العيال وابوهم!!!!

[حالمه ببراءة]

السلام عليكن ورحمة الله وبركاته...
مرحبا خوواتي طالبه مشورتكن وكلامكن اللي يبرد الفواد والاهم دعوه صادقه ونصيييحه
خوواتي ادري اني يمكن تأخرت واايد بطلب المشوره مش عشان شي لا والله انا مقتنعه باللي اسويه بس اريد حد يساعدني بليزز
يمكن بطول عليكن وااايد بس انا يوم قررت اكتب قلت بكتب كل شي عسب تعرفن اتردن علي وما يكون في غموض فالسالفه

خواتي انا برمس اولا باطراف ما بقول المشكله لا ماعرف شو اقول موضوع يمكن ^^
خواتي انا مخطوبه من شهر وجريب بعرس


عني: انسااانه حالمه لابعد الحدود بس مش لاغيه العقل الحمدلله ما افكر بالمظاهر يعني ما اقول اريد ريلي يكون عنده كذا وكذي لا والله ويمكن اغلب البنات جذه براءة حالمااات^_^
من عايله ميسوره الحال والحمدلله مش قاصرنا شي

خطيبي: انسااان حنوون وطيييب وااايد فيه المواصفات اللي اي بنت تباه لشريك حياتها فيه صفات شينه بس الزين مغطي ع كل شي والله الحين نيي للشي المهم هو مطلق متزوج وهو صغير واايد الحين عمره 24 سنه تقريبا وعنده من الحرمه الاولى3

تعقد واايد من حرمته الاولى مابا ادخل فتفاصييل تخصها اللي يستر عليها دنيا واخره بس والله لدرجة
انه كان يشوف طبيب نفسي من كثر ماكان يكتم
الكل لاحظ تغيره اول ما عرفني

عياله:
وانا ما عندي مشكله ابد وياهم وربي شااهد اعزهم واايد معزتهم من معزه ابوهم
هم صغار اكبرهم 8 سنوات

متعلقيين ف ابوهم واااايد
ما تعاملت وياهم وااايد بس انا بطبيعتي احب الاطفال.... ولا بعمري فكرت بشي شين عنهم اقصد عياله
حتى اخر مره ع سالفه الحرمه اللي اذت بنت ريلها اكيد الكل عرف عنها كنت ادعي ربي ما يسمع السالفه يمكن يفكر بشي او يخاف ع عياله مني
بس الحمدلله ماصار شي

المهم خواتي انا ابا اعرف كيف اهتم فالعيال
وابوهم كيف اتعامل وياه عقب ما كان لاغي فكرة الزواج ومتعقد من طليقته
ماباه يقارن ابيني وبينه ابا اعوضه كل شي خاصة انه يتيم و وحيييد

يمكن هو بعرف كيف اتصرف وياه بس انا والله وبكل صراحه هاميني العيال اكثر كاسرين خاطري متششتين واباهم يحبوني انا مش من نفس الجبيله وغير عنهم مادري شو اقول مادري اذا فهمتوني والا
بليز خبروني كيف اتصرف ويا العيال وابوهم

مع اني والله شهر العسل قلت له ما بنطول حرام العيال واطريهم دووم عنده مش اني ابا ابين له اني زيينه لا والله وربي شاهد علي بس اباه يعرف انهم ف بالي دووم واني اعدهم عايلتي من الحين

خايفه اطلع مش قد المسوؤليه وهالشي بيموتني قهر تخيلن خواتي مره استهبل عليه
اقول له انا بنش وبزهب الريوق تطلع الدوام برد ارقد سوالف والله جان يقول والعيال
اضايقت من نفسي واستحييت منه كيف نسيتهم كييف؟؟ اعتذرت منه رغم انه ماقال شي ولا عصب عادي سأل بس انا صرت اتحسس واخاف من هالموضوع وااايد
خاصه يوم اني عرفت راي ابوه قايل اني بززر ^_^ صح اني صغيره21 بس احس اني اكبر عن عمري امممممم خواتي هو يحاول من صوبه يعني دووم يقول عيالج او ام فلان استانس واايد
خوفي عياله ما يتقبلوني واصير الشريره بنظرهم

خواتي انصحوني بليززز العيال وابوهم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رويــانــة]

الغالية دام عندج هالنية الصافية والقلب الكبيـر لا تشيلين هم

ان شاء الله مع مرور الأيام عياله بيعرفون قدرج وبيحبونج شراة أمهم وأكثر يمكن

ربيهم كأنهم عيااااالج بالضبط وانسي سالفة انهم عيال ريلج وشيليها من بالج

وان شاء الله الخوات اللي مرن بهالتجربة يفيدنج

والله يسعدج ويتمم لج فرحتج ع خير ياااااارب

[لوكل]

اولا يزاج الله الف خير والله يبارك لج في حياتج كلها يارب

مثلج شوية في هالدنيا انا بنصحج نصيحة اخوية

حاولي في داخلج ابد ما تذكرين امهم وتغارين او اي شيء من هالقبيل

فكري انهم احباب الله وملا ئكتة وابد لا تظرينهم

حطي في بالج اذا كانوا عيالج ومرت ابوهم كيف تبينها تعاملهم

حبيهم مثل امهم وزيادة وصدقيني كل ما عاملتيهم احسن بتتقربين من ربج ومن ريلج اكثر انتي محظوظة عندج كرتين

الكرت الاول : التقرب من الله ومن الجنة

الكرت الثاني: التقرب من الزوج

وااايد حريم ربوا عيال رياييلهم زين والكل يذكرهم بخير وحتى بمر الزمن محد ينسى وحتى الاطفال يوم بيكبرووون يمكن يكووونون احسن من عيال بطنج لج يوم بيذكرووون المعامله الزينة

