تعبت شجعوني

[دلوعة س]

السلآم عليكم

آشحآلكم بنآت عساكم بخييير ’’’

ماعرف كيف ابدى وياكم .... بس واللله عن جد تعبت وايد وايد

هذا موضوعي http://forum.uaewomen.net/showthread...014&highlight=

صآرلي 4 شهور وانا للحين ف بيت ااهلي وهو لاحس ولاخبر تخيلوا حتى ما يسآل عن ولده ولا يصرف عليه درهم نحن عيال عم حتى اهله ما يسآلون

ريلي يتصل يقول انتي تعالي ع قولته .... مثل ما رحتي تعالي قلتله مستحيل انا ايي انت تي حياك ... قال انا من سابع المستحيلات ايي

تمي طول حياتج ف بيت اهلج ... والله العظيم اهلي مب مقصرين بالعكس انا عايشة ملكة واميرة ف بيت ابوي انا وولدي ...بس مهما كان ابغي اعيش حياتي نفس باقي البنات

كلما اشوف اثنين ...اذكر عمري يوم كنت اسعد انسانة .. واللله تعبااانة واايد واايد
ادعي ربي يفرج هممممي ويسخر لي زوجي ويحن قلبه علينا

شو تنصحوني اسوي ... اذكروني بدعواتكم يوم الله يستجيب (ام خالد)

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خياره]

هلا اختي
سمحيلي
بس تقوليين انه كان يضربج وحتى وانتي حامل
كيف تفكرين فيه
ما في ريال يحترم حرمته ويضربها
اشوف البعد عنه احسن

[دلوعة س]

مشششكورة حبيبتي ع رايج...


نسيت اقولكم قبل يومين حلمت ان خواتي قالولي اهل ريلج يايين يراضونج...

وامس حلمت اني انا ويا ريلي ومستانسة ....

وبس ...
الله يسخره لي ويحن قلبه لولده الصغير اللي ماشاف ابوه الا مرتين يمكن

[الأحلام الملونة]

أستخيري الله هل تكملي مع زوج يضربك ويشك والحين مش متنازل يصالحك وبعدها قرري مصيرك يا تتنازلي وترجعي لبيتك بروحك

يا أما تجلسي بيت أهلك لحد ما يأتي الله بفرج بس نصيحة كون هو لا يسأل عنك وعن طفله الآفضل لا تتصلي به أبدا

[روضه123]

خلاص عيل دخل الرياييل ف السالفه

خلي كبار العايله يتفاهمون وياه


لا تتنازلين بكل سهوله

لا ترديل الا عقب ما يتكلمون الرياييل ع الاقل تاخذين تعهد ان ما يمد ايده عليج

الله يعينج

[~شوق~]

خلاص عيل دخل الرياييل ف السالفه

خلي كبار العايله يتفاهمون وياه


لا تتنازلين بكل سهوله

لا ترديل الا عقب ما يتكلمون الرياييل ع الاقل تاخذين تعهد ان ما يمد ايده عليج

الله يعينج

مثل ما قالت اختي روضه خلي رايايل يرمسون فالسالفه
وربي يسهل لج امرج يارب
^^

سبحان الله وبحمده سبحان الله العظيم

[marwa2005]

الله يهدي ريلج ويحنن قلبه على ولده امين

[طيف الغربة]

حببتي من كلامك انك ما اخطاتي بشي على العكس مشكلته الشك والضرب والعند

من رأيي تبقي في بيت اهلك لما ربي يهديه ويجي يراضيك ساعته معناته حس بالندم ومستعد يغير من نفسه

لا تتصلي فيه فقط حاول تصبري قليل عسب تردين بكرامتك ويعرف يلزم حدوده معك اذا كملتو مع بعض

ادعي الله ان كان فيه خير يرد وان فيه شر يصرف عنك

ربي يحنن بقلبه ويصلحه ويرد لك في أقرب وقت

[ورقة ناعمة]

اقطعي علاقتج بالفون والمسجات ولاتتصلين فيه وتحسسينه انج منتضره اعتذار لوبسيط او منتضره ياخذج

مثل ماهو مطنش ولا يسأل انتي طنشي وماعليج منه الريال يوم يشوف او يحس ان الحرمة ميته عليه يتفرعن

ويشوف نفسه ويكون عنده ثقة انج ميتة عليه او بترجعيله .... خلاص لاتترين الاعتذار ودام كل هالشهور مطنش

فنصيحة استخيري ولاتفكرين بالموضوع وااايد لان بتتخيلين باحلامج وبعدين بتعيشين الواقع من الاحلام

وهالنوعية لاتنتضرين او تشوفين منهم خير.... استغلي هالوقت ادرسي دوري شغل اهتمي بولدج اهتمي بنفسج

ابعديه نهائيا عن ذاكرتج وتفكيرج الشي اللي تركضين وراه مستحيل تحصلينه

اقطعي علاقتج فيه وشوفي كيف بيركض وراج استغلي الوقت بشي ينفعج والعالم مب واقف تحت رحمة ريااال او رجل

[الوزيره7]

الله يهدي النفوس .... ان شالله ؟
بس تبين نصيحتي لا تسيرين يلين يتأدب .... وهذا بعد اقرب الناس لازم يحطج في عينه .....
خليهم الرياييل طبعاااا يدخلون قي المشكلة .... وان شالله يوصلون لحل .... ؟؟؟

[شمـــ وفا ـــعة]

