مو طايقه ريلي

[بسمة الم00]

السلام عليكم ورحمة الله وبركاته
بصرحه ودي افضفض عن الي بخاطري وارتاح

انا متزوجه ماصارلي حتى سنه والحين حامل بسمو طايقه زوجي كارهته كره ماقدر اشوفه حتى حقه الشرعي ماعطيه اتهرب كل ليله وهو مضايق من هالشي هو اسلوبه جاف وياي وانا اسلوبي جاف وياه اتزوجنا زواج تقليدي زواج اهل بالمره مو متقبلته ليتي ماوافقت وعارضت يمكن ماكنت بتندم كثر ماني متندمه ظلمته وظلمت عمري انا قبل لااتزوجه كنت على علاقه مع غيره وقبل لاتزوج قطعت صلتي بالشخص بسعقب الزواج بفتره رجعت للشخص الي اعرفه مع اني عارفه ان علاقتي معاه مجرد وهم بس ماروم اهده احبه مجرد كلمه منه تاثر فيني واحس باحساس حلو لما اكون وياه

وريلي ماحس تجاهه اي احساس احس ان هالزواج مستحيل يستمر واذا استمر فتره لازميجييومونفترق بالمره تفكيره يختلف عن تفكيري مايحب نظهر انا وياه ونغير جو اهله يدخلون بكل شي يعني كل شي احسه ضدي ومالقين وناستي الا برجوعي للماضي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الجـــوريـــ]

الله يهديج ..

[قطوه متوحشه]

استغفر الله العظيم من كل ذنب عظيم

[بنت الشوامس 2]

الله يهيدج يا الغلا يمكن ريلج فيه خير لج في حياااتج حاولي ترمسينه وتتفتهمين ويااااه
والشخص يلي ترمسينه يلعب عليج لو هو صدق يباااج جان تقدم لج و الله يعينج ويفرج همج

[ام مباركـ]

وعليكم السلام ورحمة الله وبركاته

حرام شو ذنبه ريلج انزين ؟ توج حسيتي انج تحبين الاولاني ؟
الله يسامحج ... ويهديج

[mousy]

الله يهديــــج يااا رب

لا تضيعين حــياتج بيدج,,, و ودري عنـج هالسوالــــف

[حلاتي بكيفي]

بسم الله عليش تعوذي من الشيطان ولاتخلين الشيطان يلعب براسش ياحبيبتي لازم ترضين بقضاائش وقدرش

خلاص حبي انتي الحين في ذمة رجال حرام عليش ايلي تسوينه فيه وايلي تسوينه في نفسش

تعرفين انتي شو يبغالش اعادة برمجه يعني تقعدين في غرفه لوحدش وتاخذين ورقه وقلم وترضين بواقعش وتنسين

هالشخص ايلي كنتي تكلمينه تعرفين لو كان يحبش بيقول لاتتزوجينه انا بتزوجش وثااني شي بيقول هذي تخون

زوجها ومثلا الله لايقول قررتي تنفصلين عنه شو تتحرين ايلي تكلمينه بيستقبلش بكل رحابة صدر بيقول خانة زوجها

اكييد بتخووني لازم ترضين بزوجش ويمكن انتي تتوحمين اكثريرة الحريم يوم يتوحمون يكرهون ازوااجهم تعرفين

والله انا اختي صغيره وعمرها 20سنه وصغيره انزين قاعده تتوحم وكاارها زوجها بسوالله انها تجاامله وماتحسسه

بشي شوفي كيف خلي عنش كلام ربيعاتش او حب قبل الزواج الخ هالخرابيط في بنات يتمنون الزواج والعيال



وانتي النعمه عندش لاتدوسينها حبيتي وطولي بالش واذا انتي تميتي حاطه في بالش انا ماابغاه انا مااعرف شو اكيد

عواظفش واحساسش وكل شي فيش بيكون نفس الشي كثري من الاستغفار

[حنين البدر]

أختي انتي تعرفين شو قاعدة تسوين ... انتي تخونين ... تعرفين شنو معناة الخيانة تعرفين شو عقابها عند رب العالمين؟؟؟

أختي اتقي الله في نفسج ... وفي ريلج .. مهما كانت علاقتكم هذا ما يعطيج الحق انج تخونين وانتي على ذمة ريال ...


ما يجوز .. حراااااااااااام تكون لج صلة بريال مب محرم لج .. فما بالج بريال غريب وانتي على ذمة ريال ... الله يهديج ويصلح حالج ....

