هل يجوز للرجل ان يجلس بين بنات خالته ....؟؟

[ام سلوم ^^]

السلام عليكم ورحمة الله وبركاته ...

مــــــــــــرحــــــــــبااااااااااااا يــــــا ســـيــــداااااااااات الــــــمنتدى ....

هذا اول موضوع لي فلمنتدى وحبيت اسألكم سؤال ونفس الوقت ادردش وياااكن ...

يا حريم ويا بناات انا لي 4 شهور معرسه بس العزايم ما تنتهي من بيتنا للبيت خالة ريلي كل يمعه

يا هم يا نحن مب حااله ولا المصيبه ان البنات يلسن يكشخن ويتعدلن يدام ريلي وانا اطالع بكل

استغراب شوه هااا اللي يصير مع العلم ولا مره عزمو هلي بس انا ساكته ابا اظهر اطلع وياا ريلي مب

رايمين والله قهر ... المهم ما بظهر من الموضوع اللي يصير انهم عاادي ايون يلسون يداام ريلي

عاادي صح انهم بنات خالته بس احنا عندنا منقود الريال ييلس بين البنات او الحريم ما عدا خواته

وخالاته وعماته عاادي انا اختي ما تظهر يدام ريلي ولا انا اظهر يدام نسيبي ولا يدام عياال خالتي

وعياال عمي اصلن ما انشوفهم اقصد اولاد بس الصغاااريه عااادي انشوفهم ............ بس هيل عادي

عندهم

اختلاط والقهر يلسون يطلعوني وعقب يطالعون ريلي وانا ما قمت احب اسير عندهم بسبة هشي ولا

احب ايلس وياهن مره قلت حق ريلي عاادي عندكم جان يقوول هيه هيل انا ربيت ويااهن اوكيه انا

ويااه فهشي بس الحين غير كبرن وحده فلكليه والثانيه ثاني ثانوي انتن شورن عليااا بليييييييييييز هلب

مي كيف افاتح ريلي انه ما ييلس ويانا وانه عيب وما ايوووز الرياال يلس عند الحريم بس بدون ما

اجرحه باسلوووب راااقي حاولت اكلمه بس اترددت واااايد ... اخااف ياخذ موقف ...




يلا اتريااااااااكن ...

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام سلوم ^^]

الويه هذا بلغلط اسمحوو لي كيف يااا والله اخترعت ههههههههه ما عليكم من الويه ...

[نبضة أمل]

الله يكون بعونج من هذا البلاء

ريلج مب (محرمهم) كيف جذيه

هو مب من (المحـــــــــــــــــــــارم) المحارم معروف في الاسلام 0

الاب
الخال
العم
الجد
ابن الاخ
ابن الاخت

كيف هذه عاداتهم.؟!! من حكم وقال لهن عادي تيلس ويا واحد غير (محرم)

ولد (خالتي...عمتي...عمي...خالي...زوج اختي) هؤلاء لا يجوز أن أجلس معهم خير شر

سبحان الله كيف الوحده تبرر لنفسها الغلط...كان الله في عونج ماعرف لازم توعين ريلج

ان بنات خالته ليس من محارمهم..ولا يعتبرون صلة الارحام

صلة الارحام الواجب علينا نزورهم هم
الام
الاب
الخال
العم
الجد
الاخت
الاخو

ما بترومين تنصحينهن لان الحريم واعرفهن فيهن غلظة وشدة ويمكن تقول لج تغارين

واتخافين على ريلج منا واتخافين ننافسج

بس تقدرين توعين ريلج ولازم ما يستحي من (الحق) ولا يستحي من (الحدود) الذي

وضعها الله لنا بحجة العادات والتقاليد

ربي يعين كل وحده منا

[كرزه11]

فهميه ان ما يجوز يقعد بين حريم مب من المحارم

بالنسبه للعزايم مب لازم كل مره تلبون ادعوه , اعتذرو ا
اتفقى وياه على طلعات بروحكم قبل العزيمه

[احلى سمراء]

عيل في ناس يسلمون على بنات خالتهم وعمومتهم بتبويس يعني عادي هاي تربيتهم

[نهر الحياه]

وعليكم السلام ورحمة الله وبركاته...

غريبه للين الحين فيه هالاختلاط

احس استوت البيوت كلها تسوي مجالس خاصة للرجال وللحريم

عشان الحريم ياخذن حريتهن ف لبس والكشخه والابتعاد عن الشبهات

وف الشرع يحرم اختلاط الرجل مع من ليس من محارمه

انتي حاولي تفهمين ريلج انج مستغربه انه عادي هالاختلاط

قولي له الكل يتربي مع بعض بس لحطة الكبر والبلوغ يستوي

فصل وماشي اختلاط ...

يعني مثلا عادي عندك اني اكلم ولدعمي او ولد خالتي !!
او اني اجلس ووياهم ؟؟؟

طبعا يفضل يكون مناقشتج وياه ف وقت مناسب ورايق

ويكون هو فاظي يتناقش بس لا تمي كل مرة تكلمينه


لانه احتمال تخف العزايم ومايحصل اختلاط ..

