مطلقة و ..

[مشكلتي]

السلام عليكم
اكتب لكن هالموضوع وبهالايام المباركة والدنيا صاكة فيني صك .. لعل دعواتكم لي تفرج
ولعل نصايحكم ترشدني للطريج الصح

ما اقدر ادخل فالتفاصيل ولا اوضح كمية المشاكل اللي ما تخلص ف بيتنا

انا مطلقه وعندي طفله صغيره
ساكنه ف بيت اهلي
الحمدلله ربي فرجها علي من سنه وبديت اشتغل .. فكرت وايد اطلع من البيت واستقل بروحي

لما كنت بدون وظيفه محد شلني انا وبنتي من الناس ، واهلي تلميحات الطرد من البيت ما وقفت
واحلف لكم ب الله اني ب صوب والمشاكل ب صوب
انسانه مسالمه جداً

بس الفترة اللي اشتغلت فيها وشليت نفسي وبنتي هدا الوضع شوي فالبيت وتلميحات الطرد خفت ..

الله يشهد اني مبديه اهلي فالصرف ع بنتي
ما ابي اتكلم بهالامور لاني مهما شرحت لكم احس ما بقدر اوصف لكم حجم الهم اللي انا فيه

اليوم رسمياً انطردت من البيت، بدون اي مقدمات، خلاص مافي حد يتحمل الثاني

ووايد كنت اراعي ان الناس ممكن ياخذون فكرة كوني مطلقه واسكن بروحي ويا بنتي
ووايد اسمع اللي فالدوام يتكلمون عن فكرة مطلقة تسكن بروحها

انا قررت اني اخلي كلام الناس ع ورا .. واطلع اسكن بروحي واربي بنتي عالهدوء والسلام لان بنتي نفسيتها جداً متأثره كل مره تدخل غرفتي وتمسح دموعي

تقول لي ماما فالبيت كله يصارخون
انا ابي شوركم.. هل اطلع وااجر لي مكان؟
لان فعلاً لما كنت محتايه محد من الناس شلني انا وبنتي، والحين لما بطلع بعد بيرمسون لكن خلاص ما اقدر كلام الناس ما عاد يهمني .. راحتي وراحة بنتي اهم

هل اللي اسويه صح؟ هل هو غلط المطلقه تسكن بروحها؟ ولا انها تنحصر بين كلام الناس وطرد اهلها لها وتستحمل ؟

من كثر الضيجه مب عارفه شو اكتب لكن، والله دمعتي ف عيني وقلبي مكسور

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت