مقهورة شو اسوي

[ليتني ماتزوجت]

صباح الضيق
صحيت الصباح وانا زوجي كل واحد يصارخ عالثاني وطلع حرته بسفرتي اليايه
عندي اجتماع ل3 ايام ولازم اسافر وقام يسمعني كلام من صباح الله خير مثل ويهه لان شركتي ماتسمح لي اشل حد معي ممنوع لاجراءات السلامه ودايما لما اسافر يروح معي بس بطايره ثانيه ومانسكن بغرفه وحده واليوم معصب عهالسالفه ويصارخ
شغلي وايد مهم عندي لان جزء كبير من الصرف علي بسبب ديونه وانا لازم اشتغل ولا بتتبهدل حالتنا
شو الحل معه ؟
احيان احس اني قاعده امشي بطريج مسدود
هو طيب وحنون بس الزمن ذا ماينفع واحد جي انقهر وااااايد منه لما ارجع واحصله نايم وانا الي اشتغل واسافر واتبهدل
انقهر منه لما يجي الويكند واشوف اخواني يصحون من الصبح يخلصون امورهم ويشتغلون وهو نايم لي للظهر
انقهر منه لما انا اكد ل5 العصر ويجيني اخر الشهر اريد فلوس
تو سفر ل 3 ايام بتكلفني فوق 10000 وبدفعهم له بس عشان يروح وانا لو قطيتهن بشي ينفع ابرك ولا بعد يهددني من الصبح
والله مقهوره مااعرف شو اسوي

ضفت موضوعين لي قبل للي تريد تعرف السالفه كلها:
هلا خواتي
اليوم من الصبح وانا احس نفسي ثقيله لاني تضاربت ويا ريلي من صباح الله خير
ريلي وانا متزوجين من سنه وشي وماعندنا عيال بس من تزوجنا وبسبب الازمه العالميه خسر بمشروع وكلفه وااايد وطبعا لان كان متسلف فهذا الشيء اثر وايد عليه وعلى نفسيته وكله معصب ومتضايق ومالومه بس انا شو ذنبي بكل هذا والله كم مره افكر بالطلاق ومااحس ابدا اني راح اكمل معه
انا طلعت من بيت ميسور وكنت عايشه عيشه حلوة وشفت العكس بعد ماتزوجت مع ان اشتغل وراتبي الحمد لله زين ومشيه اموري الماليه على احسن مايكون بس مامرتاحه ابدا انا شايله عن ريلي راتب الخدامه وادفع معه جزء من مصاريف البيت ومصاريفي بنفسي بس ابدا مامقتنعه اني اصرف عريال المفروض العكس بس شقول هالازمه بلتني مع ان ابدا مب بخيله بس ابدا مااحب ادفع لريال شيء ومامقتنعه ودايما مضارب بيننا بسبب هالنقطه وانا راتبي اعلى منه رغم انه متعلم بشهاده ماجستير بس شسوي انا جدام الناس مثال المراه الناجحه بشغلها بس من ادش بيتي ابدا مب مرتاحه
شسوي ؟؟

***********************************
هلا خواتي
اكتمالا للمسلسل السعيد الي انا اعيشه وطارحتنه بهالموضوع
http://forum.uaewomen.net/showthread.php?t=514782

طبعا كنا طالعين برع البلاد انا واهوه نغير جو الكابه الي معيشني فيه وحط بوكه عندي بجنطتي المهم هوه خلاني وقعد مع ربيعه ورجعت انا لغرفتنا وطبعا انا فتحت الشنطه مالي وانكبت بعض الاغراض من البوكه بطاقه وجي شغلات وبغيت ارجعه له ببوكه تصورو شو حصلت؟؟؟؟؟!!!!!

