مالجة و محتارة........

**ام حمدان16** · 2010-10-13, 23:17

حبيباتي اخبركم سالفة ربيعتي و تبا الحل لمشكلتها بس مااعرف شو اقولها,هي من فترة مالجة و احين جريب عرسها اكتشفت ان ريلها الي هي خطيبها متزوج مع العلم هي صغيرة 20 سنة عمرها و الي رلها ماخذنها مطلقة عندها بنتين فوق 10 سنوات و حاجزين كل شى فستان و القاعة و كل شى تجهيزات العرس لان عرسها عقب شهر بس هي عقب مااكتشفت هالشىء اتقول اذا من بداية حياتنا كذب و خداع شو بتكون حياتي معاه عقب العرس و الحرمة قايلة بسويلها مشاكل اذا عرست و هي مالها ذنب و ليل و نهار اتصيح و اتقول مااعرف شو اسوي و اهله يحبونها يبون ربيعتي و يعرفون الحرمة المطلقة قبل كان عندها سوالف و مب محترمة الله يستر عليها و فاتحة شقتها حق كل حد المهم نبا مساعدة من الكبار او الي عندهم تجارب لان بصراحة مااعرف كيف اساعدها و اتقول ناس شو بيقولون اذا تطلقت و انا بعدني صغيرة ,مسكينة كاسرة خاطري,الله يساعدها و يفرج عنها بس ممكن تعطوني اراء عسب اخبرها و اساعدها ,الله يسعدكم و يهنيكم خواتي

المزيد من آخر المواضيع من نفس القسم:

**شذى الروح** · 2010-10-13, 23:23

الله المستعاان..
وكيف اهلها ما اسالوا عن الرياال,,؟؟
واهله ليش خااشين عنها الموضووع غريبه..؟؟!!

**زهرة الشحوح** · 2010-10-13, 23:25

الصراحه المفروض خطيبها يكون له موقف بالموضوع
يعني مش حلوه انا طليقته او زوجته تهدد البنت من دون حسيب ولا رقيب
واذا كان هذا اول الشي فشو راح يكون تاليه
راي ان البنت تقعد مع خميبها وتتناقش وياه بالامور هاذي قبل لا يطيح الفاس بالراس وقبل لا تتازم الامور
وعسى ان تحبوا شيئا وهو شر لكم

**ام حمدان16** · 2010-10-13, 23:27

المشاركة الأصلية كتبت بواسطة شذى الروح

الله المستعاان..
وكيف اهلها ما اسالوا عن الرياال,,؟؟
واهله ليش خااشين عنها الموضووع غريبه..؟؟!!

اهله ما يدرون ان ماخذنها و الولد يحب ربيعتي و روحه برضاه خاطبنها و قايل اباها لان كل حد يمدح اخلاقها بس الولد من شكله يبين لعوب و حتى استعيلو بزواج

**ام حمدان16** · 2010-10-13, 23:29

المشاركة الأصلية كتبت بواسطة زهرة الشحوح

الصراحه المفروض خطيبها يكون له موقف بالموضوع
يعني مش حلوه انا طليقته او زوجته تهدد البنت من دون حسيب ولا رقيب
واذا كان هذا اول الشي فشو راح يكون تاليه
راي ان البنت تقعد مع خميبها وتتناقش وياه بالامور هاذي قبل لا يطيح الفاس بالراس وقبل لا تتازم الامور
وعسى ان تحبوا شيئا وهو شر لكم

هيه والله نص الليل متصلة فيها و مهددتنها و هي مسكينة ماتعرف شىء و احين اهلها ما يدرون لان هي اتخاف من المشاكل

**حزون الدهماني** · 2010-10-13, 23:30

و لييييييييييش تحاتي كلاااااااام الناس

حياتها و سعادتها و راحتها اهم بوااايد من كلآآآم الناس..

بس هي اساسا مب مرتاحه من الوضع تحدد موقفها قبل لا يطيح الفاس بالراس..

و عسى ربي يوفقها ان شاء الله في اختيارها.

*** ام خماس *** · 2010-10-13, 23:30

الله المستعاان00نفس قصه وحده لكن الفرق ان ريلهااا

كاان ولد خاالهااا 00تخيلو ولد خاالهاا طلع معرس وعنده ولدين !!!

صلت استخاارة وماا ارتااحت وتطلقت 00اسااس الحيااة الزوجيه فديتج

الصدق والصرااحة وماا تباا تعيش وهي مب حااسه بالاماان 0

تستخير والله يكتب الي فيه الخير حبوبة

الله يعينهاا ويسعدهاا ياارب

**ام مهره و شمه** · 2010-10-13, 23:36

انا الصراحة انصحها انها تتخذ موقف الحين لان بعدين ما لها كلمة و راح ترضى بالواقع سواء كان مر و له حلو
الله يعينها ان شاء الله
انا اعرف وحدة مرة بنفس الموقف بس هي درت عن زواج ريلها بنفس ليلة العرس و الحين عندها بنت و كل يوم محاكم
الله يستر علينا ة عليهم

**أحلى زهرة** · 2010-10-13, 23:44

لا حول ولاقوة الا بالله شو هالناس ليش مايخبرونها من قبل اتشوف اللي يريحها وتخبر اهلها اكيد ما بيسكتون عنهم

**حنان الهاجري** · 2010-10-13, 23:48

هذا خطيبها كيف يرضى انه يخلي حرمة لعوب على ذمته
حرام الصراحه اختي قولي حق ربيعتج حرام تضيع مستقبلها وهي بعدها صغيرة خل تخلي حد من اخوانها يستخبرون عنه زين ما زين
هي مب عانس ولا مطلقه عسب تعق عمرها بهالشكل

**دلووعتهم** · 2010-10-14, 00:38

الله يسرلها امورها ان شاء الله

**العوف** · 2010-10-14, 00:48

اب اب اب

**أم فرّوس** · 2010-10-14, 00:53

انا اقول هالمواضيع ما تنخش عن الاهل

سواء تباه او ما تباه اهلها لازم يعرفون بالشي وتشاورهم ويكون لهم موقف

والصراحة رايي من رايها اذا الخطيب مب مخبر اهله انه معرس او اهله يدرون وما خبروها السالفة كلها خش ودس

واللي هذا اولها ينعاف تاليها

لكن ما يمنع تصلي استخارة وتشوف

ارد واقول اهلها لازم يدرون .. لو خذته يكونون على علم ومواجهينه ويدري انها بنت ناس مب لعبة

والله يوفقها

**احلى سمراء** · 2010-10-14, 00:57

تستخير اللي في الخير بيجدمه الله

**ستايل غير** · 2010-10-14, 01:07

الغالية ما فهمت

كيف قبل كاتبة ان اهل الريال يحبون ربيعتج و يدرون ان طليقته عليها حركات و سوالف

!! بعدين كتبتي إن اهل الريال ما يدرون أن ماخذنها !! ؟

ابا افهم عسب اقدر اكتب حل ... و الله يعينها ان شاء الله

الموضوع: مالجة و محتارة........

أدوات الموضوع

عرض

مالجة و محتارة........

المزيد من آخر المواضيع من نفس القسم:

المواضيع المتشابهه

مالجة و محتارة

منو كانت مالجة و اتطلقت

مالجة وابا...............

مالجة .. معرسة .... تعالي عيل .