قبل ما تسوي جلسات الديرما رولر!!! مهم جداً

[وجدان الفجر]

السلام عليكم ورحمة الله وبركاته.
خواتي هذا الموضوع أنزله لوجهه الله تعالى والله يعلم إني بس أبي أوصل لكن المعلومة والله يعلم بالنوايا.
رحت لدكتورة جلدية لأن عندي مسام كبيرة ومفتوحة في بشرة وجهي وعندي أثار قديمة وبسيطة لحفر حب الشباب وبعض التصبغات اللي طلعت لي من يوم ما سويت تنظيف بشرة في أحد الصالونات!! المهم : الدكتورة قالت لي إني محتاجة لجلسات الديرمارولر بحدود أربع جلسات وجلسات تقشير خفيفة بالكرستال وتوكلت على الله وسويت جلستين والحمدلله حاسة بتحسن وإن شاء الله بكتب لكم عن النتيجة بعد ما أخلص. بس الحين حابة أكتب لكم عن جلسات الديرمارولر لأني اللي شفته غير تماماً عن اللي قرأته في هنا في المنتدى في مواضيع بعض الأخوات.في خطوات مهمة ومعلومات أساسية لازم تعرفنها قبل ما تسون الديرمارولر.
أولاً: قالو لي ما أسوي تقشير ولا تشقير ولا حف ولا أي شي في وجهي في الصالون قبل على الأقل أسبوع من الجلسة.
ثانياً:لما رحت نظفو وجهي بمنظف خفيف وبعدين حطو لي طبقة من كريم أملا المخدر الموضعي على كل وجهي وخلوها نص ساعة.
ثالثاً : بعدها دكتورة الجلدية قامت بمسح كامل وجهي بمعقم,وصار تسوي لي الجلسة بالأداة وسوت لي أول جهة اليمين من وجهي وكانت يوم تمرر الأداة بكل حذر وخفة وبجهة وحدة , وبعدين نفس الشي بالجهة اليسار.
رابعاً: كانت الدكتورة تحطي لي وهي تمرر الأداة على وجهي فتامينات وكريمات مغذية وتخلي البشرة تتشربها.
خامساً : بعد ما خلصت الجلسة حطت لي قناع مغذي ونفس الوقت مخفف للإحمرار.
سادساً: طلبو مني ما أستخدم غسول قوي ولا مواد كيماوية ولا حف ولا تشقير لمدة أسبوع على الأقل.
سابعاً: ما أتعرض لأشعة الشمس واستخدم واقي من الشمس.
ثامناً: الجلسة اللي بعدها جلسة تقشير بالكريستال بعد أسبوعين .
تاسعاً: الجلسة القادمة للديرما رولر بعد أسبوعين من جلسة التقشير.والدكتورة قالت لي عادة لازم تكون فترة من أسبوعين لثلاث أسابيع بين الجلسة والثانية.
خواتي هذي هي الخطوات اللي سوها لي, والحمدلله الإحمرار كان يختفي ثاني يوم .
اللي خلاني أكتب هذا الموضوع , في العيادة شفت وحدة جاية مسكينة ووجها مشوه خطوط وبقع !!! وقالت لي :أنها جاية إدور علاج لمصيبتها لأنها إشترت أداة الديرمارولر واستخدمتها في البيت على حسب تعليمات البائعة الخبيرة واللي قالت لها إذا تبي تستفيدي بسرعة إستخدميها ثلاث مرات في الأسبوع ولين يطلع الدم من البشرة وطبعا بدون مخدر حتى !!!والمسكينة سمعت كلامها وشوهت وجهها والحين جاية تدور على علاج.
خواتي أنتبهن أرجوكن! لو شفتن وجهها بصدق بتحزنن عليها.
هذي تجربة شخصية أتمنى تستفيدن منها.

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[extra]

[extra]

وأنا يالسة أطلع الدم

[وجدان الفجر]

وأنا يالسة أطلع الدم

أختي الغالية, الدكتورة لما سألتها قالت لي على قدر الحالة تستخدم الديرما رولر, وما يوصلو لحالات إدماء البشرة إلا في حالات قليلة جداً يحددها الدكتور ويستخدمو لها أدودية وكريمات خاصة, أفضل تسألي دكتورة جلدية عن حالة بشرتج وشو تحتاج بالضبط,الله يحفظج..

[7780karamil]

يختي جزاك الله الف خير
ولله ثم والله اول ما شفت هالأداة تنباع بالمنتدى انصدمت لان اعرف انها ما تستخدم في البيت انا مجربتها عند دكتورة الجلدية
مع خطوات اخرى مثل ما ذكرتي .. شو فايدتها في البيت؟ اقل ضرر بتتركه انها بتفتح مسام الوجة وبتم مفتوحة
والادهى بتتعبى اوساخ وتلتهب ...

