الزوجة الثالثة!!!!!!

**وردة الشوامس** · 2009-11-06, 02:15

السلام عليكم ورحمة الله وبركاته

يابنات دورولي حل وياهذا الزوج انا الاولى وعندة الثانية والحين ميت هلكان يدور على الثالثة
والمشكلة الحين امسكننا كل وحدة في بيت آجار والبيت الي يبنيه لنا بعدة مامخلص .
والحين شو اتشورون عليه يابنات هل اني اوافق على زواجة وارضى ولا اعارض هذا الزواج.
والمشكلة انه الي يبايتزوجها اتكون امواطنة.
ردوا عليه يابنات بسرعة.

المزيد من آخر المواضيع من نفس القسم:

**شوفي شمووخي** · 2009-11-06, 02:19

شو السبب انه يتزوج الثالثه !!!!!!!!!

**ريتاج159** · 2009-11-06, 02:21

ما اقول الا الله يعينك

**ماجـدوليـن** · 2009-11-06, 02:28

الله يعينج بيت ايديد وحرمه يديده

**meshad** · 2009-11-06, 02:30

الله يعينج

**..الـزيـن..** · 2009-11-06, 02:32

فلووووووووووووووووووسه واصله حدهاااا

الله يعيينج ها بلا

**hind25** · 2009-11-06, 02:46

الغلا دامج وافقتى من البدايه انه يتزوج عليج ما بيختلف مسمى الزوجه الثانيه ولا الثالثه ولا الرابعه شو مفكر حضرته الحاج متولى وكيف ترضين تعيشين بيت واحد انتى وزجاته الحاليه والمستقبليه المفروض وقفتى معاه وقفه حازمه من البدايه طالما انه ما عنده حجه يعنى مزواج وهذا طبعه شوبتسوين فوضى امرج لله وتحملى

**بنت العقيد** · 2009-11-06, 11:14

لو بياخذ الثالثه انتي ما بيتغير عليج شي .. لان بيحطها فووووق الثانيه ..

يعني ممكن انتي تتأثرين شويه لكن الزوجه الثانيه هيه الي بتعيش الوضع الصعب

الله يعينج حبيبتي ما اعرف شو اقولج

**بنت_دبي_وبس** · 2009-11-06, 11:23

ما شاء الله
اذا زوجج مقتدر وعنده اللي يرضيج ويرضي زوجاته الثانيات مب مشكلة بس أهم شي يعدل من بينكن

**عراقية ارملة** · 2009-11-06, 11:46

لازم وحتما هناك سبب في الزواج الثاني والثالث صح ؟؟؟

**وردة الشوامس** · 2009-11-06, 12:21

الغاليات مشكورات على الرد الطيب وبعدين هو اتزوج الثانية من دون علمي ورضيت غصبن عني علشان خاطر العيال ولا العديلة منوه يقهرها ولا يتمناها.
هو يبا يتزوج اولا يحب التغير وماتكفيه الثنتين وفي طاقة جنسيه غير طبيعية.
وعني انا ماعندي مانع يتزوج لان قلبي من الاساس مات من زمان .
بس المشكلة الي انا طايحة فيها البيت ابا بيت اعيش فيه انا واعيالي وعيزت وانا اتكلم وياه عن موضوع البيت واباه يخلص حتى لو خلص البيت حتى مااباه ايني بالعكس حتى متنازلة عن عيشتي وياه.

**اعياد راضيه** · 2009-11-06, 12:26

والله اذا انتي مب مرتاحه ليش اتجتلين عمرج من القهر

واذا هو مب مقصر فيكم

فخليه ايعرس ع الاقل يحرق قلب الثانيه

**salamh** · 2009-11-06, 12:27

الشرع احل للزوج يتزوج اربع بس بحدود اذا فية اسباب ويمكن تكون زوجتين بدون سبب يحب يغير لكن ثلاث هى رجل فوضوى فى رائي لانة الحياة فوضى ومعمعة تصبح واللحين فى هى الظروف والمعيشة الصعبة الله يعينج اصبرى هى الحل لوحيد

**اليدايل** · 2009-11-06, 12:31

انتي ادري بمصلحتج

دام خذ الثانية ...شو بتفرق اذا عارضتي على ال3 ..شوفي انتي القرار الي يناسبج ..لان صدقيني محد يعرف الحل غيرج

الله يعينج الغلا

**ميمي مشاكل** · 2009-11-06, 13:43

بس اللي اعرفه انه ما محتاج موافقتج !!!!!!!!!

لان في فتوى تقول اذا الريال يبا يتزوج على حرمته عادي ما يشاورها !!!!!!

الله يعينا بس

الموضوع: الزوجة الثالثة!!!!!!

أدوات الموضوع

عرض

الزوجة الثالثة!!!!!!

المزيد من آخر المواضيع من نفس القسم:

المواضيع المتشابهه

الزوجة: بعد مضي 18

ضرب الزوجة

هل تقبلين بأن تكوني الزوجة الثانية أو الثالثة أو الرابعة؟؟؟

حوار بين الزوجة البيتوتية و بين الزوجة العاملة .. دعوة للمناقشة

تآمرت الزوجتين علي الزوجة الثالثة فقتلتاها