تملج للمرة الثالثة وتطلق!!!!! والله حرام

**وحشتيني ميم** · 2011-11-19, 17:29

السلام عليكم ورحمة الله وبركاته،،، خواتي عندي ربيعة مواطنة جامعية ومثقفة وجميلة جمال وجسم وشعر وكشيخة ما شاءالله الله يحفظها من كل عين،بس مشكلتها انها كانت مالجة على واحد مب من اهلها بس صارت مشاكل عسبة خواته يدخلن وسمعت عنه وايد كلام انه يسكر وكانت شخصيته ضعيفه،وكان دوم يقولها طلعي معاي للفندق ودووووود يحاول وياها انه يدخل عليها في فترة الملجة،وووووإالخ المهم انفصلت عنه قبل العرس، وقعدت كمن شهر وعقب ملجت على واحد اكبر عنها بوووايد عمره تقريبا حدود الخمس واربعين بس كان غير مواطن ومب موظف بس لكنه مثقف ومخلص الماجستير، بس عقب ما ملج عليها قالها لازم تتوظفين عشان المصلحة العامة ومصلحتج ومصلحة بيتج وعيالج!!!!! وكان بعد دووووم يقولها خليني نطلع للفندق،وكان دوم يخبرها عن علاقاته مع البنات قبل ،وكان يقولها يوم بنعرس عرسنا بيكون بسيط جدا،وبيتنا ما بنأثثه كله بس بنييب الأساسيات، وماباج دوم تقوليلي ابا اروح الصالون وابا
اشتري فساتين وابا السوق وابا وابا !!! يعني كان بخييييييييييل جدا ، المهم وااايد عيوب فيه ،المهم كانت مشكلتهم العوده انه يباها تتوظف والوظيفة شرط لإستمرار الزواج !!!وفي النهاية خلعته!بعد ماخلعته بشهر تقدملها واحد من عمرها وجامعي مهندس وراتبه عود وصلاته بالمسجد،وعارف عن زواجاتها الي قبل وراضي فيها! الحين هي خايفة توافق ويتكرر الي صار وياها قبل،ثانيا والهم خايفة من ناحية انه ماعنده الجواز،بس هي على قناعة تقول الراحة النفسية وراحة البال وانه يكون ريال والنعم فيه وقد المسؤولية وووو اهم من الجواز بالنسبه لها!!! قالت شو الفايدة آخذ واحد مواطن ووظيفته زينة بس ما يكون زين وفيه بلاوي الدنيا!!! قالت الأول خذته كان مواطن ووظيفته وايد زينة بس لا شخصية ولا اخلاق ولا صلاة ووووإلخ! الحين نبا شوركن جزاكن الله خير هل توافق عالمعرس اليديد؟ ولا لأ؟ عمرها ألحين داشه ال 32وخايفه ترفض هذا ويطوفها العمر وعقب اييها واحد معرس ولا مطلق بعياله!!! ربي يحفظكن واتريا ردودكن

المزيد من آخر المواضيع من نفس القسم:

**لك غلاي** · 2011-11-19, 17:32

اذا كان زين مصلي يعرف الله يقدر الزوجه
تتوكل على الله
تستخير لرب العالمين
وان شاء الله ربي يكتب اللي فيه الخير

**بدون نك نيم** · 2011-11-19, 17:35

الله يعينها يااااارب

عليها بالاستخاره مره ومرتين وثلاث ... وينصح انها تستخير سبع مرات

وماخاب من استخار الله

انا عن نفسي اشوف الريال زيين
الجواز صح انه مهم بس مب اهم من الرجل الصالح الي وصانا الرسول ان نوافق عليه ونزوجه بناتنا

كفايه انه رضى فيها وهي مطلقه مرتين قبل

خل تستخير الله
والي كاتبه الله بيصير ^^

**نسيم الليل37** · 2011-11-19, 18:00

تستخير وتتوكل

وخل تتفآئل = )

ربي يوفقهـّـآ .. ~

**كنافة بالقشطة** · 2011-11-19, 23:44

وشو يعني ما فيها شي خليها تستخير و تتوكل على ربج ... اعرفي ان الخوف من الشيطان لانه ما يحب يشوف اثنين متوفقين مع بعض ....

خليها تتوكل على ربج ... وتفائلوا بالخير تجدوه

**LOVE DUBAI** · 2011-11-20, 13:34

خليها اتوافق وتتوكل على الله
وان شاءالله الرب بيوفقها

**رضآٳڪ يٳ ربٳه** · 2011-11-20, 13:40

ربي يوفقها ويسهل امووورها يـآآآآآآآآآآآآآآآ رب

**مس UAE** · 2011-11-20, 20:30

سؤال هل الكثر هي مالجه وما صبرت ع عمرها عشان يسألون عن الريايل الي يتقدمون لها ...

يعني هي بس من الملجه تكشفهم ...؟؟

ليش ما توكل حد من اهلها يسألون واايد قبل لا تملج ع حيااا الله واااحد وتبهدل عمرها ...

وكونها 32 مب معناته يالله اي وااااحد لا اختي ...وانه القطار بيفوتها وجي ...النصيب يصيب في اي وقت ...وفي اي عمر ...

والاستخاره اهم شي ...تعرفين انا جربت الاستخاره في امور غير الزواج والله مثل الدراسه وما تيسرت اموري عشان اكمل ماستر من بعد الاستخاره والحمدلله راضيه ....

تستخير وااايد ...

**عذّبني وتركني** · 2011-11-20, 23:55

خليها تستخير أول شي
وإذا ارتاحت خل تتوكل على الله
لأن التوافيج من رب العالمين
صح انه الجوااز مهم عشان العياال ومستقبلهم
بس الاهم في الإنسان الأخلاق والدين والصلاح ...
والله يجمعهم على خير
تحيتي لج غاااليتي

**شمس الغربيه** · 2011-11-21, 00:48

انا اقوول تتوكل ع الله

تاخذه ولا تذل عمرها

والله يوفقهااا واذا في نصيب بتاخذه

**‏ƺọỐġ❤Ğăζβh** · 2011-11-21, 01:23

اهم شئ الاستخاااااااره. *

**الجوهرة 22** · 2011-11-21, 01:52

عادي خليها تجرب مره ثلاثه ورابعه وين المشكله
أهم شي تكون هي مرتاحه ...
ربي يوفقها ويسهل امووورها يـآآآآآآآآآآآآآآآ رب
اختج جواهر القبيسي

**أم فلونه** · 2011-11-21, 02:36

والله اذا الريال مافي عيب ليش ترفضه
انا اعرف وحده عرست خمس مرات

ربي يسعدها ويووفقها ولو كان في الخير ربي يجعله من نصيبها يااااااااااااااااااااااااااااااااااااااااااااااارب

**بنت سلطون** · 2011-11-21, 10:15

تستخير و وتسال عنه بالاول
اذا طلع صدق ريال زين
خلها تتوكل

**فرحة عمر** · 2011-11-21, 10:50

تبدا تستخير ربها وبعدين تقرر وربي يسعها وين ما كانت

الموضوع: تملج للمرة الثالثة وتطلق!!!!! والله حرام

أدوات الموضوع

عرض

تملج للمرة الثالثة وتطلق!!!!! والله حرام

المزيد من آخر المواضيع من نفس القسم:

المواضيع المتشابهه

موقفين نصيبها حرام والله حرام

الحمدلله...للمرة الثالثة من البيجامات الصيفية..12 ب 360