[MEMOIR]

اختي عادي انا اسوي ليزر ف كوسمسيرج والدكتوره تعرف اني اسوي جلسات الديرمارولر ف البيت وتسالني عن الفيتامينات اللي احطهن ف ويهي وانصدمت من المعلومات اللي عندي عن المحاليل لاني خبرتها بالمصطلحات الطبيه ،،
بعض العيادات الله يهديهم يخوفون البيشنت ويهولون الموقف عسب ماتتجرا تسوي ف البيت لانهم ف هالحاله خسرانين
اختي مافيها شي استخدام الجهاز بالبيت لان ف الغرب يستخدمونها عادي ف البيوت بدون اي مشاكل
انا ما اشجع ولا ادافع لاني هنيه الحلقه الاضعف لاني تاجره
بس همسه اختي بما اني لي تجربه شخصيه مع الجهاز وانا صارلي ولله الحمد سنه ونص استخدمه بروحي ف البيت ما صارلي شي بالعكس اقل وصف اقدر اقوله عن بشرتي انها جلوووينج ماشالله تبارك الله
بارك الله فيج اختي

[زيباشو]

ما عرفنا شو الصح ؟؟

من كثر المقاطع في اليوتيوب نفس الشي ما عرفنا الطريقة الصح
لكن انا اقتنعت ان لازم ينزل دم ،،
شفت مقطع ياباني نزل دم بشكل فظييييييييييييييع
وفي مقطع ماليزي بعد اكثر الريال ويهه انتفخ من كثر الدم ،،
ملاحظة انه ندوب ويهه كانت عميييييييييييييييييييييقة وااايد

الاعتدال والحذر واجب

بس سؤال عندي يوم عقمت ويهج عقب مسحته بالماي ولا لا بس عقمته ومحلول المعقم تم على ويهج ؟؟؟

وقريت في منتدى اجنبي ان ممنوع استخدام كريم مضاد للالتهاب ما عرفت ليش ؟؟
اتقول ان من شروط تاثير الديرما رولر هو ان البشره هي تحارب الالتهاب او لازم تلتهب ،،
ضعت الصراحة بين كلام الدكاترة في النت ،،

[نوريين]

اختي عادي انا اسوي ليزر ف كوسمسيرج والدكتوره تعرف اني اسوي جلسات الديرمارولر ف البيت وتسالني عن الفيتامينات اللي احطهن ف ويهي وانصدمت من المعلومات اللي عندي عن المحاليل لاني خبرتها بالمصطلحات الطبيه ،،
بعض العيادات الله يهديهم يخوفون البيشنت ويهولون الموقف عسب ماتتجرا تسوي ف البيت لانهم ف هالحاله خسرانين
اختي مافيها شي استخدام الجهاز بالبيت لان ف الغرب يستخدمونها عادي ف البيوت بدون اي مشاكل
انا ما اشجع ولا ادافع لاني هنيه الحلقه الاضعف لاني تاجره
بس همسه اختي بما اني لي تجربه شخصيه مع الجهاز وانا صارلي ولله الحمد سنه ونص استخدمه بروحي ف البيت ما صارلي شي بالعكس اقل وصف اقدر اقوله عن بشرتي انها جلوووينج ماشالله تبارك الله
بارك الله فيج اختي

السلام عليكم
انا بعد استخدم الديرما رول في البيت ومن دون مخدر بعد ،، بس حبيت اسال الاخت ميمور شو نوع الفيتامينات والمعقم الي تستخدمينها قبل وبعد استخدامج للدريما رول ،،،

لانى فعلا محتاره ،،

وشكرا

[matcoo]

لو خواتي حد من اللي مجربات.. شو الفيتامينات اللي تستخدمونها للبشره بعد الديرما رولر؟؟ يعني شي مجرب او دكتور مدح فيه .. يا ريت خواتي تخبرونه.. و بعد اذا في شي يسكر المسامات.. و يا ريت التفاعل..

[نوريين]

انا عقب مااستخدمه على طول احطي ثلج ، منه المسام تتسكر والشي الثاني يخفف الاحمرار بطريقة ما تتصورينها

[قارورة العسل]

ربي يوفقكم

[وجدان الفجر]

[QUOTE=MEMOIR;37708362]اختي عادي انا اسوي ليزر ف كوسمسيرج والدكتوره تعرف اني اسوي جلسات الديرمارولر ف البيت وتسالني عن الفيتامينات اللي احطهن ف ويهي وانصدمت من المعلومات اللي عندي عن المحاليل لاني خبرتها بالمصطلحات الطبيه ،،
بعض العيادات الله يهديهم يخوفون البيشنت ويهولون الموقف عسب ماتتجرا تسوي ف البيت لانهم ف هالحاله خسرانين
اختي مافيها شي استخدام الجهاز بالبيت لان ف الغرب يستخدمونها عادي ف البيوت بدون اي مشاكل
انا ما اشجع ولا ادافع لاني هنيه الحلقه الاضعف لاني تاجره
بس همسه اختي بما اني لي تجربه شخصيه مع الجهاز وانا صارلي ولله الحمد سنه ونص استخدمه بروحي ف البيت ما صارلي شي بالعكس اقل وصف اقدر اقوله عن بشرتي انها جلوووينج ماشالله تبارك الله
بارك الله فيج اختي[/Q
أختي الفاضلة, جزاج الله خير على المشاركة, بالعكس أن احترم وجهه نظرج أختي, أنا يوم قالت لي الدكتورة إني بحتاج جلسات ديرمارولر فكرت أشتري من المنتدى الأداة وريح عمري على الأقل من روحة العيادة, بس رحت سألت دكتورة أخصائية جلدية وتجميل صديقتي( وهي بالمناسبة تشتغل في مستشفى حكومي وما تسوي جلسات اليرما رولر وما عندها عيادة خاصة) مع إنها متخصصة في جلسات التجميل المختلفة , فما نصحتني أسوي الجلسات في البيت وقالت لي أنه ممكن أضر بشرتي وادمرها وتصيير أسوء من قبل لو أستخدمتها غلط.
بالنسبة للغرب,أنا مرة شفت في برنامج The doctors يحذروا من الإستخدام الخاطئ لأدوات الديرما رولر والأدوات المشابهه والليزر في البيت, وجابو حالات وصلت لتشوه, عموماً أختي, هذي المعلومات اللي عندي, والإختلاف في الرأي لا يفسد للود قضية. ربي يحفظج.

