عبي talk

**lovely-reem** · 2007-08-03, 00:07

بنات شحالكم...

شوفوا أنا الصراحة مليت .. أبا أغير ستايل عباياتي! خاطري أحصل مكان يفصل عبي موديلات فخمة وكشخة بس أسعارها تحت الألف .. مليت من فيرست ليدي، وفيرست جويس وربعهم.. تحسون موديلاتهم كلها نفس الشي وأسعار غالية عالفاضي.. ولا انتو شو رايكم؟

يمدحون مكان في عيمان... كله محلات عبي راقية.. حد يدل؟؟!!! وحد عنده اقتراحات لأماكن ثانية فديتكن؟!

يلا الى لقاء آخر!

المزيد من آخر المواضيع من نفس القسم:

**منشغل بالها دوم** · 2007-08-03, 00:56

عند بنايات الشيخ حميد و و راء البنايات بعد فيه و لو عندج تصميم حلو بيسوولج وسلامتج

***كـراميل*** · 2007-08-03, 00:56

سوق العبي في عيمان
عبارة عن تقليد حرفي لموديلات
المحلات المعروفه
بس باسعار اقل شوي

**Diva** · 2007-08-03, 12:20

تقدرين اتسيرين عند المواطنات اللي يسوون عبي
بس عن الارقام و الاسامي انا مب شاطرة وايد

انا بروحي ادور على الارقام و الاسماء

**lovely-reem** · 2007-08-03, 12:46

مشكورة "منشغل بالها دوم " و" كراميل" و "diva "
على ردودكم...
انتو مجربينهم يعني يضبطون الخياطة و القياسات؟؟؟؟؟؟؟وموديلاتهم حلوة؟؟؟

**..>روح غاليها<..** · 2007-08-03, 13:03

الغاليه انا فصلت في عيمان عند محل عبايه كلها شغل باللولو ع الايد والظهر وفي حركه حلوه ع الايد ومع الشيله واتخيلي كل هذا ب 400 درهم فقط لا غير واسم المحل الخزنه اممم قريب من سوق الذهب اللي في عيمان

**رفيعة الشأن** · 2007-08-03, 14:54

انا شايفه موديلات حلوه للعبي في مجله والمحل اسمه ايام في مركز الهنا
ومحل ثاني اسمه ديزاين كورنر(مقابل أب تاون مردف) وما جربت اي واحد فيهن.

اللي جربت تخبرنا.

**العنـــــود** · 2007-08-03, 14:57

محلات عجمان ما احس خياطتهم نظيفه ولاا يضبطون القياسات موووول

**أم ذياااب** · 2007-08-03, 22:21

بشكل عام أشوف المحلات في الشمال أرخص
و في بوظبي ظاربينا ظربة فالاسعار يعني اللي في بوظبي العباة السادة ب 240 درهم و ف الشمال 100 او 120 درهم و نفس الخامة و كل شي بس في بوظبي يظيفون قيمة الايجار و الكهربا والخدمات الخ على سعر العباة ...... و اللي دارسين ف الجامعة تخصص التسويق فاهين هالامور زييييييين

**Diva** · 2007-08-04, 01:47

انا ويا الاخت العنود انا جربي اهناك بس مرة و الصراحة تدفعين زيادة و لا انج تاخذين عباية تعبانة صح الموديل حلو بس القطعة لأ ...
الاخت مها الخان في ند الحمر عبيها حلوة و مرتبة و كانت في معرض العروسة بس اسعارها فوق الالف و عندج مركز ابوهيل عندهم محلات مثل سويتي و عالم الاناقة بس عالم الاناقة اسألي اذا تقدرين اتسيرين بيتها لأنه قالوا لي انه راعية المحل اتسوي بعد ديزاينات بس في البيت ... و فيرست جويس عندهم اشياء حلوة بس حطي في بالج فرع عن فرع غير تفصيلهم و ديزاينهم لأنهم كانوا شراكة و احينا انفصلوا فاسم المحل اتغير بس غير ملحوظ اممم و في محل في مردف اسمه جواهر التفصيل نظيف و الديزاين زين بس مب وايد مميز،

**نونو البنوته** · 2007-08-04, 10:25

مرحبا خواتى الغاليات
انا الصراحه كله أفصل عند المواطنات اشوف موديلاتهم حلوه وغريبه ومعاملتهم زينه واذا بفصل عباه ساده أخذ وياها شيل من محل أرابيسك اللى فى أبوظبى مول احس بعد شغلم حلو

والسموووووووووووووووحه

**عنود88** · 2007-08-04, 21:49

حلوووووووووو جربي

**هند..** · 2007-08-04, 03:53

انا اعرف وحده في الشارجه خايطين عندها انا وخواتي العيد إلي طاف كانت موديلاتها حلوه ومضبوطه +اسعاره حلوه وهذا العيد ديزايناتها عن موديلاات امدخله فيها خامات الماركات مثل لوي فيتون وديور وفندي وغيرها + موديرت الفرنسيه وبعد قالتلي في موديلات ثانيه يوم بتخلصهم بتقولي عليهم وانا اتريا ابفارغ الصبر متى التخلص عشان اخيط عندها .
واذا حابه اطرشلج على الخاص رقمها بطرشلج

**Diva** · 2007-08-04, 09:36

انا بعد بغيت رقمها على الخاص إذا ممكن
و مشكورة مقدما الغالية

**مس-وانتد** · 2007-08-04, 09:45

المشاركة الأصلية كتبت بواسطة Diva

انا بعد بغيت رقمها على الخاص إذا ممكن
و مشكورة مقدما الغالية

الموضوع: عبي talk

أدوات الموضوع

عرض

العرض المتطور

عبي talk

المزيد من آخر المواضيع من نفس القسم:

العبى

المواضيع المتشابهه

برنامج kakao talk

TALK ENGLISH

Google Talk

حديث الادوات....Tool talk

ّّّّّّّّّبرنامج crazy talk