زوجي وأختي

[maryam nasib]

مع العلم اخوي اصغر عني وأمي من قبل لا أخذ ريلي تكرهه ووايد نصحتني ما أخذه لانه متزوج وابوي متوفي وانا اكبر وحده

وهذا انتي قلتيها
وهذا اللي كنت ابي اوصل له فديتج.. يعني خذتيه بالرغم من كل العيوب والاعتراضات اللي حصلتيها.. فانا اقول اسمعي بكلامي اللي كتبته لج في الرد السابق
لا تخسرين بيتج وتهدمينه بيدج.. هو عنده رب بيحاسبه على اللي يسويه.. اشحقه تعورين راسج وياه؟ .. اهتمي ف نفسج وصحتج عشان عيالج وانشغلي بشي يفيدج ويفيد بيتج ..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احلى الايام]

يعني انتي الحين زاعلتي اختج وعلاقتج مع ريلج مثل ماهيه ولا بعد تنتظرين منه ياهل
صراحه انتي الغلطانة قبل اختج وقبل ريلج لانج سكتي عن حقج وكنتي باردة من البداية
انتي غلطتي فحق اختج اول شي مب زين عليج تخبرين ريلج عن اسرار اختج والبنت اكيد بتخاف لانها صغيرة وماتعرف كيف تتصرف وريلج استغل هالشي وقام يهددها ومع الايام وبسبة سكوتج عن الموضوع اتطورت العلاقة بينهم وصاروا يكلمون بعض .
كيف ترضين عنفسج جذي
حتى لو خبرتي اهلج عن اختج اهني بتعاقبينها هيه بس وين عقابج لريلج اليوم اختج باجر وحده ثانية.
لازم تحلين الموضوع بحكمة وتفكرين ولاتحطين اللوم كله عاختك.
والكلام بس ماينفع لانج قاعدة ترمسين بدون افعال جذيه المشكلة عمرها ماراح تنحل .

[رورو الشمال]

لا اله الا الله ..الاخت والزوج والله ما ضل في امان بها الدنيي..

اختي لازم من اول مرة خبرتي اهلك عن اختك انتي غلطتي لما سكتي ولا تكملي بغلطك اختك صغيرة وما تعرف مصلحتها وزوجك استغل هالشي وهالمستمسك اللي عرفو عنها..خبري اهلك بيادبوها قبل ما يصير شي كبير وتندمي علييييييييييييييييييييه

[مالتيزرس]

لاحول ولاقوة الا بالله العلي العظيم
أخت تخون اختها شوكبرها عندالله والله المستعان
اختي استشيري الاستادة وداد لوتاه أوناعمة الهاشمي لانه مشكلتج مابتقدرين تحلينها بروحج دامها كبرت وسكتي عنهم فالبداية وصدق هالشي مستحيل أسكت عنه أخلي ريلي يستغل اختي ولا توصل لمسأله صور هاي كبيرة الغالية

[Dxb,girl]

المفروض الحين فهالدقيقة تتصلين فحد من اخوانج وتخبرينه بانه اختج خلصت من شباب الفريج واستلمت ريلج ؟!!
وهم بيشوفون لها صرفة هذي مافيها خير حق اهلها بيكون فيها خير لج انتي

[Unkonwn]

اختي ^_^ افهمي شي وايد, مهما صار و حدث, البنت مابتتقرب جي من ريلج.
ريلج هو الى تقرب لأختج وحاول وياها لين قدر : ) و ريلج ماكلم اختج بس, يمكن كل نص بنات الامارات و الخليج و الله اعلم بالعلاقات الى عنده وشو كان في المليون تلفون و الى داسنهم لين احين.

أختج انصحيها .. لانها بسن صغيرة .. و اي حد بيقص عليها خصوصاً هالفترة.
بس ريلج إنسان متزوج و ريال في الاربعين, شو يخصه في اختج؟ حتى لو ملكة جمال العالم تحرشت فيه المفروض يصدها دامه معرس اولاً و يحبج ثانياً.

فالمشكله مب من اختج .. المشكله من ريلج من الاساس و سكوتج عنه هو الى طور الموضوع لان سكوتج و مسامحتج كانت ضوء أخضر له بإنه يتمادى.

ولا تقولين هاي اختي ومادري شو لاني عرفت شخصياً كذا بنت كانو مارسو الجنس ويا أعمامهم المعرسين و عندهم عيال فشو بالج بأختج و ريلج؟ و لعلمج انتي ماتعرفين شو صار بالخفاء ولو شافها او لأ او صارت بينهم اشياء او لأ!

