ريلـي وسخــآفته

[آم غمآزهً]

الســلأم عليكم ؤوووورحمــه الّله


شحآلكن ربكن آبخير


أنا أخت رآعيه النك ومآالجه


بدخل فالموضوع السآلفه فرش توهآآآ مستويه المهم ريلي فالدوام وقالي بظهر خآآآري وبتصلج سرت أزهب ساماني مالجآمعه وحطيت الفون ع أتواليت اترياه يتصلي خطفت نص سآعه وماتصل جآن أرد واتصله وهووو يآلس يسويلي بنق ع المسن مال البيبي عشان يجيك آرمس ف تلفون ولا ومن أسبوع يقولي حطيه 2 جي مايباني أخليه 3 جي عشان يوم آرمس ف الفون يبين عنده وكان يسوي بنق قبل شوي ويظهر بس صح لنه مأكان شيء إرسال ويوم اتصلت له محتشرررر هيئي منو كنتي ترمسئن وأحلف له بالله ماكنت آرمس حد خلاف جآن يقولي آآآسكتي بــعلى صوته وحسه من الضيجه قتله جب جان يقولي مب بس أسسسسسكتي الآ انطبي جآن ابند فويهه من القهر وطرشتله مسج {يوم بتحشمني وبتعرف قدري هذيج السآعه برمسك }

لني منقهره من العصر مأعنده لإشغله ولا عمله يبآ يضارب جنه أووونه فونج ع منو محول أقوله لأبمحولتنه ولاشي أونه مايرن بسرعه ايطول ويرد يحتشر أقوله أنا شلي عقب ليش ماتردين من أول رنه وارد واطنش لني مالي بأرض حق الحشره عقب يستسمح أنا أسف ومادري شو خلاف ترد حليمه ويرد نفس الشي والله انه لاعت جبدي وطفرت كليوم نفس هالموال يضارب ع أتفه الأسباب

نصحني قوللي كيف أتعامل وياه ولا شو آسويبه لني والله بتخبل ومحد حاس بي والمشكله يوم يسوي جي أتم طول الوقت مضيجه وحالتي لله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[* ام خماس *]

لا اله الا الله00حبيبتي لااازم تتفاهمين معااه ع نقطه الشك

الي فييه 00الرياال عصبي ويشك وهذاا الشي مأثر ع علااقتكم

عزيزتي فضفضيله وبالكلمه الحلوة رااح توصلين لنتيجه معااه 00لكن

بالزعل والضراابه والرد الي رديته بتزيد الناار امبينكم ^^

والرياال العصبي امتصي غضبه 00يوم يكون زعلااان عليج بالكلمه الحلوة الطيبه فديتج

الله يتمم لج ع خير ويسخركم لبعض يااارب 0

[روح بلاروح]

الله يهديه

يعافيه من هالشك اللي فيه!


ان شاءالله الخوات يفيدونج بنصايحهم

[Jathebeyah]

ريلج شكاك الله يعينج عليه يمكن عقب العرس بيتعدل لانج بتكونين جدام عينه بس بعد مايستوي يشك جي
الله يوفقج

[%ام عبودي]

اختي حاولي انج تتفاهمين وياه بهدوء و يوم يي مثلا يزورج اتعمدي خلي فونج عنده او حواليه و اظهري مال 10 دقايق اكيد بيفتش و بيستوي المحقق كونان بس يوم مابيلاقي شي
بيسكت ولا بيفاتحج بالموضوع والله يوفقكم ويا بعض

[سوارة]

خخخخخ شرات ريلي قبل
الحينه ربي هداه لاني ما كنت اعصب وارمس شوي شوي فشاف الشك مب في محله
لا تعصبين لانه هم يفسرون العصبيه عكس
يعني عصبتي معناه انج مسويه شي خخخخ
مخ الرياييل يشتغل عكس مخوخنا

[حور الصبايا]

يوم بتشوفينه هادي ايلسي وياه و فهميه إنه ما يصير يتصر وياج ب هالطريقة..

و قوليله انته ماخذ بنت ناس و ما اسمح لك اتشك فيني..و بعدين هو أكيد ما يرضى انج اتشكين فيه و تيلسين له على

الدقه..

فهميه انه أهم شي بين الزوجين الثقه و الاحترام إن راحو هال2 راح كل شي و أنا مب مستعده استحمل حد يشكك

فيني قوليله دام خذتني يعني تعرف أنا شوو و كيف أخلاقي..

الله يهديه إن شاء الله..