[وجدان الفجر]

ما عرفنا شو الصح ؟؟

من كثر المقاطع في اليوتيوب نفس الشي ما عرفنا الطريقة الصح
لكن انا اقتنعت ان لازم ينزل دم ،،
شفت مقطع ياباني نزل دم بشكل فظييييييييييييييع
وفي مقطع ماليزي بعد اكثر الريال ويهه انتفخ من كثر الدم ،،
ملاحظة انه ندوب ويهه كانت عميييييييييييييييييييييقة وااايد

الاعتدال والحذر واجب

بس سؤال عندي يوم عقمت ويهج عقب مسحته بالماي ولا لا بس عقمته ومحلول المعقم تم على ويهج ؟؟؟

وقريت في منتدى اجنبي ان ممنوع استخدام كريم مضاد للالتهاب ما عرفت ليش ؟؟
اتقول ان من شروط تاثير الديرما رولر هو ان البشره هي تحارب الالتهاب او لازم تلتهب ،،
ضعت الصراحة بين كلام الدكاترة في النت ،،

أختي الفاضلة, لازم تعقيم الجلد قبل الديرمارولر, لأنه على بشرتنا جراثيم طبيعية مضرة ومفيدة يمكن ما تسوي شي وهي على الجلد بس من تدخل لتحت الجلد وفي مجري الدم ممكن لاسمح الله تسبب عدوى جرثومية( إنتان جرثومي بالمصلح الطبي)
وهناك فرق كبير بين الإلتهاب والإنتان, الإلتهاب هو تهيج بسبب مواد طبيعية أوكيماوية أو بسبب الجراثيم, أما الإنتان فهو عدوى جرثومية( بسبب البكتيريا أو الفيروسات أو الفطريات)وطبعاً هذي خطيرة وتحتاج لعلاج فوري وهذا اللي ما نبيه يصيير لما نسوي أي إجراء جراحي سواء بسيط أو كبير.
أما اللي يصيير أثناء الديرمارولر تكسيير للأوردة والأنسجة اللي تحت الجلد وصيير هناك تهيج موضعي( التهاب ) وتندفع خلايا الدم الدفاعية والخلايا البيضاء وغيرها للمكان وتزيد تروية الدم للمنطقة لأن نريد نحفز طبقة الكولاجين والألستين علشان تتنشط وتتجدد, بس من دون عدوى لا سمح الله لأنها بدمر الجلد, وعلشان كذه لازم نعطي فرصة كافية للبشرة علشان تترمم نفسها , يعني سالفة أني أسوي الديرما مرتين في الأسبوع هذي ما منطقي لأنه البشرة كيف بتترمم وبتجدد؟ تخيلي عندج جرج وكل ما تتكون طبقة الإلتئام عليه تقشري الطبقة وينزف مرة ثانية , متى بيلتئم؟
الدكتورة قالت في حالات ممكن تسو لها الديرما لين تنزف بشكلر بسيط بس حالات معينة يحددها الطبييب وتحتاج الحذر من الطبيب أثناء التطبيق.أتمنى فديتج أختي ويكون شرحي بسيط وسهل. ربي يوفقج.

[dlolla]

استخدام البيت للابر الصغيره فقط يعني اكبر شي مسموح1.5 ملم
الابر الجبيره لازم استخدام طبي 2 و 3 ملم

ممكن استخدامها بالضغط الخفيف 5 مرات بالاسبوع للابر الصغيره
وومكن بالضغط القوي يطلع دم (مره بالاسبوع فقط) للابر الصغيره

الفيتامينات احسن شي تستخدمين الي يناسب بشرتج
يعني البشرتها دهنيه غير عن الجافه

[حلوات الاهداب]

مشكوره اختي عل الافاده
وفعلا اختي غلط ادماء البشره انا جربته في البيت وعادي جدا لانه اصغر حجم ومره في الاسبوع تكفي
وبا العياده اذا كانت البشره فيها مشاكل اكثر طبعا افضل
وهو عباره عن تقشير علشان جي لازم ما نستعمل شي قوي من بعده
يعطيج العافيه اختي على التوضيح