تحديد جنس المولود

**عيون عفاري** · 2013-11-21, 08:21

السلام عليكم ورحمة الله وبركاته

شحالكن خواتي.............

خواتيه انا عندي بنتين الحمد لله وافكر احمل ثاني مره وفي خاطري ولد بغيت اعرفف منو جربت تحدد جنس الطفل قبل لاتحمل عن اي دكتوره انا من بوظبي وحابه اجرب وشو طريقه الي تساعد اني انجب بولد \

السموحه خواتيه.............

واتمني تقوليلي تجاربكن

المزيد من آخر المواضيع من نفس القسم:

**m.dxb88** · 2013-11-21, 09:48

خذي طريقه دكتوره شاطره وان شاءالله ربي يرزقج

**بطوط** · 2013-11-21, 12:05

اختي انا يبت بنتين ورا بعض والثالث والرابع اولاد بدون طرق كلها ارزاق من رب العالمين

**عيون عفاري** · 2013-11-21, 13:50

المزيد من تجارب

**game over77** · 2013-11-21, 15:31

الله يرزقج ياربيه باللي ف خاطرج

**زعابية جلباوية** · 2013-11-22, 11:23

انا نفسج عندي بنتين ربي يحفظهم ويحفظني لهم وبخاطري ولد وان شاء الله الله يرزقنا

**um-mn9our** · 2013-11-23, 00:19

افضل طريقة هي الدعاء والالحاح فالدعاء وتحري ساعات الاستجابة والاستغفار بنية انجاب الولد وكذلك قراءة سورة البقرة هاللي سويته وربي رزقني بولدي والحمدالله

الله يرزقج بالولد وكل من تتمنى يارب

**@الغــ@ــلا@** · 2013-11-23, 16:44

الله يرزقج ياربيه باللي ف خاطرج

**راقية بطبعها** · 2013-11-23, 21:46

ليش تفرق وياكم ولد ولا بنت؟
انا احس لو الله عطاني 10 بنات ما بتضايج ولا بحاول أحد الجنس لأن الله ما يعطينا الا الشي اللي فيه خيره لنا وهي قاعدتي في الحياة..بالعكس البنات هم اللي يشلون الأم والأبو في الكبر و يجابلونهم و يعابلونهم ويخلصون اشغالهم
الله يرزقكم بالذرية الصالحة من البنين والبنات

**عيون عفاري** · 2013-11-24, 12:01

مشكورات كلكن حبيباتي

**أم مريــوم** · 2013-11-24, 12:37

الحمدلله على كل حال اتوكلي على الله واللي الله بيعطيج اياه رزق اهم شي الصحة والخلقه التامة ويكونو صالحين واللي عليج تدعين في ناس يتمنو ريحة طفل واحنا نعترض على حكمة رب العالمين
الحمدلله ع النعمة

مياو مياو^_* · 2013-11-24, 12:48

الله يرزقج باللي خاطرج فيه حبيبتي

**ام علي2** · 2013-11-24, 13:02

الحمد لله على الصحه والعافيه

**أمورة** · 2013-11-24, 13:06

اتوكلي على الله و خذي بالاسباب

اولا: كثري من الدعاء انه الله يرزقج الولد الصالح و كوني على يقين انه الله الرازق و كل شي ثاني بتتبعينه عقب هي اسباب فقط.
ثانيا: لو الدوره مش منتظمه حاولي تنظمينها عن طريق دكتوره شاطره عشان تحددلج ايام التبويض و المعاشره
ثالثا: استخدمي دايما غسول مكون من بيكربونات الصوديوم و ماي عشان تعدلين وضع الرحم ليتهيا لاستقبال النطف الذكريه فقط. يبيعون غسول بكربونات الصوديوم شفته في كذا صيدليه. بس الافضل تستخدمين بيكربونات و ماي اسهل في حالة ما حصلتي الغسول الجاهز (و استشيري دكتورتج افضل)
ممكن تشترين البيكربونات من الصيدليه او من الجمعيه قسم الاسعافات الاوليه ها شكله

و اخيرا: غيري حميتج الغذائيه عشان تهيئين جسمج خلي حميتج غنيه بالبوتاسيوم الموز و المكسرات الخ الخ (سوي سيرج في غوغل عن الاغذيه اللي غنيه بالبوتاسيومو قللي الاغذيه اللي فيها ماغنيسيوم)

و ممكن تسوين سيرج في النت بتحصلين وايد مواضيع و تجمعات للحمل بولد فيه نصايح و خبرات الحريم.

و الله يرزقج اللي تتمنينه و ادعيلي ربي يسهل عليه ولادتي

**عيون عفاري** · 2013-11-24, 14:12

ممم بخصوص بنت ولا ولد انا راضيه الحمد للله

حلو الواحد يسعى ان يحقق الي في خاطره

وخذيت تعليقكم جانب ايجابي

شكرا على نصايح والمرور

الموضوع: تحديد جنس المولود

أدوات الموضوع

عرض