حاولي دوووم تسولفين وياهم تحظنينهم عوديهم قبل الرقاد تبوسينهم

دوووم اشتريلهم هدااايا

ومووووووووووووووووول لا تشتكين عليهم عند ابوووهم ابد

الله يوفقج ان شاء الله

[النورانيه]

الغاليه يزاااج الله خير على حبج و اهتمامج بعيال ريلج لانه مالهم حد بدنيا خيرج انتي وابوهم

الغاليه حواطيهم بحنانج وحبج واعتبريهم عيالج واكثر لأنهم عيال انسان غالي عليج

وصدقيني بحبونج اكثر عن امهم الصدقيه

بس الغاليه بعد إن شاء الله ماتيبين عيال لا تنسينهم

وخليهم يتعلقون فيج وفي خوانهم

وصدقيني بتكبرين بعين ابوهم وبيشل جميلج فوق راسه

وطبعا الاهم أنه الله سبحانه بيأجرج أنج احتويتي أطفال مالهم حد غيرج انتي وابوهم

وتقبلي مروري أختج

النورانيه

[لوكل]

وموووووووووول لا تسمعين كلام الناس اللي يخرب البيوت مثل شلج في عيال غيرج ووووالخ هذيله بيخربون بيتج

[دلوعه فزاع]

بارك الله فيج لانج بتربي هالصغاريه وبالعكس انتي قد المسؤوليه واتعرفي على عياله من الحين احسن لج خليهم يتعودون علي وبالعكس احتسبي الاجر من الله وكوني مستانسه وفرحانه وانتي تربي العيال لانهم عيالج وربيهم احسن تربيه والله يبارك فيج ويسعدج غناتي ودوم استخيري الله قبل كل شي

[ظبيانيه سبشل]

بالتوفيق بس عامليهم كأنهم عيالج , وحبيهم من حب ابوهم

والله يوفقج

[هواجس الزيودي]

الله يوفقج الغالية


انا ربيعتي ماخذه واااااااحد عنده عيال بس امهم امطلقه وماشاء الله اتربيهم كنهم عيااااااااالها

[شيطووووونه]

انتي حاولي اتحبينهم وتهتمين فيهم .. وهم اكيد بيحبونج .. وبيعرفون ان اللي تسوينه من قلبج ومو تمثيل او عشان ابوهم ..

مهما حاولوا يصدونج في البدايه لانج غريبه عنهم .. لا تنصدمين وتتراجعين .. خلج عند نيتج .. وان شاء الله بيوفقج بحياتج .. وبيحبونج مثل امهم واكثر .. اذا حصلوا الحب منج و التعويض من اللي فقدوه

نصيحه .. لا تحاولين تكوين مثاليه زياده عن اللزوم و خلج على طبيعتج .. وانشاء الله بيحبونج و بيتقربون منج اكثر و اكثر .. والسالفه سالفه وقت لا اكثر ..

[aynawiah]

اختي حاولي اتعاملينهم كأنهم اطفال لقيتيهم وحبيتيهم وانسي انهم عيااال ريلج ...

لأن هاااي الفكره راح اتخليج دايما تتحسيسين من اي موضوع ...

[القمر2008]

اشتري لهم الهدايا

طلعي معاهم الحديقه

العبي وياهم بلاستيشن


اممم ذاكري لهم


احتفلي بيوم ميلادهم



اممممم بس عندي سؤال وين امهم ؟؟؟

[دلوعتهـ^.^]

حبيـبتي دام انتي من خاطـرج حابه وجودهم ومتقبلتهم فخـلاص لا تحاتيـن
هيـل يهال بسهـوله تكسبينهن غير يوم يكونون عيال الريل كبـار مم صعب تسيطرين عليـهم ,,
ع العمـــوم ,, وازنـي بين حياتـج لانـج عروس يعنـي لا تظلميـن نفسج ابدن ,,
تنـازلي بس بحـدود . .
وانشـالله ريـلج يثمر فيـه ويعوضـج بأنه يعيـيّشج احلـى عيشه . .

[فديتني حبوبه]

خليهم ينادونج امهم ولاعبيهم وسوي ولا تقصرين وياهم

[حالمه ببراءة]

رويااانه..
لوكل...
النورانيه
دلوعة فزاع
ظبيانيه سبشل...
هواجس الزيودي...
شيطوووونه
Aynawiah...

القمر2008
دلوعته...
فديتني حبوبه

فديتكن والله استانست واايد وانشرح صدري وانا اقرا رودوكن يزاكن الله خير ..اخواتي ربي يعطيكن ع قد نياتكن...ان شاء الله اكون قدها واعاملهم شرات عيالي واكثر وان شاء الله من الحين بتقرب منهم فكرت اطلعهم المول باجر وان شاء الله يستانسون ^_^
ختي لوكل كلامج واايد ريحني خصه يوم قلتي عندج كرتين وان شاء الله ربي يسهل علي واقدر اكسبهم يااااررب
القمر سألتني وين امهم هي موجوده بس تزوجت اول ما خلصت العده وعندها واااحد من ريلها
اتشوفهم بس هم متعلقيين بابوهم اكثر

[خلاص]

صدق أنج حالمة غالبا اللي يصير أنه الحرمة تأذي عيال ريلها وبصراحة ما سمعت أنه حرمة أبو تعامل عيال ريلها معاملة طيبة إلا فئة بسيطة فإن شاء الله تعاملينهم معاملة طيبة وتكسبين فيهم الأجر والله يوفقج