اتذكر ولده الحين

**و اتصل** · 2011-05-01, 11:14

مرحبا بنات

اشحالكن ؟

صديقتيه عندها سالفه و خبرتني عنها و تبا حل من كثر القهر اللي فييني قلت بلجأ لكن

الله يسلمكن هيه مطلقه و عندها ولد ريلها خلاها من عرف انها حامل يعني تقريبا ثلاث شهور تمت معاه عقب قام يسوي مشاكل من اسخف الاشياء هيه ما اتحملت و راحت بيت ابوها .
اتخيلن حتى كان يدعي عليها و على جنينها ..

المهم مرت لشهور و ربت اربيعتي تقريبا ولدها الحين بيكمل سنتين انخطبت هيه و من عرف طليقها قال بياخذ الولد . اي ولد ها اللي بتاخذه انتي مصروف ما تصرفه عليه كل 3 شهور طرش مرة و اكتشفوا انه معرس بالدس و عنده اعيال بس اهله ما يدرون عنه .

ربيعتي حالتها النفسيه تعبانه وايد

بنات اعطونا حل شوو اتسوي هيه متعلقه فولدها وايد و ما تصبر عنه و مستحيل اتفرط فيه لواحد مثل هالانسان لانه صدق حرام ينعطى الشخص كلمه الابوة ..

المزيد من آخر المواضيع من نفس القسم:

**Ms anime** · 2011-05-01, 11:22

تجرب تستشير محامي هذا افضل حل

**طيف الغربة** · 2011-05-01, 11:24

توه تذكر الله يهديه بس الافضل اختي تسأل حد يفهم من الناحية القانونية

ربي يسهل امره

**ღcute girlღ** · 2011-05-01, 11:31

**nb'9at 8lb** · 2011-05-01, 11:32

لا حول ولا قوه الا بالله

الله يكون في عونها ويساعدها

وشرات ما شارن الخوات .. احسن تاخذ مشوره قانونيه

**ابداااع للتصميم** · 2011-05-01, 12:20

الله يعينها"تيلس ويا ولدها احسن من الزواج وعقب بينفعها ولا تهد ويتلعوز ويا حرمة الاب ويضيع":"

**عروسة المملكه** · 2011-05-01, 12:40

الحق وياها والقنون بيعطيها الحضانه الانه اولا اصغير ثانيا سولف ابوه المحكمه ما بتحكم جه للاب لزم تتاكد ان لاب ما يستحق عقب بيعطون الحضانه للام حتى لو انها معرسه خل تلجى لمحكمه وربي يسعدها ويوفقهاااا ويهدي ابو ولدها

**رغم حزني** · 2011-05-01, 12:40

الله يهدية من ريال

تلجا للقانون احسن

**مزاهر** · 2011-05-01, 12:56

اقول لو تسأل محامي بيكون ادر ى بها السوالف مثل مايقولون هو الحين تذكر عنده ولد اتخسي يكون ابو او فيه ذرة أبوه ما اقول الا الله يسامحه

**عالية الغالية** · 2011-05-01, 13:44

القانون مع طليقها

من تعرس يشله ابوه

هذا القانون اليديد

**فيتامين سي** · 2011-05-01, 13:48

الله يكون بعونج

حد من الرياييل فيهم نذاله ماتنوصف يعني انت ماسالت عنه غير يوم هي بغت تعرس حسبي الله ع ابليسك ليش يبا يقطع نصيبها

الله معاج يااختيه والله ينصرج عليه عاجل غير اجل ياارب

**الشوق1** · 2011-05-01, 14:03

خلى تعرس بدون ما يدري طلقيها يعني بس امها و ابوها يدرون وما تخبر حد من صوب طليقها

انا ربيعتي من عرست الحضانه راحت للأب وانا نصحتها قلت لها عرسي بدون ما يعرف طليقج وما سمعت رمستي والحين تصيح

**Luna Piena** · 2011-05-01, 14:09

يبغليها استشارة محمامي .. والقانون بينصف

**و اتصل** · 2011-05-01, 14:53

المشكله اللي ماخذنها من اهلها هب واحد غريب

اي قانون هذا !!!

يعطي الياهل حق الابو ،، ليش هو اللي تعب عليه هو اللي رباه و سهر عليه
يوم كانوا فحاجته رفسهم بريوله و سار يطلق ..

حسبي الله و نعم الوكيل عليه

**طبيه القلب** · 2011-05-01, 15:11

يارب مايفكر ياخذ ولد يارب حسبي الله نعم الوكيل يارب القانون يوقف معاه يارب

الموضوع: اتذكر ولده الحين

أدوات الموضوع

عرض

اتذكر ولده الحين

المزيد من آخر المواضيع من نفس القسم:

المواضيع المتشابهه

أضحك واسوولف ..وخلاف اتذكر اللي امضاايقني واصيح بشكل هستيري.<< ساعدوني يزاكن الله خير

الحين الحين الحين دخلو بسرعة؟؟؟؟؟؟؟؟

الحين الحين شوفولي حل! مالي دخل.. الحين ....

بنات العين ابيكم الحين الحين الحين