و العضوات الى قالو خبري ابوها ولا ادبوها و كلمي ريلج غلطانات,
فكيف الريال المعرس يتحرش بأختج و تعاقبين أختج و تسامحين ريلج؟
بصراحة ريلج مراهق ويباله ضرب عسب يتأدب -_- عيل معرس و في الاربعين وهاي حركاتة؟

+ همسه:
عرفتو ان الريال بعقله مب بعمره؟

[بنت عقيد]

انتي عطيتيه الف فرصة من كلامج وكل مرة يرد
و صراحة الحرمة يوم توصل لمرحلة انه زوجها حقير و اختها احقر منه و سمحيلي على الكلمة المفروض تعزين نفسج
اي نعم في عندج اولاد و غيره بس انتي عسب تربينهم تربية صالحة و تمين بصحة و عافية لازم تعيشين مرتاحة
الزواج الريال سكن لج يعني سكينة طمئنينة راحة مب كل شوي حارق اعصابج بشغله و تلفونات و مغازل و عين ما يمليها الا التراب و اسوا شي وسط العايلة

- اولا تراويه انج مب بحاجتنه هو الي محتاجتج لانه ولا وحدة بتقبل فيه وهو جي باسلوبه الواطي
- ثاني شي اختج الحقيرة لازم تعرفين اخوانج شو سوت و يضربونها و يحبسونها فالبيت و تزوجونها لانه شكلها خلااص فرطت
- ثالتا : تشترين راحتج وتبدين بالتهديد اند خلاص قررتي تخلينه و تاخدين اولادج و مايفرق معاج و بتشوفين كيف يستوي قطو عدالج لانه الحين شايف انج بعدج تحاتين و تحافظين عليه

اخدي بالج من عيالج ومن صحتج و من شكلج و عرفيه انه بعدج بتعيشين حياتج بعيد عنه حسسيه انج بتطلعين من حياته و ما يفرق معاج والله يوفقج

[أنا بدر البدور]

الله يعينج ..

قولي حسبي الله ونعم الوكييييل واايد بترتااحين ودووم استغفري ..

ولا تحاوليين تفتشين من وراااه بتعبيين اكثر ..
عيشي حيااتج وربي عيالج احسن تربيييه هم بينفعوونج اذا كبروووا ..

[ام علي 4]

ما ينفع تكونين زوجه له ابدن ريال شيبه وهاذي أفعاله وبيتمى يعايرج طول عمرج عيفيه قبل ما يعوفج ما يستاهلج يعله فداج وابداى صفحه جديده في حياتج والعيال ما بيضعون

[ملكة الاحاسيس]

انا لومكانج ماتشرف اكون زوجة لحثاله واختج المفروض اهلج يادبونها لن معناته هي وصلت لحد الجراه والتماااادي تضرب صحبه مع زوج اختها

[قصايد الهاملي]

اتلومين ريلج ؟؟؟ فديتج لومي اختج وزخيها هي الغلطانه مب ريلج اغلب الرياييل مايصدقون الوحده ادز لهم ويه واختج صراحه غريبه ماحصلت حد غير ريل اختها الله يهديهم اثنينهم

[♥mademoiselle]

الله يعينج حبيبتي

والله زمن يخوف قاموا الخوات يغازلون رياييل الخوات

صج على الدنيا السلام

[يمامة أيوب]

مادري شقولج موقفج صعب انتي بين نارين نار اختج اللي انصدمتي منها وخايفه على سمعتها وسمعه بيتكم ونار بيتج وزوجج وعايلج خايفه تخسرينه وتخسرين معاه سمعه بيتج انتي وعيالج و فوق هذا احساسج بانج مب كافيه لريلج اللي كله يروح يدور على بنات رخاص عشان يلعب ويثبت شبابه وانه ريلج يشوف راحته مع اختج واهي احلى عنج .

