صرعة البلاك بيري

**هيبة ملكه** · 2010-06-16, 12:58

السلام عليكم

الله يصبحكم - يمسيكم / بالخير

عندي سالفة محيرتني ومشغله تفكيري
وادري بتقولون خبله او مريضه نفسياً بس بصراحه مدري السالفه ذابحتني

طبعاً بهالفتره انتشششششرت موضة البلاك بيري بشكل مو طبيعي ونادراً اذا شفنا احد يمشي بدون ها البي بي

انا وحده من الناس اللي اشتروه وادرس بالجامعه >> بدت تدخل بصلب الموضوع

دوووووم اتسائل لو كنت متزوجه و عمري كبير وعندي اولاد وانتشرت صرعة البلاك بيري بعد 25 سنه رح يناسبني اشتري البلاك بيري ؟؟؟؟

ما اخفي عليكم انا مشتركه بقروبات عشان البرودكاستات وهالسوالف

بس لو مثلاً كان عمري 34 او 40 سنه رح تناسبني هالاشياء ؟؟
رح يناسبني مثلاً الفيس بوك وادردش ؟
لو هالاشياء تكون بس خاصه بالمراهقين واللي سنهم صغير ؟؟

ولو شفتوا وحده كبيره وعندها عيال كبار ومشتريه بلاك بيري وش بتكون نظرتكن لها ؟
بتشوفونه شي عادي ولا بتقولون ذي متصابيه ومستصغره عمرها ؟؟

انا احب اللون الوردي البنوتي ولحد الحين يناسب لسني
دووم اقعد اهوجس وافكر واتسائل بأن لو صار عمري مثلاً 35 سنه رح يناسبني البس هاللون ؟؟
ولا بس رح يكون للبنوتات اللي اعمارهم بالعشرين او 18 واقل

مشكلتي بصراااحه خوووف من الكبر مع العلم انا عمري 19 وبعد 3 شهور رح ادخل بالعشرين
وهالسالفه محزنتني وجايبه لي الهم

دوووم اهوجس بالعمر
خوووفي اكبر
ابي يوقف سني الى 19 وبس مابي اكبر اكثر من جذي ابد لأن لو كبرت وتزوجت وصار عندي عيال رح انحرم من اشياء كثير انا احبها ورح يصير حتى لبسي ونوع جوالي وتصرفاتي محسوبه علي

اليوم لو جلست عالشات والفيس بوك ومسكت بلاك بيري وجلست ادردش ولبست الالوان البناتيه اللي احبها يقولون بااقي صغيره وعادي
بس لما اجلس على الفيس بوك مثلا او شات او مسكت بلاك بيري وادردش فيه وانا عمري بالثلاثينات
رح يقوولون هذي حرمه كبيره مفروض تكون قدوه مو تتبع هالأشياااء حقت المراهقين

وربي ادري موضوعي يضحك وبتقولون سخيييفه

اتمنى محد يفهمني غلط او يزعل بس السالفه مشكله احسها بتفكيري

بس وربي مسألة الكبر والعمر مسببه لي قلق

اتمنى ما تطنشوني

المزيد من آخر المواضيع من نفس القسم:

**الفراشهـ** · 2010-06-16, 13:08

هههههههههههههههههههههههه

ام ربيعتي عندها بلاك بيري .. وعايشه حياتها لووول

خلي عنج هالهالوسه وعيشي حياتج .. بس مب اتعدين خطوط الصفر والحمر ..

**سنيورة دبي** · 2010-06-16, 13:12

لا حبيبتي ما يخصه
بالعكس حلوة الوحده يوم اتم بنوته صغيره حتى لو كان عمرها 35
وفي بنات وايد اعمارهم 18 و 17 بس يحبون يكبرون عمارهم
وعن موضوع البلاك بيري مب شرط الوحده تاخذه عشان سوالف بطاليه
انا معرسه وعندي ولد وعمري 23 عندي بلاك بيري بس للاهل يعني حلوو بس عكس الوحده يوم معرسه وعندها عيال وقابضه البلاك بيري 24 ساعه ترمس ناس ما تعرفهم هالشي انا ما اايده

والسموحه منج حبيبتي

**alo0oya** · 2010-06-16, 13:13

انا اشووف عااااااااادي البلاك بيري الكل يستخدمه كبير وصغير

خخخخخخ خلي عنج هالتفكير وعيشي حياتج

**mire77** · 2010-06-16, 13:17

مع مرور الوقت يتغير طباع الشخص مثلا انتي في سن المراهقة و تحبين ها الأشياء بعد سنين أو شهور بتحسين إن
ها الأشياء سخيفة .........

