شي غريب صار البارحة

[وردة 2009]

السلام عليكم
شخباركم
بقول لكم سالفه صارت البارحة

انا يالسه في شقه و نزلت تحت اتريا ولدي بيي من روضه وشوي وتنزل بنت صغيرة من البنايه يمكن عمرها سنتين المهم اشوفها كملت سارت قلت يمكن حد يترياها بالباركنات وسرت وراها لاني خفت وما اشوفها الا بالشارع وسرت ركضت شلتها وسالتها وين ماما قالت ليُ فوق وانا معرف
وين بيتهم اي طابق اي شقة لين رجع ولدي من روضه وديتها سرنا الطابق الاول و البنت سارت شقتهم و الباب كان مفتوح ودقيت الجرس الخدامة واخوانها وقلت لهم وين امكم كانت تتوضا و يات وقلت لها حصلت بنتج صغيرة نازلة تحت و سارت الشارع انصدمت كيف وعصبت علي ولدها لان هو شكله الي فاتح الباب البنت ما بطول تفتح الباب وقلت ديري بالج عليها ربي...
يعني الام والخدامة ما شافوا الباب شقة مفتوح ما لاحظوا ان البنت محد واخوانها ما لاحظوا غريبه لو صار بالبنت شي بعيد الشر عنها و الحمدلله ان انا كنت موجودة تحت الله ستر والام البنت درس...  

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مندوبة جدة]

الله يحفطهم الاطفال لازم يبغون انتباه

[ورقة ناعمة]

يزاج الله خير في بميزان حسناتج بس يمكن عمرها فوق السنتين لان اعتقد سنتين مايتكلمون وااايد

بس وين وصل الاهمال حتى ببيبان البيت استغفر الله

[زيباشو]

نفس الموقف استوى معاي لكن البنت كانت تصيح بشكل جنوني أنا صحت معاها كانت داخلة المصعد بالغلط وأمها اتدور عليها وهي حافية كانت ترتجف الأم يوم سالناها وينج عن البنت قالت كنت أكلم ربيعتي؟؟؟؟؟؟؟!!!!!!!!!!وان بنتها فجاة ركضت ودخلت المصعد لو اتشوفين البنت كيف كانت خايفة واتصيح

ولا موقف ثاني يوم سرت أييب بنتي من المدرسة في المواقف تحت شفت ولد عمره ٥ سنوات تقريبا يركض في ممر السيارات بروحه حتى كان شي هنود كانو يطالعونه مستغربين كيف ها بروحه!!!! سرت أبا امسكه أشوف اخوه حوالي ١٦ سنة طلع من المحل ويضحك؟؟؟؟!!!!!! عاجبنه شكل اخوه وهو في طريق السيارات يركض والله كنت أبا اعصب وأكلمه لكن خجلي منعني للأسف بس انقهرت وايد

والحمدلله انج شفتيها وهالمواقف تستوي بسبب إهمال لمجرد ثواني نخسر فيها روح بريئة
الله يحفظ عيالنا وعيال الجميع

[Luna Piena]

مع أمهات هالزمن زاد الإهمال .. وين ايام اول .. يوم أمهاتنا ما يخلونا لحظة وحدة .. أمهاتنا ربونا .. اكلونا .. شربونا .. لبسونا .. نومونا .. سبحونا .. غسلونا .. درسونا .. ادبونا .. و الحين أمهات هالجيل حتى البامبرز تلوع جبدهن من تغييره !! صدمة ما بعدها صدمة خصوصا سالفة البامبرز استوت جدامي عسب جيه كتبته .. كيف الام تلوع جبدها من تنظيف و تبديل ولدها !! و تخلي هالمهمة عالبشكارة .. لا حول ولا قوة الا بالله

[dena22]

هذيلا امانه لازم ندير بالنا عليهم

[شقد أحبك]

يمكن ما انتبهت ما شاء الله لو هم ملاحظين اليهال يفتحون البيبان اقفلوا الباب
و يعطونها لعبة تلهيها
ليش تنازع ولدها هي ما نتبهت و الولد ما انتبه

[راعية مواجيب]

الله المستعان

[طيف الغربة]

ربي جزيك خير ما قصرتي تحصل اوقات هالاشياء ديرو بالكم اخواتي الاطفال امانه

[مالتيزرس]

يزاج الله خير ياختي.
و ?للّـْْ?ـْْہٌّ يهدي الأم ع الأقل بقفل الباب وبشل المفتاح هذيلا يهال شو يفهمهم

[ع ـيميه]

يـزآاج الله خيـر ع اللي سويتيه .. الله يهديهم المفروض يقفلون الباب

الله يهدي الجميع يارب

[زم_قمر_ان]

الله يحفظ عيالناااا

[الوزيره7]

يزاج الله خير ..... وفي ميزان حسناتج .....

[ماحد شراتي]

يزاج الله خير
و الله يهدي هالامهات

[دلعي غيـر]

انا مع اني ساكنه في بيت مب شقه ,
لكن دوم احرص انه باب الحوي مقفول بل مفتاح حتى باب الصاله اقفله بمفتاح و مستحيل اخليه من دون قفل , حتى يوم كنت في شقه اقفله و المفتاح يا عندي يا عند ريلي لاني يمكن ارقد او اغفل على اقل الباب مقفول و بالي مرتاح ..
الله يحفظ عيالنا يارب