس الرحم مب مفتوح غير 1 سانتي
طبعا رقدوني و سوولي توسعه و قالولي امشي في القسم والويع يزيد ويزيد وكل كم ساعة يفحصوني نفس الشي 1 سانتي مول ما يزيد والفير بدأ ينزل عندي الماي وخلاص بموت من الويع امشي واصيح واطيح ع الأرض من قوة الطلقه تذبحني بس اقاوم عشان يفتح الرحم..
الصبح خلاص نزل الماي كله واستوى الألم جنوني ماقدر اتحمله والرحم بعده 1 سانتي وبديت اهستر عليهم ويعطوني الأكسجين الأسود وابر مهدئات في الوريد وخلاص بديت ادوخ من تأثير المسكنات وأمشي واخربط واكلم عمري والسسترات راحميني زاخيني ويمشون ويايه وكل شوي اقولهم ابا الحمام وانا مافيني حمام بس ادخل واطلع وماعرف شو يالسه اسوي! رقدوني ع السرير خلاص اتخبلت من الويع اقولهم ابا عملية ومب راضين يقولون بنصبر عليج بعد 4 ساعات وانا اصارخ وارافس واقطع شعري واعق الأكسجين و ادز النيرسات و ريلي وأختي يحاولون يمسكوني ماشي فايده بس يشوفوني ويصيحون من الحالة اللي كنت فيها
الساعة 11 الصبح تاريخ 21/6 الاستشارية فحصتني وشافت بعده 1 سم قالت خلاص عملية لأن الماي كله نزل عندي وخطر ع البيبي يجازفون أكثر عن جيه
جهزوني بسرعة وحطولي القسطرة وانا اصيح وأقول حق ريلي وأختي ادعولي ادعولي وايد خايفه وتعبانه وأمي كانت راده البيت الفير بتبدل وبترتاح وبرجع ما تدري أن هذا كله استوى..
دخلت غرفة العمليات طبعا بنج كامل لاني خوافه موت ما استحمل نص بنج وقبل ما يضربوني البنج اشوف أمي تفتح الباب واتصيح تقولي لا تخافين اتوكلي على الله انا هنيه ادعيلج وبتقومين بالسلامة
و ربيت بالقيصرية الحمدلله وطلعوني من غرفة العمليات الساعة 12 ونص الظهر ماعرف متى صحيت من البنج بس كنت ميته من ألم العملية يذبح واصييح الله يخليكم عطوني مسكنات ومب راضين يحطون لي لأن البنج قوي في جسمي اصلا وما يقدرون يزيدوني واترجاهم ابا مسكنات مادري لين كم ساعة تميت على هالحالة عقب نقلوني الغرفة الخاصة وعطوني ابرة في الوريد وتحميله وهديت شوي خف الألم..
وبس هاي قصتي اللي ما كنت متوقعتنها لكن الحمدلله على كل حال وشوفتهم بخير تسوى الدنيا ومافيها

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زهرمار]

راقيه بطبعها

مبرووووك ماياج فديتج والحمدالله ع سلامه
فديتج والله وايد عانيتي كله بأجره يارب

تستاهلين سلامه يارب

[BENT LEMRAR]

راقيه وايد تعذبتي وتويعتي لكن كله باجره عند رب العالمين

جربتي الم الولادة الطبيعيه والقيصرية في نفس الوقت شرات اختي سبحان الله

الله يحفظلج روضه ويرزقج برها❤❤❤

[حلم منتظر]

راقية والله شوي واصيح حسيت
عمري مكانج
الحمدلله ع السلامة ولج الاجر
وايام وتنسي ان شاء الله

[راقية بطبعها]

فديتكم الله يسلمكم وشكرا على دعواتكم ومشاعركم
بعدني فالمستشفى قبل شوي يالسه عند النيرسات واصيح
طبعا المعاناه عقب العملية قصة ثاانية
الحركة تذبح ثاني يوم يحاولون يمشوني و ايلس مكاني من الويع وبالغصب لين اتحركت شوي والحمام لازم حد يساعدني
واصعب شي الغازات ذبحتني عقب العملية فظيعه!
الحين خفت الغازات لاني احاول اتحرك واشرب ينسون
بس يايتني الكحة واحس تطلع روحي يوم اكح من ألم العملية واذا كتمت الكحة أشرق فيها
اللي مسويات قيصرية يعرفون هالمعاناة
بسس خبروني كيف اخفف من الألم يوم اكح؟

