مليت ...........

[خقاقه ومن حقي]

السلام عليكم ورحمة الله وبركاته

شحالكم بنات و امهات...... بصراحه مب عارفة شو اكتب أو كيف اشرح الي انا امر فيه انا مزوجة تقريبا من سنة في البداية حياتنا كانت وااايد حلوه وبس عقب كل شي تغير وااايد احس بملل و احس انه زوجي ما يتهم فيني نفس قبل و يطلع و لا حتى يقولي بطلعج ايلس برحي في البيت انا من امارة وهو من امارة ثانية و ساكنة ويايه في نفس امارته وما اعرف اي حد فيها و كل يوم على نفس الحالة ايلس بروحي في البيت و اذا اقوله ملانه يقولي شوفي التلفزيون و اقوله ايلس وياي يقول معزوم عند الشباب و المصيبه الكبيره انه بسافر و انا ما ادري فجأه اشوف تذكرة السفر على الطاولة و يوم سالته و يا منو بتسافر قال و يا ربعي يعني بكون في العيد بروحي بدون زوجي مب عارفه شو اسوي ما خبرني و اتفاجأ في وايد اشياء عطوني حل مب عارفه شو اسوي في حياتي مليت من الوحده الي انا عايشتنها ....... مليت و السموحة طولت عليكم


اختكم
أم سلطان

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[A+k]

والله أغلب الريائيل جيه الحين صاروا مايشاورون ولا شي گلہ ع كيفههم
خل يؤديج عند هلج لئن. مايرجع مَ'ـّنَ السفر

[الأحلام الملونة]

ما عندك أطفال ؟؟؟؟

وشو السبب يتركك ويسافر وثاني شي وين أهلك وأهلة وليش ساكتة لحد ما يصل الحال للسفر بدون أخبارك

ما أعرف كيف حياتكم لكن لكم سنة متزوجة يعني أكيد تعرفي طبعة وليش وصل الحال بينكم لهذا الجفاف

جبوبة البيوت أسرار وأكيد في أسباب لعدم أهتمامة مطلوب منك الصدق من نفسك والبحث عن الأسباب

لا يتغير الزوج بدون سبب فكري بحياتك وبحثي وعدلي أمور بينكم وجلسي معة جلسة صراحة

بعل يكون عندة أسباب ما خبرك فيها لكن بدون سبب شي غريب أختي

[خقاقه ومن حقي]

ما عندك أطفال ؟؟؟؟

وشو السبب يتركك ويسافر وثاني شي وين أهلك وأهلة وليش ساكتة لحد ما يصل الحال للسفر بدون أخبارك

ما أعرف كيف حياتكم لكن لكم سنة متزوجة يعني أكيد تعرفي طبعة وليش وصل الحال بينكم لهذا الجفاف

جبوبة البيوت أسرار وأكيد في أسباب لعدم أهتمامة مطلوب منك الصدق من نفسك والبحث عن الأسباب

لا يتغير الزوج بدون سبب فكري بحياتك وبحثي وعدلي أمور بينكم وجلسي معة جلسة صراحة

بعل يكون عندة أسباب ما خبرك فيها لكن بدون سبب شي غريب أختي

ما فيه اسرار و لا شي انا نفس ما انا ما اتغير فيني شي من بين فتره وفتره اغير وااايد اشياء و اسوي تجددات في حياتنا بس المشكله انه هو وايد متعلق في ربعه و اهم شي في حياته ربعه ... اهلي موجودين بس في راس الخيمة و انا في بوظبي و اهله موجودين بس مب حلوه كل يوم اسير بيتهم مشكوره حبيبتي

[أغليـــــــك]

ما عندك أطفال ؟؟؟؟

وشو السبب يتركك ويسافر وثاني شي وين أهلك وأهلة وليش ساكتة لحد ما يصل الحال للسفر بدون أخبارك

ما أعرف كيف حياتكم لكن لكم سنة متزوجة يعني أكيد تعرفي طبعة وليش وصل الحال بينكم لهذا الجفاف

جبوبة البيوت أسرار وأكيد في أسباب لعدم أهتمامة مطلوب منك الصدق من نفسك والبحث عن الأسباب

لا يتغير الزوج بدون سبب فكري بحياتك وبحثي وعدلي أمور بينكم وجلسي معة جلسة صراحة

بعل يكون عندة أسباب ما خبرك فيها لكن بدون سبب شي غريب أختي

[شمسه الظاهري]

