اخبار صلاله

**kash5ah_girl** · 2010-07-25, 01:27

انا قبل اسبوع رادة من صلالة

رووووووووووعه الجو ما شاء الله

و زرت تقريبا اهم المناطق هناك كل ما شاء الله كنا نظهر

بس احين مب خضرة خضرة على شهر 8 و 9 بتكون احلى و احلى

**شهلا2008** · 2010-07-25, 03:59

بصراحه صلاله مكان ما يتعوض على قد ما سرت ما اشبع منها
إن شاء الله بسيرلها الاسبوع الياي

وايد اماكن يالعيناويه حلوه فصلاله شلالات دربات و اتين و مرباط وعين صحلنوت و عين ارزات وعين جرزيز وعين أثوم و طبرق و المغسيل و طاقه و بحرهااا الحلو بس هاذا اللي اذكره

و رحله ممتعه إن شاء الله

حاليا الاجواء فصلاله امطار و رذااذ و العشب فأماكن توه يطلع بس تراها حلوه واااااااايد

**حلم الجنة** · 2010-07-25, 14:27

امس الفجر رجعت من هناك قعدنا عشر ايام الصراحة استنانسنا وايد

الجو طرررررر ما شفنا الشمس رذاذ ومطر والحرارة ما تزيد عن 25

بس بعدها ما تكونت الوديان والشلالات والبعوض بعده مب موجود

واي استفسار انا حاضرة

**اوومي** · 2010-07-25, 15:35

اهم شي الي تبا تستانس وايد
تزور مدينة الحق
لان وااااايد حلوة

**شهلا2008** · 2010-07-25, 21:03

المشاركة الأصلية كتبت بواسطة حلم الجنة

امس الفجر رجعت من هناك قعدنا عشر ايام الصراحة استنانسنا وايد

الجو طرررررر ما شفنا الشمس رذاذ ومطر والحرارة ما تزيد عن 25

بس بعدها ما تكونت الوديان والشلالات والبعوض بعده مب موجود

واي استفسار انا حاضرة

مرحبا :

بغيت اتخبرج العشب طلع و إلا بعده للأن كلام الناس متناقض حد يقول طلع و حد يقول بعدها غبره؟

وشوووو براد و إلا بعده الجو مطر بس ؟

**العيناوية عنيدة** · 2010-07-25, 23:53

شووقتووني والله لشوفتها

يالله ان شاءالله يووم الخميس الفجر بنظهر صووبها ملينا والله من الحر والرطوووبة نبغي شوووية براااد يهف علينا

انزين خوااتي شو الاسووقة الي عندهم يعني عندهم مولااات ولا بس طبيعة

**سندس2009** · 2010-07-26, 03:45

افكر اسافر بالطيارة
بس شي سكن زين حق عايله وحده<<< انا وريلي وعيالي يهال اثنين وخدامه
بس انا الحين مشكلتي السكن وين وجم؟
وكيف اجار السيارات؟
واكلهم اوكي ول شو؟
والسموحه

**سندس2009** · 2010-07-26, 03:46

ما اقدر احجز قبل السفر لصلاله؟
يعني احجز سكن ول تعرفون حد نتعامل وياه

**حلم الجنة** · 2010-07-26, 08:21

المشاركة الأصلية كتبت بواسطة شهلا2008

مرحبا :

بغيت اتخبرج العشب طلع و إلا بعده للأن كلام الناس متناقض حد يقول طلع و حد يقول بعدها غبره؟

وشوووو براد و إلا بعده الجو مطر بس ؟

العشب توه يطلع في الجبل وبجبل اتين بعده ما في اي خضار والجو براد والمطر نفاف من العصر لين صبح اليوم الثاني

**بنفسجـية** · 2010-07-26, 17:19

المشاركة الأصلية كتبت بواسطة سندس2009

افكر اسافر بالطيارة
بس شي سكن زين حق عايله وحده<<< انا وريلي وعيالي يهال اثنين وخدامه
بس انا الحين مشكلتي السكن وين وجم؟
وكيف اجار السيارات؟
واكلهم اوكي ول شو؟
والسموحه

