الحمل والالتهابات

**كركر** · 2011-11-02, 19:17

مرحبا بنات
انا عانيت بداية الحمل من الفطريات وخذت تحاميل واستخدمت مرهم وغسول اتحسنت شوي بس الحين انا نهاية الشهر السادس ومن فترة أحس بحرقان بعد العلاقه وخلالها فما أكون مرتاحه وخلال اليوم تطلعلي افرازات صفرا فهل طبيعية ولا هذا أول حمل لي وما عندي خبرة بنات منوا صار لها مثلي وتعالجت لاني اخاف علا البيبي بليييييييييييييييز ساعدوني

المزيد من آخر المواضيع من نفس القسم:

**نوف456** · 2011-11-02, 19:22

لا إله إلا الله محمد رسول الله

**RNEN** · 2011-11-02, 19:24

انا صارلي فديتج شراتج يسمى التهاب المثانه على اواخر السابع وبدايه التاسع رحت عند الدكتوره ووصفلي مضاد حيوي وتحاميل بس ما سوى فايده عموماا الحمد الله ما اثر عالبيبي وبعد ما طلعت من الاربعين بفتره خاز بروحه

**FoOo** · 2011-11-02, 19:38

للرفع

**::ملاك::** · 2011-11-02, 19:52

في فتر ة الحمل الالتهابات تزيد وايد،
راجعي الدكتورة

**عمة الزين** · 2011-11-02, 20:26

أنا مثل حالتج عيوني كانت تنزل عليه افرازات صفرا ورحت للدكتوره قالت فيج التهاب عطتني مضاد وخفت وايد بس في الشهر السادس زادت عليه واشوفها تنزل واايد بس مافيها ريحه اتصلت للدكتوره قالت طبيعيه هالافرازات بس بعدني اوسوس شكلي بسير اسوي مره ثانيه مسحه مهبليه واتاكد انصحج تسيرين تفحصين *

**كركر** · 2011-11-02, 21:50

مشكورين خواتي
هل تحسون بعد بعدم الراحه من تحت والحرقاااااااااااااااااااااان اه منوه

**وجدان الفجر** · 2011-11-02, 21:52

ألف سلامة عليج أختي, روحي للدكتورة وفحصي, الإلتهاب لا سمح الله خطر على الجنين وممكن تسبب ولادة مبكرة أو التهابات للجنين وبعد خطر عليج لأنها نممكن تنتقل للمثانة أو الكلى لا سمح الله.
ربي يطمنج.

**ام خلود القمر** · 2011-11-02, 23:15

شرات ما قالت اختي وجدان

كنت شراتج ورحت عند الدكتورة كاميليا وعطتني تحاميل و كريم و غسول ولما سالتها عن الأدوية قالتلي حاولي تتجنبيها عن تأثر في الجنين وقالتلي كثري من السوائل وخاصه الماي وجفيفي المنطقة عدل

الله يسهل عليج وتربين بالسلامة

**عنود الشوق** · 2011-11-03, 00:18

عادي ختي لا تحاتين

في فتره الحمل تكثر الالتهابات لانه المناعه تكون ضعيفه فها شي طبيعي

انا مريت بعد نفس حالتج وكان في حرقان بعد وكان العلاج ماله فايده كل اسبوعين او 3 اسابيع اروح عند
الدكتوره عسب الاتهابات .. اخر شي عطتني الدكتوره تحاميل + مضاد حيوي + كريم .. والحمدلله خاز عني

اهم شي تابعي حالتج مع الدكتوره و اساليها كل اللي في خاطرج

ترا عادي بتجاوبج من منظور طبي

الموضوع: الحمل والالتهابات

أدوات الموضوع

عرض