أأأأأأأأأأأأه بعدني .......

**مـــكتفي** · 2011-10-31, 22:07

الســــــــــــــــــــــــــــــــلام عليكم ورحمة الله وبركاته
صباحكم / مسائكم عسل
شحالكم اخواتي ؟؟؟
اليوم حبيبت اطرح مشكلة تخص اخويي وهذي اول مشاركة لي بها المنتدى ترددت وايد عشان اعرض مشكلة اخوي بس توكلت على ربي واعرف انكم ماراح تقصور
البــــــــــــــــــــــــــــــداية:
اخويي هذا عمره في بداية العشرين قبل لايتزوج كان يحب بنت خالتي مب بس يحبها الا يموت فيها وكل اهلي كان يعرفوا بها الشي كان كل ماتيي بيتنا الضحكة شاقة الويه(ماكأنه توه يصارخ وينازع) حبها حب مب طبيعي ....وطبعا حيرها حقه من كان عمره 17 سنة تقريبا بس للاسف صارت مشكلة(خاصة ) مابعرضهها حقكم وافترقوا وامي من درت تمت تحن وتزن على راس اخويي انه يعرس وينسى بنت خالته بس هوه مب راضي لين قالته (والله لو ماعرست بتم غضبانة عليك ليوم الدين) واخويي استسلم وعرس بس آآآآآآآآآآآآآآآآآآآآآآآآآآه ياليته ماعرس وماياب ها الفقيرة عندها وظلمها ...الله يشهد يابنات انها البنت طيبة وعلى جمال وكلنا نحبها بس اخويي مب قادر ينسى بنت خالتي ...بنت خالتي (ملكة جمال) جميلة واااااااااااااايد وعلى اخلاق عالية ومن عرس اخويي هيه قد ماتقدر تحاول ماتتقرب منه وتطلع من الحجرة الي يكون فيه بس هوه مايحترم حد وخاصة حرمته يسوي اشياء تخلي الي ما مات قهر يموت غصب .....حرمته وايد صبرت عليه وامس تقلي تبا تطلق منه تقول ليش اعيش مع واحد قلبه وعقله مع بنت ثانية
اخويي يبا يرد بنت خالتي له ورمس ابويي انه يبا يخطبها وقال انه بطلق حرمتي (ماتهون علي الحب احطلها عديلة ) عدال ها المسكينة قال جيه وحرمة اخويي منهارة وهيه فقيرة ماعندها ابو وامها كبيرة فالسن مانريد نحن يستوي شي لامها ............بنات انصحوني شو نقدر نسوي او نقول لاخويي عشان يخلي حرمته على ذمته ومايطلقها؟؟؟؟

المزيد من آخر المواضيع من نفس القسم:

**بنت القوااايد** · 2011-10-31, 22:15

لا حول ولا قوة الا بالله
يا رب اجعل زوجته قرة عينه
والله ما اعرف شو اقولج ان شاء الله الاخوات يساعدنج

**MOON_AD** · 2011-10-31, 22:17

تدرين شخص واااااااااااحد بس يقدر يرده عن الي فيه بنت خاااالتج

سوااااااااااااال اذا خطب بنت خااالتج بتاااخذه ولاااااااااااا

**قـلب ،** · 2011-10-31, 22:20

انتي كلمي بنت خالتج وتفاهمي وياها ع اساس
اذا خطبها ترررفضه حتى لو مليوون مرررة

كسرت خاطري حرمته والله

ماااا يستاهلها ووف يوم من الايام بيندم اذا طلقهاا .

**A+k** · 2011-10-31, 22:20

ليش أصلا زوجتؤه وهو فقلبه وحدة ثانية هذي أكبر غلطة
هو أصلا ماتفرق عنده حرمته انقهرت ولا ע أهم شي عنده الحين
حبيبته أنـﺂ̷ أقول خل تنفصل عنه لأن لو تزوج بنت خالتج بينسئ حرمته خير شر

**شمس الغربيه** · 2011-10-31, 22:27

بنت خالتج هي الوحيده الي بتحل السالفه .. اذا هي بنت ناس وتعرف الاصول ومتربايه بترفض اخوج .. لانه معرس وهني تروم تكسر قلب اخوج .. ويحب حرمته وما يفكر ياخذها لانه مرفوض .. والله يصبر حرمة اخوج .. ويسر امورها .. قولي لها تستغفر ربها كل يوم وتقرا سورة البقره .. وقولي لها اصبري ترى الصبر حلو .. وتنسى سالفة الطلاق حتى لو اخوج مب اوك وياها .. وخليها تكون قويه وصبوره وما تنزل دمعتها يدامه .. الله يسر امووركم .. والحلو فيج انج مب عنيده ولا انج نذله ,, والله يسر امورج انتي بعد ويرزقج الي تتمنينه ..

