ابغي اطلق وارتاح

[اتعبني@غروري]

السلام عليكم ورحمة الله وبركاته .. شحالكم خواتي الغاليات ..

اه ما اعرف شو اكتب وشو افضفض بس انا داخله على الله ثم عليكم شورن علي الله يخليكم اللي فيني يهز جبال والله قصتي طويلة ما عرفت وين اكتبها ...


لجات لكم خواتي ... اتمنى تساعدوني فمشكلتي وتلاقون لي حل لاني صدق تعبت وملين من الحالة اللي انا فيها ...

انا الله يسلمكم تزوجت وعمري 19 سنة ...الحين كملت 5 سنوات على زواجي وعندي بنتين الله يخليهم لي اشوف الدنيا بعيونهم ...

مشكلتي مع ابوهم كبيرة والقهر انه هو مب حاس بهالشيء ...

ريلي مب قد المسوولية مب قد انه يكون ابو او رب اسرة مب قد انه يتحمل بناته ويتحملني .. من 5 سنين وانا على هالحالة .. انا فصوب وهو فصوب .. من تزوجنا وانا عنج اهلي وهو عند اهله ... مكانه بعيد عن مكاني ... يعني بييني الويكند ..

اول سنة زواجنا انا كنت اكمل دراستي عند اهلي وكنت حامل ... وعقب ما خلصت دراستي رحت معاه داومت 7 شهور وشفت حركاته واسلوبه معاي كله يعصب يتنرفز عمره ما كلمني بحب ولا عطاني الحنان اللي كل حرمة تدوره من ورا ريلها ... والله اني ما احس بالامان معاااه والله والله .. تحملت كل شيء فيه اهله مب زينين معاي .. امه عصبية وما تحب حد يخرب بيتها لو كانو بناتي ...اخوانه كل واحد يتدخل فسوالف الحريم .. والله انه ريلي مب قد المسوولية يوم انا كنت اداوم بروحي كنت اصرف على نفسي والبيت وايد عليه كان يعطيني 1000 درهم و700 راتب الخدامة بس هذا يوم كانت عندي بنية وحده .. عقب والله بروحي فكرت استقيل عسب لا يتعود اني انا اصرف حتى تخيلو اغراص البيت من الصابون لاغراض المطبخ انا ايب وحتى لو بطلب عشا من برع وربي اطلبه ببيزاتي وهو بياكل ... تحملت كل شي والله بس وصلت له انه قام يخونني من وراي .. قام يروح الفنادق ويرقد مع حريم ببيزات ... سويت له سالفه كبيرة بس اهلي تدخلو وراضونا وسكتت عن الموضوع عشان خاطر بناتي .. والحين هو ما يصرف علينا شرات الناس كل شهر بيعطيني 1500 درهم انا وبناتي الثنتين و1000 لمصاريف البيت مع اني عايشة بيت اهلي .. اجر لي بيت صوب دوامه والله والله تحملنا 4 شهور عقبه قال لي انا بيزاتي ما تكفي ما بقدر اصرف واتحمل المصاريف روحي عند امي قلت له امك ما بسير عندها لانها عصبية واصلا ما تحب حشرة يهال ودوم تنغزني بكلام وايد تسويلي مشاكل يوم تكون عندها قلت له بسير عند اهلي ببروده يابني ويقول لي انتي تفهميني ... وايد تستوي مشاكل من بيننا والله حتى وقت الرقاد ما شيء حب ولا مشاعر من بيننا يعني بياخذ اللي يبغيه وخلاص .. اصيح والله من القهر اللي فيني شو اسوي والله من يوم ملجتنا وانا اكتشف خياناته يكلم بنات بس اطوفها بس توصل له يروح الفنادق بس عقب فكرت فبناتي ..


الحين ما اعرف شو اسوي والله مضايجه انا حاليا عند اهلي مع بناتي الثنتين ,,, وهو فبوظبي ...وكل اسبوعين بيينا مرة ... يعني فالشهر مرتين نشوفه بس والله تعبت من حالتي وربي تعبت ابغي انفصل خلاص ما ابيه ...