[بارجيل]

الله يهديج

[maha99]

كلمه وااااحده








خافي من الله

[cute uae]

وعليكم السلام ورحمة الله وبركاته

حرام شو ذنبه ريلج انزين ؟ توج حسيتي انج تحبين الاولاني ؟
الله يسامحج ... ويهديج

[بسمة الم00]

بنات السالفه مو على كذا وبس ماعرف شستوا فيني والله استويت مو منظبطه بالصلوات ماعدت اقرا قرءان اخر مره فتحت المصخف فيها برمضان بالي كله مشغول وانا عارفه اني اليارمسه مستحيل ياخذني وقالي اياها كاش بويهي ان مستحيل نكون مع بعض بس ماعرف اشفيني كذا متمسكه فيه يمكن لاني القى منه الكلمه والاسلوب الطيب الي مالقاه مع ريلي

[الوزيرة]

الله يهديج

[شهد الظاهري]

لآتخلييين الشيطآن يدخل امبييينكم غلآآآي وحآولي تقطعين صلتج بآلآول لآنج اخترتي الثآني وحآولي انج تعدلين بيتج مو تهدمييينه ... حآولي انتي تتقربين منه وان شآءالله اليآهل هذآ هو اللي بيقرب امبييينكم .. حآفظي ع بيتج حبيبتي
ربي يسر اموركم ويهديكم لبعض ..,,


والسمووحه منج ^ ^

[ميثانو]

يعني بعقل الغاليه اكيد كارهتنه لانج رجعتي لحبيبج القبلي
وهذا غلط واكبر غلط بحقج وبحق ريلج الغاليه

انتي اصلا ياهل ومو قد المسؤليه والزواج

انتي كنتي تتحسبين العرس فستان وزفه

سامحيني على كلامي

لكن في بنات وايد اتزوجو عن طريق الاهل

لكن ماشاءالله عليهم ساترات على عمارهم

وفي بعد بنات كانوا على علاقه لكن عرفوا الغلط وعرفوا انه محد يستاهلهم غير ازواجهم

ريلج ماله ذنب ... اول شي ختيه وانتي في نظرنا ونظرة نفسج انسانه خاينه وبعد حرمتيه من حقه الشرعي ...ليش..؟؟

هذا شوفيه زود عن ريلج ..... اذا كلام حب ومصخره اكيد يقولج هالشي لانج سلعه رخيصه وعادي ينقص عليج

واذا على ريلج لو انه جاف لكن ريال وعن عشره احنا جي ريايلنا في نظرنا ...

واذا ريلج جاف منج انتي مخليه عمرج طابوقه خاشه المشاعر حق العنز اللي تعرفينه

خافي الله واتقي الله في نفسج .... وحبي زوجج وخليه كل شي في حياتج باجر انتي اللي بتندمين وبتكونين مصخره للكل وسلعه رخيصه حق كل من هب ودب...
على بالج اللي تكلمينه بياخذج لاالغاليه انتي غلطانه ... هو تفكيره فيج تسليه فقط ولا على شو بياخذج بيقول في خاطره .... هاي خانت ريلها شو يظمن ماتخوني .... يعني مامنج مان ياحلوه

حبي بو عيالج واوهبيه نفسج وفكري بالبذره اللي في بطنج واتعوذي من الشيطان وغيري رقم موبايلج وكل ماتفكرين في العنز اللي تعرفينه دقي حق ريلج وكلميه بحب ورومانسيه ... علشان يلين ...تراه الحديد يلين بني ادم مابيلين ..!!
فكري باجر كيف تربين البيبي احسن تربيه وعلى دين وخلق سلي نفسج بالمشترى للبيبي مسكي ايد ريلج بالقو علشان يحس بقوة حبج له وانتي عداله

صدقيني انتي تراه الحين في نعمه والله ساتر عليج استري على نفسج الغاليه وهالله هالله في بيتج وبو عيالج وسندج في هالدنيا ..سترج وغطاج هذا عرضج نفس م انتي عرضه برايه لو خذتيه وانتي ماتبينه اقنعي باللي عندج تراه انتي في نعمه وغيرج ما محصل ويتمنى ريحة الرجل ....
وهذا العنز اللي تعرفينه امحيه من حياتج تراه بيدمر بيتج وبتكونين انتي السبب...

الله يهديج ويصلح بالج الغاليه ويحنن قلبج لبو عيالج ....



ولاتزعلين تراه هذا الصدق .....