فيه رياييل لعابين اول مايشوفون انه البنت سهله ( نفس نوعيه اختج يعني ماعندها حاجز تكلم شباب ) وهم نفسهم لعابين خاصه بسن زوجج يحبون يصيدونهم ويلعبون عليهم بحكم انه لهم خبره وعارفين زين شو يسوون ويعرف شقايل يسحبها صوبه وانتي تعرفين زين شو نوعيه الكلام اللي يدور امبينهم و مليون بالميه ماله خص بنصايح بدليل الصوره اللي شفتيها وماخفي كان اعظم ماتدرين كم صوره انمسحت من موبايله وشو كانت واختج حابه احساس انه ريل اختها شافها احلى عن مرته موقادر يستغنى عنها اللي كل مايطلع تلفون يكلمها منه وفوق هذا شاريلها تلفون

ترا وضع مب طبيعي ابد.واختج امبين انه الوضع عادي عندها مب حاسه بحجم اللي هي تسويه وترا لو ماوريتي اختج العين الحمرا راح تتمادى وباجر تتطلع وياه وباجر بيقولج انتي ماتلزميني باخذ اختج واختج ياهل عادي تعاند بعد مايوعدها بسفرات وفلوس والاشياء اللي تغرب بسنها اكيد 17 هذا همهم بتقول لو طلقج بتوافق عليه وعادي تعاند الكل مثل ما انتي عاندتي الكل وخذتيه وتقولين الوالد الله يرحمه متوفي او انها بس تتطلع معاه يعني بيشوفج بعدها ولا شي يعايرج باخلاق اختج ,وانتي كل مره يعطيج ريلج عذر صدقتيه وها الشي مخليه مطمن انه مهما سوا بيرجعلج وبيقدر يصالحج وتسكتين وعارف انج بتسكنين عشان عندج عيال وعشان هذيج اختج مابتضرينها

اانتي لو عندج عم خال قراب منج او اخو عاقل كلميه باسلوب مب علطول تعقين الرمسه وهم بيعرفون يتصرفون معاها اول شي سحب الموبايل والانترنت ومممنوع الطلعه الا مع شخص وبس مدرسه للبيت والعكس ومراقيه مستمره لين ما تتوب وتعرف انه لله حق وهددوها انهكم بتزوجونها ماشي تكمله تعليم و اكيد هم بعد ييون يادبون ريلج وحطي في بالج راح تنقطع العلاقه بين اهلج وبين ريلج من بعد هاالسالفه واحس الصغار مولازم يعرفون بالمشكله عشان صورره ابوهم وخالتهم / عمتهم
ريلج اهنيه اختيارج تبين اتظلين على ذمته اولا بس هي قرصه تعطينه اياه قوليله اخلاقيا كيف يرضاها على نفسه بيت مامنينه على عرضهم يقوم يهتك عرض البيت وحرمته ويخون الامانه اللي لازم يصونها.لكن انتي لازم رده فعلج تكون للاثنين وعليه اهو اكثر لانه هو الكبير الفاهم انتي لمن شاركتيه همج وخوفج على اختج مب على عشان يروح ويهتك حرمه البيت بعد على عشان عدتيه قريب منج وحامي البيت وبيساعدج عدتيه ريال راعي اصل وريال مب ذكر مني والسلام اللي سواه مايسوي ريال يقول عن نفسه انا ريال
انتي فكري باحسن طريقه تعاقبين فيها الاثنين واختج لا ياخذها الغرور واتسوف نفسها لازم تخاف وقوليلها شو راح تسوين وانتي لو مخليه التلفون الثاني عندج زين وغلطانه واجهتيه ثاني مره مدام تاكدتي المفروض تاخذين كل شي تخشينه وتراوين اللي بيدهم الحل والربط كان المفروض ماتبينين انتي شو ناويه عليه الله يعينج ويخفف عليج ويتمم حملج حسبي الله ونعم الوكيل ..
انا والامانه نصحتج نصيحه انا ماراح اتبعها لاني عارفه نفسي انا لو الله لايقول صار فيني جذي تصرفي بيكون حازم من اول مره حتى لو راح بيتي مايهمني ما يشرفني اني اظل على ذمه واحد هتك حرمه بيت مامنينه على شرفهم ومايهمني حتى مستقبل اختي اللي انا ماهميتها وكل واحد يتحمل ذنبه

[ام براءه]

والله مالك غير الدعاء الله هو القادر يكشف كربتك حاااسه فيك اختي الله يعينك
محد يقدر اسوي شئ للي انكسر فيك بس ربك قادر اكتب لك الخير

[رؤوس الجبال]

الغاليه ريلج ريال وما ينعاب اهم شي كرامة اختج خبري اخوانج يأدبونها هاي قاص عليها الشيطان وما تعرف مصلحتها وين حطو الخيزرانه عليها وقولي حقها ان ريلج يعايرج بسبتها خليها تحس ع دمها وريلج وقفيه عند حده شيبه ويقص ع بنات الناس قولي حقه كما تدين تدان خليه يسير العمره ويتوب لربه شو بقى من عمره والسموحه فديتج لو غثيتج بس اللي ما ارضيه لعمري ما ارضيه لغيري