نفس استفساراتيه يا ريت البنات يردن علينا بسرعه
انتي من العين ختيه؟
بغيت اعرف من اي مطار بتسيرون و اي طيران يا ريت اتساعدينيه و مشكورة
مقدما

**بنفسجـية** · 2010-07-26, 23:59

للرفع

**شهلا2008** · 2010-07-27, 01:47

المشاركة الأصلية كتبت بواسطة سندس2009

افكر اسافر بالطيارة
بس شي سكن زين حق عايله وحده<<< انا وريلي وعيالي يهال اثنين وخدامه
بس انا الحين مشكلتي السكن وين وجم؟
وكيف اجار السيارات؟
واكلهم اوكي ول شو؟
والسموحه

هلا أختي

بالنسبه للسكن في شقق مفروشه وفيه فلل وفيه فنادق مثل الهيلتون و كراون بلازا حلوات و نظاف يعني على حسب ميزانيتج تختارين نحن بالنسبه لنا نسير عايله كبيره نستأجرلنا فله و ايجاراتهم مثل ما سمعت مرتفعه بالنسبه للفل يعني وصلن ب 500 درهم لليله أما الشقق و الفنادق ما اعرف عنهن بكم و صح بتلقين هناك وايد مكاتب للتأجير جان تبين شقه أو فله

انروح بالبر يعني ما نستأجر سياره هناك بس شفت في موقع عماني أن

السيارات ذات الدفع الرباعي إبتداء من 25 ريال الى 45 ريال عماني .

يعني بفلوسنا من 250 لين 450 درهم

السيارات الصالون [ الصغيره ] ابتداء من 10 ريال الى 18 ريال عماني .

و بفلوسنا 100 إلى 180 درهم

و أحسن لكم تستأجرون سياره دفع رباعي عشان وعورة الطريج

بالنسبه للأكل في مطاعم زينه عندهم و في على الطريج اللي يشوون الحم و يسوون العيش ممكن تجربين من عندهم وفيه أحيد صووب المهرجان محلات تبيع فطاير عجيبه

**حلم الجنة** · 2010-07-27, 08:35

المشاركة الأصلية كتبت بواسطة سندس2009

افكر اسافر بالطيارة
بس شي سكن زين حق عايله وحده<<< انا وريلي وعيالي يهال اثنين وخدامه
بس انا الحين مشكلتي السكن وين وجم؟
وكيف اجار السيارات؟
واكلهم اوكي ول شو؟
والسموحه

السفر بالطيارة من ابوظبي لين مسقط وبعدين صلالة ما في دايركت على صلالة وبالطيران العماني ولما راجعين ضربو فينا خيانة من صلالة الى مسقط الى دبي الى ابوظبي تقول رايحين لندن احسن

سكنا في مجمع السعادة السياحي الليلة ب900 درهم فيلا ثلاث غرف ومجلس بس فراشهم شوي تعبان شيلي وياج احسن

اجرنا باص السايق عماني ب 500 باليوم احس قص علينا والاكل في مطاعم عمانية شعبية كفتريات لا تحاتين كل شي موجود والسموحة

**حلم الجنة** · 2010-07-27, 08:37

المشاركة الأصلية كتبت بواسطة سندس2009

ما اقدر احجز قبل السفر لصلاله؟
يعني احجز سكن ول تعرفون حد نتعامل وياه

تنزلين اول يوم على فندق احسن عندهم ماريوت وكراون وهلتون وبعدين تطلعين تدورين في مكاتب للعقارات عندهم شقق وفلل للايجار تشوفين السكن بعينج وبعدين تختارين احسن

**شهلا2008** · 2010-07-28, 01:15

للرفع

الموضوع: اخبار صلاله

أدوات الموضوع

عرض

المواضيع المتشابهه

كيف جو صلاله شهر 9

اخبار صلاله طازجه

صلاله

هاي صور صلاله