[BENT LEMRAR]

الله يهون عليج ويخفف الامج يا راقية ،، تمي عالمسكنات لين تخف الاوياع وحاولي تتحركين علشان الغازات

[شوق قلبـي]

الله يعينج يا راقية

البنج الكامل يتعب اكثر عن البنج النصفي

الله يرزقج بر روضة ويجعلها من الصالحات

[مهرووووووه]

راقيه : الحمدلله ع سلامتج وسلامه روضه والله يجعلها من الذريه الصالحه
بخصوووص القيصريه اووووووووه انا عانيت منها ف بنتي الاولى بس كان نصفي!! ماعليه اتحملي كل شي بأجره
وعن الحكه لا تتخبرين... ذبحتني

والحمدلله ببنتي الثانيه كانت ولاده طبيعيه
وان شاء الله هالمره تكون ولاده طبيعيه.... والله يسهل عليه


زهرمار: حبيبتي شخبارج
الله يرزقج ان شاء الله توم اصحاء عاجلا غير اجلا

[pop corn]

واقية فديتج الحمدلله ع سلامتج والله قصتج تصيح الله يعينج ع الم القيصرية

عن الكحه اشربي ماي لبان وايد زين يخففها و على طول حطي في حلجج شي مثل الحلاوة او لبان عسب ريجج ماينشف واتيج الكحه .. انا هاللي كنت اسويه بعد ماربيت لاني هلكت من الكحه بس انتي مع العملية اخس الله يعينج

[r3boooba]

راقيه

والله عيني دمعت وانا اقرأ قصة ولادتج الله يعينج اختي حسيت فيج
اهم شي انج انتي وروضه بصحه وعافيه والحمدلله على سلامتكم

انا مجربه القيصريه بصراحه غير الويع تحسين مكان العمليه شرات الحرق ولا اقدر اكح ولا اعطي ولا اضحك ماعليه كلها اسبوع بترتاحين بس لازم تمشين وحاولي تضغطين هلى نفسج وتمشين وايد
انا من اول يوم مشيت وغم انهم مايبوني امشي الا ثاني يوم بس ماشي قلت اهم ابا امشي واسير روحي الحمام وقمت بمساعدتهم اول يوم فليل بس الفير انا بروحي تحركت وتميت امشي واذا احس بويع اقعد شوي اريح

يالله كله بأجره فديتج

غلا الكون و امل ظبيانيه

ربي يسهل عليكم خواتي
ماشي علوم

[قلب عيسى]

الحمد الله على السلامة راقية الله يهون عليج انا وانتي ولدنا بعملية نفس اليوم وحاسه بمعاناتج

الله يسهل على غلا و امل وايسر ولادتهم يارب

[غلا الكون كله]

سلامتج حبيبتي راقيه والله اللي استوالج كنت خايفه منه انه يستوي عسب جي كنت اقولج لا تاخذين شي وتشربين شرات قصتج صارت من شهر لربيعت اختي سبحان الله المهم تستاهلين السلامه حبيبتي وانسي المعاناه عسب ما تتعب نفسيتج وشوفي ويهه روضه كل ما تذكري القصه يمكن تنسي السالفه بس واايد خوفتوني من العمليه وانا باجر ان شاء اللله عندي دخولالمستشفى انا كل اتحرى العمليه اسهل بس ان شاء الله ناويه اخذ البنج النصفى وبغمض عيوني عسب ما اشوف صراحه خايفه بس الله يسهل يا رب

[BENT LEMRAR]

غلا الله يسهل عليج وتفرحين بسلامتج قريب ان شاالله❤❤

[أمل ظبيانيه]

سلام منا على الخلان
احلى تحايا من الوجدان
الله وهبنا الغالي ((خالد))
جانا ونور كل المكان
قدومه اليوم للفرح عنوان
يقول للي انتظروه
أنا وصلت اليوم هبه من المنان

[أمل ظبيانيه]

بنات أنا ربيت أمس الحمدالله طبيعي بعد عذاب

الله يسهل عليج غلا وتبشرينا