حتى تحملت الاععاقة اللي فريلهوتحملت ايده اللي انخلعت يوم سوا الحاجث والله ما كنت افكر فشيء غيره ...قلت ما عليه ريلي ,,, وبو بناتي بس الحين خلاص مليت طفرت ما ابيييييييييييييييييييييييييييييييييييييييييييييييي يييييييييييييييييييه والله ما ابيه بتنازل عن كل حقوقي بس حقوق بناتي لا ما اقدر ... وعمري ما بحرمه من بناته والله انا متزوجه ولا كاني متزوجه يعني عادي ما فرقت معاي بناتي يمرضون انا اوديهم ادبر البيزات ممن عنج اهلي مستحيل يعطيني على كل شيء بيقول لي ما عندي ... اغراض ناقصتنا بروحي اروح ادبر البيزات واخذ يعني معتمده على روحي فكل شيء بس شو فايده عندي ريل .. خلاص عفته اكرهه هو مب حاس بكل هالاشيا ءوالله مب حاس ما ابيه كرهني عيشتي انا لمتى بتحمل للحين صغيرة ما افكر اتزوج بربي بناتي ... بس ابغي افتك منه والله عمره ما حسسني بالحب والامان .. ما احس بالامان معاه ودوم يناقرني .. احس عقليته ما تناسب عقليتي هو تفكيره بسيط وانا تفكيري فوق صدق والله التعليم يلعب دور فالحياه الزوجية هو اعدادية وانا مخلصة كلية اللي قاهرني انه هو شايف عنره .. ويكلم بنات ولا مهتم وفوق كل هدا يقول لي احبج والله ما لها طعم والله ...










بشو تنصحوني خواتي اللي فالقلب وايد ما اقدر اكتب كل شيء والله بتنصدمون والله لو قلت لكم هالخمس سنين كيف مرت علي ... ششورن علي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[منصوريه800]

حبيبتى انتى مهب محتايه الشور انتى ماشاء الله عليج ماخذه قرارج وبس تبين اللى يشجعج عليه
بس اقولج اتحملتى 5 سنين وماتبين تتزوجين ثانى
تمى صبرج مشان بناتج
ومشان انه فيه اعاقه بس بغيت اعرف كيف معاق ويشتغل يمكن من سبة جى معاشه مايسد
خراب البيت مهب بالساهل طالعيلج حلول بالاول واخر حل خليه الطلاق
والله يفك كربج وييسر امرج امين

[مرآآيم]

حبيبتي لآ تستعيلين بالطلآق

مآ تنلآمين بهالتفكير
بس اللي خلآج تصبرين 5 سنين اصبري شوي

يعني دخلي حد كبير من عآيلتكم أو عآيلتهم على أسآس يتفآهمون ويآه
وخآصة بسآلفة المصروف
لأأن غصبن عليه يصرف على عيآله وهو اللي مكلف فيهم مش انتي

عن سآلفة خيآنته لج
حآولي تغيرين عمرج يعني من نآحية اللبس والأسلوب ومن هالسوآلف
أقل شي تغضين نظره عن اللوث اللي برع

كل ويكند اطلعوآ طلعة انتي وويآه ، فندق ولـ بحر ولـ أي مكآن
وخلي بنآتج عند أهلج ، على الأقل تحتكين ويآه ويمكن هالشي يفتح مآ بينكم مجآل مصآرحة
وكل وآحد يقدر يطلع اللي بخآطره بهدووء

من كلآمج عن ريلج صح إن خيآنته فظيعة بس على فكرة شي مجآل يتغير للأفضل
بس انتي وشطآرتج

شي وآآآيد حللووول أفضل من حل الطلآق
صدقيني لو كل وحدة شآفت ريلهآ هآ أسلوبه وفكرت بالطلآق ، جآن نص بنآت البلآد مطلقآت

وطبعآ أهم شي أهم شي
صلي قيآم الليل وادعي ربج إن يسخر لج ريلج

أنآ بخبرج موقفين عن بنآت أعرفهم وهم يرمسون عن ريآييلهم

وحدة عرست وريلهآ يمووت فيهآ ومآخذنهآ عن حب مش يعني إنهآ كآنت ترمسه لآآ يعني شآفهآ وعيبته
المهم مرت فترة الملجة وكآنوآ في أحلى مآ يكون ، مآ تمر دقيقة مآ يرمسهآ فيهآ
وعرسوآ فبدت التغيرآت تطري على حيآتهم ، يعني البنت قآمت تكبر عمرهآ مآ تكشخ شرآت قبل ، أسلوبهآ تغير شوي ، الريآل دور عن الكشخة والحب برع ، وقآم يخونهآ جدآم عينهآ ويوم تتكلم وتعترض يقولهآ لآ اتخليني أعرس عليج

