طفلي حجمه صغير

**roody** · 2011-11-09, 14:46

السلام عليكم ماميز
انا مربية من شهر وولدي يبته اقل من ثلاث كيلو بشوي وللحين ولدي شكله وااااااااااااااااايد صغير الي يشوفه يقول توه طاله من بطني حتى الثياب كل شي كبير عليه ولا شي كبره
شو اسوي اعيه رضعة صناعية عشان يكبر
والله يوم اشوف ويهه اخاف لانه صغيرووووووون
مين نتكم ولده او بنته جي صغار ومتى كبر حجمهم
والله قبل يوم اشوف اليهال اقول ياحليلهم صغار والحين يوم اشوف اليهال اقول ما شا الله تبارك الله الله يعطيهم الصحة والعافية لان ولدي يمب اليهال ولا شي فديت روحه

المزيد من آخر المواضيع من نفس القسم:

**اكوني** · 2011-11-09, 14:53

بنت اختي الحين كملت شهرين
وتشوفينها تقولين توه نازله من بطنها

**ام خلود القمر** · 2011-11-09, 15:04

عادي اختي اهم شي بصحه وعافية

لما ولدت بنتي كانت 2.5 وايد صغيرة وحتى لين الحين ضعيفونه بس الحمد الله بين فترة والثانية اراجع عند دكتورتها وهي الحمد الله زينه وطمني عليها بين فترة والثانية إنه هالشي عادي أهم شي الوزن و الطول يزيد ولا تقارنين بأي حد شوفي الدكاترة شو يقولولج وإن شاء الله ما فيه إلا العافية

الله يحفظه يارب

**ابداااع للتصميم** · 2011-11-09, 16:53

عدي بيكبر اهم شي تتاكدين من اكله هل طبيعي ولا اقل وخلوه من الامراض وبس"اعطيه 7 شهور وشوفي كيف رح يصير"

**sae123** · 2011-11-09, 19:15

أنا ولدي الله يحفظه يوم ربيته كان وزنه 2كيلو و 900 جرام

يوم فش استوى 2,700 بس يوم طلع من المستشفى حسيت انه صغييييير و لبسته اكس سمول

الحمد الله عطيته صدري و يوم طلع من الاربعين عطيته صناعي عشان اساعده غير الحلبة و الينسون و الشومر و السنوت الحمد الله الحين بسم الله عليه ما شاء الله لا قوة الا بالله كبر ووزنه زاد الحمد الله رب العالمين

**الوردة الجورية** · 2011-11-09, 20:42

وزنيه في عيادة عشان تعرفين اذا زاد والا لا
تجنبي تعطينه شاي الاطفال ميلوبا وغيره
بس عطيه حليب
عن تجربتي وتجربة اختي مع بنتها الياهل من تعطينه شاي يأثر على نموه ( بجري توقف نموه من عمر شهرين لين اربع شهور!!!!!!!!) عقب انتبهت للشاي
حتى المستشفى نبهونا لهذا الشي

**~* قلب غاليها** · 2011-11-10, 08:52

شكله الجيل الياي يصغرّ

انا ولدي نفس الشي ..ضئيل وايد

بس الحمد لله أهم شي الصحه

ام نهيان * · 2011-11-21, 06:21

مرحبا اختي
ان شاء الله بيزيد وزنه اطمني ،، بس عليج بالرضاعه الطبيعيه

**نبض الشارقة** · 2011-11-10, 08:54

سبحان الله وبحمده عدد خلقه و رضا نفسه و زنه عرشه ومداد كلماته

**سوسورورو** · 2011-11-10, 13:16

أنا يوم ولدت بولدي الخامس كان وزنه 2.200والكل حشرني صغير والحين ما شاء الله عليه محد يقول انه كان صغير

**ام علاوي2007** · 2011-11-10, 14:11

حبوبه انا بنتي وزنها يوم ولدتها كيلوين و200 غرام
يوم ضعفتاستوت كيلوين
رضعتها 3 شهور وعقب صارت اترجع فقلت اغير على الرضاعه
وصرت اسويلها رضاعه ويوم كملت 5 شهور دخلتلها فارليز
وما شالله عليه كبرت فديتها والحين حرمه 3 سنين

**Mall.08** · 2011-11-10, 21:15

الله يحفظه ويحميه ويصونه من كل شر

طمني قلبج

**أم غزلان** · 2011-11-10, 21:27

هلا اختي

انا وحده من اهلي بعد يابت بنتها على 2ونص وصغيرونه كانت بس الحين عمرها 4 ماشا الله صحتها زينه نصيحه لاتقارنين مع اليهال اهم شي الصحه زينه والوزن يزيد حتى لو مب وايد

**3yoon 3lya** · 2011-11-11, 20:28

الغالية لا تحاتينه ،، انا بنتي يبتهاا وانا فالشهر الثامن ولادة طبيعية ووزنها كان كيلو ونص ،، واحين هي بنت 7 شهور

واللي يشوفها يقول لي بنت 3 شهور صغيرونه وويهاا صغير حتى اني مرات لبسهاا مال صفر إلى ثلاث شهور راجعي

الدكتور عشان تطمنين اكثر ، ومرات الياهل يظهر ع حسب جسم الام او الابو ،، وبنتي طالعه علي

**3yoon 3lya** · 2011-11-11, 20:33

هي بغيت اقولج جربي تعطينه حليب كـــيكوز انا بنتي وصف لها الدكتور هالحليب وقال لي كل الاطفاال يحبونه وانتي استشيري الدكتور ،،
ويوم يكمل ال4 شهور حطي فالحليب بسكويت ف انواع بتحصلينه فالجمعيااات يذووب فالحليب واكليه بعد ..

الموضوع: طفلي حجمه صغير

أدوات الموضوع

عرض

العرض المتطور

طفلي حجمه صغير

المزيد من آخر المواضيع من نفس القسم:

المواضيع المتشابهه

محتاجة نصيحتكن الجنين حجمه صغير

اريد منبه بس من وين ؟؟؟؟ حجمه صغير يا ترا من الحلوه الي بتخبرني ؟؟؟؟؟؟؟

الحمل بعده صغير المفروض يتضاعف حجمه بعد اسبوع

وين راح موضوع الاخت اللي تبيع لاب توب اسس حجمه صغير