أنتي من أى اماره الغلااااااا

[خقاقه ومن حقي]

أنتي من أى اماره الغلااااااا

هلا اختي شمسه انا من رأس الخيمة بس ساكنه في بوظبي ............ عندي ولد واحد بس

[لك غلاي]

غيروا روتين حياتكم ^^

انا نفس الشي بس اغير الروتين يرجع عدل

[مشاعر مبعثره]

حبيبتي الله يعينج بس انتي كوني اكبر عن جيه جهزي له شنطه السفر وقولي له اتروح وترجع بسلامه بس ما اعرف هذا العيد من دونك كيف بكون

استانسي له يمكن عنده مشكله او مضايق من شي

حبيبتي الله بيسر لج اياه واهو بحس بتانيب الضمير

دايما اقول لاخواتي تمسكني بتتمكنين يعني لا تضايقين ولا تبين له واكمتي في قلبج بتكسبينه جيه

الريال ما يي بشده او صراخ او زعل بالعكس

الله يسر لج امورج

[*أم شهد*]

للرفع ،،،،

[سامبا سامبا]

الله يسر لج امورج

[بدر البدو]

الله ييسر امورج ويسخر لج ريلج يارب

[BINT SHJ]

الله يعينج حبووووووووبه
المفروض تشغلين عمرج باي شي غير الريل لووووووول
روحي نادي تعرفي عن بنات
لو مش مكمله دراستج كمليها
واااااااااااايد اختيارات فلاتترين من انه يقولج شي
تعلمي السواقه
روحي معاهد لغات
اشغلي نفسج

[totoo]

الله يكون بعونك والله
يختي مش حلوة الحركة .. كنه حطك تحت الأمر الواقع
يعني خلاص مسافر .. مع انه الدنيا عيد والأصل يعيد مع زوجته وابنه مش أصحابه !!!!!!!!!!!

الله يسخر لك زوجك يآرب ويصلح أحوالكم
ادعي الله ييسر أموركم ويرده لك ردا جميلا

[امل نبيل]

اختي الغالية والله مشكلتج نفس مشكلتي في بداية شهور من زواجنا، كان يخليني بروحي فالشقة و انا مو متعودة و كنت بروحي توني ما صارلي 3 شهور متزوجة انا من امارة و هو من امارة و نفسج ما اقدر اروح دوم عند اهله
و سالفة سفر ريلج نفس سالفتي سافر ليلة العيد مع ربعه رغم انه صارت مشكلة من بينا بس ما اهتم راح و سافر و خلاني بروحي يومين فالشقة و اهلي ما يدرون بس عشان لا حد يقولي شي.. بس رد من السفر و هو ندمان و بنفسه قالي انا ما استانست
تعرفين شو كنت اسوي:
1- قبل العيد رحت و تحنيت و تكشخت يعني كأنه موجود وياي و سويت هالحركة بس عشان ابين له أني كاشخة حق نفسي مو حقه
2- لما راح سلمت عليه عادي و كنت كوووووول ولا قلت له بتوله عليك بس لما كان بينا مسجات كان العكس
3- لما رد من السفر كنت جاهزة له كشخت نفسي و عدلت استايلي وعدلت الشقة و بخرته و شريت اكسوارات يديدة واستقبلته بشوق بس مو نفس كل مرة
4- ما تكلمت وياه أبدا عن السفر و بعدين هو بنفسه تكلم و قالي
" اختي انتي عارفة طبع ريلج قبل لا تسوين اي شي"

لا ضايجين نفسج بما انه قرر يسافر خليه يسافر لان مستحيييييل يكسر كلام ربعه " نفس ريلي كلش ولا ربعه"، خلال سفره قعدي بينج و بين نفسج و فكري بحياتج اسألي نفسج ليش تحسين ريلج تغير عليج يمكن انتي مو حاسة بشي او يمكن ريلج فيه شي يمكن مضايج من شي عشان جي خليه لين ما يرد من السفر و استقبليه بشوق و حاولي تغيرين الروتين و اذا لا سمح الله شفتي ريلج نفسه وما تغير اقعدي معاه جلسة مصارحة
خلي حق الفترة حق نفسج ارتاحي و فكري بهدوء


الله يوفقكم ان شالله و يسخركم حق بعض*