وبعدين مب حلوة تتمنين إنج توقفين فها العمر في أشياء تنحرمين فيها فمثلا ربيعاتج بيكبرون و ما بتحصلين أحد على سنج بتحسين نفسج غريبة عن ها العالم
لا حول ولا قوة إلا بالله

**Gal Girl** · 2010-06-16, 13:21

عاادي فديتج مافيها شي
بس المهم الواحد يستخدمه صح يعني عشان مثل ماقلتي يقولون كبيره ولازم تكون قدوه
اعرف حريم فالخمسين يدشن مسن ويسولفن يت ع البي بي ههههه

**bellegirl** · 2010-06-16, 13:27

العمر مب مقيـــاس اختي

الانسان اذا عجوز تراه عجوز من داخلـــه

انتي حافظي على صحتج وغذي روحج بكتاب الله

ودوم فكري بايجابيـــة

وماتعرفين هل بتوصلين هالعمر أم لا

عيشي زمانج اختي واستانسي فيما يرضي الله

وخلي هم الغد للغد ^^

**Reem dxb** · 2010-06-16, 13:29

مايخصه في العمر
كل الفئة تستعمله حسب احتياجاتها

**أنثوية** · 2010-06-16, 13:29

بشكل عام أنا ضد هالتلفون وخاصة يعطي نظره سيئة جداً لحامل هالتلفون سواء رجل او امرأه مع احترامي للكل لان هالتلفون معروف لشو استخدامه والمشكلة الاكبر ان في ناس مايخصهم بالغلط لكن يخلي غيره يشك بأخلاقه لكثرة سوء استخدامه

**زهره مرحه** · 2010-06-16, 13:36

**طلوع** · 2010-06-16, 13:53

عيشي حياتج ......لان كل عمر له لذته واصلا تصرفاتج تتغير كل ما تدخلين عمر معين ...ولا ضيعين نفسج باالهواجس ههههه

**نجمة الفجر** · 2010-06-16, 14:02

هههه عادي شوالمشكله...!! ترا الدنيا حلوه..

**شما المحيربي** · 2010-06-16, 14:25

أشكرج الغالية على الموضوع الرائــــــــعـ ^_^

:: :: ::

**Miss.Feminine** · 2010-06-16, 14:37

عاادي

2 من حريم عمومي عندهن بلاك بيري وحده اكبر من ابويه يعني يمكن 48 سنه

و الثانيه فديتها 31 سنه صغيرة

و الحين اقنع امايه تاخذ واحد لانه كل ربيعاتها عندهن هههههههههه

مافيها شي فديتج عااادي جدا جدا

**Miss.Feminine** · 2010-06-16, 14:40

المشاركة الأصلية كتبت بواسطة أنثوية

بشكل عام أنا ضد هالتلفون وخاصة يعطي نظره سيئة جداً لحامل هالتلفون سواء رجل او امرأه مع احترامي للكل لان هالتلفون معروف لشو استخدامه والمشكلة الاكبر ان في ناس مايخصهم بالغلط لكن يخلي غيره يشك بأخلاقه لكثرة سوء استخدامه

عفوا

شو قصدج بمعرووف استخداماته !!

و ليش يسيء للي حامله ؟!!

خلاص انتي بعد استخدامج للنت و الكومبيوتر ولا اللابتوب صرااحه يسئ لج واكييييد تسوي شي غلط !!

حلو جييه ؟!

غريب هالتفكييير

يوم ما تعرفوونه زييين مثله مثل اي لابتوب ولا اي كومبيوتر ولا اي ماسنجر

لا تتفلسفن واايد و تعقن الكلام جيه

و لا تقولن بعدين مع انه في ناس ما يخصهم و انتي خلاص هزأتينا اولريدي من بدايت الكلاام ؟!

و محد يشك اللا اللي تفكيييرة غلط وقلبه مريض

الموضوع: صرعة البلاك بيري

أدوات الموضوع

عرض

صرعة البلاك بيري

المزيد من آخر المواضيع من نفس القسم:

المواضيع المتشابهه

خبيرات البلاك بيري اسعفوني !! مشاكل البلاك بيري ماتخلص!

الغاء مســــــــــــــنجر البلاك بيري,,,,ألغاء مســـــنجر البلاك بيري ,,,,إلغـــــااا