مشكلتي بنت العمه

**الحياة الحره** · 2011-07-30, 23:27

بنت عمي عندها مشكله حبيت اطرحه في المنتدي يمكن تساعدونها الله يسلمكم هي مالجه وعرسها علي السنه اليديده زوجها من النوع اللي وايد يحب يفرض رأيها ومن النوع الزعول ويشل في خاطره هي تبي تعرف هي غلطانه او لا سابقا هي وايد تحب اتساعد اخوها باللي تقدر عليه ماديا في يوم من الايام طلب منه اي مبلغ تقدر عليه تساعد بنته لانها تريد تاخذ لها غرفة نوم هي رد علي اخوها خير ان شاءالله يعني اي او لا يعني هي قبل ما تعطي الرد بتاخذ شو زوجها يوم خبرت زوجها رد عليها ليش تقولين له هالكلام ونحن ماديتنا ما تسمح اذا عندج فلوس عطيني أنا المحتاج او خذي غرفة النوم حقنا هي عصبت قالت له أنا جيت أستشيرك وأخذ رأيك وهذا اخوي لمنو بيحتج متعجبه الكلام وزعل المهم هي حلت مشكلتها امس كانوا يتحدثون قالت له هي تريد أتروح مع أخواتها يأخذون توزيعات العرس عصب عليه قال لها بيزاتج زايده قالت هي بتاخذ اشياء ما يكلف وايد حوالي 300 درهم قال لها أنا ما عندي دامج تلعب بالبيزات والمعازيم ما يبون هدايه قالها ما عندي فلوس بدل ما تاخذين هدايه ادفعي قيمه غرفه النوم عصبت هي قالت له غرفه النوم علي الريال مب الحرمه عصب ما عجبه الكلام هو عنده سلفيه في البنك متسلف حق العرس بس ما راضي قولها كم باقي له بالرغم المسكينه تكفلت بالشقه انها هي لتدفع ليل ما تخلص سلفيته هي أتقول راضي اتساعده بس مب كل شي عليه هي علي الاقل يدفع معاها يساهم بمبلغ وقالت له ها الشي بس هو رد عليها وقال لا تتدخلين في الشقه هو اذا قدر يشتري بيشتري ماقدر عادي ينام في الارض وقال لها أنا متفق مع اهلج اني اسوي عرسج في خيمه وهو الحين راكب راسه اسوي عرسه في خيمه بالرغم هو دافع بيزات الفندق وحاجز بس شغل عناد غير رأيه يبي خيمه هي عسب ترضيه قالت له اذا ما تبي تدفع بيزات الفندق هي بتدفع قال لها ما بغير راي هي رضا عسب اتحب قالت أوكي يب الخيمه مع الاكل قال لها خيمه من اي شي من دون طاولات والاكل ماشي عشاء قالت بكلم انت جي تريد قالها أوكي اليوم هي تراسل بس تخبره ان هي خبرت اهلها واهلها مب راضين وهي قالت بانها هي اللي تريد خيمه مب هو وان الوالده اتصيح قالها أنا بي وبكلهم هي طلبت من ما يدخل خلي كل شي عليها عسب اهلها ما يأخذون فكره عنه من الظهر ليل الحين تتصل فيه هو ما يرد علي مكالمتها ولا مسجاتها اوقات أخواتها يقولون لها نحن بني لج حق عرسج مثلا فرقه كمساهم يوم أتقوله يقول لها قول لهم مافي داعي حق كل ها احسن يأخذون شي ناقص في الشقه هي كأسر خاطري ما تعرف شو اتسوي ما تبي اتفاتح اهلها بالموضوع عسب ما تكبر السالفه وتصير مشاكله وهي ما تبي تطلق بالرغم هي تساعده في كل شي حتي الفندق أخاف اتسوي شي بعمرها لانها صج تعبانه نفسيا الحين هي تريد تعرف هي غلطانه وكيف تنصحونها *

المزيد من آخر المواضيع من نفس القسم:

**اللآلئ** · 2011-07-30, 23:33

أنا ما قريت الموضوع كامل
بسسس واضح أنه بخيئيل واااااائد و واضح أنه بيعتمد عليها
ما بكتب رد أكثر عن جي لنه ممكن يكون ردي صعبببب
الله يعينهاااااا
بس إذا بتكمل وياااه لازم تتحمل بخله و حشرته و أن هو بيعتمد عليها ع مصاريف البيت
بس نصيحه خ اتخش لها فلوووس اتخسهاا لليوم الأسوووود بس بشرط هو ما يدري
و أبد ما تعوده اتفر فلسسس واحد للبيت أتعوده أن هو الريال هو يصرف ع البيت

**بنوتـــهـ** · 2011-07-30, 23:34

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن

**أم حمــد3** · 2011-07-30, 23:35

الله يعينها

انا من راي تخبر حد من اهلها

**كلمة صدق** · 2011-07-30, 23:39

السلام عليكم ورحمة الله وبركاته

الشى واضح

يبي يتحكم في فلوسها

خل يزعل هي حره بفلوسها دام الفلوس مو منه

اذا سمحت له يتحكم بفلوسها بتتعب وااااااااااااااااايد بالمستقبل

ونصيحه من اخت لا تساعده وتتنازل والله بعتمد عليها اتعماد كلي

**متغطية ببرقع** · 2011-07-30, 23:44

وااااااااااااايد غلط لما الحرمة تعطي ريلها فلوس ف الملجة ... يستغلها وايد عقب
الله يهدي سرهم