ووحدة عرست ومآشآءالله عليهآ كشييخة ، بس كل مآآ تكرر كشختهآ ريلهآ يقول غيري أبآ جيه اتسوين ، يعني حتى لو تكشخين وكل يوم نفس الكشخة الريآل يمل
حآولي تغيرين الروتين اللي مآ بينج وبين ريلج

وبعدين ريلج يحبج ، واعتبري هالشي نقطة لصآلحج ، وحآولي انتي نفسج تغيرين بعمرج

ولو حسيتي مآشي فآيدة حتى بطلآقج استخيري ولو كآن بانفصآلج عنه خير ربج بييسر الأمور


والله يسخر لج ريلج ويخليلج بنآتج يآرب ^^

[شما المحيربي]

حبوبة لا تتسرعين في قرار الطلاق
بيه يوم وبيتغير
وبيعوضج كل خير ان شاء الله

كلهم جيه في اول الحياة الزوجية


بالتـــــــوفيق حـــــبوبة ^_^

:: للرفع ::

^
^
^

[Um Banota]

أنا كنت بنفس وضعج، بس الحمدلله أشتغل وساده عمري وعيالي..
دايما ادعي بهذا الدعاء ( اللهم إن كان في زوجي خير لي في ديني ودنياي ومعاشي وعاقبة أمري، فسخره لي وسخرني له، وإن كان في زوجي شرا لي في ديني ودنياي ومعاشي وعاقبة أمري، فاصرفه عني واصرفني عنه)
صح هذا جزء من دعاء الاستخارة بس أنا كنت أدعيه دايما بصلاتي وفي سجودي ، والحمدلله صرفه عني ، وربي حتى لو رد لي ما بوافق أرد لأني أحس نفسي ماابغيه ومصروفه عنه ...
سامحيني ع الإطالة ...
الله يوفقج لما يحبه الله ويرضاه ...

[ضمة طفل]

لمتى نصبر نحن الحريم !!!

ليش ماندور راحتنا ؟؟؟ لمتى نتم عايشات على امل يتغيرون الرياييل ؟!!

والله لو اني مكانج بطلق ,, لايحبني ولامهتم فيني ومايدري عني ولاعن بناته ولامصرف وعند اهلي عايشه واهله مايحبوني وفوق هاه يخوون حق شوه اصبر ؟؟؟؟؟ اذا على البنات العيال بشكل عام اذا الام مرتاحه يكونون مرتاحين .. والله يمكن لو تطلقين النفقه بتعطيج اكثر عن الي يعطيج هو ..

بس خلاص سئمنا استهتار الريايييل والخوف من الطلاق اذا زواج مو مريح الوحده الطلاق افضل

مو قصدي اشيشج عالطلاق بس والله لو اني مكانج اطلق

[أم وعود]

انا عن نفسي مش مجبورة ادوس ع كرامتي وانتظر لين ينصلح حاله .. أعيش ف بيت أهلي ولا اتم دووووم افكر فيه وبتصرفاته واستحمل خيانته... بس بوقت الرقاد يناديني ... انفصل وأريح نفسي ولا أخليه يلعوزني يصيحني
الخيانة تحرق القلب وشعور قبيييييح

الله يعينج... صلي استخارة و كثري من الاستغفااااااااار
الله يجدم اللي فيه خير

[اتعبني@غروري]

مشكوورين خواتي الغاليات ..

