ساعدوني بنات الله يخليكم

**فاتنة الخليج** · 2011-08-27, 04:10

السلام عليكم ورحمه الله وبركاته
شلونكم يابنات
حابه احكيلكم معناتنا مع حشره البق
يبنات والله مجننا وملعوزنا جربنا كل شي تصدقون مايموت بالمبيدات الحشريه
يعني حاله مايعلم بها الا الله
الله يجزاها خير اللي عندها اي معلومه او حل نهائي تفيدني والله لادعليلها من كل قلبي

المزيد من آخر المواضيع من نفس القسم:

**ياقوتةخضرا** · 2011-08-27, 15:18

هذي طريقة وحدة قريتها في احد المنتديات :

"طريقه القضاء عليها سهله :

اول شي تجيبين هالادوات ...

1 بف باف
2 نفتالين ماعندي صورته بس معروف
3 الشمس

الطريقه :

شلي خشب السرير وحطيه في الارض
هاتي بف باف وبخي على كل منطقه فيه
وبخي تحت السرير

بخي على المرتبه والثنيات

بعد هالشي افتحي الدريشه علشان الشمس هي اللي فعلا تقضي عليها وماتخلها ترجع لبيتك

انا خليت الدريشه اسبوع كامل وماشاء الله الشمس طول الوقت تسطع على الخشب والمرتبه

بعد اسبوع كل شي راح يكون تمام الحمد لله

جيبي المكنسه الكهربائيه وكنسي المرتبه وركزي بين الثنيات

بعدها هاتي كلوركس واريال وبروش الموكيت ونظفي المرتبه
وخليها تتهوى الين ماتنشف

حطي نفتالين على خشب السرير
خاصه لما تتركي بيت اي مكان فيه خشب حطي نفتالين عليه
بعدها رجعي كل شي مكانه ودايم خلي الشمس تدخل الغرفه"

الطريقة الثانية تغيرين المراتب
وتحطين الأثاث برع في الشمس
وتيبين شركة مكافحة الحشرات وتكون متخصصة في البق Bug

**~fantasy~** · 2011-08-27, 21:41

اللي اعرفه انج لازم اطلعين الفراش والمخاد كل يوم بالشمس الحارة ,

**باقة بنفسج** · 2011-08-28, 04:23

انا ما افتكيت منه الا لما تخلصت من كل الأثاث اللي فيه خشب

يو من الشركه ورشوا وحطيت كل شي فالشمس بس بدون فايده

الله يعينج ويفكج منهم ان شاء الله

**Momoko** · 2011-08-28, 05:00

حبيبتي سوي دخون الحروق واذا ما تعرفينه.. هذا اللي يكون ابيض و يقولون عنه البان،،، خليه بالغرفة و سكري الباب و شوفي عقب اذا شفتي حشرة .. حتى الطيطار يشرد و يموت

الموضوع: ساعدوني بنات الله يخليكم

أدوات الموضوع

عرض