شفته مخلي شيء ملفوف ومدبس خفت وجان افتحه شوي وبعدها رجعته لان قمت ارتجف وخفت وسميت بالله ونمت وصحيت الصبح محمومه وعندي اسهال وتعبت وايد وماقلتله شيء وطبعا رجعنا البلاد وانا افكر كيف اتصرف؟؟
امس كنت ماقادره خلاص وكان يبا يرقد وفتحت له بوكه جدامه وسالته شو هذا قام يصارخ انتي ليش تفتحين بوكي وخرابيط وانا ماسكه الورقه الملفوفه بيدي واهو يسحبها من يدي وقمنا نتضارب وانا اقوله هالشيء مابيتم ببيتي وتشاتمنا وااايد صراحه وسحبني اهوه من يدي لدرجه اني ابدا مااكنت حاسه بها واخذ الورقه مني واول مره امد يدي عليه وضربته بس الحمدلله ماضربني
وراح برع ورجع لي بعدين يتاسف ويحضني وخرابيط واون هو مسوي ايات قرئانيه للحظ ان اموره تنفرج ورفيجه عاطنه هالشيء وكله قران وانا ابدا مب مقتنعه واقول ان هذا لو قران صح افتحه وبتشوف شو مكتوب به كله بلاوي اكيد وطلاسم وهو ماراضي يفتحه
وانا مصره عموقفي ان هاي طلاسم وهو يقولي قرآن والله ياناس مااعرف شو اسوي بهالانسان طفربي مايكفي النكد الي عايشين به بسببه تو انا ناقصه هالشيء ؟؟؟؟؟؟؟؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ورود الثلج]

اااااااااخ هالنوعية تقهر والله عذاب

الريال يالس والحرمة تصرف فضيييييييييييع

[qammer_uae]

لازم يتحمل المسؤوليه صراحه الله يعينج ويصبرج

[ليتني ماتزوجت]

مقهوووووووووووووووورة والله يابنات احس باني غبيه

[روح سلطان]

الله يعينج .. والله ما اقدر افيدج .. بس حطي حد للموضوع و بنفس الوقت لا تدمرين بيتج .. لان فالنهايه بتتعبين .. و بتحسين بيأس ... لانج الرجل و المرأه ف وقت واحد و ربي يهديه ...

[ليتني ماتزوجت]

شغلي مهم اختي انا مااقدر اعيش براتبه وراي حرمه تخدمني وبيت ومصاريف

[قطوه متوحشه]

الريال ملزوم يصرف على زوجته حتى لو انتي تشتغلين
عيل وين دوره كزوج ؟؟!!!
الله يعينج

[ابتسامة قمر]

الله يعييييينج

بس لين بمتى بتمين ع هالحالة .!

الله يعينج .. حطي حد للموضوع و بنفس الوقت لا تدمرين بيتج

حاولي تتفاهمين وياه انه يشتغل في اي مكان وشوي شوي خله هو يصرف وانتي ارتاحي

-_- ربي يهديه ويوفقج ويسعدج دنيا واخرة

[شيخه المرزوقي]

إذا تساعدينه في تسديد ديونه ليش يزعل ويضايق ؟
هو يعرف طبيعة شغلج ليش يعترض
عمومآ الله يهديه ويصلح أموركم حبوبه

[حنين البدر]

لازم يتحمل المسؤوليه

[اسمهايت]

الله المستعان

[عويش الجابري]

لا حول و لا قوة إلا بالله ..
ماعرف شو أقوولج اختيه غير أدعيلج الله يعينج و يساعدج و يفرج همج و يحل مشكلتج ان شاء الله ..

ريلج لازم يتوقف عند حده و يحس فييج .. هذي مب حاله وياه !!



قوي علاقتج بربــج و ربج بيكون في عونج ..
و زيدي استغفارج و قيامج لليــل ..

[عيون حالمة]

أنا اذكر هالموقف هنا بمنتدى صار مع وحده وبالضبط..حتى بنات يشجعونها أنها تفتح الورقة...ولا أنا اتوهم..مع إني متاكدة هالسالفة مرت علي سبحان الله

[بسمة فجر]

حبوبة لا تخربين بيتج و لا تفكرين بالطلاق كحل لمشكلتج
حاولي تتفاهمين وياه بالعقل
و إذا هو عمده شهادة ماجستير ليش ما يشتغل و اكيد راتبه بيكون عالي و بيكفيكم و بيزيد
و بعد لازم يكون بينكم نوع من الاحترام و التفاهم ما ينفع على كل موضوع تضاربون إنتو مب يهال
لازم يكون بين الزوجين مودة و رحمة نساعد بعض و نشيل بعض و نكبر مع بعض
حبوبة إذا ريلج تغير بس من سالفة الأزمة يعني مؤقت و بيرجع إن شاء الله مثل أول و أحسن و الفلوس تروح و ترجع
و لاتنسين الدعاء ثم الدعاء ثم الدعاء
بالتوفيق
إذا لج تعليق و حابة أفيدج بشي طرشيلي عالخاص لأن ما أرجع للموضوع اللي أكتب فيه

[بدر البدووور]

حبوبة لا تخربين بيتج و لا تفكرين بالطلاق كحل لمشكلتج
حاولي تتفاهمين وياه بالعقل