اللي تقول لي اصبر عليه سمحيلي والله اختي يكفي ضيعت 5 سنين من عمري معاه والله ما اقدر .. ومثل ما قالو خواتي انا مب مجبورة اتحمل واحد جي لا حب ولا اهتمام ولا امان ولا مسوولية وفوق هذا مغازلجي وراعي فنادق وبنات .. انا تحملته وايد وقلت يمكن يتغير ويصطلب بس وربي ما فاد معاه كل ما نتصالح يومين بس والله ما اعطيه اكثر عن يومين عقب يرد نفس ما هو تيتي تيتي مثل ما رحتي جيتي .. وربي مب مهتم بس فالح يقول احبكم وانتو كل شيء بحياتي لو نحن كل شيء بحياته ما بخليني 5 سنين فبيت اهلي .. لو هو ما عنده شيء ما بسهولة بيرضى اني اقعد هنا ...خواتي والله بالساهل تقولون انه فكري وعطيه فرصة حطو نفسكم بمكاني والله ما بتقدرون تتحملون .. والله ما بتقدرون صدق انا مب مجبورة اتحمل انسان جذي .. ما ابيييييييييييييييييييييييييه خلاص ما ابيه .. انا دخلت ابغي الجحل يعني كيف اسير المحكمة وشو اقوزلهم ... ويعني كيف اتصرف اكيد بطول صح ؟؟؟؟


ابغي خواتي اللي مرن بتجربتي تقول لي ... وللحين انا ما فتحت الموضوع له هو اساسا ..

بس امي مهدت السالفة لامه وقالت له بنتي لو ما تحملت بتخلي ولدج اصلا عمتي ملت منه وتقول هذا ما يسمع حتى كلامي وتقول انه ما في حد بيتحمله كثر بنتكم ...

[*أم شهد*]

لا حول ولا قوة الا بالله العلي العظيم

اختي الله يكون بعونج ويوفقج بكل خطواتج ،،،

الصبر له حدود وانا معاج وحاسه فيج لكن نصيحه من اخت لاخت قبل هالخطوه استخيري مره ومرتين وثلاث واذا حسيتي براحه توكلي على الله ،،، وعن الاجراءات تقدرين تتصلين بالمحكمه او اتجوفين لج محامي يخلص امورج ،،،

[اتعبني@غروري]

كم بيكلفني المحامي حبوبة .. انا من امارة وهو من امارة ثانية ... يعني كيف اتصرف الحين ما اعرف

[shoq10]

خخخخخخخخخخخ ..ضحكت ع خواتي اللي يفكرون براحتهم من خلال الطلاق .. لاني انا وياكم بعد لو جي سوا فكرت بالطلاق .. معني مب مزوجه والحمدالله خخخ .. بس صدقوووني لو الريال خااااااااااايس ومب قد المسووليه نصييييحه من اخت لاخواتها لاتطلبين الطلاق ... تمي جي ولا تفكرين بالطلاق .. لانه اول شي نظرة الناس لج وعقبها كل ما بسيرين مكان الرياييل والناس وهلج بياكلونج .. انا عشت هالشي من خلال امي وابووي .. منفصلين بس ابويه حاليا غيير عن قبل بشووي يعني فيه تحسن قام يسال عنا .. بس والله ثم والله الحرمه المطقله غيير .. انا امي ادوام وهي صرفت علينا لين ما كبرنا وتحملنا كلام خالاتي وكلام يديتي ابوكم وابوكم وابوكم ... الاهل عل فكره ما يتحملون بنتهم اذا مطلقه والله .. وامي قاموا الرياييل يركضون وراهاا ويسوون لها حركات كلها هذاا بس عشان مطلقه .... وبنت لنا بيييت الله لا يوريكم شلون ذلت عمرها عالرياييل محد فيه خير من خواتهاا ولا اهلها يساعدونهاا .. قضت عمرها كله بس تربينا وتسعدنا .. نصيييييييييييييييحه فدييييييييييتج ريلج بيتغيير صدقيني بس خلج قووووويه شووي وداامج مخلصه كلية تفكييرج فوووق وكووني واثقه من عمرج ... والبسي وتعدلي واكشخي وطلعي واستانسي انتي وبناتج لا تحسسيهم بنقص حتى لو ابوهم مب يميهم لا تكرهين البنات فابوهم عشي جو الاسره ولو اهو مب موجود .. ... واشتغلي وصرفي ع بناتج خل تكوون عندج شخييصه .. ولا يصييير حالج من حال اميي الله يحفظهاا لنا .. نحن الحين كبرنا وكل واحد شل عمره والحمدالله ... بس انتي وبناتج صغار .. حاولي تغييرين من عمرج سويله جوو هادي مرة فالبيت وسوى عشى واجواء رومناسيه والبسي واكشخي وشوفي رده فعله .ز ما عيبه لا تتذمرين ردي مرة ثانيه وفكري بافكار يديده .. بنات المنتدى ما بقصرن ويااج من نااااحيه الرومنساااااااات خطيييييرات بمعني الكلمة احم احم ^^ وااااااااااااااااااااااااافديتكن انااا ... ربي يسعد كل متزوجه ياااارب ويرزق كل بنووته بزوووج يدلعهاا قولو امييييين ... فدييييت روحكن انااا .. والله هميتيني .. اذا تبين معنويات حاضرين راسليني عالخااص .. واي وحده بعد جي انا حاضر باللي تريدوونه يا خواتي ... اسال مجرب ولا تسال طبييب هع ,,,