[❥~S]

هلـآ ختيـه ، ،

بآي عليـه ريلج ماشاءالله وآيد يحبج ( الله يدوم المحبـه )
وهالأشخآصً مآيقدرون يستغنون عن الي يحبونهم !
،‘
ألحين السبب أنج كآرهه سآلفه الشك الي فيـه !
مآألومج لو أنآ بطفر ،
نصيحـه مني لج ، سوي الي هوه يبآه ، شوفي كيف هوه بيرتآح ومآبيتم يشك فيج !
يعني خليه 2 جي !
انتي شو خسرآنـه
وبعد يوم ايي خلي التليفون عنده ، واطلعي أونج بتيبين لج شي من المطبخ
واتصلي عليه من فون اختج وخليه يرن عشآن ينتبه
وعقب سكري ،
واتأخري في المطبخ أو وين اتكونين سآيره هآذيج السسآعه
وخليه يآخذ رآحـتــه في التنبيشش
وكل مره ايي سوي هالحركـه
،‘
ولو قآل منو اترمسين حسسي بأن هالسؤال عآدي
مب اتمين اتكونين انته شكاك وانته مريض وانته وانته وانته
هنيه بيحسس غير وبيشك دامج رديتي عليه يهالأسلوب
ردي عآدي ، ولا كأنه سألج سؤال يحرق أعصآبج
بيقولج منو كنتي اتكلمين
ولو محد قولي محد ، وبكل ثقه
لو تم يقول انج جذابه و و و و
قوليله تعال السجل ما بمسسحه وجيك الوقت الي كنت تتصل فيه منو كنت يالسسه ارمس !
حسسيه بالثقه
وبأن كل الي يبآه فاله طيب
ان تميتي انلفين وادورين واتقولين ليش تسأل واتشك فيني و و و و
هنيــه بيقول صدق يعني الي في بالي ، ،
الريآل يبآ يحسس برجولته
وبأن الحرمـه الي ويآه تسمع كلـآمـه
صح الإسلـآم كرم المرأه والعرب معروفين بتقديرهم لهآ
بس يحبون السيطره الي عندنآ
، لـآ تقولين لـآ أنآ بعطيه مجآل يتحكم فيني
لـآ حبيبتي انتي بهالأسلوب بتعطينه الأمآن والرآحـه
وبعدين ريلج يوم بيآخذج وبيشلج بيته
صدقيني بينسى هالشك ، لأنج عنده بتكونين


،‘

سآمحيني ع المغثـه
والله يسخر ريلج لج ويهديه ويتعوذ من الشيطآن الي فآر رآسسسه
وانتي الله يصلح بآلج ويوفقج ويآ ريلج

كنت هنآ ، دعوآتج

[كلي برآءه]

مممم ما ادري بس احس انه يمكن يمكن مب اكيد ف شي مضآيجنه و يدور اي شي عسب يتنآزع
هذآ والله اعلم بمخ ريلج

ايلسي وياه و تتفآهمي ..

[نـور]

نصيحه مني غيري فونج

البي بي جي دوم مايرن بسرعه وحركاته بايخه اعرف وحده مشكلتها شرات مشكلتج وخذت لها نوكيا والحين الحمدلله وايد ارتاحت من البلاوي
واذافي شي بيجيك عالسجل وبترتاحين وكان الله غفور رحيم

[ابتسامة قمر]

الله يصلح بينكم =)

[انثى بس غير]

الله يعينج

[uae13122]

[Ayesha]

بسم الله الرحمن الرحيم..

اختي انا استغربت الصراحة من الافكار الي عطوج اياها البنات...خليه تيلفونج عنده و حركات مادري شو؟؟

اختي انا الي اشوفه انتي اعلم بيه و طباعه اكثر من اي وحده عدنا اهنيه...ماسألتي نفسج ليش هالشك كله و ليش هالحركات الي ايسويها؟ انا الصراحة ماشوفها عاديه الصراحة والا من غير سبب ..و سالفة الضرايب على اتفه الاسباب هاي والله انا امخوفتني الصراحة يمكن مغصوب على العرس والا مب مستعد والا هو اصلا عنده مشكله لو انا منج بكلم حد من اهلي في الموضوع و ياحبذا اخوج والا ريال من العايله ..هم رياييل فيفهمون بعض.
الي ابغي اوصله اختي الخوف انج تستمرين معاه و هالحركات اتم وياه و بعدين انتي تتمشكلين باجر وياه و خصوصا اذا كان مابينكم عيال.
واختي في النهايه انتي اعلم بريلج اختي والله ايعينج.

[علـآآآيه]

خخخ جب مره وحده ...
الله يهديج .. تحطين فكره فباله قبل العرس
انج ملسونه خخخ ..
ربي يسخره لج وموفقه =]