ميلس بيت العمر التاسع..............

**Umm Humaid** · 2011-05-09, 20:51

السلام عليكم ورحمة الله وبركاته ..

اشحالكم حبيباتي ... ان شاء الله بخير ...

أخباري .. مريت البيت اليوم والحمد لله مركبين فريمات الدرايش كلها ... شي يطمن الصراحة ...انزين اللي خلصوا

من المرحلة هذي كم تقريبا بياخذ راع الالمنيوم لين يجهز الزجاج؟

واليوم مرين محل اصباغ جوتن وخذت كروت الاصباغ اللي اباها ... عسب نعطيهم للمقاول ..

كلمنا راع البيبان على قولته 10 ايام وبركب البيبان ... وهاتوا قفول ... ان شاء الله الأكشن الياي بيكون للقفول ...

خوخة 22 حبيبتي والله ... الله يفرج همج وان شاء الله اتسير الضيقة عنج والله ايسر امورج ....البارحة انا بعد كنت في صحارى خخخخ العصر .. ومريت هوم سنتر بعد ....

رذاذ الأمل ... تستاهلون سلامة اخوج الغالية وما يشوف شر ... والله يحفظه ويرده سالم لكم ...

نواري ... تسلمين حبيبتي على الرد .. وصدقج والله بفكر بالهيدروليك لحمامات الصغارية ... خخخخخ

أمونه .. تسلمين حبيبتي على المعلومات والصور الحلوة والموقع ... وان شاء الله من يركبون الزجاج للدرايش ويركبون البيبان بسير افصل المطبخ ...

ام مهرة وشمة ... وينج غاطة عن الميلس ... الله يعينج يا اختي ان شاء الله حصلتي شي حلو للبيت ....

**بربرينه** · 2011-05-09, 21:24

مرحبا خواتي شخباركم رذاذ الأمل ألف سلامه لخوج وتستاهلون سلامته حبوبه الله يبعد عنا وعنكم المصايب ولحوادث

**ام مهره و شمه** · 2011-05-10, 00:25

حبيبتي يا ام حميد اتابعكم من البي بي بس ما ارد متابعتنكم حرف بحرف
اخر اخباري انه بعدني اشوف السيراميك
سرت راس الخيمة و الشارجة و اليوم لفيت بدبا
يمكن امر مرة ثانية الشارجة ان شاء الله
بشوف الديزاينات و الاسعار و عقب بختار ان شاء الله

**ام مهره و شمه** · 2011-05-10, 00:26

ما شاء الله كملنا 1010 مشاركة متى بتفتحولنا الميلس العاشر

**خوخه 22** · 2011-05-10, 01:03

المشاركة الأصلية كتبت بواسطة رذاذ الأمل

الله يفرج همج وماتشوفين شر

وشكرا لكل اللي سألوا عني بس من يومين مضايقه حدي
لو سمعتوا عن خبر

نجاة قائد مقاتلة إماراتية انحرفت عن مسارها بسبب سوء الأحوال الجوية في مدرج هبوط بإيطاليا وأضرار

الحمد لله على سلامة أخوي الطيار ليعود إلى اهله وبلده سالماً معافا
الحديد يتم تعويضة ولكن الطيار خسارته مؤلمة
والطيار الاماراتي مامثلة بديل

نسال الله الا يرينا مكروه في ابنائنا وجميع المسلمين
وان شاء الله تكون اخر الاخبار السيئة التي نسمعها

كان أخوي والحمدالله الله سلمه

والله صدمني الخبر,,, سبحااان الله ... ألف الحمد لله لى سلامته وإنشالله يرد لكم سالما غانما...

**خوخه 22** · 2011-05-10, 01:05

المشاركة الأصلية كتبت بواسطة ام مهره و شمه

ما شاء الله كملنا 1010 مشاركة متى بتفتحولنا الميلس العاشر

مشااااء الله ... هذا بمجهودكم ويارب يسر أمورناا ونسكن بيوتنااا على خير إنشالله...

**خوخه 22** · 2011-05-10, 01:16

المشاركة الأصلية كتبت بواسطة Umm Humaid

السلام عليكم ورحمة الله وبركاته ..

اشحالكم حبيباتي ... ان شاء الله بخير ...

أخباري .. مريت البيت اليوم والحمد لله مركبين فريمات الدرايش كلها ... شي يطمن الصراحة ...انزين اللي خلصوا

من المرحلة هذي كم تقريبا بياخذ راع الالمنيوم لين يجهز الزجاج؟

واليوم مرين محل اصباغ جوتن وخذت كروت الاصباغ اللي اباها ... عسب نعطيهم للمقاول ..

كلمنا راع البيبان على قولته 10 ايام وبركب البيبان ... وهاتوا قفول ... ان شاء الله الأكشن الياي بيكون للقفول ...

خوخة 22 حبيبتي والله ... الله يفرج همج وان شاء الله اتسير الضيقة عنج والله ايسر امورج ....البارحة انا بعد كنت في صحارى خخخخ العصر .. ومريت هوم سنتر بعد ....

رذاذ الأمل ... تستاهلون سلامة اخوج الغالية وما يشوف شر ... والله يحفظه ويرده سالم لكم ...