**الكـــــاذي** · 2011-07-30, 23:45

محد يعرف بالضبط شو بين الحرمه وزوجها غيرهم الأثنين،،

من وجهة نظري انها غلطانه لما كانت تقوله كل شي،، الريال مب لازم يعرف كل صغيرة وكبيرة
ومب حلوه أصلاً تقول لزوجها أنا أساعد أخوي،،
والتوزيعات مب ضروري يعرف بهالأمور،،

أحس زوجها متحكم في الأمور عدل،، وهي ما لها لا حول ولا قوة،،

فالوقت الحالي مدام ما يرد ع اتصالاتها،، لا تتصل به وتطنشه
أدري صعب،، بس هي ع قد ما تتصل به هو بيطنشها أكثر وأكثر وبيكبر راسه

والشي الثاني خلاص ما تدفع درهم واحد،، الريال هو الملزوم بالعرس مب الحرمه
والعرس بياض ويه أهل الريال مب البنت

وخليها تتطمن ما أعتقد انه بيسوي عرسه في الخيمه
وحتى لو سوى هو وأهله اللي بيتفشلون جدام الخلق

وعشان تآخذ شور منطقي وواقعي،، انصحها تكلم ريال من محارمها يكون ثقه وعاقل
لأن الرياييل يفهمون حركات بعض أكثر منا

الله يفرج همها ويفرح قلبها
ولازم تدعي الله انه يفرج همومها ويهدي زوجها للحق ويسخره لها

تحاول تصلي قيام الليل وتدعي الله ،، الفرج بيد الله وحده
سبحانه مقلب القلوب

ونفس ما نصحتها،، خلاص لا تذل عمرها وتتصل به ولا تتطرش له مسجات
لأنها بتكسر كرامتها قدام هالإنسان
وكل ما تصادفهم مشكله بيحقرها وبيتجاهلها وبيستخدم هالأسلوب الرخيص في حل المشاكل

وقولي لها تصلي استخاره بخصوص العرس،، مره ومرتين و ثلاث،،،
وربج بيفتح لها أبواب الخير والرضا من كل مكان

**!! بنت دبي !!** · 2011-07-30, 23:54

الله يكون ف عونها

**الأنامل** · 2011-07-31, 00:08

و الله ما أعرف بس أنا حاسة انها هي و أهلها بيتكفلون بالعرس .... شكله الريال طمعان بفلوسها ما دامها السالفة ابتدت بالبيزات .... الله يعينها ....

***أم شهد*** · 2011-07-31, 00:39

الغاليه المكتوب امبين من عنوانه ،،، الريال بخيل من كلامج وتصرفاته ،،،

نصيحه ترد تستخير دامها بعدها عالبر ،،، العرس مو بس حفله وعرس لا ،،، اتجوف سلبيات وايجابيات هالانسان وهل بتقدر تعيش معاه ،،، الحب مو كل شيء ولا هو اساس السعاده الزوجيه ،،، نصيحتي مثل ما قلت ترد تستخير فيه وربي يجدملها اللي فيه الخير

**ســـولعيه** · 2011-07-31, 01:13

حشى عفاني الله منه

انسان بخيل ويبى يتحكم فكل شي ولايهمه مشاعر الطرف الثاني وخير ياطير تسلف من البنك محد طقه ع راسه وقال عرس غصب من نفسه ليش يبلش بنت الناس وياه مب ذنبها؟؟ دامها ع البر وياه خليها تفتك منه وتفكر عدل دامه جي يتصرف ويتحكم عيل كيف عقب العرس المفروض يثبت نفسه وروجولته ويبيض ويهه قدام الخلق والناس مب جي؟؟؟؟ خليها تصلي الاستخاره مره ثانيه وتصلي اللليل عسى ربي يفرج عليها همها ياااارب

**مالتيزرس** · 2011-07-31, 01:20

هذا ريال اتكالي حشا المفروض هوه يتكلف بكل شي هوه أبسط الأمور ما قدر يتكفل بها يعني غرفة النوم المفروض هوه اللي يفل فيها

**AL-jawaher** · 2011-07-31, 01:23

الله يكون فعونها ‏

**مزيونةعيناوية** · 2011-07-31, 01:40

السالفه موب سلفيه البنك حقه
السالفه سالفه بخل الريال بخيل ويبى يتحكم في بيزاتج
لو بدايتها جي ينعرف تاليها
المفروووض هو الي يصرف عليج وايبلج غرفه النوم موب انتي الي تتكفلين بمصاريف زواجج
حلي المووضوع قبل الفاس مايطييح فالراس عادكم عالبر

وعسى ربي يوفقج ويسهل اموورج
واستخيري بالاول لو تما معند اتخذي قرارج

**عيناويهـ حلوه** · 2011-07-31, 01:41

صراحه الله يعينها ><

الموضوع: مشكلتي بنت العمه

أدوات الموضوع

عرض

مشكلة بنت العمه

المزيد من آخر المواضيع من نفس القسم:

المواضيع المتشابهه

العمه

العمه الغاليه

العمه وما أدراك ما العمه ؟؟؟! !

الام او العمه

العمه مفتاح قلب الرجل