مثل ما قالوا الخوات خلاص ودريه عنج ولا تفكرين فيه ترى الهم ياخذ من عمر الانسان وااايد
فكري في نفسج حاولي تكملين دراسه او تدورينلج وظيفه
البسي اكشخي غيري ستايلج عيشي حياتج اصبغي شعرج اشتركي في نادي ولا تفكرين فيه موووول
سوي اي شي عشان تشغلين عمرج وتلتهين ومع الايام بتتعودين ادري ما بتنسينه لأنه ريلج وابو ولدج لكن بتتناسينه فترة وبترتاحين وااايد
خليه هو اللي يركض وراج
لا تحسسينه انج تتريينه يردج او تبينه يراضيج
انتي انسانه لج كرامة ولا تتنازلين عنها ابدا
صحيح يقولون الريل جنتج او نارج لكن مب على حساب نفسيتج وصحتج
كله ولا انه يمد ايده عليج
عليج بالاستخارة وداومي عليها
كل خطوة تخطينها استخيري عليها عشان الله يباركلج ويوفقج
وصدقيني ما خاب من استخار

اذا الله كاتب لج خير في انج ترجعينله تراج بترجعينله غصب عنه وعن اللي ما يبا
استخيري واذا الله كاتب يجمعكم بتشوفينه ياي بريوله يستسمح منج ويردج
انتي بس عليج بالدعاااالء ترى مفعوله واااااايد عجييييييب

الله سبحانه يقول:
{ادعوني أستجب لكم} ماقال استغفر الله بس اوضحلج ما قال قدمي طلب واتريي لين اتي الموافقة! هذا رب العالمين اللي بأمره يصير كل شي من فوق سبع سماوات
توكلي على الله وأحسني الظن به وصدقيني ما بتندمين على كل شي تسوينه دامج تستعينين بالله وتدعينه ..

ربي يسهل أمورج يالغالية ويوفقج ويسعدج دنيا وآخرة

[ام راشد وسعيد]

خلي اهلج يرمسون اهله ويشوفون ليش يتصرف جي معاج وفي المحكمه التوجيه الاسري بعد بيحاولون يعرفون شو فيه وليش ما يجوف ولده ولا يصرف عليه

والله يهدي النفوس

[مراسيل الوفاآ]

صلي استخاره مثل ما قالت اختي الاحلام الملونه
شوفي هل اتمين وياه ولا اتمين ف بيت اهلج
لا تتصليبه ولا ترمسينه عن شي، خلي اهلج
يرمسونه ويقولون له انه ملزوم يصرف عليج
و ع ولدج حتى لو انتي ف بيت اهلج وان اتطلب
الامر انج تشتكين عليه عشان المصروف . .

وان الله هداه لا تردين له لين ما تكونين
متأكده انه كرامتج ما بتنهان مره ثانيه . .


الله يهديه ويسخره لج ويحفظ لج ولدج

[شمالية وافتخر]

الله يعينج اختيه ما عليج الا الصبر اصبري واقري سورة البقرة وان شاء الله يتحسن ريلج ويردلكم

[% الكاذي %]

لازم حد من الرياييل يتدخلون في السالفه لأن ريلج خير شر راقد ومرتاح وما بيتصرف وبيعلقج سنه ورا سنه وهو ما يدري عنج ولا عن ولدج وموفر مصروفكم وعايش عزوبيته
بس قبل ما ترمسين أبوج ولا أخوج لازم تكونين صادقه وصريحه معاهم ليش ريلج بعد الحب والغرام قام يمد إيده عليج وهجرج؟
اسألي نفسج هالأسأله:
هل لسانج طويل ودوم تتراديين بالكلام معاه؟
هل تكسرين كلمته لو قالج لأ ما تسمعين الشور؟
هل تقارنين حياتج معاه مع حياة أي متزوجين وتحسسينه بالنقص وإنج مظلومه؟
هل أسرارج وأسراره عند أهلج وأهله؟
هل مقصره معاه بالأكل والشرب والفراش والاهتمام؟
الريال إذا ما حس بقيمته ورجولته وما شاف الدلال من زوجته وما حس بإنوثة زوجته خلاص وجودها وعدمها واحد
وبالسياسه والكلمة الحلوة والغزل والسنع بتكسبينه حتى لو غلط عليج بيوصل لج حقج وزياده
انا مب واقفه ضدج بس اسمحيلي الريال شكله مآخذ ع خاطره وابين إنه متضايق من شي إنتي سويته وما صارحتينا عنه عشان نقدر نساعدج بدون ما نظلمه أو نظلمج
بس انتبهي إن ماله حق يمد ايده أو يضربج أو يهجرج بدون أي سبب أو تقصير منج لأن هذا إنسان ما فيه خير
لكن لو فجاة تغير بسبب تصرف منج قهره أو استفزيتيه أو عصبه مرات الضرب الخفيف والهجر للتأديب جايز شرعا"
المهم إللي عليج أللحين إنج تحركين الموضوع لا تتصلين فيه ولا تطرشين مسجات
صارحي أمج بسبب الخلاف من البداية للنهاية وكوني صادقة وصريحه معاها ولا تخفين الحقايق ولا تخافين من شي لأن إللي صار صار وأمج بدورها برمس أبوج وبتشاوره عشان يوصلون لحل يرضي الطرفين اللي هو إنتي وريلج

لكن لو خبيتي شي عن أهلج وعقب أهلج سمعو السالفه كلها من ريلج بس من حق أهلج يزعلون منج وما يثقون فيج ويتفشلون قدام ريلج لأن القصور من بنتهم مب من الزوج


الله يفرح قلبج ويفرج همج