وعشان مايفهم غلط مثلم اقلتي ويسوي حركات عناد

خذيها من ناحية الدين وانج واثقة منه فقط ...؟

االله وياج

[ام سلوم ^^]

ثانكس حبوووبااات بردتووو قلبي آه والله حسيت برااحه ف حد فاهمني ...

انا ان شاء الله ناويه اليوم برمسه وان شاء الله خير ...

ادري انه ما ايوووز بس هم شكلهم متعودن ييلسون وياااهم بس انا وراااه وراااه ما بخليه واحنا ناويه نطلع

وبنسوووي سربرااايز حق الكل بنحجز كم من يوم عشااان انغير جووو ...

والحمدلله انا ما امدح نفسي بس انا احلا منهن والله الكامل ف حسنه ...

[miss kash5a]

الله يعينج وييسر امرج

[احلى شحيه]

حبيبتي انا بقووولج هذي ع حسب التربيه يعني كيف هم رابين وكل قبيله وعاداتهم عرفتي انتي حاولي شوي شوي تغيرين من هالعاده لان هو في البدايه بيقولج اهلي واحنا رابين ويا بعض وغيره بس انتي فهميه الموضوع بطريقه حلوه

[Ana Ahwak]

الله يعينج حبوبه

[مزيونة زوجي]

اهلين حبيبتي ..
انا اقول انج تطلعي مع ريلج وتغيري الجووء ..
يعني لو عزموكم .. اعتذري لهم وقولي لهم انج طالعة مع ريلج يعني مثلا رحتوو المـوول ... آلخ
اوو رحتوو تتمشوون ف دبي ... آلخ
ويمكن بنرد باجر او الي عقبـه .... على حسب

يعني اطلعوو وغيروو الجوو .. وتمشوو ... آلخ
وهناك يعني بطريقه حلووة قولي له بطريقه يعني ما تجرحه ..

[Miss_Patchi]

يحليلج بس اهل امي عادي عندهم نفس اهل ريلج و ما احب ايلس مع مب محارم

و ينغزوني باني متخلفة ما عليه اكون متخلفة و لا ايلس مع ريال غريب و دق سوالف

[أم مغاوي]

الغلط غلط الاهل كيف خلو عيالهم جي

فـ صعب الحين تغيررييين

حتى نحن كنا جي متربيين مع عيال عمي اللي كنا نسكن معاهم
فعادي نيلس وياهم لكن الحمد الله كبرنا وفهمنا


بس حاولي تنصحيينهم حتى البنات انصحيهن بس مب الحين عقب يوم يتأقلمن عليج


وحاولي تفتحين هالشي لـ ام ريلج هاتيها بشكل غير مباشر

خبريها عن مواقف وشو الحكم الخ

يمكن هالشي غايب عن بالهن

[درة دار زايد]

تعرفين يمكن هم عادي عندهم ..
يعني بالنسبه لاهلي من صوب امي عاادي عندهم .. بس كل وحده باحتشامها ومن غير ميكب وكشخه وهالخرابيط اللي ذكرتيها .. وطبعا لازم اخوج ولا امج ولا ابوج يكونون يالسين وياج .. واكيد مافي بينا تيلفونات وسوالف وهالامور ..
لكن اهل ابويه ممنوووووووووووووووووع .. ولا بحياتي شفت عيال عموه .. اصلا ما اعرف كيف اشكالهم

انا احس نحن جي ويا اهل امي بحكم ان عايلة امي وااااااااايد صغيره .. يعني امي عندها اختين بس و4 اخوان .. وعيالهم اشووووي مب وايدين ..

فيمكن اهل ريلج جي ..

وبعدين يمكن هو يقول عنج تبين اتفرقين بين اهله .. ولا اتغارين .. لانهم هم اتعودوا ييلسون ويتيمعون بهالطريقه ..
ان شالله تقدرين اتبطلين عنه هالعاده .. وربي يوفقج

[aserah_123]

وعليكم السلام ورحمة الله وبركاته...

غريبه للين الحين فيه هالاختلاط

احس استوت البيوت كلها تسوي مجالس خاصة للرجال وللحريم

عشان الحريم ياخذن حريتهن ف لبس والكشخه والابتعاد عن الشبهات

وف الشرع يحرم اختلاط الرجل مع من ليس من محارمه

انتي حاولي تفهمين ريلج انج مستغربه انه عادي هالاختلاط

قولي له الكل يتربي مع بعض بس لحطة الكبر والبلوغ يستوي

فصل وماشي اختلاط ...

يعني مثلا عادي عندك اني اكلم ولدعمي او ولد خالتي !!
او اني اجلس ووياهم ؟؟؟

طبعا يفضل يكون مناقشتج وياه ف وقت مناسب ورايق

ويكون هو فاظي يتناقش بس لا تمي كل مرة تكلمينه


لانه احتمال تخف العزايم ومايحصل اختلاط ..

وعشان مايفهم غلط مثلم اقلتي ويسوي حركات عناد

خذيها من ناحية الدين وانج واثقة منه فقط ...؟

االله وياج

اهم شي تبينين له انج واااثقه منه

والله يصبرج ويسخرلج ريلج ويسخر لج هله ويبعد عنكم كل شر ^.^

بالتوفيق الغلا