**مـــكتفي** · 2011-10-31, 22:55

شكرا لكل الي رد علي ....الله يسعدكم يارب
وعلى سالفة بنت خالتي هيه ماتعرف انه يبا يردها وهيه بصراحة قمة فالاخلاق والادب ومستحيل تخرب بيت حد
واخويي الله يهديه متخبل عليها ..... يعني بصراحة يااخواتي انا عايشة وياهم واشوف كل الاطراف متعذبة
ارحمنا يااااااااااااااااااارب

**دلوعه فزاع** · 2011-10-31, 23:20

اوووف لاتزعلين اخوج اناني والله غمضتني فديتها الله يصبرها والله يوفق اخوج

**خوخة راك** · 2011-10-31, 23:25

السموحه بس اكبر غلط زواجه وهو فقلبه وحده ثانية؟؟
يعني شو استفدتوا الحين معذبين اخوكم وبنت خالتكم وظالمين مرته الفقيره حرااام
3 اشخااص ضحية هالزواج
خلااص خلوه ياخذ اللي يباها لا تعقدون الموضوع اكثر
ومرته ان شاء الله بتحصل حد يقدرها ويسعدها

**فرحة عمر** · 2011-10-31, 23:30

حرام حرمته شو ذنبها .. كان المفروض ما تجبرونه على الزواج وقلبه متعلق بوحده ثانية هو مب غلطان هاي مشاعر ما يقدر تحكم بها .. الله المستعان

**مـــكتفي** · 2011-10-31, 23:36

استوت سالفة بسبتها افترقوا لو تعرفوها مابتلومونا انه خليناه يعرس
نحن نبا حرمة اخويي لانه بصراحة ماشفنا عليها الغلط ..... بناااااات ابا نصايحكم عشان اخويي مايفكر يطلق حرمته شو ممكن ها الفقيرة تسوي

**امونه ^^** · 2011-10-31, 23:58

الحل بيد بنت خالتج ,,

رمسيها و اقنعيها وخليها تعطييه كلمتين فالصميييم

**كلي_جاذبيه** · 2011-11-01, 00:42

حتى لو بنت خالتج رفضته شو يضمنلكم انه يتعلق بحرمته ويحبها ؟

**ملكة الاحاسيس** · 2011-11-01, 01:31

لاحول ولاقوة الا بالله

انا اقول لوماشي عيال امبينهم ايريحها من وجع القلب
اصلا شو يلي مخليه متمسك بحرمته دامه يبي الحب ?

لاتقولين عشان امه حلفت ولاقالت بموت لابتموت ولافي حد بيموت قبل يومه!

اعوذ بالله كرهت تفكير اهلج كيف قالو له ياخذ بنت من بين اهلها واحبابها وناسها
يأخي الي ماترضاه لاهلك لاترضاه لبنت الناس

**الوهاج** · 2011-11-01, 01:34

اللي صار صار وخلصنا..والمكتوب ترا ما شي يرده
لا تمن يا خواتي تقولن كان مفروض تسووون....إلخ

صراحه انا اشوف مافي شي ترومين تسوينه لا انتي ولا اهلج .. اخوج ريال وشوره في راسه واذا يبي يعرس بيعرس ..بنت خاله او غيرها ما تفرق

وعلى حرمته اذا حابه تتم على ذمته خير والله بيعينها ..واذا طلقها بعد خير وربي بيعوضها ان شاء الله

كل اللي تقدرين عليه انج تهدينها وتهونين عليها الامور ...وتذكرينها ان هذا امر كتبه الله عليها فيه خير مثل مافيه من الشر .. وما عليها غير انها تصبر ..ومأجوره بإذن الله ...لانها لو اعترضت وزعلت تم تقول ليش جيه صار لي وانا هب غلطانه ومن هالرمسه ما بيتغير في حياتها شي ..غير انها بتضيع على عمرها اجر الصبر

الموضوع: أأأأأأأأأأأأه بعدني .......

أدوات الموضوع

عرض

أأأأأأأأأأأأه بعدني .......

المزيد من آخر المواضيع من نفس القسم:

المواضيع المتشابهه

تصدقون بعدني ما !!!

بعدني ف نفس السالفه

أأأأأأأأأأأأه من غدر الزمن

بعدني ماطهرت..؟

بعدني •.•