نواري ... تسلمين حبيبتي على الرد .. وصدقج والله بفكر بالهيدروليك لحمامات الصغارية ... خخخخخ

أمونه .. تسلمين حبيبتي على المعلومات والصور الحلوة والموقع ... وان شاء الله من يركبون الزجاج للدرايش ويركبون البيبان بسير افصل المطبخ ...

ام مهرة وشمة ... وينج غاطة عن الميلس ... الله يعينج يا اختي ان شاء الله حصلتي شي حلو للبيت ....

هلا وغلا بحبيبتي أم حميد.... ما خبرتيني إنج بتسيرين صحااارى وأنا من فترة مخبرتنكم... هيه ما تبغين تشوفيني خخخخخ....
بس أنا سرت الصبح على أساس إنه ولدي عليه إمتحااان ويدوب أرجع من وقت وأذاكر له....

والله حبيبتي كم يبيله وقت الزجاج ... هذا يرجع لضمير وذمة راااعي المحل خخخخخ
والقفول بعد الله يعينج عليهاا لازم تدورين الشئ المناسب وإنشالله تحصلين....

**كاكاويه دلع** · 2011-05-10, 02:14

السلام عليكم خواتي
رّذاذ الأمل حمدالله على سلامة اخوتش والله يرده سالم لكم انشاء الله
اختي خوخة الله يفرج عليش
اختي نواري بيبلش اسم المحل لاني رحت ابوظبي واتصلت لأمي عشان الاسم طبعا ما تعرف تقرا وضيعت الورقة وان شاء الله بيبلتش الاسم هو في خورفكان منطقة اسمها زبارة والسموحة ادا اتاخرت عليش تعرفين امتحانات اليهال ومن غير الشغالة تبي تسافر والله لعوزة الحمدلله على كل حال

**سوارة** · 2011-05-10, 02:19

نواري الله يابج انا سايره باجر افصل المطبخ

وهالاشكال في خاطريه

..[/IM

بس بسالج والسؤال موجه للكل

شو احسن نوع؟؟خشب ولا المنيوم ولا الاكريليك؟؟انا مول مالي بهالامور؟؟
الميزانيه مفتوحه عندي عادي المهم شي رااااقي وفخم ويكسر الخشوم خخخخخخ

وكيف لو بغيت اطلب قسم للقلي والشوي ؟؟

**سوارة** · 2011-05-10, 02:31

المشاركة الأصلية كتبت بواسطة خوخه 22

مشكووووووووووووووورة يا سكون ما قصري والله والصراحه المدير والمهندس ناس راقيين في أسلوبهم وتعاملهم جدا.... والخصم بعد وااايد حلوووو.... وبالتوفيق إنشالله للجميع....

كم كلفج؟؟

**سوارة** · 2011-05-10, 02:40

المشاركة الأصلية كتبت بواسطة خوخه 22

هلا سوارة.....
شوفي أنا مساحه حديقتي صغيرة على شكل مثلث,, فطلبت على زاويه المثلث شلال وفي النص يلسه مع ممشى من مدخل الحديقه لين اليلسه وما أعرف يمكن الحشيش نحن نيب مزارع من البلديه يزرع لنا....

عيل غالي فديتج دامه بدون الحشيش
انا محصله ريال بيسويلي نافوره عود شرات اللي انتي اخترتيها بس في النص على شكل جبل مع حوض قدامه وممر وجلسه وحشيش الثيل كامل ب25 الف وانا حديقتيه عوده
بس خلينا نشوف شغله في بيتج خلاف بنقرر

**سوارة** · 2011-05-10, 02:41

شو موضة الدرايش الحينه؟؟؟ راسي داير مااعرف شو اركب

**!!قلب طفل!!** · 2011-05-10, 03:10

هلاااا سواره .. والله انا شراتج محتاااره .. شووو أختار للمطبخ .. بس عقب الصور قلت بختااار الاكريليك ^_^

و الدرااااايش بعد .. الحين مب عاااارفه شوو أختااار .. و هالاياام ادووور .. و اللي حسيته اووكي الزجاج البلجيكي .. و يكوون دبل زجااج .. و عيبني اللون البني .. هذا اللي الحين افكر اسوويه .. بس اذا في الاحسن ياريت بنااااات اتقولوا لي قبل ماااا اختار هاا..

^_^

**الهدى1** · 2011-05-10, 03:56

http://forum.uaewomen.net/showthread...6#post31325096

حياكم هنيه بالموضوع اليديد يلا تحولووووووو ^___^

**عالية الغالية** · 2011-05-10, 09:01

مبروووووك على افتتاح الجزء العاشر

الموضوع: ميلس بيت العمر التاسع..............

أدوات الموضوع

عرض

المواضيع المتشابهه

~¤®§(§ ميلس بيت العمر (12) حياااكم ويانا ^___^ §)§®¤~

بنااااااات شوفو ميلس بيت العمر من تصميم شركة فشوري

~¤®§(§ ميلس بيت العمر (11) حياااكم ويانا ^___^ §)§®¤~

~¤®§(§ ميلس بيت العمر ( 10 ) حياااكم ويانا ^___^ا §)§®¤~