موفقيييييييييييين ف حيااااتكم يااارب .. والسموحه عالاطاله .. صدقني كااتبه عنبووو ماعرف اسكت خخخخخ الحين اشوفه واايد خخخ السموحه مرة ثانيه

[اتعبني@غروري]

مشكوورة حبيبتي .. بس انا مب معاج وبعدين الزمن تغير زمن امهاتنا كانو ساكتين عن كل شيء بس الحين الحرمة تقدر تسوي كل شيء بروحها .. انا ريلي غسلت ايدي منه .. والله اني حلوة البس واكشخ وكل شيء بس ما يبين فعينه همه يوم يكون موجود يرقد معاي وبس .. عمري ما شفت كلمة حلوة منه .. خلاص مليت منه مليت ... ليش اتم مع انسان جي العمر كله وانا بالعكس عمري ما كرهت بناتي فابوهم والله اني جوم احببهم واخليهم يكلمونه بالتلفون بنتي الكبيرة عمرها 4 سنين دوم تقول لي ماما بابا ما اييلنا وايد نفس خالي .. وتقول انا مابي اسير مع بابا .. بابا ما يباني تخيلي هاي ياهل ومحتاجه لابوها يكون معاها وين حنان الابووو اذا صدق انتي انحرمتي من ابوج بتحسين بكلام بنتي وهيه 4 سنوات كيف بتم جي اصلا بناتي متعودين كله يتمون مع خوالهم واخواني يحبونهم ودوم يقولون لي ابوهم حرام اللي يسويه فهالبنات الصغار .. اسكت ما اقدر اقول شيء والله مليت خلاص ابغي افتك من هالشيء .. خلاص محد يقول لي لا تفكرين بالطلاق لانه مستحيل اتراجع خلاااااااص ...



وتدرين شو الي خلاني اقتنع وقوف امي معاي الام دوم تتمنى لعيالها الخير امي اول وحده تقول لي انفصلي عن ريلج ريل نفس هذا بتضيعين شبابج معاااه ودوم تقول انها ندمانه زوجتي لواحد جي انا يتيمة امي ربتني احسن تربية بس ربي راد اني اخذ انسان جذي الحمدلله عكل حال بس انا خلاص ما بستمر معاااي ..

[اتعبني@غروري]

حسوووووووووووو فيني خواتي بلييييز لا تقولون لي صبري عليه ما اقدر والله لو انتو فمكاني والله ما بتقدرون والله

[اتعبني@غروري]

لا حول ولا قوة الا بالله العلي العظيم

اختي الله يكون بعونج ويوفقج بكل خطواتج ،،،

الصبر له حدود وانا معاج وحاسه فيج لكن نصيحه من اخت لاخت قبل هالخطوه استخيري مره ومرتين وثلاث واذا حسيتي براحه توكلي على الله ،،، وعن الاجراءات تقدرين تتصلين بالمحكمه او اتجوفين لج محامي يخلص امورج ،،،

مشكوووووووورة حبيبتي دعواتج لي بليييز والله محتاجة

[x.maitha.x]

والله غمظتيني بس ترا الطلاق طعمه مرررررر
انتي اتخذتي قرارج بس استخيري مره ومرتين وثلاث وجوفي بشو بتحسين
واذا جفتي مافي فايده سيري المحكمة ودشي عالتوجيه الاسري وخبريهم عن كل شي
وانج تبين الطلاق للضرر وتخبرينهم الأسباب طبعن وهم بيتصلون فيه وبيقولونله تعال وبيسمعونه وبيحاولون يصلحون من بينكم واذا جافوا مافي فايده وانتي موصره عالطلاق
بيطلقونج منه بس السالفه يبالها وقت

الله يجدملج اللي فيه الخير وأحسلج داومي