هددتها وخافت 000

**لمساتي حياتي** · 2009-11-23, 07:41

اقسم بالله ان الموقف ما يخوز من جدام عيوني 0000 البارحة في جميرا وبالاخص عند صالون مشهور للحنا كنت سايرة اشتري حنا ادور بارك فحصلت اجنبية تبغي تظهر وقفت مكانها 000 وانا نازلة اشوف وحدة مواطنة تعرفونهم قوم بو طابوقة على الراس 000لا والحين موضة يديدة العباية ما فيها كم 000 ايداتها برع تتمخطر وشكلها تتريا حبيبها يشلها الا واشوف ذاك المزيون وقف شافتني وقفت تمت اتاشر للمزيون يسير بعيد عن ينكشفون 00 يوم شفت الموقف قلت انا الا اخرب عليها يا انا يا بنت ابليس اليوم 000 مشيت حذالها وقلتلها والله لو ركبتي سيارة الولد هذا بمطج من راسج وبظربج جدام الخلق 00 قالت نعم قلتلها سمعتيني زين وتميت واقفة وسسسسسسسسسساكتة

يتني تبغي تتظارب قلتلها سوي اي شي بس والله بنتفج نتفة نتفة وتميت واقفة جدام باب الصالون اراقبها 00 اتصلت في المزيون وما اعرف شو قالت الا اشوفة ياي صوبي بسيارتة ويطالعني ورقم سيارتة توووووووووووووب ومميز ولد عز الريال 00 انا ما علي قلت ابغي الزيارين تظرب في راسي وعادي اسير السجن فيهم 000 يوم شافني واقفة خاف روح وهي ركبت سيارتها القرمبع وسارت 000 استحن خيلن لا حيا ولا احترام لا حشمة كل وحدة اهلها امنوها وحطو السيارة تحت ريولها للحاية وانتو الا امواعد ودمار وخراب لا وترمسون عن الاجانب مفاصيخ والله الاجانب لو مفاصيخ بس ما يسون شي بالدس ومن تحت لتحت 000 خافو الله في اهاليكن وفي شرفكن 000

بنات عماركم تحت ال25 وسوالفكن سوالف فاجرات استغفر الله 00ووحدة في الصالون اتفصخت ويلست جابلتني قلتلها شو بتسوين حلاوة هني جدامنا قالت لا بسوي تاتو على ظهري تعرفون وين عند العصعص قلتلها اتلحفي الله يستر عليج وما تبين تاتو يالله اشوف اتلحفي 000 الا اشوفها عصبت وظهرت من الصالون 000 انا ما اخيل اعلنتها حرب اي شي بيستوي جدامي برمس وبقول000000

المزيد من آخر المواضيع من نفس القسم:

**صخرةقاسية** · 2009-11-23, 07:47

حبيبتي والله عجبتيني وانا بنضم معاج ونسويها حملة على الفساد ان شاءالله

**awatifmohd** · 2009-11-23, 07:48

استغفر الله من كل ذنب عظيم، والله ما يستحون بنات ها الزمن مب كلهم طبعاً وين أهاليهم وين إخوانهم الله يستر عا الجميع

**الملح والزاد** · 2009-11-23, 07:48

زيــــــــــــــــــــــــــن سويتي...بارك الله فيج....
اتدافشي في هاي السوالف وما عليج من حد...الصراحه مصخوها وااايد...ولا ...الاتي اعظم...ا لدمار الشامل في القريه العالميه
الله يستر

**سوفاج** · 2009-11-23, 07:49

ما فيج حيله ... لان الساكت عن الحق شيطان اخرس .. ياليت عندنا قوة شخصيتج ... جان بيسوون لنا الف حساب قبل ما يغلطون جدامنا ..

**الملح والزاد** · 2009-11-23, 07:51

على طاري العباه نص كم..مره كنت مستعيله وداخله محل عبي وابغي عباه جاهزة..قاللي الريال تراها بنص كم...ما فهمت..خذتها وسرت البيت ويوم ييت البسها شفت الكم قصير ..رديتها وقلتله ليشش جذي العباه طويله والكم قصير قالي جذي العباه....رديتها وما فهمت الا الحين انها موضه...

خخخخخخخخخخخ

**A123** · 2009-11-23, 07:52

اسمييج حرمه .........
ماشاء الله عليج......
أول المواعد كان بالدس وفي مكان مظلم.......
الحين استوى عيني عينك..........
والله هاك اليوم عند جمعيه الامارات اللي في الطوار 3 انات يالسه اتريا اختيه تظهر من الجمعيه وانا في السياره ويا ولدي الا اشوف هاك النيسان اللي وقف ونزلت منه وحده حتى شعرها كله ظاهر من ورا طويييل ومنشول ... ونزلت و ركبت سيارتها وروحت....
الحين اكيد قايله لاهلها عند ربيعتي ...........
استغفر الله من هالبشر

**عشان الحب** · 2009-11-23, 07:53

صرااااااااحه عيبتيني...
والله أنج حرمه...

صراحه لو بدالج بخاف على عمري من الريال يمكن يحطيج بباله ...
اتحملي ....
بس يباله قلب قوي ماشاء الله عليج....

**فله72** · 2009-11-23, 07:54

بنــــات،،،،، أدعو لهـم بالهــــــــــداية والصــــــــــــــــــلاح
وخــــاصـــــــــــــة في هذي الأيـــــــــــــــام المبـــــــــــــــاركة

**لمساتي حياتي** · 2009-11-23, 08:00

المشاركة الأصلية كتبت بواسطة صخرةقاسية

حبيبتي والله عجبتيني وانا بنضم معاج ونسويها حملة على الفساد ان شاءالله

والله يبالنا نوقف لهم وقفة لين متى مشوهين سمعتنا ها الفئة الخربانة 000

*lovelygirl · 2009-11-23, 08:03

ما شاءالله عليج..زين سويتي...الله يهديهن ان شاءالله

**لمياء دبي** · 2009-11-23, 08:03

المشاركة الأصلية كتبت بواسطة فله72

بنــــات،،،،، أدعو لهـم بالهــــــــــداية والصــــــــــــــــــلاح
وخــــاصـــــــــــــة في هذي الأيـــــــــــــــام المبـــــــــــــــاركة

---------
الله يهديهن ويردهن عن اللي يسونه

**a.r.s.h** · 2009-11-23, 08:05

للرفع

**دلع بو راشد** · 2009-11-23, 08:05

اشهد انج ما سويتي غير ازيين ..

في ذمتي صدق انج حرمه ..

والله يكثر من امثالج ...

**الخقاقة** · 2009-11-23, 08:10

عيبتيني
صدق انج حرمة
ما شاء الله عليج
يا ليتني شرات شخصيتج وقوتج

الموضوع: هددتها وخافت 000

أدوات الموضوع

عرض

هددتها وخافت 000

المزيد من آخر المواضيع من نفس القسم: